影片
电话号码
26650997
营业时间
今日营业
11:30 - 14:45
18:00 - 22:00
星期一至日
11:30 - 14:45
18:00 - 22:00
*截單時間: 21:45
以上资料只供参考，请与餐厅确认详情
食家推介
招牌菜
相关文章
午市1點左右去到，無咩客，一埋枱就點 什錦魚生丼配麵豉湯 就即時被告知：賣哂，都忍唔住即時講：吓，壽司鋪無得點刺身飯食？迫於無奈，就點咗 炭燒雞扒手打烏冬配是日壽司三件 午市套餐，點知，個餐嚟到，更無奈😥🍣 三件壽司係：刺身蝦，青瓜醃蘿白蟹柳皮飯卷，蟹柳都比個烏冬好食。。。烏冬就極失望😥😔 碗大份量少，😔 湯底係濃濃嘅豬骨味精湯味，即係即食麵嗰種湯味，😔 雞扒勁細份，四小件，食唔到炭香味，食得出好甜嘅醬料味，再加昆布碎同少少雜菜。。。。因為真係唔想飲個湯，所以只好問店員拎七味粉嚟夾住食。。。食完成個餐，細食嘅人係勉強夠食，但普通男士應該唔會夠。見有部份男士會加$8, 將個烏冬加底。朋友點咗 自家叉燒手打烏冬配是日壽司三件，但個烏冬照樣係出事！除咗個湯底唔ok之外，😔 個自家叉燒，鞋口，唔滑。見其他枱點貴少少嘅set，其實都見有好多刺身，令我懷疑 什錦魚生丼 晏晝1點無得點，好可能係哩間鋪頭，唔似得其他鋪頭咁，😔 好似唔願意喺未有碎料嘅時候切部份俾個客做什錦飯。。。😔 同埋個烏冬set 真係俾我一種縮水式加價嘅感覺，唔知係咪因為咁，午市突然無咩人去食。。。。😥 店員只有一位全黑髮馬尾妹妹態度最好，收銀呀姐只對熟客態度好，其他時間都係呼喝式，問題係新客相處唔到，嘢食又唔到位，點變熟客？另一位同事上餐，係掉上枱，嚇親。。。。總結係我覺得唔值，我亦都唔想再受氣，如果鋪頭無改善，決定唔會再去👋🏻#大埔美食 #伏 #唔值 #要夠200蚊先可以用支付寶 #200以下可用八達通同現金
继续阅读
係大埔就食到好味又抵食嘅壽司！無論熟食定壽司味道都相當唔錯，而且仲即叫即整熟食熱辣辣送上👍🏼壽司大件又新鮮！款式唔單一多選擇，個人超中意海膽軍艦，海膽大大塊，份量一啲都唔馬虎，味道仲相當唔錯，另外牛油果卷都係我嘅至愛！一般牛油果份量好少，但呢一款以牛油果為主，啱晒我口味。仲有鰻魚串，燒得香口又大件，仲唔會有骨！讚👍🏼另外仲有炸天婦羅，香脆可口，炸皮夠薄，蝦肉滿滿，十分美味店舖嘅環境相當闊落，約埋一大班朋友都唔係問題！
继续阅读
行完大埔中心想食日本野就諗起經常都會去食既八鯨，性價比高而且食物好多款式，平時都多人排隊所以就早左去餐廳，等左陣就有位。滑蛋牛肉飯牛肉不錯肥瘦適中而且煮到岩岩好，滑蛋唔會煮到過熟加上唔同既配料令到每淡都有唔同口感，好好食！牛油果軟殼蟹卷入面既軟殼蟹炸到好香脆配上外面清新牛油果奶油軟滑嘅口感，每次黎都會叫。奇脆三文魚腩卷三文魚腩好肥厚新鮮，上面鋪左魚子再加上卷物入面包住飯＆脆脆，口感好豐富，而且好大件好抵食！牛舌牛舌燒到好香口，肉質鮮嫩，味道一流。海老天天婦羅蝦炸到岩岩好好香脆。
继续阅读
新年期間無咩餐廳食飯，見呢間舖有開所以就諗住試下。等咗一陣位就入得去坐，見價錢同平時日本餐廳差唔多，諗住無所謂啦。點知不但只份量大過好多餐廳，仲味道好唔錯叫咗三份刺身，好鮮又厚切，好好食仲有芥末八爪魚壽司，好多八爪魚仲有海膽炒飯，好多海膽！以前食果d係好辛苦先搵到兩粒，蛋汁當海膽，仲呢間絕對唔係！好大份，食唔晒見好多人食，應該口碑唔錯！推介入大埔都去試下！
继续阅读
立春第一餐，梗係要食好西啦～平時見八鯨好多人排隊，今朝11點幾去到唔使排即刻入去品嚐一下美食今日叫左特上魚生丼配麵豉湯三文魚厚切，帆立貝和其他好新鮮，海膽算大件但唔係太食到個味，口感不錯👍🏻另外，叫左個海膽三文魚籽丼配細烏冬2大片海膽令個丼新色不少，雖然未算入口即溶，但口感非常豐富。三文魚籽未去到脆口階段，但呢個價錢是值得一食的。欣賞壽司飯，味道酸度剛剛好👍🏻今次食完lunch, 期待下次食dinner
继续阅读
您可能会有兴趣的...