八月花 (荃新天地)

营业中

休息中

這種位於大商場內的連鎖中菜，賣點是方便，味道就不要有期望，正常就算了一行八人，叫了這個六人套餐另加兩個小菜先檢查一下餐具，八人份碗筷竟然發現4件有明顯污垢要更換，這是大集團管理應有的衛生水準嗎？以為兩個正價的小菜會比較像樣，還是失望了香酥鴨：一上枱見到鴨子的「古銅膚色」已經知道出事，鴨皮不是香酥而是乾硬，肉質暗啞粗糙，明顯翻炸過火咕嚕肉：肥肉比例較多，而且醬汁不夠酸也不夠甜至於號稱特價的套餐更「精彩」了碧綠什菌炒鮮鮑魚：那幾塊切片鮮鮑魚質地極靭，幾乎完全無味，感覺像咀嚼擦紙膠。拉絲雪燕海皇羮：冬瓜盅沽清，只好要這個。糊狀的湯底味精感比較重，裏面有數粒有點雪味的海鮮粒，就是平價全包宴的貨色懷舊燒鹵拼盤：紅腸/超市急涷煙鴨胸/鹵蛋/鹵豬手，即是燒味四寶飯走飯加幾件皮包骨燒鴨，最大的好處是夠份量海味扒素千層：所謂海味，是指醬汁內稀疏的魚唇/冬菇/瑤柱絲。而我比較手慢，只吃到幾條魚唇加一堆汁浸腐竹芝士焗加拿大龍蝦尾伴魚麵：全晚最正常的一道菜。只是吃到最後朋友見到托底的木盆有疑似幾粒昆蟲的物體，嚇到立即把木盆掉到旁邊已結賬離座的枱上，所以沒有拍照清蒸沙巴花尾躉：因為我不食魚，無從評價芋蓉珍珠糕：

今日一家8個人飲茶，茶樓唔洗等位好多吉枱，但比張5人枱我坐，好唔好意思話坐得落，仲要無禮貌，入面明明好多大張吉枱，全部都話有人book左，我地要求坐張大枱，由得我地企係度又唔解決問題，之後我哋用app，拎左張10人飛，佢就即刻比入大枱，係蝦我地唔識飲茶，唔知一張茶枱坐幾多人？ 唔好玩我啦，仲要態度差，話有人book晒啲大枱，你又即刻比人入？ 咁唔比我哋坐？ 以後都唔去啦，態度差。想放假一齊做下節都咁掃興。

小編和家人在星期二下午茶時段去八月花飲茶, 發現人手嚴重不足, 明明有空桌但由於沒有人手收拾, 所以遲遲都不叫新客入座, 導致門外有人龍等入座。需要注意的是下午茶時段3點鐘截單, 大約4點左右會是酒樓的落場時段, 會請顧客離開。白灼田園蔬 (可選翡翠苗/芥蘭苗/菜心苗)小編選了芥蘭苗, 灼得爽脆不會過淋, 灼的時候有加油, 就算白灼也有輕微的鹹味, 非常好吃。炸菜肉絲炆米粉份量十足, 略嫌汁水過多, 炆米粉有點過濕和淋, 介乎湯米粉和炆米粉之間。芥末蟹籽手撕雞芥末是日式那種Wasabi, 並非中式的黃芥末, 略為攻鼻, 不能接受Wasabi的人士絕對不建議點這道菜。蟹籽略少, 近乎沒有。手撕雞除了芥末調味之外可以吃到麻油香, 如果酒樓有一款正常的麻油手撕雞, 相信會非常熱門。菠蘿咕嚕肉小編很喜歡有好多三色椒和菠蘿。作為主角的咕嚕肉炸粉略厚、豬肉略肥, 一般啦。下午茶點心三寶 (陳皮牛肉球 + 鳳城糯米卷 + 蜜汁叉燒包)八月花的點心都是比較「精緻」,份量和尺寸都略小, 讓人有一種意猶未盡的感覺。點心質素不算標青, 只是正常。總括而言, 八月花人手不足, 服務欠奉, 正價時段的話價錢略貴

剛在美心𣄃下八月花，三個人吃午飯，叫了一份298元套餐，來了燒賣、馬拉羔、燒鵝、叉燒、金菇瑤柱伊面！点心中規中矩，燒鵝只有皮及小肉卻硬，叉燒乾巴巴（應是昨晚剩下），兩樣燒味難嚥！伊面炆到爛，不見金菇，瑤柱幾絲😩😩😩😩埋單連茶介400元！雖然說298套餐在香港你想點？量少只可接受但出品也起碼對得住「美心」招牌呀⋯⋯連美心都如斯，難怪香港不能回到以前質優之都！好心痛生於斯長於斯的香港淪落到這個地步！

今天是8April2024，我已經有幾年沒有吃此店下午茶，之前是因為此店太多熟客，等位時間太長，所以一直沒有幫襯。今次下午茶叫咗8款食物，7款都可以，只有蒜茸菜心苗真心令我非常失望，差不多每棵菜頭都有黑邊，好似在垃圾桶取出，十足廚餘一樣，油又過多，本想退咗此菜，心想它真的變廚餘，只有不吃菜頭！希望八月花能改善一下！

本人二零二四年年三月十六日晚上與家人及朋友到 貴公司荃灣新天地分店晚膳。本來食物及侍應服務都不錯朋友也很滿意的。但是朋友走到收銀台結帳的時候。收銀員態度十分之惡劣。朋友年紀都70歲。有近視及老花。結帳的時候沒有佩戴眼鏡。看不清價錢。朋友怕俾少咗錢唔好意思便問女收銀員多少錢。收銀員只叫我朋友自己睇單上的價錢而且語氣十分差。當晚銀碼價錢有五毫子要付。我朋友在外國來香港。身上只有紙幣。朋友比$700元。之後收銀員就問有沒有五毫子。我朋友說沒有。我朋友便回來問我們我們身上只有$兩元。將$2元交給收銀員。收銀員將$2掉入櫃檯之後就沒有再理會我朋友。四捨五入收1元都正常。但1元都唔找回給我朋友好以理所當然要比多咁。朋友已經70歲。她還問我是否自己做錯。本人認為收銀員有禮貌固然好。態度普通都冇問題。但都唔好好似渴人咁。不會再光臨。

在荃灣（天橋之城）行完街，到晚餐時間，太多選擇🤔想來想去，都係選擇食中菜，荃灣新天地，地點方便，見到4人餐菜式，相當吸引🤩雖然我們只有兩人, 所以打算唔食飯，只食餸，這樣應該冇問題的。4人餐，份量充足，質素一貫水準，唔會令你失望。缺點就是上菜速度太快，5分鐘內，把片皮鴨，雲吞雞，及吉品鮑一齊上枱，實在做法不當。我們立即叫停，等一下才上花膠，再等一下才蒸條沙巴龍躉。服務員Amy 及 CoCo 態度很好，聆聽我們需要，還主動換碟，換熱茶👍值得表揚一流服務態度💕我們已經是第三次幫襯，今次體驗特別好，很想與大家分享😃

📍#荃灣 #八月花#羊羊在荃灣#羊羊在新界中秋節剛剛過了，🐑去咗間中菜廳食飯，想分享下✌🏻之後大時大節，大家又有多個參考啦😏中秋節前日都唔算夠多人食，有walk in，但最好訂位啦，同埋都有套餐供應🤓餐廳位都窄，幾碟菜就逼爆張枱了🫠順帶一提，叫服務員印單check下上齊菜未，叫人執嘢放餸，冇咩人理，有啲嬲🙂🦆茶燻鴨跟荷葉餅(半隻) $198外表睇好豐富，一碟就佔咗半張枱🤫鴨都有香燻味，食落都有汁💦配荷葉餅食幾特別，但本身有啲鹹，唔駛落咩醬了🤪🍍菠蘿咕嚕肉 $128醬汁酸酸甜甜，肉又大塊，食落都幾惹味😋不過外皮唔夠脆，有啲可惜😔✨豉汁帶子蒸豆腐 $128豉汁有啲多，帶子鮮味都蓋過了，但配埋冇咩味豆腐還好😗🌱花膠絲瑤柱泡菜苗 $138係翡翠苗，菜尾比較硬，所以好易覺得多渣，同埋草青味幾濃😁花膠都有幾塊，食落清清地😉🥣杏汁海螺燉白肺 $298一大碗都夠分8小碗，都幾好飲😋杏汁味好重，最正係有湯渣跟，雞腳重膠質又軟😝🦀蟹籽蟹肉燴伊麵 $138估唔到幾足料，都幾多蟹肉絲🫢蟹籽只佢錦上添花之用，冇咩味，主要靠上湯汁吊味😌建議盡快食，唔係凍咗會結塊+麵會泡到好軟🥺總價錢－$1223.2 ($17/茶

平時我都很少去飲茶，所以今次難得放假冇嘢做就約埋屋企人一齊去飲茶，去到剛好是他們的下午茶時間，有不少點心都很抵食，所以不自覺叫多咗少少點心蝦餃 $43 推薦指數🗯️：🌟🌟🌟雖然上枱時外觀一般，但不影響它的味道，皮薄饀靚，而且食到的蝦肉也不少瑤柱蔥花炸兩腸 $36 推薦指數🗯️：🌟中間的炸兩應該都放咗一段時間，所以食落好靱，很難咬，不推薦❌蠔皇鮮竹卷 $28 推薦指數🗯️：🌟🌟🌟調味剛剛好，不會太濃味，而且食落唔會太乾，應該就係剛剛蒸好，而不是蒸完再蒸沙嗲牛柏葉 $38 推薦指數🗯️：🌟🌟🌟外觀來看，的確不太吸引，不過味道就不錯，牛柏葉煮得很入味很淋而且不會只有很少牛柏葉，其餘都是配料花膠瑤柱灌湯餃 $55 推薦指數🗯️：🌟🌟🌟一打開就見到花膠和瑤柱，雖然食落就平平無奇，但是真的俾足料，而且灌湯餃食落都幾鮮，太耐冇食的話，可以一試上湯紫菜雲吞 $32 推薦指數🗯️：🌟🌟其實就很普通的雲吞湯加了少許紫菜和生菜，味道正常雲吞水準之後我分別叫了兩個3款點心孖寶（$68），這樣比單點會平少少車仔腸粉 推薦指數🗯️：🌟🌟🌟食落都好滑身，而且唔會蒸咗好耐，咬落唔會林pat pat，不過略嫌覺得甜醬和花生醬份

難得同家姐一齊放假，即刻一齊同埋阿媽落荃灣西八月花去飲早茶我哋叫咗咸水角、燒汁煎釀三寶、咖哩魷魚蘿蔔、酥脆鮮蝦腸粉同皮蛋瘦肉粥。一共5樣食物。呢間八月花我唻過好多次，一晏多小小就好多人，排哂隊。食物大部分都ok，唔差。我最喜歡叫燒汁煎釀三寶同粥，好食。其他幾款食物屬於中上。另外我喜歡食馬蹄糕同蛋散。不過無落單原因係試過馬蹄糕太油。而蛋散唔鬆化兼無乜糖漿。呢款不見議落單，其他食物都可一試，唔錯環境舒適衛生。唯獨店內人手不足，睇到職員忙到有客入嚟都唔得閒招呼

📍八月花 (荃新天地) (荃灣)荃灣楊屋道1號荃新天地一樓105&107號舖成日黎荃新天地，但唔知原來有間八月花係到🫢今日無啦啦好想食片皮鴨😋就搵下邊到有得食，見八月花有個套餐食片皮鴨有優惠，所以就搵到荃新天地八月花有得食😆😆選左個四人餐，有一隻片皮鴨加條沙巴龍躉仔🤤另外再選多2個菜式$688再加一茶錢等都唔算好貴，另外再$68加配二食，不過我就無加到😬片皮鴨出嚟到黎成隻係你面前片，見佢片都係熱辣辣😋加埋d皮用個蒸籠上，見到都想食😝😝成隻鴨都切左好多塊，4人係夠食既..一上碟大家2話不說就攞塊皮、夾埋鴨片加埋d醬同青瓜絲包住黎食🤩好好味….另外2款菜我點左豉油雞同涼瓜牛肉，不過不失啦😁個到d侍應都有禮貌，問佢囉多個醬都好快拎到俾我地👏

今天和朋友今日去荃新天地八月花飲早茶，入座時大約9:30am，有很多位，沒有人通知過我們只能坐90分鐘。大約11am有一位服務員要我們立即結帳並離開，因為我們已坐了90分鐘，當時我們很愕然，而且還有點心未吃完，我們表示沒有員工告訴我們，如果有這樣安排為什麼不早點通知，那員工竟然怪我們沒有看門口通告，而且她的態度非常差，我們很無奈，只好結帳離開。這麼大的機構怎會有這樣的員工，處理問題這麼差！這間八月花以後一定不會再去。

老豆生日book位黎新開既八月花同佢食阿拉斯加長腳蟹~荃灣分店前身係同集團既翠園..裝修冇乜大變動...不過唔知係咪星期日既關係...當晚成間舖既座位安排都好密...有D壓迫感...呢一點就要改善一下...book位時已經訂埋隻蟹~用餐當日下午職員會打俾你報價~都幾貼心~!入座後職員好快就拎隻蟹俾你睇下新唔新鮮~我地柯打左一隻5斤重既蟹~拎出黎俾我地影相留念時好鬼生猛~留倩影後就叫職員安排蒸蟹!!!我地再叫左幾個小菜~海參陳皮炆排骨...原來豆腐...慢煮酥香茶燻鴨同龍蝦汁泡鴛鴦岩米飯~!八月花屬於做精緻型既粵菜...所以餸菜既擺盤都相對同集團其他粵菜餐廳較為好~視覺同味覺係本人立場係相當重要~!^^隻蟹出爐喇~都算多膏...每隻腳既蟹肉都係實的的~好飽滿~!仲要好多汁!!!好鮮味~蒸既時間岩岩好~第一次幫襯呢個集團食長腳蟹感覺可以encore~!其餘幾款小菜味道都好出色~!我會再encore晚餐!!!搵日要黎試埋個早茶~睇下D點心係咪都一樣咁精緻!

本身諗住飲個下午茶 點知飲到好嬲 服務態度好差 岩岩一食完野就即刻收哂你啲野 個員工仲要企係你隔離望住你 好似趕你走咁 搞到飲個茶都好大壓力啲野食一般般 不過不失 但係如果計正價既話 真心唔會去食

我是第一次光顧這間酒樓，酒樓裝修不錯，環境清潔，侍應招呼有禮。我們揀了一些常吃的點心，棉花雞有兩片大大的雞肚，陳皮牛肉也不錯，竹笙上素腸粉的皮略厚，而且餡料不多，這個麻麻，北菇紅燒豆腐的豆腐和冬菇都入味，韮黃肉絲炒麵，麵幼很香脆，這款是最好味的，三色腰豆糕很特別，由3種不同的豆做成然後雪凍，有很多枱都有叫這款點心，事實上也好味，薑汁雙皮奶的薑汁味很濃，我就覺得略甜，不過很少酒樓有這款點心，所以便試試。整體而言，這間酒樓收費較一般酒樓貴，不過食物普遍都不錯，由於我只掛住和朋友閑聊，到食到最後甜品時，才醒起忘記拍食物照片，這次食物相片欠奉。