農米莊 (厚福街)

营业中

休息中

一碗可以連湯都飲晒嘅米線 - 農米莊朋友經常話公司樓下開左間農米莊好好食，於是呢晚大家收工後帶埋我去試下～ 店面裝潢新穎，以卡位為主，朋友傾計都自在 D，冷氣亦好夠，綜合黎講環境好舒適！朋友話佢開到凌晨3點，平時收工收得夜都幫佢醫肚好大忙 !以前朋友以為食米線一定要辣先好味，但試過農米莊之後就改觀！雖然雞湯米線售價由58蚊至78蚊不等，比起平常既米線的確較貴，但呢個價錢可以飲到靚湯、食到米線，仲有咁多配料，算係抵食！若想平食既話，亦可挑選自選配料米線，價錢都只係由30蚊起 ! 除左其他米線店都有既酸辣、麻辣，呢度仲可以揀各類雞湯，湯底算多！仲有多款配料可加，配搭算係多元化！簡單講下我地叫左咩野食啦:我叫左懷舊藥膳雞湯米線，要讚一讚啲雞好滑嫩，湯底絕對可以飲，唔算多味精，朋友叫左酸菜魚雞湯米線，完全唔腥，啲魚仲要無骨，啖啖肉，仲好有正宗北方味道，但係令佢估唔到酸菜魚同米線又幾夾！最估唔到酸辣湯朋友都飲得晒跟餐飲品就同其他餐廳分別唔大，都係出面有既呢度都有，就唔多介紹啦~ 農米莊地址：尖沙咀厚福街2號地舖電話：3596 7908營業時間：07:00 - 03:00

今次叫咗【 椰子雞湯米線 🥥🐣$49 + $3 熱檸茶 】湯底湯底飲落好清甜！米線配料都多，有雞件，冬菇，雲耳，枝竹，生菜，豆卜同椰子絲。雞件份量都算多，有5至6舊左右。50幾蚊都幾抵食😚💯

坐低後叫咗女店員一次想落單，佢上緊菜話等等，等完冇回頭。Ok，轉叫男店員落單，叫兩次都冇反應，第三次叫勁大聲，終於應，點解行到埋黎去咗隔離檯冇話要落單的？！人哋見佢行到埋去，話是但落埋啦，人地兩個人，個老婆叫兩個椰子雞米，一個轉雞髀另上，一個唔駛轉，我坐隔離檯都聽到，佢企人哋面對面竟然聽唔到，落咗雞髀另上嗰個後，指住個老公問「佢要咩？係咪唔駛」？！個老婆無言，話我咪話要兩個囉，淨係一個轉雞髀另上。男店員「啊」後就一路撳佢部落單機，然後直接走咗，冇過黎我檯落單，由佢個勢想走，到佢行到返收銀，我地勁大聲叫咗四五次「唔該」，佢都好似聾咗咁完全唔理人。我哋要舉晒手叫多好多次，直至店員見到我哋叫，好大聲叫佢話「嗰邊落單呀」，佢先識過黎，然後我哋想嗌嘢食，佢話等等，跟住企咗喺我哋張枱旁邊幾分鐘淨係篤嗰部落單機，督完先嗌到我哋個兩碗。我哋淨係叫咗兩碗米線，然後等上菜先係精彩嘅部份。男店員首先上錯雞腳小食俾我地，再上錯米線比另一檯，然後又上錯小食同嘢飲比叫兩碗椰子雞米嗰檯，仲要擺低就走咗，完全唔理人哋挨住佢話冇落過，總之全部錯晒。女店員鬧佢「你落錯晒全部單，你唔好再落單，廚房而家好嬲」，跟住我見佢長期

今次去完天文台，順便去厚福街搵食，見到呢間農米莊都幾出名，仲有好多分店，所以決定入去試下。1️⃣ **生滾芫荽鮮雞湯飯** 🍚 - 碗裡嘅湯飯成碗青BB綠色，但其實芫荽味唔係好厚，味道偏輕盈，對於鍾意芫荽嘅朋友有啲唔夠喉2️⃣ **生滾龍蝦鮮雞湯飯** 🦞 - 呢個套餐包含半隻龍蝦，味道一般，但龍蝦肉都算爽甜，食落去仲算唔錯。3️⃣ **黑蒜鮮雞湯麵** 🍜 - 我加咗$8轉咗竹昇麵，湯底超甜，浸味有啲假，可能唔太合我個口味。4️⃣ **生滾椰子雞湯麵** 🥥 - 椰子味唔算好濃郁，整體味道偏淡，可能唔係我想要的椰子風味。### 特色飲品我哋四個都加咗$12轉特色飲品，以下係我哋嘅選擇：1️⃣ **朱古力奶茶** 🍫 - 味道正常，冇特別驚喜。2️⃣ **朱古力紅豆冰** 🍧 - 紅豆唔算多，食落去有點失望。3️⃣ **鹹檸七** 🍋 - 味道還可以，清爽又解渴。4️⃣ **話梅柚子蜜** 🍊 - 話梅同柚子蜜嘅味道分開，唔係好飲得到鹹鹹酸酸嘅感覺。整體上，農米莊冇乜特別，係一般嘅家常便飯，但收費略貴，可能唔會再特別回頭。如果你想試下清淡嘅湯飯，呢度可以

食評標題：「農米莊：晚餐驚喜，醉雞翼必試！」食評 ✨農米莊 (厚福街)✨今晚同老婆嚟農米莊食晚餐，諗住簡單試兩道菜，點知有驚喜發現！環境整潔舒適，燈光暖暖地，氣氛輕鬆，啱哂一日工作後放鬆心情。五香牛腩燴飯 ($52) ⭐️⭐️⭐️⭐️一開始以為燴飯會乾乾地，無乜汁，但真係低估咗佢！牛腩燴飯香味濃郁，牛腩夠淋又入味，飯吸晒湯汁嘅味道，好滿足！份量啱啱好，飽得嚟唔會太膩，性價比高！花雕醉雞翼 ($36) ⭐️⭐️⭐️⭐️⭐️呢道菜係今晚嘅重頭戲，絕對值得一讚！雞翼煮得剛好，肉質滑嫩，花雕酒味濃而唔嗆喉，入口香甜又有層次感。絕對係必叫嘅一道菜，出人意表嘅驚喜！總結：農米莊用親民嘅價錢帶嚟高質素嘅晚餐體驗，無論係牛腩燴飯嘅濃香味道，定係醉雞翼嘅層次口感，都有啲意外驚喜。下次一定會再嚟試其他菜式，呢間小店真心推介！食品評分：⭐️⭐️⭐️⭐️（4/5）總體評分：⭐️⭐️⭐️⭐️（4/5）平靚正晚餐之選，醉雞翼唔叫可惜！

呢間餐廳開咗好幾年，但係一直都冇入去食過，今日見有位就入去試吓啦。佢個餐牌都幾豐富，除咗米線之外仲有好多小食選擇，加上而家做緊八周年優惠，小食買一送一，計落真係幾抵！黑蒜雞湯米線黑蒜湯感覺都幾健康，食落去黑蒜味都幾濃，加上雞件份量多得黎又夠滑，推介！爆芝黑松露燒大菇呢個睇個名好有期望，但係見到實物就有啲失望，因為佢唔係燒啡菇，而係整熟咗之後再加黑松露同芝士餡面求其燒兩燒。食落去冇燒菇嘅香味，不過都尚算Juicy。黑金雞翼呢個係佢哋推介嘅雞翼，先將雞翼炸好，再加上佢哋嘅秘製醬汁煮，味道幾特別。三樣嘢埋單唔使$100 ，真係幾抵，不過建議兩個人食，因為一個人食兩個小食真係有啲多。

行完街好肚餓 3點3黎到厚福街搵食見到佢有午市同下午茶都幾抵食坐低嗌左碗 黑蒜湯雞米線 加 豬軟骨我會話 黑蒜湯底本身都幾濃味 好味敗筆加左$12叫了豬軟骨無估到佢竟然係五香肉丁味嘅豬軟骨。。。仲以為係似雲桂香果隻佢呢個豬軟骨 係連骨都淋嘅 質感ok但個味道係甜甜酸酸咁。。。仲要個汁油淋淋 撈埋落湯 每飲一啖都好油咁同我碗湯唔多夾 食果時後悔 早知叫佢另上講返雞件 係滑嫩嘅 連雞皮雞翼尖雞毛兜米線係大碗嘅 本身好肚餓 食左一半飽左服務好嘅 雖然落單都只係企係收銀大嗌問我佢自動幫我轉左下午茶麵價同野飲午市價埋單$67加左餸包野飲 okla 因為個豬軟骨 下次未必敢試新餸😂😂醫肚ok 可能其他湯底更好食 都好多人嗌椰子雞湯 同 藥膳雞湯有諗過嗌酸菜魚湯 但90幾蚊又貴左啲總結 不過不失啦

夜晚十點餓餓地，唔想食太油膩嘅野，見到有米線食，而且幾多配料選擇，就一於試下。一入去店員即刻安排座位，可能宵夜時間，基本上唔洗等，上菜速度都好快，五分鐘內完成！🤣自選雞湯米線（轉蕃茄湯底+8，烤香甜粟米+8，芥蘭+6，煙鴨胸+12，溏心蛋+12）蕃茄湯底飲落似羅宋湯🍅，仲有少少西芹粒、紅蘿蔔粒，味道濃郁，幾開胃，酸酸甜甜咁；米線都幾滑身，不過就腍咗少少，唔夠爽口，可能煮得耐咗；烤香甜粟米有驚喜，本身粟米夠甜🌽，而且廚師時間控制得啱啱好，唔會烤得太乾，加埋調味粉，好惹味！煙鴨胸略少，得三塊，味道中規中矩；溏心蛋就正常發揮，不過蛋味幾香，流心好正！😝

最近坊間很多藥膳的米線，間間味道都差不多，這間也是今晚我選擇叫了雞髀，需要加多$10（感覺少少貴，因為唔係全脾，同文字表達有落差）再加多個雞髀菇$6（這個都正常 - 有四片）

确实是怪个人疏忽打着语音走进来没有看清这家只收现金，导致钱不够。在确认过不能按照汇率兑换以后说是可以未带够的剩余部分一比一微信支付（正好我微信也有零钱），几个店员态度都心平气和在耐心解决问题，突然来个老大妈（估计是老板或者什么管理人员吧）凶的要死说只能用支付宝从来店里用不了微信，然后拿出自己支付宝收款码，之前说可以用个人微信帮忙收款的店员也吓到噤声，所有人都赶紧统一口径说不能用微信，所有店员在老大妈来了以后立刻躲五百米开外。一家米线店搞得紧张兮兮真的是有够神经，两个看着像内地来的女生也有被她凶到小心翼翼用支付宝付了款，还听到她们在出门后轻轻安慰自己没差太多钱，听着真的很sad.真的想说不喜欢用移动支付的商家可以理解，但是就香港服务态度不好的刻板印象不是靠几个年轻的店员努力有用的，老板内心里没有这个意识真的都白搭。最后推荐所有来厚福街吃米线米粉类的朋友去隔壁新开的春城铜锅米线（味道浓郁底料更丰富，不会像这家吃到最后料吃完了只剩底鸡的口感也是冻很久的，而且刚开业时说没有来得及设置移动支付还按照汇率算了价钱）or对面的马祖台湾汤面馆（很养生的味道料也很足，lunch set很划算），这条街上

今日約咗朋友去尖沙咀飲酒，但時間未到…見有啲肚餓，諗住去食啲嘢先，但又想食啲健康啲嘅嘢，話晒今晚要做啲唔健康嘅嘢，😂上次聽朋友介紹尖沙咀有間健康特式米線，就決定食你啦！呢間米線店位於厚福街，街頭’門口寫住一碗可以連湯都飲晒嘅米線，可能深夜時分？人唔算好多？還好12點幾仲有餐廳開，仲要有健康嘢食，呢間米線店，主打健康有椰子雞湯米線同埋懷舊藥膳雞湯米線同黑蒜雞湯米線🍜聽聞黑蒜好有營養價值，就試呢碗米線啦！其實我都係第一次食黑蒜😂開頭我仲好驚會唔會好大浸蒜味？點知原來唔係我諗嗰樣嘢？好彩…黑蒜嘅味道有少少酸酸，甜甜加埋米線有幾好食喎。真係估唔到…原來健康同好食，真係可以掛鉤👍🏼😋

第一次嚟食呢間叫做農米莊，個名好有農場Feel，環境都還可以，唔知係咪今日係星期日，我嚟嘅時候已經係下午茶，人比較少，可以坐得舒服d，呢度專食雞湯米線，都幾多湯底可以選擇，落單叫咗個懷舊藥膳米線，上米線嘅速度都幾快，一上枱就聞到好大陣藥材味，飲啖湯幾甘甜容易入口嘅味道…都唔錯…雞件好滑…不過食食下中途被一位女士破壞小弟雅興，眼見佢大大聲指責企係收銀嘅侍應，應該係因為碗中有小昆蟲，我眼見嗰位侍應已經不停講唔好意思…有小昆蟲都唔係侍應嘅問題，要指責都係要指責廚房..扲個侍應出氣太冇品…Btw農米莊嘅米線可以嚟試一試…下次試下椰子米線

咁啱行過附近諗住試一試呢間好多人都讚嘅雞湯米線，滿心歡喜咁行入去，落單後等左二十幾分鐘，中途有職員喺度鬧交，之後見到隔籬枱啲嘢食都上齊，問一問職員先知原來漏咗單，等多十幾分鐘先上到杯凍檸茶走甜，但係一望隻色就知唔對路，深黑色，飲落去有怪味，亦都唔係走甜，應該係頭先廚房水吧同前台鬧交，廚房發脾氣亂咁嚟。再等多陣先至有米線上，前前後後等咗差唔多50分鐘，由午市等到變下午茶，食完一啖已經知以後唔使再黎，普普通通。可能真係我咁啱黑仔，但對於顧客而言有過一次不愉快經歷就已經唔會再去。

吃茜的人有福了呢間雞湯米線都食過幾次味道都算唔錯今次嚟到見到佢竟然有芫荽湯米線台真係成碗都係滿滿嘅芫荽兮我諗真係唔係個個都頂得順佢嘅味道囧所以芫荽嘅愛好者有福了佢個湯係有好多整碎咗嘅芫荽加落個湯度之後再加滿滿嘅芫荽放喺上面食落唔會剩係得芫荽味，會有少少雞湯嘅味道（我覺得加少少辣椒會令到個米線更惹味（個人覺得都算幾高質不過友人就對芫荽嘛嘛剩係飲咗一啖湯就頂唔順對於芫荽愛好者，值得一試，冇想像中咁重味，都幾清新！

湯無雞湯味，雞無雞味，仲無以前咁嫩，芫荽湯但無芫茜碎，得少少渣載🥲米線同菜都無味，另外落左黃椒，都係得個辣，都係無味😔清湯米線一碗，以前係會追住食晒成碗，今時唔同往日