八方台式麵屋 (新都城中心二期)

营业中

休息中

星期一經過勞碌工作後肚很餓了，就來到家中附近的餐廳覓食，見到🈶間台灣小店便進去。餐牌食物選擇算多，容易選食物。二人點了些比較台灣地道的基隆南門面線，炸雲吞，大腸拼小腸 ，台灣肉燥麵，茉香綠茶和原味鮮豆乳。基隆南門面線夠滑，由於材料多，湯挺香的。大腸拼小腸比較有驚喜，有青瓜，小腸甜甜的，大腸好有口感，它是用米製作成，黏黏地，首次品嘗。台灣肉燥麵的面不錯，面質帶韌性，也夠滑。欣賞餐廳的杯和環境營造快樂聖誕感覺

上次逛街經過餐廳，驟眼看招牌，還以為是一間日式拉麵店，這次細看才知道是一間台式餐廳，餐廳亦有供應水餃鍋貼，未知是否與連鎖店八方雲集有關聯🤫🤔🤔😋😋😋食物上桌速度很快~🌟懷舊紅燒三寶麵 (餃子、牛丸、牛腩)超級足料，很飽肚🙊🙊特別欣賞湯底，雖然我不太能吃辣，但這個湯底很惹味~🌟懷舊飄香魯肉飯豬肉肥美，醬汁香濃，但略嫌醬汁有點不夠😶🌟台灣香腸口感香甜可口，卻不會有過份的油脂感，很有台灣夜市的風味😉🌟原味鍋貼(5隻)味道跟八方雲集的幾乎一樣，香脆金黃的外皮配上滿滿的豬肉餡料😋飲品方面卻比八方雲集所供應的種類更多，我們選了黑糖珍珠鮮奶和蜂蜜檸檬，黑糖珍珠鮮奶偏甜但黑糖味道突出，而蜂蜜檸檬喝起來很清新🙂🙂如果這間真是八方雲集旗下的新品牌，實在是一個成功的嘗試👍除了老本行鍋貼水餃以外，其他食物和飲品都有一定水準~而且定價不貴🤓Nice~

懷舊紅燒三寶麵食台灣麵當然少不了紅燒麵，三寶有餃子、牛丸、牛腩，雖然不是台灣牛肉，不過配合香港口味我都幾喜歡。飄香懷舊滷肉飯每次食滷肉飯我都只有一種感覺，就是不停送飯落口，甜甜的醬汁，仲有豬肉豬油既香，真係好送飯原味鍋貼食套餐加多少少錢，又多小食，鍋貼新鮮出爐，熱騰騰咁食台灣古早味香腸台灣腸都係喜歡食的小食之一，比普通香腸甜，而且煎過令外皮脆脆地，更加好食原味鮮豆乳/黑糖珍珠鮮奶自從黑糖奶興左之後，食台灣野見到有得飲，都會忍唔住試試，最重要的是不會過甜，味道剛剛好就足夠

新都城最近翻新左唔少，行街見到間新開嘅台式餐廳，價錢貼地，就順便喺度食晚餐~懷舊飄香滷肉飯~分量幾大碗，採用半肥瘦豬肉，富油香但不過分油膩，肉質厚實，撈飯一齊食感覺滿足☺️滷蛋吸收晒滷水汁精華，食落帶有鹹鹹嘅蛋香味道~彈牙紅燒牛丸牛腩麵~湯底牛肉香味濃郁，微辣，有少少刺激味蕾嘅感覺，牛丸夠彈牙，咬落去有爆汁感覺，非常juicy~牛腩燜得都夠林，肉質滑嫩~原味鍋貼五隻~鍋貼啱啱好，有煎過嚟餃子皮夠香脆，但內裏嘅豬肉餡料則能保住肉汁，咬落不會乾身~台灣腸~最喜愛呢味菜，因為台灣腸既皮焗得香脆，同內裏軟林林既肉有強烈對比，口感豐富，而且帶有少量油脂富油香~冷泡桂花烏龍~估唔到冷泡茶都有咁香濃嘅茶味，加入桂花令濃郁嘅茶帶有微微桂花香，有解膩感覺~黑糖珍珠鮮奶~滑嫩嘅鮮奶配上甜甜嘅黑糖味道十分夾，加入煙韌嘅珍珠令整杯飲品更有口感~而且賣相也不錯，外型夠吸引~

今天同家人行街經過位於商場內新開的小店，小店主打台灣地道野，我地就入左去試試☺️店內裝修都光猛，仲有唔少可愛壁紙😌店內坐位唔算太多。但都坐得幾舒服😊小店提供點餐紙，客人可以自行劃自己喜歡嘅野食👍🏻我地揀左半筋半肉牛肉麵，追加左炸花枝丸，煎鍋貼，仲有台式魯肉飯☺️加左2杯飲品，分別係熱蜂蜜檸檬🍋，同黑糖珍珠鮮奶😆半筋半肉牛肉麵好香，麵質食落好滑😍配上牛肉嘅濃湯汁，好好味😌牛肉都唔會太老，仲有唔少牛筋👍🏻台式魯肉飯係用半肥瘦滷肉整嘅😌香香軟軟嘅白飯配上半肥瘦嘅滷肉好香😉仲有滷水蛋🐣小食方面炸花枝丸，食落好香，熱辣辣，有脆皮嘅感覺，丸入面真係有花枝😍另外煎鍋貼真係外面香香脆脆，入面有肉汁😋家人揀左個黑糖珍珠鮮奶😆飲落甜度剛好，珍珠好Q🤤而我就點左熱蜂蜜檸檬🍋飲落好似柚子茶☺️飲完成身暖笠笠，值得推介👍🏻仲有餐廳可以點飲品外帶，佢地個杯設計得好靚，好有聖誕氣氛🎅🏻🌲

八方麵屋係一間台式食店，睇個名會以為係日本野😂。全間鋪嘅嘢食都唔錯，特別推薦係個麵真係好好食👏🏻 台式雲吞麵有幾粒小雲吞，麵比較淋身但係個湯又好好味。而且最鍾意係佢啲紫菜，甜甜地好好味😋滷肉飯係偏鹹啲嘅，但係都唔算太油，因為出面好多滷肉飯都超油架😫初初望落去好似滷肉汁唔多，以為比較乾，但其實個底都有好多汁，食到尾都唔會乾爭爭👍🏻紅油雲吞真係有啲辣，唔係講笑架，見到一粒粒辣椒籽。我自己唔太食得辣就唔會太okay辣咗少少，當然鍾意食辣嘅朋友應該鍾意~鹽酥雞真係好鬆脆啊，而且亦都好惹味，不過我唔鍾意芫荽架...佢放咗唔少喺底就有少少重味啦！如果下次冇見唔使喺底就好啦！黑糖珍珠鮮奶真係好有黑糖味，珍珠好煙韌，細細粒都好易食。❤️冷泡桂花烏龍茶茶香味較淡，不過大大樽清清地好好味。唯一要挑剔係個樽口太大，個蓋唔係好好扭呀🤔 希望有改善啦~

經過將軍澳新都城中心二期見到有新開的台灣餐廳～八方台式麵屋， 見到餐廳入面很多顧客， 心諗一定好好食，所以即刻去試下。 😋食台灣菜點少得牛肉麵？點返個半筋半肉牛肉麵$65， 跟住又好想試下這裏的麵線～基隆廟口麵線$48， 再加小食和飲品～夜市花枝丸5隻( 追加小食 $15)， 招牌豬腩刈包$32，蜂蜜檸檬( 加配套餐飲品 $10)， 黑糖珍珠鮮奶( 加配套餐飲品 $20)。基隆廟口麵線～ 超大碗好抵食， 麵線裏面有豬大腸和貢丸，推介。👍🏻半筋半肉牛肉麵～ 牛筋和牛腩炆得夠淋好入味， 湯底濃郁帶辣， 麵的質感煙韌， 不會感覺太軟， 配菜有紅蘿蔔和白蘿蔔， 兩款都好甜美。🥢😋夜市花枝丸5隻～ 花枝丸口感有點硬， 幸好味道可以。招牌豬腩刈包～ 見香港好少有刈包， 所以試下， 包皮有點像饅頭， 軟淋淋又夠熱， 豬扒煎得好香， 配上青瓜可以去膩， 非常好吃， 必點推介。💯蜂蜜檸檬～ 估唔到飲品都唔錯喎！ 檸檬味超香， 甜甜地帶點酸。黑糖珍珠鮮奶～ 鮮奶好香滑， 珍珠煙韌有咬口。八方台式麵屋價錢經濟， 食物水準中上， 絕對值得推介。

今日收工行經新都城，見到一間台式店舖門口企左好多人。原來係食台式菜式，於是同朋友決定一試。一打開菜單見到有套餐，於是二話不說即刻叫咗兩個套餐試吓。一個係台式滷肉面配花枝丸。台式滷肉面嘅魯肉有些少肥，但係入口軟綿綿，撈落面度十分之惹味。花枝丸炸得香脆，內裏彈牙，調味甚佳，值得一試。另一個套餐係韭菜餃子湯麵配炸豬排。麵平平無奇，餃子食起嚟同八方雲集差不多應該同一貨源。我哋就叫咗兩杯嘢飲分別係珍珠奶茶同埋桂花烏龍茶。桂花烏龍茶聞落去時有好清新嘅桂花味，但飲起上嚟只有些少味道嘅桂花。

新都城二期1/F新開了間台式麵店，終於在週末有機嚐到《八方台式麵屋》了雖然鋪頭雖小，座位相當狹窄，但食到性價比的台麵（一個餐大概5/60元），都值得了餐牌上配搭和選擇多多，大部份都是$50-60，相當經濟實惠最後點了一客台灣乾拌肉燥麵配皮蛋豆腐和茉莉綠茶。台灣乾拌肉燥麵 $52台灣麵麵質相當煙韌柔軟，配上炮製得香濃的肉燥粒，滿是台北街頭的情懷咬下去香脆可口的小棠菜再配上半隻滷味十足的滷水蛋，作為拌麵的配角跟餐的皮蛋豆腐，冰凍的皮蛋和豆腐淋想香濃的醬汁，鹹鹹的幾滋味又有木魚，增強口感，相當好味的小食。

新都城二期最近新開咗一間台式麵店，晚飯時間都幾多人食，咁啱今日有啲興致，就入咗去試下！💡餐牌都係一啲台灣出名嘅麵食，有牛肉麵同乾拌麵，仲有一啲餃子添🥟 選擇都幾多，而且價錢唔貴。我揀咗基隆廟口麵線，套餐包埋餃子十隻以及可以加錢配台式飲品。餃子我選了原味水餃，飲品則是台灣茉香綠茶🌸 麵線有肉丸作為配料，再加上了一點芫荽，賣相挺吸引。份量方面都夠多，味道也不錯，食落去唔咸。$48 麵線包埋十隻餃子真係好抵！🤤 入面係豬肉餡料，餃子皮食落去都煙銀，唔係一咬就淋到散開哂個種。不過對我嚟講份量真係有啲多，我諗五隻都應該夠食。飲品我加咗 $6 配台灣茉香綠茶。味道同出面台式飲品店買的一樣，少少甜但好喝！💕 杯的圖案也很可愛❤️附上家人點的原味鍋貼，一樣是豬肉餡料，煎到金黃色，食落去好香好脆！😙

新都城開咗間新嘅台灣野餐廳🥰好台者(正是本人)趁未有得去台灣就過黎過下口癮🤣依間店主要係set咁俾客人揀我地每人叫咗個set 一個麵一個飯😝-🍱台灣小食豐味餐 $60主食點咗懷舊飄香滷肉飯🍚滷肉肥肥地入口即溶☺️好邪惡但真係食完一啖又一啖🤣小食就要咗台式鹽酥雞🐥份量都幾多味道不過不失🤓-🍜台式乾拌麵系列 $52濃香麻醬麵真係十級邪惡麻醬份量係勁多🤤勁香勁惹味 同人share好似即刻健康返🥴而小食點咗個皮蛋豆腐係真係癲超級好味真係必點我覺得成餐最好味就係佢😍冰凍滑豆腐配上木魚同啲甜甜地嘅醬唔知咩醬 要問下佢廚師先得但係真係停唔到口🤤🤤🤤-平平地又幾好味嘅台灣菜🤔一定會返黎encore豆腐☺️🤣

路過見到套餐都幾吸引，於是入咗去食睇到餐牌先覺得同八方雲集好似，應該係同一個品牌啦兩杯飲品都有驚喜！阿薩姆紅茶有啲似檸檬茶個底，兩個都比較清爽，唔會過甜👍🏻幾好飲辣味同埋麻醬嘅味道幾突出，糖心蛋都有調味。美中不足嘅係唔夠鹹，如果鹹多少少嘅話成個味道會更加平衡😄麵線同埋鍋貼都係平時八方雲集嘅味道冇咩特別皮蛋涼拌豆腐，仲有啲木魚碎。調味醬味道都幾夾，如果皮蛋切好一片片會更加好。可以方便一口食晒皮蛋同埋豆腐☺️豆腐略嫌唔夠凍，如果再冰凍一啲，涼拌會更加好食

某日經過新都城，見咁多人排隊等位，原來開左呢間台灣野，於是係寶琳別無其他選擇下試一試等左十五分鐘左右就入座，位置頗逼，枱與枱十分近，隔離位坐著非常百厭的小女孩，放哂d玩具上枱玩，父母又唔理，很嘈，不過唔理照開餐。2人點了一個魯肉飯配師大炸豬扒，一個柯仔面線配韮菜煎餃最後叫左2杯飲品，一個台灣野必飲既珍珠奶茶🥤，一個就黑糖冬瓜茶，都是很甜的最後埋單好似百三蚊左右，不過不失。下次會再試佢其他食物。Ps:多人等位時，員工感覺想趕人走。

行過見到有新店開張，好多人都好奇望下有咩食，我同屋企人都唔例外係一間台式野，價錢都合理，仲好多人食，一於試試室內不大，但仍有一幅大牆畫了好得意的壁畫Menu就是呢兩頁，不多但想食嘅台式食品飲品都有原味鍋貼（跟餐$15）好味😋點左醋汁超開胃！鍋貼底煎得好香脆，而面頭又夠軟熟台灣香腸$25好想食，所以散叫左。超香甜，外皮好脆好好食😋滷肉飯$60滷肉好香，有豬油香，拌飯好正。仲有半隻滷水蛋，好入味👍🏻台灣牛肉麵$58好大碗，好多牛展😻牛展爽口，襯埋呢個湯底冇得頂。湯底微辣，幾開胃。仲有一碟雪菜送埋。仲有菜同半隻流心蛋黑糖珍珠鮮奶（跟餐加$20）呢到竟然有得飲😍而且冇出面飲嘅咁甜，黑糖比例控制得好好，好飲仲唔會膩

寶琳新都城新開咗間台灣菜《八方麵屋》，新屎坑湊熱鬧去試下，估唔到有驚喜😝服務嚟講，侍應服務態度好好，好貼心；另外，雖然店內坐滿客人，但落咗單之後上菜好快，抵讚！店面幾光猛，臨近萬聖節仲有少少裝飾添👻叫咗個豐味牛肉麵套餐，有碗麵，可以加錢加配小食同飲品。懷舊紅燒三寶麵 ($65)（餃子、牛丸、牛腩）個湯有好濃嘅牛味，太好飲，食到後面會有啲覺得個湯唔夠多🤣牛丸好彈，值得一讚！加埋紅白蘿蔔令到成碗麵感覺好豐富、好飽肚。溫馨提一提，因為碗湯嘅芫荽味會比較重，如果你唔鍾意芫荽嗰陣味，記得喺叫呢碗麵之前同侍應講呀😊夜市花枝丸 (+$15)唔係講笑，呢個好好食！！！花枝丸口感外脆內彈牙，灑上胡椒鹽，食到停唔到口🤤冷泡茶南投桂花烏龍 (+$12)跟餐嘅嘢飲揀咗冷泡茶，味道係南投桂花烏龍。其實今次係我第一次飲冷泡茶，估唔到用凍水沖茶係一樣咁好飲，茶味清香，唔甘苦。嗰晚飲唔晒，第二日仲飲緊，但佢一啲都無苦澀嘅味道！另外以下係散嗌嘅：基隆廟口麵線 ($22)基隆廟口夜市係台灣一個幾出名嘅夜市嚟，而麵線就係入面其中一樣必食嘅嘢嚟。呢碗麵線以「廟口夜市」嚟命名，就睇下佢係咪真係咁好食啦！麵線軟爛啱啱好，口感滑順