八沢 (已搬遷) 新店位置

今次走過八沢日式料理店，一入門就格外親切，隨身倒茶，甚至自助區都照顧到🍵，呢個服務，實在係幾好！牆上嘅介紹好得意，用拼圖混合文化和創意。試咗黑松露忌廉海鮮烏冬，湯汁香滑得嚟，兼帶有松露嘅濃香高級味道，烏冬條條細細，湯汁包裹得好好，香不可言。三文魚塊同埋少少雞肉，搞到成碗無一點單調，混合口感真係正⚡️！串燒拼盤，多謝店員耐心解釋，一路等真係餓到不得了😂。羊架滑溜，鱔魚鮮嫩無腥，軟骨爽脆過癮，煙肉車厘茄就Juicy得黎滋味，總之，每樣都得嘅！呢間八沢真係有驚喜，人氣足足，好食又好玩，值得再嚟！

已經第二次黎食😋東大街係我小學嘅一條街，對呢條街特別有感情，而且呢條街唔怕會餓親😄上次晚市黎，人多要等位今次過左2點先黎就好好多喇😊仲有午餐可以點不過我嘅目標係黑松露忌廉海鮮烏冬而lunch是沒有的，唯有單點😋而友人就點左個吉列三拼飯仲有飲品同前菜薯仔沙律tim 講起沙律上次食過嘅龍蝦沙律就令我念念不忘，所以今次都order左😄😄😄啖啖肉😋 仲有三塊紫菜比你夾住食(之前食好似多d紫菜😛）不過如果唔食日本芥辣嘅朋友就免點喇都幾勁架😆😆😆友人嘅吉列三拼飯😅隻蝦好大隻呀。。。隻蠔就細左d炸魚餅都ok但由於友人唔吃蝦，我代吃😆熱辣辣大大隻好爽口😋我嘅主角到喇😍😍😍好香濃呀，面頭有d黑咪咪嘅就係黑松露撈埋一齊飲啖湯先。。。正！入面嘅海鮮其實只有扇貝同三文魚不過係足料嘅 食完一定飽👍🏻👍🏻👍🏻

早放接埋朋友收工去開餐,朋友推介話八沢好味,近期同屋企人當飯堂連續幾晚去食晚飯,話帶我去試下,我當然話好啦。店面細細,用上大量木製品做裝飾感覺很舒服。叫左四款食物試下先,強力推介黑豚生蠔燒,燒完都唔乾,好有肉汁,蠔夠大隻,好滑好鮮甜😍黑松露忌廉海鮮烏冬賣相幾吸引螢光魷魚得個名,無特別一堆炸物中,最好食係炸蠔。炸蝦粉太多,蝦又偏細隻,炸鮮魚就普普通通總括分量夠,好飽肚,炸嘢唔算油

今晚落東大街想試間未去過的，見八沢門面幾好又無人等，咪入去試下。我們叫了黑豚肉拉麵和廣島蠔拉麵，平心而論廣島蠔拉麵味道唔錯😀，但黑豚肉就肥到真係呀媽都唔認得😵，直情係一片片的肥羔。向老闆反映，點知呀佢望都無望就話d豚肉係咁，無客人投訴過，心諗這是什麼的服務態度😤，我又唔係要你換，難道我們唔係你客人你唔使了解下或安撫下。我們唔想浪費，已盡揀d放得入口的豚肉食，剩下的唯有拍照留念😒唔使旨意有下次！

是日因為工作關係黎到筲箕灣。見到le間日式店舖食。價錢就貴左d。1.芥辣八爪魚一細碟33元,覺得太貴。唔抵~味道同出面壽司店一樣。 2.芥末果醋帶子冷烏冬 68元這個好食啦～佢個碗好特別,專登分開烏冬同汁料。等你自己沾麵食。汁料有芥末自己加。每食一啖,芥末味直衝上腦,好刺激~酸味又夠,好開胃~這個真是加晒分~好味

前幾日去八沢新舖食晚飯，座位比舊舖寬闊，食物也慶幸他們能保持水準。廣島蠔肉碎烏冬:  蠔無腥味, 脹卜卜.  我次次都點這個.牛串燒:  整體來說幾好食, 係牛舌 "靭" 了少少安格斯牛扒飯:   好多牛肉, 朋友話幾好食, 無話鞋 sap sap

失望而回，拉麵好多油 隻蠔質數ok，但食落啖啖油，接受不了 ><服務一般，枱上水壺無水，想叫waiter斟, 但揮左好耐手都無人理，最後索自己serve自己去到其實好多位，但張張都話有人book左，我地要坐面壁位，好窄又焗唔會再黎~

筲箕灣東大街日式拉麵串燒店八沢黑松露忌廉海鮮烏冬 $88本人是個海鮮狂魔見到餐牌上有海鮮 緊係唔放過😏但Order之後 ⋯又驚佢比d蟹柳之類既野hea我黎到之後 當唐嚇左一跳d黑松露醬多到唔洗本咁再揾下海鮮 有幾粒大大粒既帶子😭仲有幾塊三文魚扒 真係對得住個價有餘黑松露忌廉湯底唔係日式常見但咁樣日式西煮 真係岀奇地夾烏冬十分彈牙 整體無可挑剔👏

上年其實已食過呢間野, 今年佢係大街開左分店, 所以想AB下有咩分別入到去唔洗等位, 冇咩人鋪面比街尾果間更大更闊更光猛, 唔錯老細介紹兩個招牌; 黑豚肉拉麵同蠔肉烏東, 咁我地叫左兩樣加個龍蝦沙律, 仲有幾個串燒D菜黎得超快...5分鐘都唔洗, 好有效率,好勁(冇一間鋪頭可以做到, 不過都唔排除人少)拉麵同烏東同一時間就上黎了先試試拉麵, 同出前一丁果隻比, 呢隻好食100倍味道就俾出前一丁更濃更香, 麵就好爽好爽, 豬肉就...超正有差燒味(小弟暫時覺得只鰂魚涌果間先可以同佢較量)湯底就濃而不咸...唔會話口乾或者好咸, 岩岩好配料有各自的鮮味, 夾埋個湯底可以話掂爆~蠔肉烏東就清淡D, 但清淡得黎唔會過火冇味, 有烏東味, 有蠔味, 更有少少類似海鹽的清咸味...D蠔都好大隻, 而且利害的係火侯控制得好好, 因為蠔如果煮得耐會縮水或者爆炸, 但呢間餐廳可以完整地保留全屍, 而且仲要大大隻蠔俾你食...正呀^o^D小菜都好有水準; 龍蝦沙律有龍蝦味, 串燒有串燒味XDDDD(龍蝦沙律佢落左少少wasabi除左陣腥味變得好好食, 串燒都好有水準

因為家中裝修, 所以去了筲箕灣當三個月的居民. 筲箕灣, 一個市區人不太熟悉的地方,美食竟然多蘿蘿, 還有一條食街- 筲箕灣東大街, 喜歡捐窿捐罅搵食的我, 當然要由街頭食到巷尾才心息黑松露忌廉海鮮烏冬 ($88)日本菜與西餐的crossover, 就成就了黑松露忌廉海鮮烏冬!黑松露忌廉湯好creamy, 奶香十足, 可以媲美西餐廳的出品! 最畫龍點睛的是加入一大匙的黑松露醬, 菌香四溢, 連鄰座都嗅得到!烏冬採用烏冬王者- 稻庭烏冬, 橫切面呈長方狀, 比讚歧手打烏冬幼身, 口感更腍滑, 咕嚕咕嚕就吞下去了! 而黑松露忌廉湯跟烏冬好匹配, 令本身已經滑捋捋的烏冬滑上加滑.平時身為菜餚的主角的三文魚頓時淪為配角, 但仍然是不可忽略的! 三文魚大大片, 只用湯去煮, 但毫不粗糙, 仍然保持鮮嫩.廣島蠔肉碎烏冬 ($72)潮州蠔仔肉碎粥就食得多, 蠔仔烏冬又食過未? 原來兩者出奇地夾! 而且感覺好像吃著蠔仔粥似的, 雖然沒有方魚等調味, 但兩種湯底的味道也挺相像! 喜歡吃蠔的人, 定必喜愛這個!廣島蠔有四大隻, 份量也挺足的, 雖然是雪藏蠔肉, 但還算鮮味. 呷一口湯底, 清甜而不會死鹹,

男朋友不太喜歡日式料理，所以我和他一直沒有機會一起吃日式食品，他不喜歡壽司的雪藏冷凍食物，我問拉麵可以了吧，所以便來吃拉麵了。　　這是一間很有親切感的小店，有點家庭的感覺，木桌子，牆上日本風味的掛畫，就像居酒屋那樣子，我們各要了兩碗麵，日式忌廉三文魚海鮮拉麵，以及豬骨湯黑豚拉麵，另外，因為男朋友酷愛蕃茄，所以點了個蔴醬蒜蓉蕃茄。　　男朋友的日式忌廉三文魚海鮮拉麵很膩，大概是因為忌廉吧，吃下去感覺悶悶的，配料也多，有三文魚、木耳，還有很多很多的蔥花，但就是不夠鮮，奶油把整個湯弄得悶悶膩膩的。　　我的豬骨湯黑豚拉麵有點麵，原來黑豚肉有一層厚厚的肥膏，我就不敢吃那層肥膏了，溏心蛋也給了一半男朋友，弄得蠻好的，還有很多的黑木耳和蔥花。　　雖然蕃茄是冷盤，算是前菜吧，但男朋友是個極嗜蕃茄的人，這碟冷蕃茄弄得不錯，加上蒜粒錦上添花。　　還有一點值得一提的，是服務員態度值得欣賞，因為我和男朋友對日式食品都不熟悉，所以會問哪道菜有甚麼材料，味道會怎麼樣，服務員都不厭其煩地耐性回答，讓我感到服務員的貼心。

見裝修幾靚入去試試，聽staff講原來係搬咗位，心諗應該唔差掛。有d失望，個麵無特別湯底完全唔出色，肉得兩塊，重點係隻蛋，我就未見過成塊蛋殼喺面都出得比客食。另外野飲staff力推自家制龍眼冰，都夠味但好細杯同賣相差小小，加幾粒龍眼果肉會好d。

八沢搬遷後第一次過來幫襯。個menu突然間少了很多野。串燒完全不見左。我們看到有個新的“一桶厚燒玉子鰻魚飯”（HKD188)，決定試下。個飯到後，我們發現沒有厚燒玉子，只得一隻一切二個溏心蛋。我問個侍應生哥哥，咦，厚燒玉子嘞？佢問左廚房後，居然答我，個“厚燒”是厚燒鰻魚，不是厚燒玉子 ！ ！ （其實滴鰻魚都不是很厚啦。）gum dim gai你不寫“一桶玉子厚燒鰻魚飯 ？？我真hai 第一次聽到厚燒玉子是溏心蛋！！！總有，那晚吃完個溏心蛋鰻魚飯後，口乾到爆。成晚起身飲了７次水 ！！我們其實幫襯了八沢很多次的，這次真是非常失望。不知道是不是因為搬遷的原因。

之前有一日因為屋企無飯食,就同家姐一齊去屋企附近東大街搵野食啦方知發現東大街有不少美食既餐廳最後我地好想食日本野所以黎到八沢,一間小店有7張小枱D座位有點窄,不過食物好GOOD我同家姐是就每人叫一碗大快朵頤一餐！我地叫左黑松露拉麵及咖哩烏冬配炸蝦黑松露拉麵爽囗彈牙，湯底濃郁,正咖哩烏冬配炸蝦好大隻炸蝦呀,原隻炸蝦~最好食係佢D彈牙既烏冬,我地2人都食到好飽飽,繼續支持小店~

今日同仔仔放學後途經skw,見到呢間裝潢別具特色的拉麵店，即刻心癢癢想試 於是就每人叫一碗大快朵頤一餐！我地叫左黑松露拉麵及豬軟骨拉麵。黑松露拉麵食落爽囗彈牙，湯底濃郁，好好味，難怪係招牌菜 至於豬軟骨拉麵，豬軟骨入囗即溶，湯亦嚐到肉的鮮甜，真係正！侍應生態度良好，又快俾我地入座，下次一定會再來！