六合小廚 (已結業)

今日同朋友去咗尖沙咀行街下午茶時間行到有啲攰就搵咗間茶餐廳坐低食嘢呢間餐廳係樓上鋪地方都比較大啲，兩個人都有卡位坐 呢間餐廳都有好多嘢食嘅選擇 有車仔麵，茶餐廳嘅炒粉麵飯，水餃，雞翼豬扒嗰啲小食，夜晚原來仲有海鮮同小炒， 真係考起有選擇困難症嘅我朋友因為未食午餐，佢就叫咗個飯， 係叉燒煎蛋飯，個煎蛋有啲流心，甜豉油配埋個蛋汁撈飯幾好，叉燒如果燒耐啲會更好而我因為食咗嘢就帶咗個粟米豬肉水餃,足料啖啖肉仲有幾條菜心。另外我哋仲帶咗個麻辣三寶，有魷魚，牛柏葉，同墨魚，佢個麻辣真係非同小可，係好辣同好刺激， 有興趣嘅朋友真係可以挑戰 

現在肺炎這么利害，都係在公司內吃外賣今次叫了六合小廚，因為佢每天都有不同餐單，所以并不會厭悶今天叫了啫啫滑雞飯，呢啲小炒，居然可以當午餐做，真用心頹廢飯，叉燒煎蛋飯，用心煎嘅荷包蛋土魷蒸肉餅飯，超彈牙，加超夠肉汁，一定係用新鮮豬肉薑葱爆叉燒煎蛋飯，將爆好嘅薑葱放在叉燒上，超配合咖哩薯仔牛筋腩飯，咖哩超濃，牛腩係靚嘢，牛坑腩，老闆真落本飽飽，滿足原來仲有个抗肺炎例湯，不得了，好窩心啊，超讚志蓮淨院防肺炎菌的湯水如下: 青紅蘿蔔各半斤 馬蹄7粒 蓮子，百合各一両 紅棗10粒 米一湯匙 果皮一塊 薑兩片

廣東道好食中菜館六合小廚黎到尖沙咀既廣東道，除左名店之外，大家仲諗到啲咩野呢？3...2...1....！其實廣東道仲有啲上樓既好食茶餐廳！今日就同你介紹位於係海威商業中心7樓既六合小廚。餐廳空間都算大，由於我同男朋友仔好早就肚餓，唔洗點等就入座。餐廳有唔同茶式選擇，有口水雞，海南雞，又有不少類型既煲仔菜。揀左陣，我決定食口水雞套餐，而男朋友仔食香茅雞扒飯。口水雞套餐評分：8.5/10價錢：$108+$15（白飯）呢個口水雞係必食既一道菜！佢既雞肉非常之滑，而且份量激多，肚餓既我都爭啲食唔曬。而且佢個醬非常之出色，好食！香茅雞扒飯評分7.5/10價錢：50正常發揮既香茅雞扒飯，雞扒既份量都好多。食得出雞扒有用唔同既餡料同香茅餡過，而且仲有香蒜俾我地伴飯！出色！總捨而言，六合小廚係一間係尖沙咀經濟得黎又好食既茶餐廳，黎開尖沙咀既大家不坊上去試試！

係尖沙咀既一間小店, 主打係廣東菜既餐廳到7點幾入座人數大約7成左右菜單既選擇都幾多, 車仔麵到餸飯到小菜都有煎蠔餅呢度既蠔餅超大塊, 上面亦都po滿左滿滿的蠔餅底唔算厚, 但係味道不錯, 加上蠔very juicy煎到個邊脆卜卜的, 好好味魚香茄子煲想食左好耐既魚香茄子煲係屋企好難做到佢咁好食, 因為魚香茄子煲就係要好多既油先會炒得香同口感爽嫩呢度既魚香茄子煲非常之出名, 我食過咁多間之中最好食既將魚香茄子同飯撈埋一齊食係超邪惡但係超好食!!

今日約左幾個FD邊食飯邊傾計, 呢度最好既地方就係唔會有人急住趕你走一直食左呢間都好多年, 呢度既野食質素不錯, 而價錢唔算貴, 可說是性價比高的豉油雞呢度係例牌既份量, 睇落都唔細, 而且雞件既數目都幾多味道唔會好咸, 岩岩好的, 而且肉質嫩滑, 豉油味岩岩好雞件都幾大, 比我既部位都唔會太奇怪係脾位, 食落啖啖肉蒜蓉西蘭花比較清淡既一個煮法, 我幾鐘意, 因為西蘭花只要夠淋就已經好味道呢度仲要免茶費免加一, 所以性價比真係一流!!

呢間鋪一到中午就好多人食，大概係因為價錢性價比較高，尖沙咀來講都算平，大概係$50一個碟頭飯，但係有日我揀左食麵，就覺得味道認真麻麻地.....個腸粉太多水唔知食緊乜，啲醬無乜味，最香係麻醬，啲餸其實係水煮完掉落去。車仔面湯底係一般般，無乜味....所以黎食都係食餐好好多，我見隔離台食得好滋味⋯⋯

今朝早咁啱要喺尖沙咀返工，同事就帶咗我上來呢間餐廳度食，成個環境都坐得開嘅，空間闊落，感覺舒適。見到佢啲車仔麵好似都好多款配料，所以就叫咗一份嚟食有牛腩、蘿蔔、豆卜、牛肚幼面，湯底就聽咗麻辣汁同埋腩汁，整體成個湯底都係比較清，唔會油膩，朝頭早食嘅話都幾好而且佢仲有特別啲嘅選擇就係車仔麵配混醬腸粉。我同事就叫咗魚腐角、墨魚鬚、黑椒牛丸同埋金菇，同事話啲牛丸都幾彈牙。食下食下之後就到中午時間，餐廳就越來越多人，坐滿晒人，相信尖沙咀來講呢度都算出名嘅，性價比算高，因為佢啲中午碟頭飯都只係$48左右，可以慳返唔少架。

今天同老公去海港城逛街，在找附近的餐廳發現到這間私房菜，餐廳在海港城對面非常方便餐廳有我最愛的潮州小菜，我們點了兩餸一湯秘製蜜椒土豆牛腩粒 - 賣相很好，醬汁是蜜糖加黑椒，甜甜辣辣非常惹味牛腩粒非常軟腍，土豆邊炸得香脆，沾上醬汁吃，可以吃了整碗白飯秘製沙拉豬扒 - 份量是很多的，秘製的沙拉醬沾滿了每一塊豬扒豬扒很大塊，滿滿肉汁，配上酸酸甜甜的沙拉醬，又是送飯之選胡椒豬肚湯 - 份量也不少，大概可以有5 碗湯料非常足料，有酸菜，豬肚和排骨。豬肚洗得很乾淨，湯的胡椒味非常惹味這間私房菜館的潮州小菜非常高質，而且價錢合理，下次必定再來

今日約咗朋友喺廣東道附近交收呢排嘅必須品～口罩，交收完佢推介咗呢間秘竇畀我，佢話呢間餐廳啲嘢又好食又唔貴，仲話係喺附近做嘢D人先識來呢度，見佢咁落力推介，點都要試吓囉。两個人嗌咗個六合私房菜2人餐，有3個餸，2碗白飯，2碗例湯。今日的例湯係豬骨南瓜湯，好足料又够濃郁，飲咗都飽咗一大半；而小菜之一係『招牌川辣口水雞』，另一味就係『魚香茄子煲』再加一碟『蠔油菜心』，雞嘅辣度適中，而茄子煲熱辣辣，茄子多又够腍肉碎亦唔少，看似簡單的一味餸非常啱我口味，送飯一流，菜心新鮮又唔多油，好健康，朋友真係冇介紹錯吖。

疫情之下好多人戶外郊遊...其實而家去尖沙咀仲舒服🤭🥰星期日下午廣東道人流唔多，好似大年初一早上咁😝雖然行名店真係比以往舒服得多，唔洗迫唔洗爭...但都有種百業蕭條嘅感覺😌香港人實在心裡都會有點難過😫都係講返食野🤤🤤難得出街梗係搵野食啦！廣東道好味小炒...去尖沙咀一定要專登過黎試嘅！因為之前有朋友食過，上樓嘅非一般茶餐廳，大廚煮嘅小菜都好夠鑊氣，惹味又回味！今日終於可以食到啦🤩🤩白切雞飯：師傅比雞髀🍗我👍🏽雞皮勁滑，雞肉仲有好多肉汁，大大碗飯！撈埋薑蓉多多飯都食得落😅蒜蓉蝦蒸腸粉：好特別！第一次食咋！用腸粉舖底，加上蒜蓉開邊蒸蝦，腸粉吸晒味仲正過粉絲呀😋欖菜肉碎四季豆：欖菜+肉碎係最夾嘅！撈白飯一流！四季我都會叫呢味😜京都豬扒：超級推介💯大排檔真係比下去🤭洋蔥夠香！菠蘿粒又多！鑊氣勁！酸甜度恰到好處！越食越流口水...停唔到口🤣🤣其實外出用膳並不可怕！只要做足...雙手保持衛生，自備餐具🍴便可以🙌🏼餐廳亦有抗疫優惠「抗疫期間！為你加油💪🏻外賣每$100減$20！」變相做八折，真係抵讚👍🏽👍🏽👍🏽

早上到尖沙咀廣東道處理事務本身以為這名牌聚集的地方，食個早餐都要很貴但就讓我找到一間樓上鋪，這間茶餐廳價錢貼地.早餐大約30幾蚊就食到，還包飲品呢.早晨車仔麵車仔麵成日食，但是早餐的車仔麵就是第一次$33 兩個餸；$36三個餸平時每個餸會有平貴之分，但早餐就是任選！我當然揀比較貴的牛筋、牛腩及韭菜餃啦！牛腩份量多，煮都好入味。見到有半筋牛肉應該是用牛𦟌部位，更有口彈。牛筋大大條，彈牙。韭菜餃是大大粒的，足料。.我朋友不太餓，叫了腸粉併魚肉燒賣。港式的味道！.加$7有豆漿，噢原來是獨立包裝的豆漿，衛生又方便。.食到11點左右，已經有午餐，$48也是貼地平民價呢。

陪朋友去Apple買完新電話，見到隔離大廈有呢一啲小菜樓上鋪，樓下嘅餐牌睇落價錢唔貴，決定一試店舖環境都唔錯，座位間隔唔迫，唔似普通街鋪因為要密密做啲枱排得好密，另外小菜款式都好多，拍得住大排檔口水雞，醬料味道濃郁，充滿花生香味，入口辣度足夠，但係又唔會過辣，幾有驚喜沙拉豬扒，非常大件，分量足夠三至四人，而且沙拉醬非常多，每一口都係沙拉同大大件嘅豬扒估唔到小菜店都會有熱豆漿，調味幾好，唔會過甜，好少可食小菜會飲豆漿，估唔到幾夾

早兩日喺尖沙咀買完口罩，由於太肚餓嘅關係等唔到返屋企食，於是乎就睇吓尖沙咀附近有啲咩小菜，結果搵到呢一間佢哋嘅小菜選擇非常非常之多，多到有啲驚訝，而且喺尖沙咀來講個價錢絕對合理，甚至乎比起市區以外價格更低椒絲腐乳通菜，份量不少，絕對足夠三四人份量，而且鑊氣十足，有驚喜天氣寒冷，適合點一個胡椒豬肚湯，胡椒味道十足，湯底足味，而且豬肚份量同樣多，呢間餐廳比我嘅感覺已經係大件夾抵食咖喱牛腩煲，咖喱汁非常香濃惹味，而且牛腩肉質軟淋，非常適合送飯，薯仔份量同樣多，呢一餐絕對飽肚而歸

今日帶媽咪去海港城行街，成個商場都得返好少人，感覺好壓抑。跟住我地就走去對面既海威大廈食lunch。呢間六合小廚主要係做中式小菜，見到menu既價錢都好合理，好街坊既感覺，就同媽咪入去食。我地得2個人，叫左3樣菜。首先，叫左咖喱薯仔牛腩，佢份量好幾大，而且好足料，有好多塊牛腩。抵讚既係咖喱調味適中，仲好入味，送飯一流。另外，媽咪想食咸魚雞粒炒飯，大廚炒得夠乾身，有d咸魚香好開胃，而且好大碟，我地2個都食唔曬。最後，我好想食蠔餅就叫左一碟，都煎得香口，就算唔加魚露都已經夠味，蠔仔都相當大粒，確實唔錯。總結黎講，呢間小菜係有驚喜，埋單都唔洗300。最近香港接二連三既打擊，伙計都同我地2個呻左幾句話生意難做，希望快d回復正常。

平時去尖沙咀多數都係食日本嘢啊，火鍋啊，今次竟然喺廣東道Apple Store隔離搵到呢一間六合小廚，呢間餐廳係喺海威商業大廈入邊，通常小店都有佢哋嘅特色，見到餐牌有咁多選擇就俾佢吸引左入去啦。餐廳入邊係好地道嘅港式大排檔感覺，款式選擇很多，有四川菜，潮州菜，廣東菜，還有海南雞飯呢！我和爸爸點了一個二人餐，還有香茅雞翼和豬扒。二人餐包括老火湯和飯，魚香茄子煲，口水雞和油菜，絕對足夠兩人享用。我特別欣賞口水雞，風味十足，雞肉也很滑。特別欣賞員工的友好態度，用心解釋菜式，上菜時間也很快。很喜歡這樣的小店，看到下午套餐很化算，一定會再來的 。