八月花 (已搬遷) 新店位置

四個人去又一城八月花，以前未去過。但有點失望。先講食，點心水準十分普通，唔係話差，但真係普通，最唔抵係個雀籠點心，180蚊有多，牛肉、蝦餃、芋角一般。腸粉亦唔覺皮薄或餡足。好既就有义燒同碟肉絲炒面，面脆肉絲有苟黃芽菜，咬落口感齊全。义燒真軟身好食。吸引我既係佢地員工服務，無笑容無眼神接觸，隔開十呎照大聲叫其他員工，搬椅拖住張椅在地下拖。我覺得這是一般公共屋村既街坊生意咁。四個人，食得飽，800幾蚊有多。仲有，碗碟d邊花晒，慘不忍睹！ (有相架)佢有幾排檯係坐L字型梳化，原本以為幾特別，但實在不適合香港人飲茶風格！ 諗下，四方檯只坐L型兩邊，另一邊係走廊，仲有一邊痴住隔離梳化背面，咁你點放食物？(唔知大家聽唔聽得明！)放到對角，就根本攞唔倒，因為梳化唔旭得，企起身都有少少難度。

四月下旬·晴幾天的飯期，也是跟家人吃飯的好時間。就在第一天的假期，約了親戚在這裡吃晚飯。選這裡，原因很簡單，因為在又一城食肆雖多，但論服務水準及食物質素，還是這裡的能令人投下信心一票。也知道店子很旺場，就早早著住在附近的親戚來拿位子。一行六人的晚飯，點菜也不困難。知道這裡最近推出「海南好日子」的新餐牌，將好幾款當地的熱門菜式囊括在內。這個集團不時推出的主題餐單水準也相當好，加上價錢看來非常合理（掀均整個餐牌，所有單點菜式最貴才是$260！）是日的菜式就全向這個方向進發吧。先來前菜，就是一味五指山香乾野菜。這種盛產於海南島中部五指山的野菜看上去平平無奇，跟滬菜馬蘭頭一樣要將之刴得幼細吃起來才會有香味。這裡還加入香菇、豆干及松子仁等等做成涼拌，口感清爽好吃。要一讚的是麻油的份量是恰到好處，既有香味也不會蓋過五指山野菜的獨特幽香，很不錯。品聚香脆豬板肉看上去就是惹味十足的小吃，將豬板肉切成四方小片再油泡，這是看似簡單的一道菜，但要做到肉質鬆化不韌絕對需要上佳的火候。是晚的就做得不錯，豬肉的油脂都在油炸的過程中跑了出來，而咬下去是爽脆的。醃得入味，不用添加任何調味料已很好吃。餐牌上的海南四大名

港島區冇曬八月，我又出左張 AE 白金，所以專程去九龍塘八月食飯，咁先可以抵返我個年費！ 八月例牌都係帶點典雅氣息，中式得嚟唔會老土。 坐位都好寬敞，唔會聽到隔離檯講野。 你知啦，有時隔離枱講啲好爆嘅嘢，我真係冇忍唔住全程都偷聽架。 上次就係聽到個女仔同兩個男仔傾計，講佢自己做小三有幾咁開心、幾咁自豪，我就真係全晚都分曬心 香脆豬板肉$48隻豬仔都幾好味，好乾身，唔鞋亦都唔肥豆腐$90呢個我覺得麻麻地，食到陣內臟味粟米斑塊 $158好味，斑塊同粟米汁分開上，好細心。知道我哋掛住傾計，攤耐左都唔會浸林晒。瑤柱杞子菜苗 $80菜苗爽口冇渣，跟上湯，送飯一流！個茶錢貴啲囉，＄13一位。

一向都是美心擁躉！點知週末又一城八月花飲茶，坐低好耐都無人開茶，叫他地開茶點菜又俾曬面色。又唔講清楚有d點心要11點後先供應，要客齋等，問她又好似趕你走甘，黑口黑面話咁是咪取消宜家埋單！D服務員仲要工作時間大大聲聲在餐廳傾計！真係唔知美心點管理

在外面食飯這麼多年第一次還沒食就氣到離開餐廳。因為又一城沒有什麼飲茶的選擇，之前次次來已經覺得味道很差，嘢食都凍左先到。這次為了方便飲茶再來食，服務態度更差到爆，套餐裡有飯有麵但只能限定選擇一樣，套餐裡的飲品一半都話做不到，咖啡機又壞左。這些都算了，最主要的是四眼經理態度好惡，問他點問題就直接話這個套餐不賣了，之後直接走人。真的好氣憤，在找經理想投訴都無，最大的經理態度最差，又如何指望下面的侍應可以態度好，真的是惡過的顧客。好過分。

今次是第三次光顧，自己翻查記錄，上篇八月花食評寫於上年八月，即是一晃眼已過了半年，時間過得真快。新春的八月花跟平時有點不同，慣常的餐牌沒有了，只有一個春節特別餐牌(普通A4紙折了三摺，像極外賣餐單)，供應有限的食物。極品碧螺春飽餐前先嘆一壺靚茶。碧螺春水滾茶靚，帶有微微甘味，喝下去很舒服脆皮BB豬到八月系列吃這個是常識吧！BB豬皮脆肉嫩，外熱內軟，配上秘製甜醬汁，説不出的美味鮮菌翡翠苗這道菜出乎意料地好吃！翡翠苗很嫩很新鮮，炒得非常好，既不會乾巴巴的又一點也不油，味道跟雜菌也很搭配頭抽薑蔥爆金蠔這是新春限定菜式，每碟有8隻大金蠔，鑊氣充足，一上桌已香噴噴。金蠔煮得很好，香脆的蠔邊加上軟腍的蠔身，隻隻肥美爆汁，其味無窮八月花真的不會令人失望，這餐飯吃得極之開心滿足，很期待下次再來！

点菜最纠结的一次，因为菜品重复多，菜单混乱，没什么可点的。前菜小碟不错，酸辣汤不敢恭维，有个叫虾什么奶的不错，什么青什么鱼的相当一般，还有一个叫一什么的一大锅蔬菜混杂一般。两个人晚餐花费651。不会再来。

放工之後坐地鐵趕住去會合HONEY, 好彩佢搵定位, 去到已經有位坐。  如常的要了一個土雞湯俾HONEY補補, 入面有好多料, 黨蔘, 杞子, 雞, 淮山, 鮑兒BB。  個湯的色水有點點深啡, 但唔知典解飲落比以前無咁濃味, 今次仲飲到有少少的酸味。不過又唔係材料壞的味......今天唔想吃咁多肉, 所以唔點雞, 點了鮮菇瑤柱炆海蔘。  之前都食過的, 不過今次個用料唔同了, 海蔘用了雪藏的貨色, 有D腥味, 不過個草菇煮得好好, 一D UP味都無, 好值得一讚。  個汁煮得有D過咸, 送飯中和0左就可以。烤焗三文魚是HONEY的最愛, 差不多每次來都要點的。今次煮得好好, 因為個魚有時太熟, 有時太燶(但入面又唔夠熟)。  今次就外面唔燶但入面又熟又滑。  依個水準係家裡都好難可以煮到出來。依個菜色係第一次點。  個豆腐好滑, 應該係百福豆腐, 上面放梅菜肉碎, 再加D豉油同蔥花。  蔥花當然好, 豉油用來送飯也是很好。  不過豉油加埋D梅菜肉碎一起吃, 真的也過咸了。  如果無咁咸, 下次可以再吃。  另外仲點了淮山鮮腐竹(伴芝麻醬),  依個係每次必點, 淮山係新鮮淮山, 好

跟朋友過黎食中餐，聽聞呢間質素唔錯，試完更加令我下次要再黎！1. 前菜坐低左之後，店員隨即奉上前菜一碟。不過不失，下次我會主動話唔要...2. 迷你桶仔飯份量充足，味道香口。好快就ko左一桶！3. 鮮鮑魚黨蔘燉土雞出面食飯啲湯通常都超多味精。如果你係湯精，千祈唔好錯過呢個燉湯。超足料，鮮甜美味，飲完唔會覺得口乾。賣相以茶壺呈現，精緻迷人...店員會附上小茶杯，喝湯就跟喝茶一樣，十分享受！4. 鮮菌翡翠苗蔬菜迷最愛！食落唔會太油，真心推介！5. 叉燒呢度既招牌菜，肉質有肥有瘦，悉隨專便！6. 脆皮牛坑腩食落有咬口，附送兩個醬汁（辣椒油/酸辣醬）。牛魔王至愛！7. 芭菲香蕉三弄黎呢度食，最緊要留肚食甜品。賣相精緻，味道令人試過翻尋味，拍得住酒店水準。香蕉迷一定要試呢道甜品！仲有好多款甜品（如：炸雪糕、楊枝甘露、雙皮奶）都好有名氣架！有ae卡記得用！今日同朋友食飯，兩個加埋有半價優惠...

門口個reception又懞，自己搵緊檯做緊咩無人知，做客既一直等佢吾知攪咩。有無位點安排都講聲。 最後被安排位置，一坐底個呀姐就粗聲粗氣。其實呢間野時時都請埋呢d無禮貌既人，我支持kitchen主理既野食，但佢地門口呢關真係好差。應該好好檢討服務質素。

一上来服务员就一直问要什么茶，我问有没有菊花茶，她语气很不好的说没有没有！而且感觉自己是服务员还很了不起的样子，对客人不理不睬的，太醉了。这么高档的餐厅，服务态度却如此恶劣，真的是对不起这个价格。真的不想再来

繼上一次試過八月花既晚飯後, 今次第一次黎飲茶~~~佢今期既期間限定主題仍然係 老點家老菜 有好多懷舊既點心系列! 不過我地唔係好岩 =PP 好果岩食既話 呢個點心系列用匯豐卡仲有85折!我地都係叫返其他點心～鳳尾蝦芋盒 $36 (味道:7.5/10, 份量:6/10)芋頭愛好者必點~ 炸得香脆既外皮 入面裝住係又香又濃既芋頭蓉椒鹽脆豆腐 $40 (味道:8/10, 份量:6/10)上枱好夠熱~ 鬆軟香脆既豆腐粒配上大量炸蒜, 睇到都知道味道好好!韭黃鮮蝦腸粉 $40 (味道:8/10, 份量:8/10)自己鐘意落幾多豉油就落幾多既腸粉~數過喇XDD 一共有9隻蝦係入面......@0@ 新鮮~ 潤滑酥皮龍蝦湯鮮竹卷 $40 (味道:8/10, 份量:8/10)第一次見呢個配搭既鮮竹卷~ 鮮竹卷入面又係有好多蝦@@...龍蝦湯係我至愛!! 個人覺得龍蝦湯同鮮竹卷分返開食更好味~~迷你桶仔飯 $25 (味道:7/10, 份量:8/10)有雞肉粒同磨菇係入面既飯~ 味道咸咸地 又唔會過濃~ 燒味雙拼 (自選叉燒, 油雞, 切雞, 燒鵝, 乳豬+$15) $105 (味道:7.5/10, 份

蝦多士多士好脆好薄，蝦肉好爽口，仲有d雞蛋味。醬汁酸酸甜甜，好開胃好香口！！咕嚕肉粉漿好薄，肉質鮮甜又脆，仲有青椒紅椒菠蘿，五顔六色，顔色好繽紛，令人好開心！蟹黃翅湯嘅濃稠度適中，蟹膏好甘香，仲有啲蟹肉絲，魚翅粗幼適中，味道唔錯！叉燒又燒係半肥瘦，肥肉同瘦肉嘅比例啱啱好，肉質好林，味道甜甜地。

今日下午同朋友短聚，之前響apps拎定飛，但黎到先知要夠半數人先入得，皆因有8大人3小朋友，結果要重新拎過飛，等左大半個鐘左右。餐具同一般飲茶有不同，恕我少見世面。食物叫左一陣就到，效率非常快，重點係仲好熱添。叉燒酥比平時食開的甜，但總括黎講食物質素都可以，埋單比想像中便宜，每人都係$146。中途要求店員幫我地影相，通常佢地都係影完就算既心態，跟本唔會理會到相中既影像得唔得，但衣個店員好有heart，留意到相中有一人個頭被遮住左，提示我地，LIKE。衣家先知佢都係美心集團的。

八月系列 見就見得多 今次都係第一次入去食飯雖然都係美心集團 但環境裝飾都偏高貴令人有截然不同既感覺~除左正常menu外, 仲有多一份 傳統廣東款式menu夾埋夾埋都好多食物選擇呢!事不宜遲, 第一碟叫既係係Openrice受各大食家推介既脆脆BB豬(4件) $78 (份量:6/10, 味道:8.5/10)佢當然都可以一隻咁order (好似三百幾蚊), 但我地要留肚, 所以叫左4件呢個份量BB豬係用6個星期大既乳豬泡製而成...唔怪得連脂肪都未出齊....口感真係好好好鬆化烤得好香 仲有好豐富既肉汁...... 實在係太好味...強烈建議要食!!! 一定要食!!!!跟住黎既係另一款大受歡迎既款式 -- 鳳城鍋貼蝦多士(五件)>v<$48 (份量:7/10, 味道:7.5/10)估唔到....每件上面都真係有隻蝦口感好好... 感覺到成件多士好新鮮炮製!跟住係今晚叫既唯一飽肚食物 -- 薑蔥龍蝦煎米粉 $228 (份量:7.5/10, 味道:8/10)本來都覺得有少少貴... 但黎到後見到龍蝦份量好多~~~煎米粉分左四件~ 煎到少少脆口 好得意 好少可食到脆既米粉~龍蝦