凱逸餐室

营业中

休息中

女店長態度極其惡劣 ，以為裝修後有改進 ，都係垃圾級別.入到去點咗你坐入面, 入面冇侍應, 只有出返嚟坐, 四人枱唔坐得, 唔緊要轉二人枱，張枱未執都唔緊要，好聲好氣去叫佢落單， 又話聽到落緊，之後又玩嘢問多你一次食乜。 其態度極為囂張。

上餐速度，接近一個鐘（眼見好多人都催單）食物質素：只食左臘味煲仔飯，唔太評到分，普通野，將啲食物放哂落個煲到，完！室內有啲大油煙味叫左2個煲仔飯，先個講例湯，見到人哋都有，就問下個阿姐有例湯未（因為我一早見到有2碗係個水吧無人理），同佢講完，佢行過去水吧又來來回回唔知做咩，最後都要搞成3-4分鐘先拎到碗湯比我，第一個煲大概15分鐘左右上，等等等，食食食，我個飯都食完好耐。我都知人多，客多，等左30分鐘，問一下另外個煲仔飯咩情況，回覆：差唔多，就得，再等多十分鐘，再問下搞成點，（眼見係我食緊煲飯既時候入黎既人都已經有得食） ， 佢再覆我，黎緊架啦，就出黎！ 大佬，你漏單講聲，白白浪費左我成粒鐘等你個飯，未整就未整 ，乜野就得，出緊黎！最後決定唔食，埋單走人，起身既時候，個啊姐話，黎啦黎啦，我行左埋單，同收銀講，收銀都可以比我淨係比食左個一個飯錢（但睇先出唔係太樂意）。重點係我起身去埋單既時候，個煲仔飯係重煮緊….

本身有自己食開既一間茶餐廳，不過今日想試下其他，行過西菁街，睇到有間凱逸冰室，全日常餐$50,包左一個餸（雞扒/雞翼/五香肉丁果啲），一塊多士，2個細餸（煎蛋/餐肉/火腿/腸仔等等）或1個火腿奄列，另外有熱飲，凍飲加$3.呢間冰室用QR Code 落單，落完之後6分鐘就上枱，好快手，特別一提，常餐叫出前一丁係唔洗加錢😻不過我嗌既時候眼殘。。。叫左公仔麵，之後睇返餐牌先知🤦🏻‍♀️我唔記得左影餐肉果d...雖然煎蛋同餐肉都係各一塊，但係餐肉好厚👍煎雞扒都好厚肉，一啲都唔乾，入面仲有肉汁，不過我覺得唔係話夠味，佢夠鹹，但就係等一個普通鹹味，冇其他味道，唔係好知點形容😅不過整體來講都ok 既，而家$50一個常餐，咁豐富應該係叫平架喇。。。

今日下午茶好想食西多士，經過凱逸就坐低試下，點知食咗個我食過最難食嘅西多士叫左個金磚西多士$38，加3蚊可以配凍飲，價錢還好。見到食物賣相已經覺得伏伏地，分咗買舊，望落去好dry點知食落都真係好dry! 入面嘅花生醬少得可憐，少到食唔到花生醬味仲要糖漿係淋咗先上檯，但份量又唔夠，反而牛油就一大舊。食來食去真係覺得好難食淨返好多，第一次食西多會食淨！大家如果去呢間真係要避開呢味西多士😓😓另外，餐具都唔多乾淨，希望餐廳可以好好正視！

未試過叫蒸魚外賣咁樣包俾人全個飯都骨，裝修左仲垃圾 真係唔好去食 食白飯都食到啃親 垃圾中既垃圾 真係唔好再去食 唔講包裝問題 佢連鼓油都慳成份野冇味 之前去堂食竟然夠膽死可以裝修完都勁多烏蠅唔裝修好過

食早餐食到一肚氣，間舖既職員（尤其係負責收銀個2位阿姐）態度差到一個點🤨，同朋友傾開原來佢都係呢間野度受過氣😅，食物質素幾好都無用啦，人既質素完全唔掂👎👎，唔會有下次幫襯

行左一陣去元朗千色匯附近食下午茶, 叫左瑞士汁雞脾配沙律及半份西多士, 加熱杏霜, 等左一陣飲品先送來, 飲左一啖杏霜, 幾濃郁又熱, 所以幾好味😻 再送來瑞士汁雞脾, 叫家人食我一件西多士, 沙律份量都幾多😅 都好味, 西多士食到好香花生醬好味😋 不過食落唔太油, 算唔錯🤩 再食雞脾, 味道唔算好入味好突出, 顏色係有, 雞脾質地麻麻地😅😅 但整體倘算ok, 不過不失

依家講緊嘅係間令人食指大動嘅餐廳 - 佢哋嘅火腿奄列，簡單直接，煎到啱啱好，啖啖肉嘅火腿，一啖咬落去嗲晒🍳！雞扒又厚口又juicy，我諗起都流晒口水！啖啖肉感覺好滿足啊，外皮微焦，掂！湯底轉咗個番茄湯，嘩，真係提升咗成碗嘅味道至另一層次咁，湯滑味香。而到嗰個蒸魚午餐啊，食落有種家嘅感覺，魚肉新鮮得嚟唔會太過腥，蒸到剛剛好，佢哋嘅熱飲仲可以溫暖你個胃。食完之後，我覺得今次嚟食真係超值得嘅！用嚟講，這間餐廳提供嘅餐飲選擇豐富，而且質素有保證，每一樣都做到位，不過又不失平民價格。你話，下次仲有咩理由唔再嚟？食飯時間，開心最緊要！💯👍🍽️

Lunch time 時間諗住試間新野食，元朗都叫多選擇。可以立足於此，都唔算太差。系門口見到有素食嘅選擇，就入去試吓。價錢來講，以今時今日嘅物價來講都算合理。一個碟頭飯加埋一杯熱飲，合共58元。 我揀咗個時菜香菇豆腐飯，其實即系紅燒豆腐飯，份量夠多。本人唔好汁，略嫌汁多咗小小。但穫氣搭救，菇片切得夠薄，又有拉過油，食落都幾香口，豆腐又新鮮。汁雖然多但唔鹹。👍🏻👍🏻杯檸檬茶，茶底夠濃！唔錯！服務態度唔錯，又幾好坐。值得再來！

第一次忍唔住要寫差評，間鋪頭光顧開幾次，覺得食物尚開始，但今次真心估唔到有一位身高 高大廋長頭發的男侍應態度會如此惡劣，點左四杯檸檬茶，一杯正常，其他小甜，結果小甜苦澀到完全飲唔到，再試埋正常果杯，同小甜冇任何分別，同侍應講好苦 衹是要小甜唔係要走甜同佢講要糖漿，個侍應聽完完全冇理會，一句話講小甜係咁，大佬喂，要d 糖漿啫洗唔洗要我講幾次先肯俾，仲要惡到死態度，仲要聲大大話自己係經理，睇你個樣點樣都唔會系經理樣啦，你做經理果鋪頭可以收皮啦，食物的確唔錯，但唔會洗錢受氣咯

📍凱逸餐室👉🏻#muimui_yuenlong👈🏻大C妹同媽媽去食下午茶見人地個牛肉炒意粉幾靚仔就嗌左碟試下黑椒牛肉炒意粉💰佢一離到我就心知不妙😨😨我嗌果時話全走淨牛 點知離到淨係走左紅綠椒洋蔥芽菜照上 撩得勁辛苦😢😢😢不過！牛肉都比得幾多 不過好似冇醃過咁 得微微黑椒味 當食原味道啦意粉岩岩好 唔太淋又唔太硬 同埋夠熱👍🏻👍🏻凍奶茶💰+3茶底偏苦澀 奶唔夠 茶餐廳離講都幾難飲最好唔好係度飲奶茶

上網見好似好出名，特登黎食煲仔飯，睇定食咩煲仔飯，一入坐就馬上落單，都預左等半個鐘，點知等左一個鐘都冇黎，原來冇落單，中間有問過咁耐仲未黎，店員隨口答煲仔飯係咁耐，根本冇幫手追過，由8點坐到9點都未食到飯

突然間好想食煲仔飯，立即喺元朗搵到呢一間好多人推介嘅茶餐廳，滿心歡喜晚上9點去到坐低落完單開心地等，等到9點10，發現個小菜都未到，唔係煲仔飯點解都要等咁耐？然後覺得唔多對路，立即禮貌地問店員有冇落單，原來係冇我地白白等咗50分鐘，乜都無得食，嬲到走左！咁大間舖，又唔夠人手，跟本做唔切，好失望，以後不會再去。亦不推介因為服務態度好差，落單時候個位店員已經非常之晦氣，真的非常之失望，差唔多10點都仲未食到晚飯，多得呢間嘢唔少。

天氣凍最好就係食返個煲仔飯🤣🤣元朗食煲仔飯既地方唔多晚上9點後既 凱逸餐室 都要等一等先有位門口位置都可以透過玻璃廚房睇到廚師整緊煲仔飯👍🏻👍🏻👍🏻煲仔飯二人套餐唔錯既選擇即叫即做要等一陣🫰🏻唔算等好耐最緊要好食💕💕嚟到之後落完豉油再焗多3分鐘🤤🤤🤤土魷肉餅煲仔飯🤤🤤🤤好正鋪滿晒👍🏻👍🏻👍🏻用料足，口感一流，魷魚香👍🏻👍🏻👍🏻北菇滑雞煲仔飯，一樣係好足料，雞都幾多，只係覺得切得碎左d🙇🏾‍♂️🙇🏾‍♂️整體係好食既👍🏻飯焦好正，岩岩好唔會燶，亦都唔係好黐底，一刮就起到👍🏻👍🏻👍🏻海鮮雜菜煲👍🏻👍🏻多料好好食，蝦乾好正，唔會好鹹，可以一試。如果可以等煲仔飯搞掂左先上會好d…因為等到煲仔飯嚟到先食就會凍哂總結：好味，種類又多，係元朗市中心又方便，食煲仔飯一定要試呢間🫰🏻🫰🏻🫰🏻

好難得入到元朗 本身想搵下啲元朗小店食下😛 但天氣太凍 一心決定要搵煲仔飯食！求其上網搵到呢間舖 位置都算方便～餐廳晚市送例湯 例湯送完即止！煲仔飯即叫即製 所以可以飲住碗湯先😛 是日例湯係紅蘿蔔豬骨湯 絕對唔係味精湯 仲要有好多湯渣😍 【豉汁白鱔煲仔飯】$108真係勁耐無食過白鱔煲仔飯！！！白鱔鮮甜爽口！肉質嫩滑🥹 一定要趁熱食 ～ 打開蓋 落豉油再焗多陣就有飯焦👍🏻【北菇滑雞煲仔飯】$75雞肉肉質雖然嫩滑 但真係唔係好多肉 大部分都係骨🫣 仲要好多碎骨🥲 菇嘅份量都唔係特別多～ 覺得性價比較低🤫 +$20 【腐乳通菜】等煲仔飯個陣已經食左一大半🤫 正常水準！