八麵玲瓏 (已結業)

(半個月前食評)又是旺角的飯聚, 有少少趕時間又0係唔知食咩既情況下, 就黎左呢度位置都幾難塭... 好彩朋友之前黎過, 唔係都唔知點上黎餐湯要了羅宋湯, ok焉鴦焗飯(焗豬排飯+白汁海鮮飯): 一般. 有頗多芝士(其實係芝士粉), 可惜汁的味道麻麻地. 豬扒同海鮮用料也一般朋友要既豬仔脾配大蝦, 距話幾好食感覺唔算好好食, 不過份量都幾多, 一定會夠飽服務效率幾快, 算唔錯總結黎講都係一個傾計既好地方或者下次再黎既話, 食返麵會好d..

昨日本來是攪個提早的新年party, 但有人甩底, 所以我又約主人去這個老地方食飯, 這間餐廳能成為我們的老地方, 因為在旺角, 很方便我和主人食完各自歸家, 另外就是價錢跟食物, 很合乎我們的慳錢得來又健康好味的原則. 家下好難可以五十元樓下, 找一個舒適的地方dinner了.這個老地方, 真係唔錯, 我地考完試又會黎剧扒慶祝一下(雜扒餐真的很抵食), 想食light 一點, 就叫蕃茄湯菠菜麵. 睇戲前就更岩去, 因為通常都唔駛等位, 上菜又唔駛等好耐. 係咪掂先.昨日我跟主人也是食麵. 她叫左竹笙餃子烏冬, 我叫了南京牛肉北京拉麵. (因為之前我地次次都係食菠菜麵, 今次就換下口味) 番茄湯底很香濃, 也有很多菜, 很健康的感覺, 同埋佢話是沒有味精. 牛肉很入味, 很淋, 南京牛肉真是我的至愛.

其實呢一間 cafe 都去過好多好多次亦介紹過好多朋友仔去食難得放假 終於同朋友再上去 dinner一入到去 好少人唔知係咪市道差左呢坐卡位 好舒服 叫左個 set dinner + 一個甜品今次食一個之前冇試過既 set dinner - set k鰻魚雞扒飯 << 大概個名 XD好快黎左個烘包 + 餐湯呢間野既白湯好多時都唔同配料我試得最多係粟米 係最正今次既係瘦肉 ... 我覺得麻麻 但係烘包就好好味好多蒜蓉 不過怕油既人就可能唔係甘鐘意啦主菜呢 . . . 鰻魚汁太甜啦　－　－"完全冇諗過會甜到呢個地步而且鰻魚同雞扒好似唔係甘 MATCH但雞扒係唔錯的 好滑而且唔會太肥木魚絲份量岩岩好最後杯野飲都 OKAY但我會推介下呢度既凍奶茶幾滑幾香至於甜品呢 係MANGO PANCAKE ^^幾正喎 D皮夠薄 CREAM 唔會太多 亦唔會太甜如果 MANGO 再多 D 就好啦 雖然服務真係好周到但我覺得呢間野既野食 質素好似下降左希望只係 SET K 既問題啦 ^^"

和朋友到此吃午餐。叫了牛肉菠菜麵和焗芝士鏍絲粉。原來牛肉不是普通的肥牛，牛肉很入味～朋友的焗芝士鏍絲粉就十分麻麻，芝士只不過是芝士粉餐飲的熱杏霜幾好飲，很濃的味道。朋友的凍檸茶也不錯。

旺角日日都人山人海, 想搵個地方唔洗等位就有飯食都幾難....我o黎過八麵玲瓏三次, 三次都唔洗等位, 仲算坐得舒舒服服, 有 d U 形位, 幾個朋友坐埋傾偈就o岩晒食物就一時時啦, 份量都算多, 選擇亦就好多元化, 中式麵, 西式焗飯同扒餐都有!對上一次食個蕃茄麵係唔錯的

２９．１０．２００８麼喜歡八麵，還是第一次在午餐／下午茶的時候來猶意了很久，點了沙薑雞翼這個沙薑．．和平常的不大一樣吧！但味道很香。一份四隻雞翼，一堆薯條和少量雜菜，加上飲品就二十多元感覺還蠻貴的。但店內環境實在太好還是會再來的

從這間店的名字已知道它的麵是較出名的, 但是日供應的晚餐卻是一些扒類、焗飯、意粉, 有餐湯、蒜蓉包和熱飲。雖然餐牌上也有麵類, 但好像不夠「精選晚餐」吸引, 我們也是被照片引上來的每張照片也很吸引~朋友不停說什扒餐很抵食, 有牛、豬、雞、珍寶腸、煙肉和薯條, 不想成為食肉獸的我懶健康的選了焗牛柳五穀飯, 朋友A就要海鮮焗薯蓉, 另外3個都要什扒。另外都加錢要了所謂的特飲: 我的是百香果蒟蒻。餐湯都幾多料, 好耐都無飲過羅宋湯了~蒜蓉包就非常香脆, 但食到成口都是油........百香果蒟蒻是非常假的糖水弄成的, 還有一些可怕的「膠粒」在杯底, 紅紅黃黃的, 是我一直理解錯蒟蒻的樣子嗎？不是像啫哩的？食了幾粒, 軟淋淋的, 不彈牙, 被糖水弄得也很甜。終於見到我的飯來了, 非常黑的汁蓋着面, 醬汁也不用黑成這樣吧？很杰的汁(像漿糊！), 而且有點過鹹, 偶然會食到稍為大粒的黑椒, 若能多一點, 平均一點會更好！我就將大部分的汁飛到一邊, 但也要撈大量飯才可放入口.........五穀飯的五穀包括: 紅米、麥米、糙米、香米和黑糯米。因為黑糯米令飯有點黏黏的(有點,麥米是脹卜卜的, 是我最中

昨晚約左一班中學同學出來聚會, 慶祝朋友生日兼派帖, 聽朋友講話這間cafe幾好, 於是就上去試下. 我係打電話去book位的, 在電話中個staff 同我講每位最低消費$55, 而切蛋糕費係＄30, 我覺得都ok. 上到間cafe, 只覺得沒有cafe的格調, 好似係樓上茶餐廳咁, 仲係cafe的牆上貼住:" 不得在店內喧嘩, 玩啤派, 棋類遊戲, 占卜等", 咁寫法好明顯唔係cafe啦, 好在我地唔需要喱d野. 我地開始點野食, 看一看個menu, 價錢就晚餐來說唔算貴, 由$48-$88 都有, 都幾多種類簡, d野食都幾好, 仲有餐湯同蒜蓉包，不過d餐湯就完全唔得, 特別係d紅湯, 我有d同學仔飲左一啖就唔飲喇 , 仲有就係我食完野先發現用來墊枱張紙寫住:" 晚餐每位最低消費$30", 咁點解打電話訂位就要每位$55 呢? 綜括這間cafe, 唔係, 係餐廳先啱, 環境ok, for 聚腳一流, 價錢ok, d 野食ok, 但餐湯唔係好得~　不過之後我都會再幫襯！！

叫了一個招牌麵餐$46,改特飲哈密瓜蘆薈,唔記得加幾錢..拉麵煮得太耐,個夾心丸唔好食,炸蝦又無味...得個豬頸內肉,同雞翼ok......個飲品色素好勁（超綠色）．．．而且味道好假．．

真係要讀o既一間餐廳~與靚仔朋友都叫麵餐:1) 草樹菇豬肉+菠菜麵+蕃茄湯底2) 川辣牛根腩+烏冬+蕃茄湯底個蕃茄湯底真係好掂呀,好濃好夠味好足料,湯底有好多蔬菜!草樹菇豬肉同牛根腩都係好夠味,好濃郁,d肉亦好"林"!3) 釀雞亦裡面釀左肉,都係有好濃郁既汁...好味除左麵仲有好多其他晚餐,扒餐,我裝到隔離枱既晚餐,都幾好樣ga,好足料,好多配菜!有heart就是受歡迎的原因吧~環境都幾好,幾舒服..價錢都ok ga!

見到甘多好評，就選了這一間作為吃晚飯的餐廳。餐廳裝修：整個設計簡單又得意，我很喜歡，因為太過豪華或繁複，本人是不太喜歡，而朋友們很喜歡吊在天花的馬行奧裝飾，評語不錯呢！食物：看到朋友們的什扒餐，又多又好味，他們的扒真的很多，足料，味道不錯，喜歡吃肉的朋友一定要試，真的令本人羨慕不已。雖然本人的晚餐（牛柳配大蝦＋天使麵）不是不好，汁同肉的味道配搭得宜，可惜，那個牛柳太熟了，要減分呢，所以相對之下，我的晚餐真的比較失色。服務：效率幾高，好快ｄ食物及飲品已經送到上枱了．．．不過．．．有一樣東西要注意的，他們只是開始比了一杯水你之後，就唔會幫你加水了，即使看到他們沒客啦，都唔會主動幫你，看你有什麼需要的。另外，他們收拾物品的速度非常快，當我及朋友們只是吃完主菜那一刻，就會即係幫你收拾好了，厲害厲害！＊這裡是免加一的啊！！

一行4人的中學gathering預算有限,又怕別的地方會被趕記得大家對這兒的評語不俗,就這裡吧4人分別要了南京牛肉撈波菜麵x拉麵,雞肉海鮮卷,什扒飯和招牌麵餐這兒的招牌蕃茄湯,有點酸酸的,味道不見得特別出眾但湯底的不油膩和偏稀身,相信是無添加的原因,值得一讚南京牛肉撈波菜麵x拉麵來到八麵玲瓏,又怎能不試試這兒的麵條呢?吃不出波菜麵x拉麵的味道分別在哪裡麵條口感平平,牛肉的醬汁也略嫌多了點,蓋過了蕃茄湯的味道比較值得一提的是牛肉非常的厚身,肥瘦分佈勻稱算為整碗麵扳回一成吧雞肉海鮮卷大量蝦肉塞滿了已去骨的雞件,雞肉嫩滑,蝦肉新鮮咬下去啖啖肉,暢快非常,為全晚的驚喜適合無肉不歡的食友們沒有吃到友人們的什扒和招牌麵,不過看上去應該還算可以的餐飲要了菊花薑蜜,夠熱也夠薑味冬天喝的話相信會蠻舒服的下次來再試別的飯餐

14-AUG-08 20:00PM與朋友二人想找個地方傾下計, 食D野, 旺角樓上CAFE係不錯選擇. 朗晴坊內都有10 家 8家的食肆, 以前試過八麵玲瓏既 LUNCH, 都幾好, 坐得舒服, 三五知己飲下野好 RELAX.雖然餐牌上有各式西餐, 仍是對麵類較有興趣. 除了烏冬, 米粉大路選擇, 還有健康之選菠菜麵. 湯底呢?亦有至愛蕃茄什菜湯底. 加上豬軟骨,成了我的晚餐. ($42)湯底不算很濃, 甘荀, 洋蔥不可少, 如果再多D蕃茄當然更好. 配料有椰菜, 紫菜, 粟米粒, 蒜粒口感十足.菠菜麵滑身, 豬軟骨夠淋夠入味. 整體配搭開胃有營. 份量之大一定夠飽.奉上餐飲, 只要熱檸茶, 喝不下什麼沙冰特飲了.**店內有不少SOFA 位, 仲有 LCD 睇奧運, 正~~**

朝早11點半就補完習. 但又距離下場成兩,三個鐘. 於是就諗住搵個地方, 俾我呢d俾pat pat坐下食個early lunch. 猶記得之前有幾篇大讚八麵玲瓏的食評, 所以就去左朗晴坊度食啦. 第一次食八麵玲瓏, 上到去牙姐立即招呼我, 佢知我想睇電視, 就安排我坐去卡位, 真係幾好service=] 諗左成10分鐘就未諗到食咩好. 想試招牌的拉麵. 但同場另有set lunch提供. $28個set 有湯有飯有野飲. 都幾抵下, 於是就叫左一個焗忌廉芝士蜆肉蟹柳尖通粉配一杯人人大讚的紅豆沙冰(+8) . 先說餐湯, 是菜乾湯, 味道不錯, 沒有太大的味精味, 份量也不少. 至於焗忌廉芝士蜆肉蟹柳尖通粉, 汁是忌廉汁加上芝士粉. 味道怪怪的, 也比較咸. 不過蜆肉和蟹柳幾多, 尖通粉也不會過腍, 勉強也算ok的. 最後的紅豆沙冰, 真的超級唔抵, 加左8蚊, 但紅豆太少, 奶也太稀, 而且沙冰居然在上桌後十分鐘, 出現紅豆和奶相隔, 變得紅豆是一層, 而奶又是另一層, 去美心MX飲杯有雪糕的紅豆冰更好味更加抵不過一次半次就算啦, 如果有下次, 我寧願去番附近的熟食中心食包啦

依然很喜歡到這裡晚餐。最近一個月，也來了好幾次！每次同行的友人都會說，這裡是個好地方　沒辦法啦，這裡真的是好地方嘛。晚餐不算貴，又好坐，很有ｃａｆｅ的風範啦。不過最近幾次，待應嬸嬸的收碟速度可是大大的提高了，讓我覺得有點不舒服。哈，不知是否愈來愈多人知道這個地方才變得如此呢？希望不要繼續變差吧！而且好有趣，有兩次去吃焗ｐａｓｔａ的時候，他們都以芝士粉代替芝士放入焗爐，把芝士粉烤成啡色一粒粒的。老實說，我覺得很反感啦。而且覺得這樣做不好吃。所以第三次去叫焗茄汁雞扒意粉時特意叫他們走芝士。但眼見同行友人的意式焗海鮮飯竟是用回普通芝士，幾乎把我氣死．．＝　＝下次要問清楚才走芝士萬幸他們跟餐的蒜蓉飽水準能夠保持不變飲品方面，發現紅豆沙冰非常好喝。味道濃郁，又涼透心，正！朱古力沙冰也很好，但就略甜一點。這＄８還是加得過的。但芒果乳酪就非常難喝。絕不是芒果味啦．．．怪怪的。還是叫沙冰好。杏仁霜就普通得不能再普通了。傾計傾到口水乾的一餐，埋單都不過是＄５０～７０不等。會一直支持它到尾的！