八福 (已結業)

某日同朋友10點幾行去到花園街諗住搵野食誰知想食個d一係就好多人…一係就關左門 =口=”咁就唯有試新野食間冇更多人排隊架喇咁就去左食 “八福” .. 一入到去環境都還可以既但一坐低5分鐘唔夠d人就係咁吹我地落單我地話睇睇先..轉個頭佢地又走黎再吹過 =口= “原來係佢地好趕住收工囉..但佢地係收12點的..算咁最後就同朋友1人叫左1個熱烏冬1個咖哩牛肉烏冬..同1個照燒雞扒烏冬咖哩牛肉烏冬 : 湯底睇落真係好咖哩..但可惜我覺得唔夠咖哩味牛肉既份量都還可以既..但就熟左少少而佢既烏冬就係幼身d所以食落口感就冇彈牙喇..我都係覺得粗身好味d =]照燒雞扒烏冬 :li個湯底較鹹..但佢配個個粟米又好特別的因為有好大陣牛油味..食落口特別好味 xD而d雞食落口都okay既..味道都唔差咁喇但我覺得可以再好d囉..同埋服務都應該要再好d囉最後一食完就好快咁離開了..因為佢地d職員比我既感覺係..佢地真係好趕全收工囉

D位超迫,個服務員行過已經成日撞到d客, 一D都唔小心!比佢撞瀉杯DRINK落電話到之後佢擰轉望一望,過左好幾秒(好似諗緊係咪自己整到咁)先講聲唔好意思! 之後淨係拎條布黎抹張枱,完全冇理過我地個身係濕既,紙巾都唔拎張黎!!之後有個客唔舒服唔小心整瀉碗野,佢就一面不悅一路拖一路話人"唔舒服就帶佢睇醫生啦!" 個女士已經無哂力,行都行唔到, 佢仲要唔比個女仔坐番好自己個位抖, 係要人地行去坐門口張CHAIR!!

這陣子很喜歡很男友四處找尋新東西吃這次我在女人街找到了一家手打烏冬 ─ 八福經過門口被它的兩人套餐吸引著$96元 有三客小吃 和 兩客烏冬我們點了 炸帶子 大蝦天婦羅 日式玉子還有兩客凍烏冬 和 兩杯飲品左邊的是 荔枝水漾 甜甜地 味道不錯右邊的是 茉香綠茶 這個也可以喇..日式玉子 早前男友在J2台看到介紹製造這道菜的過程這天就在我邊吃邊講述我聽原來這道菜需要不少功夫呢..炸帶子 放上檯時還熱騰騰的 味道不錯大蝦天婦羅 炸粉開得不錯 蝦也蠻大隻的最後 我最期待的 手打烏冬出埸男友對吃的要求比我高沒有想過 他連對wasabi是有要求還按捺不住問老板 wasabi是否自己磨出來?老板竟然回應他 是用粉開成的但要用頂級的wasabi粉男友聽後 還有猶豫 因為味道能夠媲美磨出來的wasabi呢..烏冬完全沒有令我失望 十分彈牙 味道鮮甜整體來說 這個價錢 絕對超值。喜歡食烏冬的朋友 絕不能錯過更多我的分享請到:http://hk.myblog.yahoo.com/ting_nui127

我地4人行,一人叫左一個烏冬....3個朋友叫凍烏冬,我叫湯烏冬!佢地叫左燒痴子,炸蟹kim同煎餃子,感覺無mu特別,味道不詳!我做食左個蟹肉滑蛋烏冬,我覺得d滑蛋唔係幾同平時d滑蛋,好淺色好多槳開但好少蛋,而且略salty.D蟹肉都ok幾,幾鮮味幾甜!!!所有烏冬既份量好大碟,幾好既,unun地,不過又有d林.最好既係飲品,荔枝白玉,好好味d白玉,又夠多!!!!一個烏冬+野飲,$40幾其實都OK接受到既.

最近開得最多既食店..相信係手打烏冬同台式飲品喇...我自己因為唔食刺身,,但中意食日本料理當然手打烏冬都唔例外試過都有好幾間今次就黎呢間開飯~我分別黎左呢間店3次..就一次過打食評啦~辣雞扒玉子湯烏冬辣味係有既..個湯上黎既時候好似d日式咖喱咁杰杰地既...但係食完唔知係咪凍左既關係呢?又會變成好水??玉子唔係厚囉...都唔係我食過最好食既..出式就唔會係..你當百佳惠康買果d幾蚊件既玉子食就差唔多喇..不過都算大件雞扒都係不過不失咁啦~都最重要既烏冬喇..居然食落去我又覺得ok喎!佢係好似d手攪麵咁.但就比較稔一點..唔知大家有冇食過大家食既手攪麵呢?男友就形容似係食緊上海麵既稔版..我個人+朋友試左都覺得唔錯~但一致認同..好食還好食,但一d都唔似食緊烏冬..因為佢唔算好彈牙果d,係偏稔既..價$唔算貴..我果日tea time去,但佢冇tea set既..所以呢個係單叫..冇記錯係$35唔包野飲.要飲野+8蚊照燒茄子雞翼丼配中華沙律+迷你熱湯烏冬+野飲(荔枝水)好喇..呢個係set lunch黎既~$38嘩..都算豐富喇...飯真係有用日本米煮嫁!便當咁上,感覺唔錯!雞翼唔算非

香辣汁磨菇雞翼撈烏冬+麵豉湯 $36其實烏冬都OK，有韌度，但略微欠滑口。雞翼是炸脆再淋上醬淋，但醬淋就好惹味，甜得來帶辣，都不算是微辣，有D刺激味覺的反應，撈落烏冬一同食好味普通的麵豉湯。我配了杯熱檸檬金桔，好飲，夠味

今次都唔係第一次去，次次去都無失準，上幾次同唔同既朋友去都讚又平又抵食。今次就同媽咪去，最好係唔使等位，但如果多過8個人就麻煩D，無咁多位可能會迫D。冷烏冬，彈牙又煙UN，有好多蔥粒同WASABI，個人覺得比起赤丸既好食好多。燒玉子，熱騰騰甜甜地好好食。炸南瓜，必叫，厚片，好脆又唔會好油脷。熱/凍珍珠奶茶，本人愛熱多，但熱既會偏甜。除左食物我都想讚下侍應生服務，有一次自己一個人去，中午十二點到，間鋪岩岩開市，我係第一個客。落完order話要等耐少少，我話可唔可以快d，因本人趕時間，最後佢地都好快手上哂d菜，而且仲好有禮貌。

果日我同男友去八福食 .. 叫左個二人餐 .. 其實都算幾多野食丫 .. 比你任揀3 個小食 .. 2 個烏冬 .. 仲有兩杯野飲添" 我地叫左既小食包括: 七味雞翼 - 我覺得有少少辣 .. (本人係唔食得辣既人黎") 同埋我諗食完應該都幾熱氣 .. 味道一般啦"汁煮金姑牛肉 - 呢款菜式好好味! d 汁較得岩岩好, 唔會太咸, 牛肉又唔會只係比d 肥肉你" 又好送得烏冬!! 正@v@~炸帶子 - 又另一款比較熱氣既食物 .. 但味道都好好味! 我覺得點唔點沙津sauce 都咁好味!烏冬方面 .. 我覺得熱烏冬好味過凍烏冬 .. 因為凍烏冬冇咩味 .. 但熱烏冬個湯都幾好味~~ 烏冬方便好過板x 果d 囉 .. 幾有咬感丫" 間餐廳環境都唔錯丫 .. 地理位置又唔係僻 .. 又唔洗點等位.. 佢地d 特色飲品 (特別係柑桔檸檬) 都好好味咖! 大家可以試下丫~~

先比一個""因為真係太唔掂我食左一個set lunch, 蟹子三文魚鬆丼 + 細烏冬 - 32蚊, 叫左個凍綠茶但問題就黎啦...個三文魚鬆鹹到不得了, 以為食緊鹹魚撈飯, d飯樣似珍珠米, 但係食落唔似囉.....蟹子係冇咩味, 都算啦,跟住個烏冬又係, 個湯底又係鹹到不得了, 個烏冬0既質感似係厚身公仔麵最好係個綠茶 !!!

跟一位中學同仔去晚飯,其實幾個月前也來過一次,但不太記得味道是怎樣的,今次來也叫了手打烏冬,凍的,很好吃,我很喜歡吃烏冬,但在香港吃到真正的日本烏冬真的很難。我兩次都是吃凍烏冬,都沒失手,真的很彈牙,他們會在烏冬上放上紫菜,另跟一小碟蔥花和washbi,還有一小碗凍湯/汁,我不知那應該叫什麼,很清的,透明的,配凍烏冬一起吃,好味說真的,那間店除了招牌的手打烏冬,其實的小吃也沒什麼特別,今次叫了墨魚餅,辣汁雞和甜蛋,都ok啦,但最最好吃還是那個烏冬而且,價錢很抵,一定會再去!!

我同個fd 睇完戲諗住是但搵間野食飯 見佢裝修唔錯, 又話手打烏冬價錢ok 咪試吓囉, 點知出事我地嗌左 餃子烏冬 , 魚餅, 碎海帶 , 雞扒烏冬我平時食野已經冇咩要求, 但喱間我真係忍唔住開個OPENRICE account 首先講 餃子烏冬, 又話係手打烏冬既?! 食落去彈牙感都有, 完全係用一個字形容 "林", 我想問, 手打烏冬係咁既咩? 去超級市場求其買一包都好食過佢 , 另外D 餃子似煎過黎咩? 第二魚餅, 收人$ 23 一細塊魚餅好唔好意思呀 ? 我未見過一塊魚餅係配薑蓉囉! 我食緊燒味呀? 不如俾泰國雞醬我丫笨!!!第三 碎海帶, 淡而冇味, 加D 麻油調味都懶, 好似用水喉水沖一沖落小小芝麻,第四 茶水沒有供應, 要問先有, 仲要個侍應冇咩禮貌唔應你, 初初點解D茶咁淡既,越飲唔對路, 跟住睇係咩黎, 滾水黎既!!!!

原本想同男友食西門町..幾經辛苦行到身水身汗終於行到..但見倒條人龍已經唔想講野…甘熱既天氣下真係無可能等落去….於是同男友兜返黎呢間試下…男友叫左個滑蛋鰻魚飯set…$52包一碗細既熱湯烏冬..麵豉湯..中華沙律同一杯野飲..叫左凍荔枝水漾(+$2)..我就要左客滑蛋吉列豬扒撈烏冬$36…凍茉香珍珠(+$8)~滑蛋鰻魚飯: d 鰻魚都ok唔錯..幾好味~中華沙律: 原本好鍾意食中華沙律…但一見倒已經唔想食..乾睜睜…荔枝水漾: 無乜特別..甜左d..滑蛋吉列豬扒撈烏冬: d豬扒炸得好脆..好好味~都幾大碟..茉香珍珠: 唔知係咪杯荔枝水漾太甜…..所以呢杯相對地淡..無乜味價錢唔算平…個人prefer赤丸多d~~

行街經過見到新開就入去食下啦!! 2 個人叫左一碗"滑蛋肥牛撈烏冬",一碗"燒雞扒湯烏冬"。2 碗野都無驚喜, 好普通, 買相唔靚, 唔吸引, 其實自己都可以整得到. 不過佢d 烏冬係幾滑, 食得出唔係用d 平烏冬整既。價錢ok, 又唔洗加一。都幾多人食!! 不過試過一次就算啦, 應該唔會再黎囉!! 而且d waitress 成日黑面, 好似唔想做咁。

女人街的食肆~一向都要背貼背而呢一間感覺開揚少少同埋我入去時~都唔係滿座~所以坐得舒服d~朋友介紹過嚟食旺角真係冇乜好味的烏冬~而呢一間~某程度上~比赤丸好味佢都係一個淨烏冬(大/小)~再叫嘢食為主~因為d set好似唔抵食咁~一個凍烏冬~一個湯烏冬~一份餃子~一碟碎海澡~再加上八爪魚餅~good!!!!!凍烏冬比湯烏冬出色烏冬依然彈牙~八爪魚餅亦不錯~~餃子不過不失~女人街成日d嘢都好難食...撞5間都未必有一間你係想再入去的不如試下呢間吧~

難得小妹lunch time落樓食飯, super話帶小妹去食烏冬, 仲話好正云云,,小妹點左個"青蔥金粟海藻玉子豆腐湯烏冬"餐 (類似o既名啦,, 總之個名已經show晒所有配料)跟熱飲柑桔青檸。熱飲先來, 見到1杯青青黃黃o既液體, (因為用手機影相, 顏色偏淡左咋!)1飲, 哇100%係"必理○傷風感冒熱飲"味o既糖水!!!小妹放低隻杯後, 再無飲過戈杯野...到湯烏冬, 首先係個湯完全係味精湯底,, 仲要好重味精添...d烏冬好普通唔見得好似店入面介紹得咁彈牙,玉子豆腐無蛋味, 根本係凍肉店買到戈種,海藻都係普通海藻咁o既味...最好o既應該算係d粟米, 有牛油味....可能試1次唔足以作準,, 但小妹係絕對唔會再黎第2次的了...