冠一燒味

营业中

休息中

放工行經一家位於小巷毫不起眼的小店，一直被其燒味吸引著，口水都流埋！某日小人膽粗粗的試著問有無燒腩仔，怎料一個坐在門口食著煙的猛男即答有，決定了！猛男即入店內斬料，更即場切了一舊給小人先試，更細心地提後面有紙巾！現場食的燒腩仔即燒出來，不論脆度、鬆軟度都處於極高位置！皮脆不特止，肉質鬆化酥香已超出驚豔程度！放了整晚也沒影響，簡簡單單單一盒燒腩仔已顯出功架！小人後來翻查才知道此店是自設工場，並非來貨……總之是爆燈級的好食，是加餸的首選。

灣仔區燒味鋪真係多選擇到一個點新鋪 紅紙都未摵 去到好少行過搵食嘅譚臣道細鋪 一眼睇晒 大約可以坐到八個人今日食飯時間又唔洗等位可能位置問題？整體企理嘅 宜家餐廳有紙巾加分啦半開放嘅廚房直接同師傅落order都得一個樓面一個師傅應該係兩公婆嘅二人鋪例湯一碗Ok啦有下午茶時段 兩點開始 平十蚊豉油雞叉燒雙拼飯 $57 靚仔好少可食燒味配生菜叉燒 略嫌唔夠淋 有少硬不過調味係ok合格有餘豉油雞 好味道豉油甜香味 正雞肉都嫩滑返工食飯嚟講都係一個好選擇外賣自取有九折 收八達通 cash only

本身睇到食評見人讚燒鵝好食，點知今日冇晒就決定轉食燒腩仔拼油雞加鹹蛋點知一試就真係超驚喜😋燒腩仔同油雞都係熱，而且腩仔皮仲勁脆！ 眉頭雞腳湯都勁足料好飲呢間小店值得更加人幫襯👍🏻

今日明明落到黑雨咁都話要轉紅雨🙄🙄無無謂謂要返半日工。咁就對自己好啲🤣專登係灣仔落車嚟買飯食。食物架上面其實放咗好多款嘅，但因為太多人所以我就唔諗咁多，又叫咗瘦叉油雞飯😂😂今次叫嘅係雞胸，肉質嫩滑完全唔鞋口，鍾意食雞胸嘅人，一定唔好錯過。師傅重全部起晒骨，可以大啖咁食唔使𠼱骨😏瘦叉又係瘦但唔鞋😳究竟師傅係點做到🤨今日無例湯，有啲可惜。由於拎返公司食點都係有啲遠，但就算再叮返熱都ok喎。叉燒油雞飯，水準穩定，值得推薦。

自從前幾日係呢間燒味舖買過燒鵝嚟食之後，呢幾日都對佢念念不忘🤤於是襯今日中秋節公司放半日嘅時候，亦都係獨自去偷歡（食）嘅好時機🤣🤣睇住個menu好多野都好想食，忽然覺得自己有選擇困難症😅終於決定叫燒鵝叉燒飯再加鹹蛋飯。等嘅時候又見到有好多小食揀喎，心思思想叫。跟住店員見到我睇緊小食，佢就介紹咗樣menu無嘅俾我～～就係滷水豆腐喇。啲嘢好快就嚟到同熱辣辣，燒鵝喺現場食重再好食啲，一樣咁嫩滑入味，師傅俾我嗰個部位又厚肉，正呀。叉燒半肥瘦適中好淋滑，啖啖肉我最鍾意❤️鹹蛋就正常發揮好送飯。飯上面嘅汁重好正喎，唔係死鹹或唔夠味嘅唔知咩汁嚟👍🏻👍🏻至於個滷水豆腐，店員無介紹錯，外層似炸過嘅豆腐卜，索晒滷水汁嘅精華，但又唔係死鹹嗰隻😋食晒所有野都唔覺得好頸渴👍🏻最怕啲味精垃圾😒佢地重有例湯㗎，不過要鬥快😂 呢餐食得好滿足同超飽。價錢都只係$73，抵到飛起。而家香港嘅飲食業好難捱，希望多啲人幫襯好食嘅小店，如果唔係，得番啲難食嘅大集團，消費者只會任佢魚肉。對我嚟講，就算再遠，我以後都會幫襯好食嘅小店☝🏻☝🏻報告完畢

我從來都未試過寫食評，但呢間小店真心大推！燒鵝是我的最愛怎可以錯過。今日放工後去灣仔攞月餅，咁啱見到一間燒味小店，見到啲燒鵝同燒肉好吸引，於是我就買燒鵝同埋燒肉，帶返屋企同屋企人試新嘢食，一打開個盒，我呢個燒鵝痴兩眼即時出現心心眼。😂鵝嘅香味立即湧出嚟🤤鵝皮色澤燒得靚，薄身又夠脆口🤤🤤。肉質仍然keep到嫩滑，充滿肉汁🤤🤤🤤。富油香卻不油膩🤤🤤🤤🤤，估唔到咁有水準👍🏻連麻麻地燒味嘅屋企人都話好好食🫢重話想試埋佢其他嘢添🤭🤭一定會再有下次，值得推介。😋

今日要去灣仔做啲嘢，咁就順便揾好嘢食😋平時見慣見熟嘅唔想食，所以行去啲內街睇吓有啲咩先。行咗入去修頓球場附近嗰條內街睇吓，原來入面都有好幾間食肆喎。有好幾間冰室之類，但唔想食。再行入啲竟然見到有間燒味舖，見佢掛係度又幾靚，就決定試吓。我叫咗叉油雞雙併加例湯，叉燒廋得黎但竟然唔會鞋😱😱油雞嫩滑好味😋😋重有個薑蓉切到好細同唔係勁鹹嗰啲。個例湯都唔係hea㗎，手快有、手慢冇。上菜快同熱辣辣。整體嚟講，味道連價錢，喺屬於性價比高👍🏻😋😋呢度重有其他嘢食，下次要再嚟試埋佢。

嗰日我親戚間髮型屋開張大吉，去咗幫手！佢哋訂咗隻燒豬同埋其他燒味拜神，D雞肉好嫩滑，連雞胸都好滑又啖啖肉；至於隻燒豬就一試難忘，好鬼脆皮，咬落去啲皮脆到散開，啲燒肉又暖笠笠，香噴噴；問佢哋去邊度買，佢哋話去咗呢間灣仔嘅冠一燒味舖幫襯的，不過要8小時之前訂的，咁就可以有脆樂樂嘅燒豬皮食啦！😋😋