八沢 (筲箕灣東大街)

营业中

休息中

最近我試咗呢間餐廳嘅招牌「黑松露忌廉海鮮烏冬」，首先要讚下佢哋嘅帶子，實在非常嫰，咬落去一口就冇得停。不過，湯底同埋麵嘅味道就有啲普通，冇特別驚喜，配菜都係中規中矩，唔會令你大叫好味，但都算唔失禮。服務態度方面，真係非常好，員工都幾友善，令我感覺舒適。食嘢時，服務生會主動關心我哋嘅需要，呢點為用餐體驗加分不少。不過，講到性價比，就有啲失落，因為價錢略高，可能未必值得再回頭。不過，餐廳位置方便，對於想搵個地方輕鬆食飯嘅朋友，呢度都幾合適。總括而言，偶爾試下都唔錯，但我覺得仲可以更好！

呢間嘢大大話話都食左十年，以前舊舖到依家間舖到開分店，今個禮拜去食左個lunch ，非常失望，直頭係難食，個黑安格斯嚴重懷疑係問隔離茶記借貨，雙重芝士豬扒撈烏冬仲離譜，擠嘅芝士醬同一pat 仔cream 就打發，無文無味，難怪當日飯市去烏蠅都無多隻

拉麵麵底難食，唔爽口，口感似有小小熔咗嘅片裝芝士感，比較粉份量有D少再加埋咁嘅價錢 （$70+）都唔緊要喇，但係拉麵喎！係拉麵呀！你連拉麵嘅靈魂都冇，點樣好食呀？我最多都可以同情下你，咁嘅經濟環境，再加有好多香港人北上消費，收入差咗，可能先至係食材上入手，買D成本比以前低少少嘅食材烹比客食，呢個唔係問題，問題係可唔可以用其他嘅版子嘅拉麵呢？建議買返嚟之後試咗先啦。。。如果唔係咁嘅口感，我哋都唔會食唔晒成碗拉麵，都會尊重返個廚師，但係個麵底真心唔得

地鐵站出口一出步行約1分鐘就到，地點非常方便.店內播住輕鬆純音樂，環境都好舒服。我同朋友兩人係星期一閒日晚上光顧，感覺客人唔算多～.第一次光顧，決定試佢招牌菜式 銷量no.1嘅黑松露忌廉海鮮烏冬 $98————湯底：黑松露配忌廉味道幾夾，而且口感滑嫩濃郁，食完成個烏冬都唔會口渴海鮮：有三文魚同帶子，三文魚熟到恰到好處，甚至有種入口即溶嘅感覺，好食！帶子都幾彈牙😋烏冬：感覺煮得太腍，失去彈牙嘅感覺.黑安格斯肉眼牛扒沙律 配白飯及忌廉烏冬 $98—————牛扒：醬汁味同牛扒好夾，生熟度適中，但如果再腍啲就更好忌廉烏冬：基本上同黑松露海鮮忌廉烏冬冇太大分別，只係少咗黑松露味白飯：日本米香口，但兩個主食其實有啲飽….覺得整體都中上，只係有少少位可以再改進，期望改善完變得更好食👍🏻

今日放工經過見到呢間日式料理店, 門口餐牌展示住有兩大隻帆立貝既黑松露忌廉海鮮烏冬, 忍唔住入去試一試! 第一啖入口既湯底已經震撼到我, 估唔到黑松露同忌簾湯底個味都幾夾, 兩種香濃既味撞埋一齊形成左新既火花, 另外海鮮果兩大隻帆立貝同三文魚都同餐牌圖片一致, 分量十足, 相當鮮味, 食完仲想再食!

在筲箕灣剪完頭髮通常都會在東大街找吃的，這次也不例外。星期一晚上過來人流並不多，都見有些餐廳直情沒有營業。八沢 是一間日式居酒屋，看到一款烏冬是連續銷量第一位頗有興趣。餐廳裝潢就是居酒屋的風格，不過卡座位稍微有點迫。🍜黑松露忌廉海鮮烏冬 (HKD 98)聞起來本身就幾香，將黑松露混入湯底後會更香。不過建議可以先試試個忌廉湯底之後才將黑松露混落湯。喝起來奶香味頗重，都算Creamy。扁身的烏冬滿彈牙。海鮮有兩粒帆立貝都大隻，但三文魚有少許腥。

去到筲箕灣搵食﹐好多選擇﹐於是搵間食日本嘢。裝修氣氛都不錯﹐好多日本掛畫。叫咗個set lunch同碗拉麵，個忌廉湯烏冬啲湯底都夠creamy﹐但佢地sell烏冬﹐竟然太淋﹐完全不夠彈牙。煎牛肉望落去煎得幾靚﹐但咬落去實在太韌﹐難咬開。個黑豚拉麵味道唔錯﹐湯底濃味﹐拉麵正常﹐不過豚肉較為薄切切。食物份量都足夠﹐上菜算快﹐但可惜食物質素整體嚟講﹐有啲失望。呢間日式店試下一次都ok﹐但不會再想去多一次。

負評！！！！叫左一個壽喜燒火鍋 280蚊 成個鍋得一堆菜加幾塊肉 再有一碟肉 碟肉一睇個色水已經似豬肉唔似牛肉 已經即刻問個女店員係咪比錯咗 佢就話：「唔係呀今批貨質量差啲 會淺色啲係牛黎」。 一食已經知道係豬肉唔係牛 咁就再問佢 佢先話換過一碟比我地 等咗好耐先攞咗一碟真係牛肉出嚟 好明顯就係啲牛肉解凍唔切 就攞豬肉嚟扮牛肉 （其間問過另一位男店員 佢話：我都唔知呀你問返佢啦 我就覺得似豬）非常過分 誠信問題！ 豬肉扮牛肉都係第一次見 啲牛肉一食係散嘅 $280係俾錢買難受同埋一肚氣！！！ 奉勸各位千祈唔好去呢間舖頭！食物質素同價錢服務完全不成正比

🍜烏冬控注意 ️🍜黑松露忌廉海鮮烏冬 $98奶白色忌廉湯底，奶香濃郁,非常creamy ，加上黑松露令到成個湯多了一個層次，整體濃而不膩。材料亦都不吝嗇，有兩個厚身帆立貝同厚切三文魚，烏冬煙靭。不愧為必試十大烏冬之一✨我近乎飲哂成個湯😹🪟環境裝修寬敞舒服，好多懷舊日式平面設計

同老細拍拖拖過海做嘢，放lunch去咗東大街搵嘢食，今次唔食切腩撈粗啦🤭搵間日本拉麵試下先！！記得呢間舖頭門口以前有架舊單車，可能舊得滯，已經冇咗啦……😥佢招牌係食烏冬，見到「連續十一年本店銷量第一位：黑松露忌廉海鮮烏冬」就一於試下啦～上枱已經聞到好大陣黑松露嘅味！👍🏻🥰黑松露醬份量都唔少，忌廉湯底非常濃鬱，配埋黑松露醬，好香滑！😘烏冬夠彈牙，確係我杯茶！🥰配菜係一隻大大隻嘅帆立貝，同埋三文魚～三文魚嘅處理非常好，絕對唔會好嚡好硬！不過有一點不足嘅…就係佢叫得「海鮮烏冬」，冇理由淨係得帆立貝同三文魚？！😜😅如果有隻蝦🦐或者兩粒蜆仔🐚個感覺會完滿啲！😅😜老細就叫咗豬骨湯叉燒拉麵🍜，湯底正常發揮，唔算太過濃鬱～叉燒都好腍好入味，話曬佢招牌係食烏冬，咁佢啲烏冬都好滑好彈牙！叫多個凍豆腐同飲品，做lunch啱啱好～陣間唔驚恰眼瞓🤪🤣店內陳設好有居酒屋feel，咁响煩囂工作中，能夠感覺到少少放假mood都唔錯嘅！😜👍🏻🥰

琴日同個friend收工，出左地鐵站之後傾左幾句就諗住各自返屋企，點知見到有一間仲有嘢食！（因為果陣都成10點半！）就行去睇睇！諗住入去試一試，順便同個friend傾多陣！我地點左d串燒同啤酒！個女經理好細心同好詳細話比我地聽嚟緊仲有好多新嘅消夜菜單！不過就暫時只會開到12點！食物ok㗎！可以再一試

1.安格斯牛肉配忌廉海鮮烏冬加白飯安格斯牛肉肉質味道唔錯，但有少少筋忌廉烏冬湯底以忌廉汁為主，加入左香草，奶香味比較濃，烏冬食落口感滑溜，但較正式叫嘅一碗淡味，不過整體而言都可以接受2.黑蒜炙燒極濃黑豚肉拉麵湯底係好香既黑蒜味，黑豚肉肉質素都唔錯，不過較瘦，所以有少少乾，糖心蛋流心程度啱啱好，蛋黃好香滑，但因為有少少凍，所以加少少湯底一齊食可以中和下，令味道更濃烈，可以增添多重味道，拉麵口感比較彈牙！

過左午餐時間先入去 大概1500左右,睇左陣餐牌之後落單, 落左單之後先有個店員同你講佢地落場時間係1530 （呢個時候已經1515）聽到當然係嘩然 然後佢又話咁食到1545得唔得聽到已經想走 但係另一個店員話肯等埋先收店因為真係幾餓下所以最後諗住喺到食算....食物質數一般 牛肉有牛味但有筋 忌廉烏冬真係忌廉湯底吉列豬扒還可以但係真係覺得自己似中大伏囉,1530落場仲比客入黎 又唔講,然後等你落左單先同你講。

明太子雞翼🍗雞翼去骨後更方便入口，烤得汁水豐富，不會太乾。味道很好，但是並不像傳統的明太子那樣，更像是韓式泡菜的味道，可能是因為其中的香料的緣故。不過，我覺得嚐過一次就好。鮮什菌松露芝士忌廉烏冬🍜👍我非常喜歡這道鮮什菌松露芝士忌廉烏冬。裡面有金針菇和其他新鮮的菌類，加上芝士和忌廉的搭配非常美味。芝士和忌廉的味道很濃郁，讓我愛不釋手。烏冬的硬度煮得剛剛好，非常滑嫩。整體而言，我十分推薦這款烏冬。😋

住在附近，它家的风很大，但我们2个人去吃。平时吃饭也会拍照的，他家真的就没有感觉。去过一次就够了，中规中矩一般般没必要特意去吃，边上的几家都比它好没吃招牌所以也就这样吧晚上去的可能有点早6点，店里没有人，有点吓一跳。其实记得店里有股味道就是那种有点旧旧的味道不喜欢。东西也点了300多还是400来着很久了上个月吃的。2个面先生也不喜欢吃。串烧还可以。其他那边拉面真的没有传得那种神。先生还补了一句诗连锁的好尴尬！