八月小品 (已結業)

每次路過這食店都有人等位，今日（16/11/2020）放假，決定來試試。早上八點九嚟到，要等八張枱，比起星期六及日，應該快好多。見餐牌有套餐，一主食配一點心及一主食配二點心，價錢分別係$40及$52。點了一主食配二點心粟米魚肚粥 潮州蒸粉果及香滑奶皇包粥好綿，有四塊魚肚，油炸鬼仍脆口另點了二款小品三拼，各點心得一件，啱晒我哋，想食多款點心又怕肥既人，過吓口癮，都係唔錯既選擇。蜂巢芋角、鹹水角、雞絲春卷鮑魚燒賣、帶子燒賣、鵝肝燒賣埋單$117.7，2人食，平均唔駛$60

市道不景氣， 早排好多餐廳都選擇停業，減少開支。疫情近來開始有好轉，市民都陸續開始出嚟消費。「八月小品」可為其中一個 #表表者，停業差唔多半年，上星期五終於恢復營業，樓面員工數目明顯比以前多，本來我對佢哋嘅服務真係要俾個like，不過埋單嘅時候，眼見個 #經理仔 因為啲小事攞啲 #收銀員 發脾氣... 無品🤨講返啲食物，真係可以話 #價廉物美， 下午茶時段$50已經有一個 #蒸飯 加兩個 #點心，我哋3個人叫兩份就啱啱好🤪 #鳳爪排骨飯 比較香口，不過 #蒸雞飯 都唔差，而且一樣好多捧場客，好快就售罄🤪 值得推介係佢哋嘅 #綿花雞，#魚肚 比啲 #雞汁 浸哂裡面，#即叫即蒸 鮮味到暈🤤 另外嘅 #鮮竹卷、蒸牛肉球 都好有水準... 掂呀👍🏻

難得同家人食晚飯，揀咗間體面啲嘅餐廳。.佢嘅炒時菜幾特別，竟然加咗蟲草花嚟炒，食落去別有風味。.只係我嫌菜苗食落去仍然有少少青味，可能我食唔慣啦。.咕嚕肉點紅點綠，賣相精緻。.而且炸得好香脆，配上酸酸甜甜嘅醬汁，食落格外開胃。

是日系黃大仙辦事，完事呀媽話想食中菜，簡左一輪，最後決定試下呢間八月小品老人家系鐘意中菜多D咖喇<家嚐四位餐$480>四位餐好似幾吸引，有湯，有菜，有海鮮瑤柱粟米羹Um...屋企煮好食d 招牌大盤雞辣辣地開胃惹味，爆得好香口，薯仔全部炸過再整成雞煲，份量足翠玉瓜雲耳炒蝦仁普普通通喇龍躉斑麻麻地唔多肉，不過肉質都幾滑蟲草花翡翠苗口感好得意，清爽幼嫩，不過無咩味<龍蝦配米粉底$268>呢個真系麻麻地，龍蝦多殼無咩肉食米粉底煎得唔夠燶，無咩火候

呢兩個星期公司都鼓勵大家 Home Office，不過間中 小秘書 都會返吓公司，處理吓啲文件再返屋企靜修。呢日襯星期六，就叫埋爸爸、媽媽 出嚟飲個 下午茶☕️ 聚吓天輪。因為唔想佢哋行太遠，就揀咗最近車站 嘅 八月小品。以前一向人頭湧湧 嘅下午茶時段，呢日人流比較浠疏，唔使排隊就可以直接入座🥳原來呢度嘅食物都幾優惠，$50就可以叫一個 蒸飯 + 兩款 點心，不過就當然唔係樣樣都啱食，唯有叫啲正價嘅點心 嚟互補😉 媽媽就最鍾意食佢哋嘅綿花雞，我都覺得口味唔差😋 不過 小秘書 我就當然一定會叫 鮮竹卷，貪佢大大件夠飽肚，仲有排骨蒸飯 都做得唔差，肉汁 同 豉油 混埋落 蒸飯，好香口呀😋開放式嘅廚房，似乎更有效率，連埋單都係自助式，啱晒我哋呢班趕時間嘅食客💪🏻

難得只有幾個人等位，拎籌入去試試，座位不會太迫，侍應有禮貌。中午有好幾款套餐，說實話，套餐比散叫正價真係抵好多。好似今次叫既套餐包 2個飯/麵，1碟菜，4個點心，點心還有燒賣，芝麻蝦巻，牛肉腸粉等，都係$2xx(未計小費加一)。估唔到簡單既乾炒牛河炒得好夠火喉，牛肉不老還很嫩，河粉顏色均勻很入味，牛肉同河粉比例係1對1。反而鮑汁雜菌伊麵好一般，唯一伊麵比外面幼細，味道很淡，菇太少。蟲草花菜苗都係意外既唔錯，雖然味道清淡，但很原味道。另外素春巻好少酒樓會有，雖然冇蝦換成椰菜，完全沒有影響口感。

已吃過好幾次，終於的起心肝寫食評。前天晚上再次到訪，今次點了晩飯孖寶，＄238有龍蝦伊面，大盆雞半隻。兩個人食，都好夠飽。龍蝦伊面味道正常，大盤雞有驚喜，上枱時仍吱吱渣渣，要用匙羹炒下以免食物癡底，有少少辣，好惹味，雖然得半隻雞，但係好大盆，名副其實嘅「大盤雞」，份量好足夠，雞夠嫩滑，薯仔超級無敵好食，薯仔炸過再煮，有D薯仔黐住個盤，薯仔會變得脆，更加好味。另外前菜也好好食，等小菜上枱前已經食晒。兩個人連茶芥，前菜及加一，＄300有找，價錢OK。

晚飯食小菜地點交通方便，環境舒適食物唔算大份，每款4-6人食差唔多菠蘿咕嚕肉青椒紅椒爽甜唔辣肉唔肥炸粉唔厚，菠蘿酸酸甜甜，味道剛好西檸雞用雪雞扒做有少少失望，檸檬味不多南乳粗齋煲粉絲爽滑，豆卜好香南乳味菜新鮮，雲耳爽口招牌大盤雞，份量連一般小菜大上桌時仲有吱吱聲，味道香濃，醬汁較多薯仔表面炸過，原整食到唔會溶曬，加上沾滿醬汁，雞已切件，尚算嫩滑瑤柱蛋炒飯飯粒粒分明，炒得夠乾身，幾好食相對清淡，送餸食亦得

而間飲茶係商場度方便 但環境比較細 所以一多人時係比起其他酒樓吵雜但它既食物質素就幾好食至少上點心時盤盤都熱 有氣既比起其他酒樓係暖已經要俾讚春旦燒賣我個人鐘意食而款燒賣多過普通個款食落好香 又有春旦個個脆既感覺腸粉就略嫌遜色唔夠滑 棉花雞個塊棉花好入味 一咬落好多汁👍🏻香煎三色糕而個好推薦 一盤有三種糕 👍🏻蘿蔔糕馬蹄糕芋頭糕煎到香口 但唔算油桂林牛雜 可以唔點😂

一家人諗住做節食飯，但坦白講有啲失望Book左枱，但去到都等左一陣待應們既服務態度一般，啲碗都比較污糟，叫待應們換，但很願意。西檸雞勁乾，冇汁，似係翻炸本身叫左個蒸排骨，但食落去發覺品夠熟，所以要退。炒飯一啲味都冇，粉絲煲勁咸，魚頭煲又係一啲汁都冇，食到勁冇癮

西檸雞~ 味道尚算可以但入口發現肉近乎沒有!! 大多是脆漿或是雞皮!!! 就是完全不值得叫的垃圾!!! 受騙了~這次晚餐共叫了三餸一個蟹肉栗米羹再加多個纓花蝦抄飯。三個餸包括帶微酸的紅燒豆腐、雞肉膾魚肚(名字不太記得)同埋西檸雞。

預期八月小品是會提供精美小菜，不知是否因為是團購餐券，或是客人太多的問題，昨晚的食物質量，真是比其它美心集團期下的食府差很多，味度重，米粉有燶咪，炒青豆，菜苖的油量，超量多。如美心是希望以團購作為推廣，這次可算是失敗之作。

茶叫咗香片，飲落覺得幾清香。前菜係一碟木耳花生榨菜，甜甜辣辣好好食，食到停唔到，好想問係點整嘅，好想食埋隔離檯果碟。（朋友就唔覺得特別好食，我唸係佢唔識欣賞。）總共叫咗三個菜，脆炸BB鴿一隻，招牌大盤雞半隻，同埋一個青菜。脆炸BB鴿好好食，皮好焦脆，朋友就覺得肉質就唔夠嫩，唔夠juicy，唔夠龍華嘅好食，不過我都食得好滿足。（容易滿足的女人）招牌大盤雞呢就有一種麻香，辣又唔係好辣，又無咩鹹味，但我都覺得佢幾好味，肉幾嫩滑。好適合同朋友吹水嘅地方，唔洗排隊（大約下午六點去食），又唔限用餐時間，又有茶飲，坐得都幾舒服。（最後係飲太多茶急著去廁所先肯走）鐘意食中菜又住附近嘅不妨一試啊。

其實我地住鑽石山，嚟嚟去去都係鑽石山、黃大仙食嘢！八月小品，真係一間我地會成日食嘅餐廳，平時嚟食！人唔算多，但欣賞佢地嘅嘢食夠熱，而且又有 baby highchair，咁先係最重要！八月小品係一間酒樓，所以食晚餐都會有晚茶，我地揀咗香片，茶位費：$10/位。【梅菜扣肉】我地叫咗個晚餐，餐入面包兩款小菜，餐湯 & 白飯。呢個梅菜扣肉真係好 heavy，但好好食，拌白飯食真係一流呀！食完好有罪惡感。【拔絲咕嚕肉】呢個都係跟餐小菜嚟嘅，芊嶠最鐘意食咕嚕肉，所以呢一味係專為佢叫嘅，佢最鐘意其實係入面啲菠蘿囉！呢味酸酸甜甜好開胃，我鐘意咕嚕肉，因為咕嚕肉比生炒骨多啲肉咬下！【雞樅菌煸四季豆】，雞樅菌應該係菌嘅名，都幾特別，但主角仍然係四季豆，老公至愛，每次嚟都必食！四季豆雖然係蔬菜，但呢味餸都幾重味，如果小朋友就唔好食太多啦！【肉燥飯】呢個飯真係一流，芊嶠同劻霖勁鐘意食，而且都幾大碗下，肉燥唔似人地嗰啲細細粒，佢似滷肉飯多啲，味道好好！【老火湯】呢個係跟餐嘅老火湯，好入味，好足料，連芊嶠同劻霖都追住話要添飲。總結：合理嘅晚餐價錢，同朋友嚟食可以試多幾味唔同嘅小菜，叫埋魚仲抵，可惜今次人少。

原來今日係 #中國情人節，又係 #正月十五 #元宵節🥰 媽媽承機偷懶，提議今晚一家人出去食飯🍚 正當我諗緊食啲咩，媽媽打嚟話唔想行太遠，咁唯有近近地去 #八月小品 食吓小菜就算#例牌菜 爸爸、媽媽一定會叫 #梅菜扣肉，我就加咗個 #雲吞雞、#牛肉炒芥蘭🥬 #師傅 今日好重手，味味餸都咸咗啲，芥蘭炒得唔係咁熟、好鬼硬😅 #梅菜扣肉 就最濃味，爸爸話一舊肉加啲梅菜 就夠送一碗飯🤣 至於個 #雲吞雞 呢，個湯都好鮮味，不過手勢唔傳統，包 #雲吞 嘅唔係用 #上海雲吞皮、餡料完全唔係果回事，而師傅擺湯嘅應該冇用到新鮮雞，略嫌失色