凱逸餐室

营业中

休息中

今日下午茶好想食西多士，經過凱逸就坐低試下，點知食咗個我食過最難食嘅西多士叫左個金磚西多士$38，加3蚊可以配凍飲，價錢還好。見到食物賣相已經覺得伏伏地，分咗買舊，望落去好dry點知食落都真係好dry! 入面嘅花生醬少得可憐，少到食唔到花生醬味仲要糖漿係淋咗先上檯，但份量又唔夠，反而牛油就一大舊。食來食去真係覺得好難食淨返好多，第一次食西多會食淨！大家如果去呢間真係要避開呢味西多士😓😓另外，餐具都唔多乾淨，希望餐廳可以好好正視！

未試過叫蒸魚外賣咁樣包俾人全個飯都骨，裝修左仲垃圾 真係唔好去食 食白飯都食到啃親 垃圾中既垃圾 真係唔好再去食 唔講包裝問題 佢連鼓油都慳成份野冇味 之前去堂食竟然夠膽死可以裝修完都勁多烏蠅唔裝修好過

食早餐食到一肚氣，間舖既職員（尤其係負責收銀個2位阿姐）態度差到一個點🤨，同朋友傾開原來佢都係呢間野度受過氣😅，食物質素幾好都無用啦，人既質素完全唔掂👎👎，唔會有下次幫襯

行左一陣去元朗千色匯附近食下午茶, 叫左瑞士汁雞脾配沙律及半份西多士, 加熱杏霜, 等左一陣飲品先送來, 飲左一啖杏霜, 幾濃郁又熱, 所以幾好味😻 再送來瑞士汁雞脾, 叫家人食我一件西多士, 沙律份量都幾多😅 都好味, 西多士食到好香花生醬好味😋 不過食落唔太油, 算唔錯🤩 再食雞脾, 味道唔算好入味好突出, 顏色係有, 雞脾質地麻麻地😅😅 但整體倘算ok, 不過不失

依家講緊嘅係間令人食指大動嘅餐廳 - 佢哋嘅火腿奄列，簡單直接，煎到啱啱好，啖啖肉嘅火腿，一啖咬落去嗲晒🍳！雞扒又厚口又juicy，我諗起都流晒口水！啖啖肉感覺好滿足啊，外皮微焦，掂！湯底轉咗個番茄湯，嘩，真係提升咗成碗嘅味道至另一層次咁，湯滑味香。而到嗰個蒸魚午餐啊，食落有種家嘅感覺，魚肉新鮮得嚟唔會太過腥，蒸到剛剛好，佢哋嘅熱飲仲可以溫暖你個胃。食完之後，我覺得今次嚟食真係超值得嘅！用嚟講，這間餐廳提供嘅餐飲選擇豐富，而且質素有保證，每一樣都做到位，不過又不失平民價格。你話，下次仲有咩理由唔再嚟？食飯時間，開心最緊要！💯👍🍽️

Lunch time 時間諗住試間新野食，元朗都叫多選擇。可以立足於此，都唔算太差。系門口見到有素食嘅選擇，就入去試吓。價錢來講，以今時今日嘅物價來講都算合理。一個碟頭飯加埋一杯熱飲，合共58元。 我揀咗個時菜香菇豆腐飯，其實即系紅燒豆腐飯，份量夠多。本人唔好汁，略嫌汁多咗小小。但穫氣搭救，菇片切得夠薄，又有拉過油，食落都幾香口，豆腐又新鮮。汁雖然多但唔鹹。👍🏻👍🏻杯檸檬茶，茶底夠濃！唔錯！服務態度唔錯，又幾好坐。值得再來！

第一次忍唔住要寫差評，間鋪頭光顧開幾次，覺得食物尚開始，但今次真心估唔到有一位身高 高大廋長頭發的男侍應態度會如此惡劣，點左四杯檸檬茶，一杯正常，其他小甜，結果小甜苦澀到完全飲唔到，再試埋正常果杯，同小甜冇任何分別，同侍應講好苦 衹是要小甜唔係要走甜同佢講要糖漿，個侍應聽完完全冇理會，一句話講小甜係咁，大佬喂，要d 糖漿啫洗唔洗要我講幾次先肯俾，仲要惡到死態度，仲要聲大大話自己係經理，睇你個樣點樣都唔會系經理樣啦，你做經理果鋪頭可以收皮啦，食物的確唔錯，但唔會洗錢受氣咯

📍凱逸餐室👉🏻#muimui_yuenlong👈🏻大C妹同媽媽去食下午茶見人地個牛肉炒意粉幾靚仔就嗌左碟試下黑椒牛肉炒意粉💰佢一離到我就心知不妙😨😨我嗌果時話全走淨牛 點知離到淨係走左紅綠椒洋蔥芽菜照上 撩得勁辛苦😢😢😢不過！牛肉都比得幾多 不過好似冇醃過咁 得微微黑椒味 當食原味道啦意粉岩岩好 唔太淋又唔太硬 同埋夠熱👍🏻👍🏻凍奶茶💰+3茶底偏苦澀 奶唔夠 茶餐廳離講都幾難飲最好唔好係度飲奶茶

上網見好似好出名，特登黎食煲仔飯，睇定食咩煲仔飯，一入坐就馬上落單，都預左等半個鐘，點知等左一個鐘都冇黎，原來冇落單，中間有問過咁耐仲未黎，店員隨口答煲仔飯係咁耐，根本冇幫手追過，由8點坐到9點都未食到飯

突然間好想食煲仔飯，立即喺元朗搵到呢一間好多人推介嘅茶餐廳，滿心歡喜晚上9點去到坐低落完單開心地等，等到9點10，發現個小菜都未到，唔係煲仔飯點解都要等咁耐？然後覺得唔多對路，立即禮貌地問店員有冇落單，原來係冇我地白白等咗50分鐘，乜都無得食，嬲到走左！咁大間舖，又唔夠人手，跟本做唔切，好失望，以後不會再去。亦不推介因為服務態度好差，落單時候個位店員已經非常之晦氣，真的非常之失望，差唔多10點都仲未食到晚飯，多得呢間嘢唔少。

天氣凍最好就係食返個煲仔飯🤣🤣元朗食煲仔飯既地方唔多晚上9點後既 凱逸餐室 都要等一等先有位門口位置都可以透過玻璃廚房睇到廚師整緊煲仔飯👍🏻👍🏻👍🏻煲仔飯二人套餐唔錯既選擇即叫即做要等一陣🫰🏻唔算等好耐最緊要好食💕💕嚟到之後落完豉油再焗多3分鐘🤤🤤🤤土魷肉餅煲仔飯🤤🤤🤤好正鋪滿晒👍🏻👍🏻👍🏻用料足，口感一流，魷魚香👍🏻👍🏻👍🏻北菇滑雞煲仔飯，一樣係好足料，雞都幾多，只係覺得切得碎左d🙇🏾‍♂️🙇🏾‍♂️整體係好食既👍🏻飯焦好正，岩岩好唔會燶，亦都唔係好黐底，一刮就起到👍🏻👍🏻👍🏻海鮮雜菜煲👍🏻👍🏻多料好好食，蝦乾好正，唔會好鹹，可以一試。如果可以等煲仔飯搞掂左先上會好d…因為等到煲仔飯嚟到先食就會凍哂總結：好味，種類又多，係元朗市中心又方便，食煲仔飯一定要試呢間🫰🏻🫰🏻🫰🏻

好難得入到元朗 本身想搵下啲元朗小店食下😛 但天氣太凍 一心決定要搵煲仔飯食！求其上網搵到呢間舖 位置都算方便～餐廳晚市送例湯 例湯送完即止！煲仔飯即叫即製 所以可以飲住碗湯先😛 是日例湯係紅蘿蔔豬骨湯 絕對唔係味精湯 仲要有好多湯渣😍 【豉汁白鱔煲仔飯】$108真係勁耐無食過白鱔煲仔飯！！！白鱔鮮甜爽口！肉質嫩滑🥹 一定要趁熱食 ～ 打開蓋 落豉油再焗多陣就有飯焦👍🏻【北菇滑雞煲仔飯】$75雞肉肉質雖然嫩滑 但真係唔係好多肉 大部分都係骨🫣 仲要好多碎骨🥲 菇嘅份量都唔係特別多～ 覺得性價比較低🤫 +$20 【腐乳通菜】等煲仔飯個陣已經食左一大半🤫 正常水準！

即叫即整📸️臘味煲仔飯 大概等左30分鐘左右喇尋晚返到屋企即刻要開蓋後，飯焦香都出埋嚟 香噴噴嘅煲仔飯就放係你面前啦 完全係搵到回憶啊，同埋價錢合理❤️聽日諗住再食另一味🤭

《 凯逸餐室 》元朗西菁街9号富盛大厦地下3-4号舖很久沒逛逛了.逛到一半實在滿餓的改裝後的2樓餐廳變茶餐廳了一個人也不方便點太多菜就來份海鮮炒河粉本來沒有太期待第一口就讓我有很大驚喜也太好吃了吧！每條河粉都有入味鹹甜程度都拿捏的恰當鴛鴦奶茶就普普通通了下次逛不知道吃什麼這是個不錯的選擇==============================🥢🫖凯逸餐室元朗西菁街9号富盛大厦地下3-4号舖

我已經唔係寫佢先，而係寫另一間泰國菜。大家諗吓我連泰國菜都走入去，就知我都唔想淨係寫到茶餐廳畀大家睇。奈何香港地真係茶餐廳文化盛行，我都覺得食呢啲嘢冇乜問題，又何必扮清高。有啲人幸福到成世人都可以食高級嘢固然開心，不過我終於都行入去整個「特餐」都唔係太傷心，尤其係當佢餐牌係以「牛油方包」同「火腿雞絲奄烈」做開頭就知唔會差。後者好濃白汁，好特別。佢個主食係「沙嗲牛肉米粉」，我覺得正常而唔難食嘅選擇嚟，陪伴香港人成長嘅一道菜。餐飲我飲「熱奶茶」就一啲都冇後悔，整得幾好，茶香奶滑，飲到我覺得太細杯咋。呢個餐 算好平，不過啲食物係值嘅。一場嚟到冇理由就咁食一個餐就走，一陣又被侍應話我只係叫得一個餐所以可以「放置」我點算。叫埋「法蘭西多士」，炸得好熱氣，花生醬又厚，糖漿係傳統嗰隻，成件事非常邪惡，，唔錯嘅體驗嚟。。。