凝香居

营业中

休息中

平靚正宵夜之選🫖🫖🫖🫖凝香居收工同同事去屯門食宵夜，行黎行去都唔知食乜，最後行去紅橋睇下有咩食啦，就見到呢間凝香居，就去飲茶啦😋😋講返野食~今次太多樣，一次過講哂~~🦐蝦餃~皮唔太厚，好多蝦，好食過酒樓食個D，點埋豉油真係不得了😱😱😱🐷燒賣~勁好食，佢係有肥膏嫁，超多汁，點埋甜豉油真係一絕🤣🐮牛柏葉~呢個不得了，淋到一個點，又入味，勁想叫多碟😆😆🦑咖喱魷魚~魷魚唔硬，最不得了係向底下個D豆卜，入哂味😍😍😍😍🐔鳳爪~好好食，唔係好多地方嘅橙色鳳爪，係細個酒樓食嘅味道😍😍🐥棉花雞~呢個不過不失~🍞奶皇流沙包~超好食，一咬爆醬，如果佢個流心多D就好啦🙈🐖叉燒腸粉~呢個又係不得了勁多叉燒，腸粉皮又唔太厚，真正嘅皮薄餡靚🥰🥰🍤鮮蝦春卷~勁脆，入面係蝦膠+西芹，好好食😋🐣鳯爪排骨飯~我無食，同事自己一個食哂，佢話正😆今餐總結~環境⭐⭐⭐食物⭐⭐⭐⭐⭐性價比⭐⭐⭐⭐⭐total食咗281蚊，平靚正之選！！2個人食10樣野，估唔到咁好食，鋪仔細細，估唔到坐得幾舒服，係用具有歷史痕跡痕跡扣咗少少分，總括黎講已經入咗宵夜常去清單😆😆😆😆#foodie #food #foodstagram #hkfoodi

以前食過堂食男店員態度好好, 野食又ok, 堂食過幾次今次叫外賣自取, 我9:20早咗入去問拎得未, 我知道係自己太早所以只係問一問, 正當我想離開舖頭行一陣再返嚟, 只係遲咗2秒出去, 個戴眼鏡紮馬尾女店員就鬧 出去等!我9:29分50秒左右 (佢舖頭payment 個位顯示的)入舖頭有禮貌問 請問有得拎未, 個奇怪女店員勁燥底鬧其實你個訂單9:30先有咁我以為佢要跟足規矩就等多10秒再問, 佢又鬧師傅未準備好都俾唔到你 , 最後我9:31係拎到既... 平心而論 野食唔差, 但服務真係差到一個點😓😓重點係全店冇客, 禮貌問一兩句, 都要係咁鬧人 十分無奈😓希望店主睇到改善下😑 或者大家避開衣個燥狂女人先入去食😂

今日一家人諗住去飲下茶，當時無位，外面熱辣辣，曬住等左9個字都有，到有位時整家人入去，我地又無阻住佢清潔，入到去個後生仔一路發脾氣一路執檯，之後比乾淨碗時，又好大力掉低，送點心黎做所有野都好大力擺低，宜家咩年代呀，仲有咁差既服務，我以後都吾會再幫襯，比錢仲要睇佢面色。

第一次食，有驚喜。一朝早十一點左右經過見有位就入去試下喇，點知食落又幾好食，係啲碗真係要自己洗乾淨啲。鹹水角同山竹牛肉特別好食😋上菜速度就大概十分鐘左右，食完見到出面開始有人等位所以我哋都好識做，食完就閃。

今年新年有朋友介紹，試叫了凝香車的大盤盆菜，準時嚟到送貨，一打開已經香噴噴，屋企人望落都覺得足料新鮮，一路食一路讚，食材大件，唔hea，食到盤底，忍唔住整多幾個米粉連汁都撈埋

假日同媽咪二人飲茶，叫左香芋千絲酥，鮑魚燒賣，流沙奶皇包，小籠湯包，仲有即叫即蒸既炸兩腸粉。千絲酥上菜時熱辣辣，記得要等一陣先食鮑魚燒賣舊鮑魚有咸香流沙包上既金漆好靚，閃令令 令人食指大動小籠包入面舊肉太大，媽咪麻麻地，但我覺得可以接受炸兩腸粉皮薄 炸兩脆，i love it鐵觀音媽咪叫濃d，幾香

夜晚想食點心，真係比較少選擇依間未試過就試一試！店鋪細細間得幾張枱點心選擇亦都唔算多點心方面叫左蝦餃，燒賣，牛肉腸幾款都正正常常，冇乜太特別！燉湯都OK,但味道唔夠濃！蒸魚 相信都唔係新鮮魚，肉質一般

真心之前嗌落幾好食 ，就一直食開但係呢排真係搞唔掂 黑金流沙包越整越細隻越嚟越迷你 鹹水角真係越整越衰個原隻蝦腸腸粉 個皮越嚟越粉個鳳爪排骨 啲排骨又係越來越少以後都唔會再幫襯

想飲茶食點心 又想寧靜一下呢間凝香居係唔錯嘅選擇💛店舖雖然比較小 但座位總算闊落裝修仲帶點古色古香茶樓風格🫖坐低有點心紙可以✅上喜歡的點心食物款式都算多選擇 即叫即做熱辣辣上枱唔似有啲酒樓咁凍冰冰😮‍💨我哋點下點下都叫咗幾多野食因為有兩隻化骨龍吖嘛🤣🤣叉燒包 🥩會食到一粒粒叉燒配上濃郁叉燒醬 外皮夠香軟👍🏻🦐凝香蝦餃皇 皮薄 蝦夠新鮮彈牙👍🏻鮮蝦腐皮卷🦐 炸得夠脆口 入面仲有啖啖蝦肉夠彈牙😋山竹牛肉球🐮 大大粒配埋喼汁 更加好味🤤香荽牛肉腸🌿 皮薄晶凝通透 夠滑口 牛肉配上香荽更加好味😋鮮蝦燒賣皇 肉質結實 略嫌沒有蝦在上面😝椰香炸鏝頭 配上煉奶 夠香脆可口 唔錯👍🏻香芋千絲酥💜 一咬入口裏面已經係啖啖香芋味 外層亦夠酥脆 正👍🏻

男友帶我食點心，估唔到屯門有好味點心，店外招牌都帶中式茶樓風格，點心款式算多，連蛋散、鮑魚燒賣都有，最正係有盅頭飯，平時酒樓一早賣哂，呢度下午都仲要得食。有四款茶揀，鐵觀音、香片、普洱、壽眉，我地飲普洱，茶葉幾香。鮑魚燒賣超大粒燒賣，啖啖肉，有肥豬肉爽口，蝦肉彈牙，仲有粒彈滑鮑魚，雖然都係罐頭鮑魚，但味道濃郁，越咬越出味。蛋散鬆化香甜，蛋味突出，好似食馬仔咁，非常好味。薑蔥牛柏葉呢款有別於一般牛柏葉，薑蔥味清新，令牛柏菜多份清爽口感，個汁唔會湖口，食完唔膩。鮮蝦腐皮卷剪得好香脆可口，腐皮超薄脆，口感很好。內餡的蝦肉入味又爽彈，而且煎得唔油。金錢肚個味道好特別，非常濃郁，有點似炆牛腩咁濃味，好夾牛肚，每口都爆出醬汁，好惹味。流沙奶黃包襯熱好食，凍左冇咁流質。爆餡奶黃好幼滑，蛋黃味突出，包厚度剛好。牛肉腸粉好滑好透薄的腸粉，牛肉餡料平均，味道好。下午都食到盅頭飯，好開心。鳳爪排骨飯好香，醃得夠味，鳳爪軟腍，排骨嫩滑，個飯外面乾爽，咬落香軟，拌勻豉油同飯，味道更佳。

呢篇係我第二篇寫呢間，第一篇印象唔錯，但叫左三四次外賣後，我應該唔會再叫😅晚上十點後叫左幾次，次次都有叫蝦餃，其中一次正常：熱同埋好食。但有次食落好恐怖，啲皮都係未開好粉個種，顆粒感勁重，唔熟咁。（無映照🥲）今次叫有映低，樣樣都微暖，似長期保溫，今次食既溫度係收到外賣單：一早裝起左但要等要即炸既咸水角個種只係得咸水角係收到單即炸，勁熱勁脆好微暖，味道正常有次叫鳳爪排骨飯又係微暖，但難食其實呢啲蒸飯類要整到難食都好難（下次會去七仔買叮叮既飯，真心會好啲🥲）勁熱勁脆口，仲吉左個窿俾佢唞氣仲想點雖然內涵一般今次都係難食，睇圖就知長期保溫乾乾地🥲糯米雞。咁既餡料：未食，打開晒黎映一映照唉但好老實，雖然啲點心無心整俾客（但其中一次外賣既蝦餃係真心好食，熱同有汁；如果出品比較多係咁我會長期叫😬）但連個蒸飯都唔返蒸下，（趁住炸鹹水角個時）咁真係無咩心。但宵夜仲可叫點心會提都自己仲想點。寫呢篇係因為之前有好評佢；再寫亦反映返我真實感受，三四次既外賣：叫外賣平台既便利店點心可能樣樣都無伏🥲同埋自己平時應該係超市買定啲叮叮點心🥲😢😢😢（如果有位🥲；留晒急凍既位俾狗狗：現時有八成既位置都係佢既食物）

啱啱搬黎搞搬屋野搞到9點幾先得閒肚餓，諗住帶老婆落樓買外賣算。見呢間餐廳仲有人堂食緊，個侍應話ok，我地就坐低食個快嘅。老婆話父親節要食豪d就叫咗個鮑魚燒賣，我就叫咗佢鍾意食嘅蝦餃春卷，我覺得呢間個蝦餃幾好食，鮑魚燒賣都唔似出面嗰啲又乾又柴，有驚喜！不過都急急腳食完，臨走前買多個馬豆糕比老婆做消夜，等緊個陣聽個侍應講原來呢啲點心係師傅親手整唔係嗌貨，就係呢句就成為我呢個新住客嘅食堂，讚👍🏻

唔使講嘢食質素，淨係咁樣嘅服務已經唔會再嚟，唔怪得知一個客都冇。撫心自問，自己絕對唔係一個無理取鬧嘅客人，咁嘅消費我預咗服務一般，我唔會有要求。但我真係未試過如果一間餐廳既員工可以差到咁樣！尤其是嗰位女員工，我真係好好奇佢老闆究竟知唔知道佢咁樣對啲客，佢唔係冇禮貌咁簡單，而係好似求緊佢賣個飯俾我咁。如果大家真係想貼錢買難受可以不妨一試！我叫咗兩個臘味飯，當時完全冇人，呢位員工叫我：你企出門口等25分鐘！味道方邊，就係一個一般到冇得再一般嘅臘味飯，完

環境入到去 環境呢就就真係唔錯 裝修風格上面有好過好多同類型嘅新式點心舖 詳細啲去講呢咁就冇咁快餐廳格局啦 最吸引嘅係牆上面有一塊塊牌仔用粉筆字寫咗有咩菜色 都幾特别 但係地方真係唔大 枱與枱之間都真係迫嘅 隔離枱去咗入去都爭啲撞到我哋張枱 當然出去都同一個問題 咁呢度都減少少分㗎喇 叫咗咩食我哋今次呢就嗌咗個：鮮蝦燒賣皇金錢肚鹹菜胡椒豬肚青紅蘿蔔豬肺湯馬拉糕藥膳雞腳菜心燒賣燒賣方面呢味道上就唔差嘅咁就係問題嚟喇 咁就係個蝦呢就真係比較少 平時出面嘅點心好燒賣同一隻蝦放上面 但係呢度嘅燒賣蝦就係一細細粒細細喇放喺個燒賣入面 咁呢就真係唔係好食得出味喇 而個皮呢就正到都爛爛地 唔知係咪我哋九點入去食咁就放咗啲嚟啦金錢肚金錢肚呢就唔算大碟 柱侯汁個味都好夠 好深色 但係就真係鹹咗少少啦 同埋下面得幾嚿芋頭墊 連蘿蔔都冇舊鹹菜胡椒豬肚嚟到呢都嚇一跳 因為佢用個透明兜裝住 呢款兜都真係得食甜品嘅時候見過 攞嚟裝豬肚㗎真係賣相麻麻啦 不過唔緊要食過好味些重點吖嘛 問題就係佢都真係唔係幾好味 鹹菜冇鹹味 胡椒冇胡椒味 簡單啲嚟講就係成兜嘢都唔香 都唔好期望佢會好似胡椒豬肚湯咁好飲啦 不過唯一好嘅

是日去左屯門搵朋友，晏晝突然想飲晏晝茶，朋友就帶左我黎紅橋呢間凝香居。雖然店舖小小，但入面都幾骨緻，雖然店員唔多，但係上菜好快，而且好有禮。食物方面，二個男人飲茶點點下都點左好多點心，先介紹下我覺得好好味而值得一試既點心。黑金流沙包：同樣都係店舖推介，流沙包夠熱，而且真係流心，唔似有啲茶樓一摵開已經凝固左。鮑魚燒賣：好少地方有得點，啖啖味,好滿足！鮮蝦腸：腸粉皮夠薄，入面既蝦都大大粒，食落好滑！荷葉珍珠雞：大家睇相都見到，真係好大舊，大食必點。最難得呢度仲有燉湯可以點！味道好夠，絕對唔係味精湯。朋友見到都忍唔住點多份自己飲。