六合小廚 (已結業)

晚上行過廣東道看到一商業大廈有很多食肆招牌，毅然決定了到最多好評的一家試試一進店看到有數枱客人在打邊爐，原來這裡還有火鍋店家說這裡的辣系菜式特別出色，於是先叫了一客川辣口水雞飯！辣中帶香、香中帶麻，入口細嫩幼滑套餐可配餐飲，凍奶茶可幫助解一解辣川辣干扁肥腸沒有煸到很乾，還有大鍋的鑊氣，肥腸 Q 嫩入味潮州客家菜系秘制咖喱牛腩煲肉質軟嫩吃了那麼多濃味菜式，又叫回一些清淡一點平衡一下！鮮帶子炒西蘭花健康美味

2人套餐😎$228明火例湯兩碗🥣碗湯勁足料👍有雞腳、雪耳、紅蘿蔔煲豬骨😚大大碗，而且好好飲😝完全有家嘅味道😉欖菜肉碎四季豆😏欖菜夠鹹夠惹味😁肉碎比想像中多👍而且炒出嚟夠鑊氣🤤送飯真係一流😛咖喱牛腩煲😛牛腩夠腍夠入味😁重牛味，咖哩汁夠香😚牛腩肥瘦均勻，份量都多🤤而且連啲薯仔都幾好食😋又係一個送飯一流嘅選擇☺️蠔油菜心🥬絲苗白飯兩碗🍚整體味道唔錯😁二人份量，絕對夠曬飽☺️而且地理位置方便👍食完仲可以行埋廣東道添😉六合小廚 (尖沙咀)尖沙咀廣東道116-120號海威商業中心7樓

行街行到肚仔不停鼓，恨不得將所有東西放曬落口食曬去，就係因為太餓，想有飯氣落肚。。就去搵d中菜館，搵搵下，就去左6合小廚金牌燒味拼盤稱得上係燒味，當然要燒下啦～但現時好多地方既燒味都係靠色素去(呃)人，扮下燒味甘。呢碟拼盤不過不失，起碼都叫做對得住個名，加上每款都有份量。。 每款最靚既部分呈上，係精選中既精選🤘咸魚雞粒抄飯炒飯夠獲味，熱力夠，每粒米抄得均勻，食得出一粒粒，而唔係一 舊舊飯。咸魚唔多，食慣濃味既，可能有點唔夠喉，好在。。。 雞粒夠多補返數啦～

黎到北京道逛逛，街上明顯少左人，行得自在很多，各方sale 都努力去吸客。。。 包括食肆既姐姐。。 我見姐姐好賣力推介，好啦…。就去幫襯一下啦～招牌牛4寶牛腩牛根牛腸牛肚，講得係招牌，絕對係對得住呢個名牙，牛腩入味又夠淋，牛肚清洗得乾淨，食得都好安心。內臟係好食，前提都係要乾淨先好食，甘就唔會好蘇味。。沙拉豬扒豬扒有豬味，唔會一味只有鬆肉，而無左豬扒既原味道，醬汁都幾好，但同我印象中既沙拉醬有點出入。。另外，賣相都係有少少落差甘，但食過就明白呢d實力派既。。 未必太會包裝。或者甘先做到甘街坊價。。

今日一早約左朋友食個early 午餐,我們來到尖沙嘴的樓上餐廳六合小廚，雖然11點時間尚早都開始多人來食野。六合小廚當然有佢的招牌菜啦，我們點了好幾個六合精選招牌菜，有炸韭菜餃，郊外油菜，泰式豬頸肉，份量都算多，值得提及的是韭菜角都有8個咁多，十分脆口大大粒，一定夠飽。再來個正宗海南雞套餐，雞同飯分開上，份量也是多，而且大大碗飯，$60跟例湯又可以優惠價點野飲，好抵食。呢度係尖沙嘴打工族俗稱的食堂，見到好快就已經好多人來食午餐，而且上菜速度也快，岩曬返工一族午餐來醫肚。

一向覺得在尖沙咀廣東道搵食的話，消費一定不會是平民價。但今晚朋友介紹我到這座位於廣東道的海威商業中心內食中菜，這座商廈原來還有很多不同的食肆。地方雖然不大，但亦設有六至八人枱，裝修就如一般茶餐廳，但勝在地方乾淨企理。餐牌選擇很多，由車仔麵，碟頭飯，燒味，海鮮，煲仔小菜到二人經濟餐，八人富貴餐或是私房菜等都有。今晚得兩個人，只可以簡單點了個胡椒豬肚雞煲及鮮帶子炒西蘭花。胡椒豬肚雞煲可選半隻雞或是一隻雞，胡椒豬肚煲同半隻雞是分開上的， 所以可以先飲碗暖身的胡椒豬肚湯，很足料，用上排骨，豬肚及酸菜，如果可以再多一些胡椒的辣就更惹味了。之後就下雞件，半隻份量對二人來說已很足夠，建議雞件不要一次過倒入，因為雞件滾得太久，肉質便會變得不嫩滑。最後可以再來一碗湯，會發現多了一陣鮮甜味。鮮帶子炒西蘭花賣相不錯，帶子份量不會吝嗇，帶子亦沒有炒得過火而變得死實。最後兩個人埋單都只是三百多，很相宜啊。食完八點多，餐廳已爆場，所以建議先行訂位

經常吃西式餐有空都想吃一下中菜🤣去了尖沙咀這家六合小廚菜式種類非常多而且店舖面積算大與一般茶餐廳不同坐下去感覺不會十分擠迫強烈推薦大家叫一個二人套餐二人套餐的話也只是三百多但能夠有三個菜非常值得食物水準方面味道恰到好處不會過鹹令你感到非常口渴點了一個西蘭花炒帶子吃下去感覺就跟酒樓吃的沒有什麼分別非常推薦大家去嘗試另外叫了一個魚香茄子煲大家千萬要小心剛打開的時候非常熱不要急着去吃味道不過不失不喜歡太濃味的朋友可以一試總體來說服務和食物方面都非常滿意推薦大家去嘗試他們的二人套餐

去尖沙咀行完街有啲肚餓, 想食下小炒, 喺openrice 睇下睇下, 最後揀咗六合小廚醫肚 <秘製口水雞>秘製口水雞有少少麻辣, 但食落去好香雞肉好嫩滑整體味道偏鹹, 但配飯食啱啱好<清湯蘿蔔牛腩煲>清湯蘿蔔牛腩煲嘅牛腩量非常多白蘿蔔好清甜, 配上清湯各有特色, 味道幾唔錯<蒜蓉炒西蘭花>蒜蓉炒西蘭花食得出好有鑊氣用油同埋蒜蓉快炒西蘭花, 蒜蓉味出眾之餘, 西蘭花咬落仲脆卜卜最影埋個招牌俾大家參考下, 餐廳場地都幾大, 適合一大班朋友嚟飯聚

中山坐船回中港城碼頭，喺附近搵嘢食，行到去對面海威商業中心，見到樓上鋪有小菜食飯， 就去試下！尖沙咀道好多人，想搵位食飯都好困難。呢間 六合小廚 係樓上鋪，地方較為寬敞，唔使周街同人逼，有卡座和大圓枱。食物選擇多元化，有廣東小炒、潮州打冷、湘川麻辣、港式車仔麵，真係包羅萬有。我哋好肚餓，馬上點了幾款小菜！口水雞白切雞 伴上麻辣醬汁，辣度夠入味，香口刺激，增加食慾，食到口水都流埋!沙拉骨用沙律醬調味豬扒，豬扒先脆炸再落鑊炒撈醬料，酸酸甜甜十分醒胃，豬扒鬆脆軟熟，啖啖肉大快朵頤!欖菜肉鬆四季豆炒得香口惹味夠鑊氣。四季豆新鮮翠綠爽口 。欖菜和肉鬆，非常搭配，咸道適中，送飯一流！

平日出街食西餐為多，呢日行開尖沙咀廣東道，見到呢間六合小廚，有多款中菜揀，店員落力推薦，上網搵過亦有唔少好評，一於試試～六合小廚位於尖沙咀廣東道海威商業中心7樓，地方寬敞，設卡位亦有大檯，企理潔淨又舒適，而且店員熱情好客。餐牌種類選擇眾多，有雞煲、羊腩煲、燒味、咖哩、車仔麵、鮮茄米線、川辣菜、甜品等，而且有二人、四人、八人套餐，真係超多選擇，套餐價錢又相宜，抵食！今晚決定試試二人套餐 HK$228有明火例湯兩碗、欖菜肉碎四季豆、咖哩牛腩煲、蠔油菜心、白飯兩碗。明火例湯為蓮藕排骨湯，湯料甚多，味道香濃，好岩秋冬養生，補益脾胃、滋陰潤燥～蠔油菜心菜心翠綠鮮甜，配蠔油有另一番風味。欖菜肉碎四季豆一上枱就已經芳香撲鼻，欖菜好惹味，肉碎幼滑有咬口，四季豆青綠爽脆，拌飯一流！咖哩牛腩煲口感濃郁厚重，燜煮得十分入味，牛腩煮得剛好，唔會韌，口感一流！白飯煮得香鬆又軟，忍唔住食哂成碗～另加秘制沙拉豬扒 HK$88酸酸甜甜好開胃，豬扒肉質鬆軟有彈性，啖啖肉實在無比滿足！最後飲返杯茶記必點香濃熱奶茶，為是夜晚餐畫上完美句號。

剛剛去尖沙咀shopping完，出到嚟已經天黑喇，望下隻錶已經7:00 ，朋友介紹話附近有間樓上小菜幾好食，就帶咗我上去。餐牌內容都幾豐富，有好多種選擇，又有避風塘炒蟹，又有海南雞飯，又有燒味拼盤，總之就有好多嘢揀。有選擇困難症嘅我，交咗比朋友發板。最後揀咗：清湯蘿蔔炆牛腩- 用熱鍋上枱，非常之大煲，蘿蔔入味， 牛腩炆得夠晒林，中間夾有少少脂肪層，一放入口，鬆軟溶化，個湯底非常清甜。煎蠔餅—— 好耐冇食煎蠔餅，睇吓有幾多蠔肉喺度？！蠔餅非常香口，食得出蠔仔肉嘅鮮味，點埋魚露，又係另一種風味。西蘭花炒帶子—— 又係夠晒足料，一夾起就睇到帶子肉有幾厚，西蘭花爽甜，食得出鑊氣！咪睇呢度成7樓樓上鋪，一路食飯都見到人來人往，唔少人識上嚟搵食㗎！而且夥計招呼都好有禮貌，想喺尖沙咀搵小菜食，呢度絕對值得一試！

今日同朋友去尖沙咀行街，行到攰晒。朋友係外國嚟嘅，想帶佢食啲中式嘅。之前聽過六合小廚，又就腳又好食。而且係樓上鋪，相對可以食得正小小，同地鐵站距離又唔遠。嚟到好快就有位啦，我哋分別帶咗一份招牌牛四寶同埋一份鹹魚雞粒炒飯。牛四寶好快有，裏面有牛腩、牛腸、牛筋同埋牛肚。成份好大份，牛腸平時冇乜機會食，食落唔錯喎。唔會太銀。牛腩牛筋就梗係正啦，夠林，啲牛肉汁都好夠味。牛肚都唔錯。分炒飯嚟到，份量都合理，食落係相對濕身嘅一份炒飯，不過鹹魚同雞粒都好清楚感受到。搭返另一份菜式就好夠我哋兩個人食到飽。推薦比喺海港城附近行街嘅朋友，又唔想行到勁遠食啲中式樓上鋪。

今日和朋友去了一間六合小廚，打算吃小菜或叫一個煲，這間小廚左落於海港城對面，非常適合上班族放工後聚腳，乘搭電梯直上7樓，一打開電梯門就是餐廳的前台。老闆很熱情的問我們多少位， 便安排了舒適的卡座給我們，端了兩杯茶，店內的茶和普通茶餐廳的有點不同，第一口喝下去很有古老的風味，難怪食評寫上出名的奶茶就是這種茶底。拿出餐牌，花多眼亂，成千上萬的菜式，只要你想得出的都會有得吃，最後我們需要老闆的推介，便點了枝竹羊腩煲一個，煎蠔餅一碟，我們吃到最後還加了一碟生菜，嘩！羊腩煲湯底被生菜吸收後， 生菜十分滋味， 令人回味無窮，我們竟然可以把整碟生菜吃完。特別強調的是羊腩煲的湯底不太鹹，而且足料，十分濃郁，羊腩炆得剛剛好這個值得一讚，枝竹望落去也被湯底的顏色沾染了，可見相當入味。蠔餅熱辣辣，吃下去蠔和粉的份量比例剛剛好。

呢間餐廳真係好容易就行過左，晚上突然想食小菜，見到個易拉架就上左去呢棟隱世大廈既七樓揾食，上到去就安排左我地坐卡位台，職員推介食得辣可以試下口水雞，我地就點左個口水雞，薯仔蜜糖牛腩，咖哩牛筋飯同清湯牛腩飯。上菜速度都幾快嫁，價錢抵又大碟，口水雞少辣，但又真係辣得幾過癮，其實又唔算太辣果種。配飯一流。由於真係幾鐘意食牛腩所以我地叫左薯仔蜜糖牛腩，估唔到蜜糖同牛腩個味整做一味菜又真係幾好味。咖哩牛筋飯同清湯牛腩飯更係大碟夾抵食。咖哩都好入味。職員也很用心推介我地食咩小菜好食，見我地杯水唔滿仲不停問我地駛唔駛加水甘。

一家人今晚唔想煮飯，唯有出去搵間小炒食下！富貴黃金大蝦 （$188），真係完全抗拒唔到所有用咸蛋黃整嘅食物！蝦比我想像中十隻，炸到卜卜脆，通常夠香口，我就會連殻都食埋！調味都唔錯。不過份量就唔算話好多，覺得2-3人食岩岩好招牌胡椒豬肚湯 （$98），幾足料！唔似有啲喺出面食嗰啲，得幾舊豬肚，其餘大部分都係酸菜。辣辣地冬天食就最適合。豬肚亦冇異味，清理得都乾淨秘制沙拉豬扒 （$88），沙拉骨就食得多！豬扒多肉啲原來都幾好食。個醬汁帶橙色，食落似沙律醬溝左平時咕嚕肉啲汁，雖然味道唔算話好驚喜，但酸酸甜甜都好好食