影片
以上资料只供参考，请与餐厅确认详情
朋友推薦的這家吃港式菜，味道確實不錯。點了脆皮炸子雞半只，肉質有點厚但是脆而不膩挺好吃。點了燒排骨排骨很大塊酸酸甜甜很好吃，因為陳皮的緣故很開胃。大良炒鮮奶口味很清淡，但有奶香味，個人覺得比較一般。小炒皇很不錯，裡面有蒜苗魷魚絲蝦乾芋頭等等炒在一起，還不錯。
继续阅读
今次被Tryit X生力友飯局活動選中去試食位於旺角彌敦道的鳳城酒家. 聽講餐廳餸菜質素唔錯, 所以都有D期待.當晚4個人一齊去試菜.旺角鳳城酒家地點好方便, 餐廳鄰近旺角火車站, 而且只需10分鐘內的腳程就到,就係神召會隔離. 好易搵.我地閒日晚上6點幾去到餐廳, 因為時間常早的關系,餐廳只有2成的座位有人. 但當去到8點幾時已經有8成入座率. 而餐廳侍應效率都好高又有禮貌. 佢地會好留意客人需要, 當一見到我地隻碟滿左骨頭, 就會主動幫我地換碟. 好自動波 GOOD.而鳳城酒家內佈置簡潔, 樓底也好高. 枱與枱之間的距離較大, 所以食飯時不會感到太局促同可以盡情同朋友分享八卦野都唔怕被其他人聽到.由於鳳城酒家出名食順德菜, 我地梗係要品嚐一下招牌順德菜啦.我地分別叫左4個小菜同一個煲. 首先出場:-生煎蓮藕餅: 蓮藕餅煎得外圍金黃香脆, 而內里包住蓮藕粒同少少芹菜粒. 食落不但爽口, 仲好有咬口. 而且芹菜粒更帶出魚餅的鮮味. 真係好味.-紅燒妙齡乳鴿: 新鮮炸起既乳鴿上手熱辣辣, 而且又不會炸得太乾太老, 內里仍保存有肉汁好juicy.而我就喜歡用手揸住食乳鴿, 更有風味. 配埋一杯生力啤就Perfect晒.-金蒜粉絲蒸勝瓜: 呢道菜係我最愛, 去到邊間餐廳都會叫. 而粉絲盡吸收蒜香同勝瓜的精華, 配白飯食一流. 不過今次呢道菜有少少不夠好, 因為食落去明顯知道用既油係炸過其他食物的.-化皮乳豬(例牌): 有時好怕乳豬皮唔夠脆,又怕肥肉太多食落會好油膩. 但今次個乳豬就無我擔心既問題出現, 食落仲”脆卜卜”. 好好味.最後壓軸, 我地叫左個羊腩煲暖一暖胃. 秋冬時分天氣轉涼, 食呢個岩晒.煲內的羊腩份量都幾多, 而且味道不錯, 唔會”騷”.而附送既腐乳醬仲加左香草, 更可以吊出羊腩的味道.不過唯一不足係羊腩炆得不夠時間, 食落時, 皮的位置較韌. 需要費盡一點牙力先咬得開. 而羊肉部分則沒有呢個問題.
继续阅读
秋風起，令人想食大閘蟹同蛇羹，今次鳳城推出呢個團購餐包含晒所有秋冬進補的食物，除左大閘蟹同蛇羹外，仲有羊腩煲，糯米飯，絕對係一次過滿足晒所有願望
食物唔差，不過上菜出左問題，我地等齊人先叫上菜，但等左成個鐘，眼見隔離枱差唔多叫上菜的，都食到七七八八，追左好多次，其中一個先話寫錯枱號，所以先無上過菜……
第一道先嚟的係脆皮鹵豆腐，由於大家等到好肚餓，好快就狂風掃落葉清左
接住就黎主角之一，大閘蟹，三四両重，雖然細細隻，但蟹膏勁多，係度食蟹腳時都有蟹油流出黎，d蟹肉都好鮮甜
之後陸續上蛇羹，豆苗，羊腩煲，糯米飯，好滿足的一餐
继续阅读
今日難得day off同媽咪行街, 行完女人街, 有得熱又肚餓所以黎左呢間!呢間都OK多人但唔太嘈! 同埋唔洗等太耐 叫左壺潽李, 都好飲ge.D staff ge態度都唔錯! 都唔會好惡或者唔理你今次叫左二籠包, 其中個籠叉燒包好好味, D餡夠熱, 雖然個包細, 但係D餡唔係按比例咁小到haha同埋個包ge質地都唔錯, 幾好咬咁又唔太痴牙另外叫左個炒飯....有小小油味...唔知係咪因為地溝油事件...個感覺不太好, 唔敢食太多haha, 不過呢間鋪應該唔會有地溝油ge lol個炒飯唔太差, 有好多餸, 同埋個味都濃ge不過價錢黎講都係...貴左小小啦haha
继续阅读
今年父親節亦是我爸生日, 所以上網找地方食飯時見到鳳城多全包宴, 打電話去訂位時問過父親節前夕亦有網上見的全包宴, 只係無左千幾蚊的餐. 訂位後因為人數有變, 及會有BB車...所以再打去更改人數兼睇下可否安排到闊少少空間放BB車, 而對方亦一一答應. 我一直以為自己訂的是太子o個間, 上openrice對自己睇的網頁, 地址電話唔同...得個名同....原來是唔同的兩間.....!!當晚準時8點去到, 可即時入內, 入到去發現一D都唔多人....之後安排了坐最尾靠牆的一圍, 因為我地15個人(有3個小朋友及待應計埋BB在內)...叫左一個全包宴, 因為有小朋友場面較難控制, 所以沒影相! 全晚有一個男待應主力招呼我地, 好好禮貌, 服務態度超好, 而食物水準亦OK, 起碼大碟而且唔會偏咸, 老人家們也說好食, 雖然可能有少量待應態度無咁好, 但都OK, 不過成間酒樓竟然星期六(父親節前夕)也唔爆就令我驚訝.最尾的西米布甸真係幾好食, 最尾埋單四千六佰幾, 但個荷葉飯也可打包走, 雖然我未食過太子o個間, 不過我覺得呢間都唔差, 我會再幫襯!!!
继续阅读