八月花 (又一城)

营业中

休息中

週末同班朋友去咗八月花嘆啲點心，呢度環境真係靚，坐位都算寬敞，坐得舒舒服服，幾適合朋友聚會，不過美中不足係只有90 分鐘用善時間。價錢都係有少少偏貴。鳳爪係我地點嘅其中一款，入口啖啖味，醬汁入晒味，質地軟腍得黎又唔會太過腍，但食落去有啲偏辣，食多幾啖就會覺得有啲膩。蒸排骨嘅豆豉味幾香，但整體嚟講又未至於話特別出色，始終係中規中矩，無咩特別記憶點。壓軸嘅流心包就真係幾吸引！一撕開就見到奶黃餡滑滑咁流出黎，賣相加分，食落去奶黃香甜濃郁，唔會太膩，真係幾正。不過份量少咗啲，三個一籠，同朋友分一半嚟食，食到有啲意猶未盡。總括嚟講，八月花啲點心算唔錯，環境氣氛都好啱一家大細或者朋友聚餐，不過價錢就的確有啲貴，性價比一般。如果唔介意呢點，其實呢度係個幾舒服嘅食飯地方，但真係唔算食物主打嘅選擇。

點心全部都唔熱蒸點只是微暖炸物全是凍的鵝肝春卷唔脆，外皮燶又硬椒鹽豆腐又是凍的蝦餃明顯是翻蒸再翻蒸蝦腸叉腸連微暖都不是，只可以說是室温，蝦和叉燒都是硬硬的煎蘿蔔糕一夾就碎爛魚肚粟米粥又是微暖，只有粟米，跟上的一小段油炸鬼，又凍又硬叫了香片，同飲滾水無分別用餐時間90分鐘，一點左右入座，坐到2點幾才有人來要結帳，望望四周，全場半滿

最近到九龍塘的八月花餐廳享用了一頓美味的晚餐，特別是他們的黑松露叉燒，真係令人驚艷！🍖✨這道菜式將傳統的叉燒與高級的黑松露醬完美結合，叉燒外層烤得香脆，內裡嫩滑多汁，每一口都充滿濃郁的肉香和黑松露的獨特風味。🍴🍄 黑松露醬的加入，為這道經典菜式增添了一份奢華感，真係一試難忘！餐廳的環境亦非常舒適，裝修典雅，燈光柔和，營造出一個放鬆的用餐氛圍。服務態度亦非常好，服務員親切有禮，令整個用餐體驗更加愉快。😊整體來講，八月花的黑松露叉燒絕對值得一試，無論是味道還是質素都非常出色。👍 如果你喜歡創新與傳統結合的美食，這裡絕對是不容錯過的好地方！

兩年冇來了，還是再比机會佢原因是已前常到的食店，但總是失望多一次!!醉雞~外表已完全扣分，像一碟叠住一碟的樣子，雞扁扁的🙈黑松露羊肚菌什麼腐片~油到一個點，漿糊的芡汁🙈🙈其它的菜式都沒什麼出色。。。一点都改進🙈🙈🙈

同朋友夜晚去又一城唔知食咩好選擇咗呢間中菜兩個人嗌咗三碟餸，一個木桶飯分別係酥鴨，蒜蓉炒西蘭花同埋豆豉帶子豆腐，三樣嘢都唔錯，特別係到時帶子豆腐，但係木桶飯就偏細只係夠一個人食整體唔錯

八月花，又一城這間比較容易訂位食物選擇和幾年前都沒有太大的分別，唯獨是價錢貴左小小，食物份量好似細咗少少其中叫咗帶子蒸豆腐，味道可以，但係個帶子真係一個切四片的感覺龍蝦湯泡飯，撥走龍蝦的鮮咪芥末大蝦，冰鮮大蝦被處理得太彈牙，失真了而叉燒可以，例湯正常黑松露醬羊肚菌腐卷：可能係成晚較為好的一個小菜如果唔係有折扣，我都未必會再食，因為坊間好多小菜真係比佢哋精彩好多唯一可以讚，就係坐得比較舒服，侍應服務都好好

[ 八月花 ]間中想食粵菜就會去「八月花」，粵式點心夠精緻味道好，粵菜款式創新又多元化👍。花茶.西式茶.冷泡茶✿ 八月茉莉花茶 $45/壺 🫖餐牌有傳統茗茶、西式茶、冷泡茶等，而呢款花茶有茉莉花、洋甘菊、杞子等，茶味清香回甘😋，透明茶壺仲好靚呀。點心✿ 鵝肝蟹籽脆春卷 $52豪華版嘅春卷！每份有4條春卷，外層香脆，餡料有鵝肝😳，表面放滿蟹籽，味道帶點鹹香。✿ 一口南非鮑魚撻(2件) $62鮑魚燜得鮮咸入味，原粒放在香酥脆口嘅撻皮上。一口一件鮑魚撻，口感咸甜。✿ 招牌酥脆鮮蝦腸粉 $54 🍤彈牙蝦滑以酥脆米網皮包裹住，最外層係即拉嘅薄滑腸粉，口感好有層次👍。主廚推介✿ 手抓胡椒豬肋排(4位) $198 🐷豬肋排以胡椒碎醃製，煲燉後肉質入味軟腍🤤，風味獨特帶胡椒香氣。海鮮✿ 香烤深海白鱈魚 $298 🐟白鱈魚烤得外皮香脆，肉質嫩滑細膩，再配上中式白汁，中西合壁創意十足。特飲✿ 花果奇緣(1000ml) $80/杯 🍹估唔到食中菜都有得飲特飲，仲要超大杯、超足料好打卡🤣！材料有薄荷、茉莉花茶、西瓜、蘋果、士多啤梨、藍莓等足足十款生果。總結🫦 八月花粵式點心精緻有心思，粵菜款式多元化，而且比一

食咗個雪糕楊枝露入面有玻璃碎！然後同個經理講，個經理都呆咗下，然後話送返杯嘢飲做補償同埋拎走粒玻璃碎話要入去同廚師講，最後都冇要到杯嘢飲，因為實在太驚又會有玻璃碎！大家去呢間餐廳食嘢要小心啲！

去到又一城，見到八月花門口有張海報大大隻字寫住龍蝦、鮑魚，幾吸引，於是我地就入去坐低，點咗呢個六人仲夏紅酒套餐。個湯係冬瓜盅，冇味冇道，我屋企自己整嘅好飲得多。最先上嘅係懷舊燒滷拚盤，不過不失，豬手冇味。蒸魚水準唔錯。海味扒素千層，有啲特色，味道幾好。芝士焗加拿大龍蝦尾伴魚麵終於上桌啦！大家係咪覺得同海報入面張相有好大差別呢？因為根本就冇龍蝦尾，衹係放咗一兩隻切咗件嘅蝦入去就算！如果龍蝦賣哂，點菜嘅時候做乜唔同我地講？定係想博大霧慳成本？總之就係欺騙顧客，誠信全無！差唔多食完哂至記起重未見到鮑魚，睇返資料，嗰道菜叫做碧綠什菌炒鮮鮑魚；不過真係唔多覺裡面有鮑魚喎。衹係見到有啲青色嘅瓜，有啲冬菇片......我喺網度揾到佢地呢道菜嘅官方相，係見得到明顯嘅鮑魚嘅，又係同我地呢碟好唔同喎。可惜呢碟唔記得影相，冇得展示俾大家睇。以前食過朗豪坊八月花覺得OK，估唔到又一城呢間竟然貨不對辦呃顧客咁低劣，以後都唔會再幫襯！

最近西餐吃多了 突然好想吃中餐 剛好今天在又一城行街 就選擇新派中菜【八月花】試試他們家的創意粵菜吧！這家分店環境寬敞，佈置典雅～很適合朋友家人聚會八月花以時令食材及蔬果融合中菜之中，為菜式帶來創新的口味及精緻的賣相😋這次我們點了～～🌸芥末蟹籽手撕雞🌸香烤深海白鱈魚🌸蟹肉燴金銀絲🌸西班牙手抓胡椒豬肋排🌸姬松茸香菇桶仔飯🌸雲呢拿雪糕伴嫲嫲餅🌸雪燕紅豆凍豆腐花🌸花果奇緣好推薦😚🙌🏻✨西班牙手抓胡椒豬肋排， 排骨軟嫩還帶有濃郁的白胡椒香，喜歡胡椒味的朋友千萬別錯過這道菜！！必食之選！香烤深海白鱈魚散發陣陣誘人的烤香，魚皮更是焦脆，每一口魚肉都鮮嫩多汁！另外色彩豐富的花果奇緣 🍹很適合相機食先！混合了多款鮮果，豐富的視覺及味覺的享受，且口感清新解暑！最後 雲呢拿雪糕伴嫲嫲餅 好特別！ 第一次嘗試濃郁香醇的朱古力嫲嫲餅配上雲呢拿雪糕，口感有點像餅乾夾著冰淇淋吃有冰火雙重口感好特別！！還有好多餐單 都想試試！下次逛街時再來試試 八月花 用餐～

粵菜講求食材嘅鮮味，味鮮而不膩，可謂粵菜嘅精粹。今次嚟到 #又一城 嘅八月花分店，帶大家去試下多款新派粵菜，款款色香味俱全！餐廳環境比坊間嘅中菜館更寬敞，仲設有半圓形嘅卡座，一大班朋友一齊食都啱晒！鵝肝蟹子脆春卷融入香脆嘅炸春卷包裹住香滑嘅鵝肝，再沾上滿滿蟹子，多層次口感令人再三回味。一口南非鮑魚撻酥炸嘅撻皮上面放入一口大小嘅鮑魚，鮑魚爽口又咸中帶甜。招牌酥脆鮮蝦腸粉必食推介！彈牙腸粉包住酥脆嘅炸皮和新鮮大蝦，每一啖都係大海嘅呼喚。香烤深海白鱈魚 厚身鱈魚烤焗至金黃色，未上枱已經香氣逼人，魚皮香脆，魚肉又鮮嫩多汁。西班牙手抓胡椒豬肋排特別選用海南島乾胡椒碎醃製，豬肋排份外肉質軟腍，份量十足，散發住濃濃胡椒香！雲呢拿雪糕伴嫲嫲餅新鮮熱辣出爐嘅嫲嫲餅，配上冰凍嘅雲呢拿雪糕，冰火雙重享受。雪燕紅豆凍豆腐花幼滑嘅豆腐花配搭冰凍嘅 #雪燕 同綿密紅豆，為炎炎夏日降降溫。花果奇緣茶底用上茉莉花茶，入面加入左多款新鮮生果：西瓜、士多啤梨、青蘋果、蘋果、藍莓。打卡一流，鍾意水果嘅人唔可以錯過啦。

朋友相約在此茶敍：訂枱@1230 ，人山人海，有啲意外啊⋯⋯又一城咁大估唔到這間集團酒樓咁好生意。我都係第一次去飲茶啊。間茶樓都幾大、空間也不錯。洗手間🚻⋯⋯乾淨三個人叫咗蝦餃👍🏻👍🏻👍🏻豬肚燒賣👍🏻👍🏻及陳皮牛肉腸粉—皮薄肉滑多汁有個午市套餐抵食(500+元）蒸東🌟斑：鮮滑蒸得啱啱好🐠（唔記得影相🤣）白灼蝦🦐⋯⋯好食有蝦味半隻豉油雞⋯普普通通。D茶葉都幾好，侍應好忙但有禮貌。三人敍開心🥰

之前在同一間餐廳吃過炒鱼麵。昨天再叫咗一碟薑葱鱼片炒鱼麵，鱼片口感不錯夠弹口。但薑葱已经带咸，厨師為何再加重豉油及重食油炒制；結果变成一碟超咸又超油嘅鱼麵。為有带回家再加湯翻炒減咸減油。建議厨師要試試自己出品，認真要改良！

點了六人套餐，一下子上了五個菜！要求不要太快上菜，傳菜大嬸説她只負責上菜，這是厨房的事與她無關…骨頭及龍蝦殼堆滿碟，喝完湯的碗亦任由放滿枱上，叫了二三次才去換…最離譜的是食完甜品后，竟然才上青菜...真係無言！埋單三千五，以這樣的收費若放在深圳消費，應不會如此吧！大集團管理及營運的食肆況且如此，如何吸引遊客及港人留港消費？！也難怪港人每逢假期都北上消費了，除了北上消費性價比高外，其服務質素亦遠比香港好，精明的港人自然識得選擇。

好耐冇去過八月花食嘢，原來已經搬咗落樓下嗰層，所以去到嘅時候都要搵咗一陣，不過相對嚟講坐地鐵過去嘅話更加方便。可能比較早去到嘅時候都唔係好多人，所以招呼還可以嘅，但係去到之後多人嘅時候就發現佢哋應該唔夠人做樓面，所以有啲時候搵人來寫才到要一啲時間，同埋斟茶灌水都係。跟埋茶介嚟嗰啲前菜係幾好味嘅，我哋忍唔住等人嘅時候已經食晒。叫咗個花雕醉乳鴿，嚟到嘅時候唔記得影相就已經食晒，佢嘅酒比較偏甜，一般般。唔記得影相嘅仲有生菜包乳鴿崧，啲餸係可以嘅，但係比嘅生菜就比較少，斷人頭計都唔夠。酥香鴨半隻，留意佢跟你嗰個淮鹽真係少得可憐，根本連點都點唔到，不過識落本身隻鴨已經好夠鹹，同埋都好酥脆，所以淮鹽應該都係象徵式。松子竹笙魚米，呢味餸嘅味道偏清淡，都仲係算可以嘅，不過唔知係為咗美觀定係點樣，哈片真係得好少，最重要係佢隻碟嘅設計好失敗，用匙羹不起啲餸嘅時候好容易推左落個窿度，結果係要用之前嗰杯淮鹽放返落個窿度，頂住先方便啲。燒鵝半隻，味道都算唔錯，又係啲孫煤漿真係好少。其他嗰啲餸菜冇乜特別，水準一般，整體嚟講算係平均一般。