函館元祖北海道拉麵 (已結業)

I got a takeaway of chicken teriyaki. Very stale food. Packaging poor. Looks unhygienic. It’s not very cheap for the quality of food they are sellingThey do not even have their own bag, instead got a torn bag from some food delivery company. Not going back.

又是工作行經，見是北海道之旅都多年了，入去試試。湯底濃而不咸，麵底十分彈牙有筋道，叉燒和蛋都有能令我想起北海道的味道❤️為什麼叫加量版，就是配菜都比正常多，我平時都一啖麵一啖配菜，但最後麵食完都仲有剩😂唔愛既人可以提早同佢講聲。茶是室溫煎茶，如果有冰水感覺更日本。廁所及天井都打理得很整齊，大讚❤️大家經過都可以一試👍🏻

我不入地獄，誰入地獄尋日晏晝食唔到拉麵，搞到夜晚都心思思都要食反碗拉麵唸住去下函館元祖北海道拉麵試下距個3.6牛奶湯底餐廳標榜用日本產米同日本產蛋八點鐘晚飯時間，我竟然可以包場本來想試牛奶湯底，之後我發現左有檸檬拉麵究竟檸檬同拉麵係咩既組合同咩既玩法呢？我爭扎左好耐，終於鼓起勇氣叫左個金味噌檸檬拉麵個拉麵黎左，我即刻試下個湯先非常濃味既味噌湯，雖然日本都好多味噌湯底都偏濃，但依個湯感覺幾味精下，無咩麵豉香味完全無檸檬味(好彩)隻日本產雞蛋有種好特別既味道好似攞咖啡粉醃過甘，我唔太識欣賞叉燒就同烚過既五花肉無咩分別食到依度都未唸到啲檸檬除左伴碟之外有咩用我食到接近尾聲就試下將啲檸檬好似督檸茶甘，督下距再飲反啖湯好彩食到尾先督，早啲督成個麵都唔使食我完全唸唔到咩形容詞去形容果個味道，但一定剌激到味蕾大家有興趣可以試下我唸最大既問題唔係檸檬度，我覺得要配都配反啲清啲既湯，配鹽味湯底可能会好啲唔知遲啲会唔会出檸檬3.6牛奶湯底埋單一百蚊唔使找

前幾晚約左好姊妹食呢間位於佐敦嘅拉麵店，一直都好想試佢既北海道3.6牛乳湯底拉麵，今次終於試到啦！首先，佢湯底用勁濃郁既牛奶煲出黎，效果真係好香好滑，配料方面有粟米粒、蕃茄仔同半熟糖心蛋等等，份量對女仔黎講可能會多少少，始終飲得多湯底都好快覺的膩，不過整體而言，呢碗拉麵麵條質感唔錯，幾彈牙，好味另一款就試左刺身沙律，比想像中大兜，適合兩個人share食。佢裡面包含幾種刺身，例如三文魚、蟹籽等，幾足料

今日黎左呢到食，地方比較偏僻，即使係星期五晚都唔滿座。我今次就叫左一個味噌芝士拉麵。就咁睇外表，就唔錯。先講湯底，一食落就覺得好咸，似係一種味精既味道。雖然係味噌湯底，但味道就點過濃。肉就只係得一片，係相入面都可以睇到係比較細，而且係好薄，比其他拉麵店黎講係好細塊。而配菜就份量好多，食到尾都仲有好多芽菜同玉米。個芝士就當然係呢麵既重點，佢係Mozzarella 芝士，溶左之黎就同麵同配茶痴埋一舊，咁紅樣好唔好就見人見智。

對選擇困難既人黎講，佢既lunch set 幫左好多人。 可選 3款 飯 or烏冬而且有沙拉同湯 。而且很店舖很安靜 ，抽放日本歌。很舒服。 係中午逃離公司 好好可以享受既地方。 會再黎

本身以爲係拉麵店 入到去原來係居酒屋除咗拉麵仲有定食燒物揚物沙律小食之類嘅食物門口係日文字 但店員係講英文🔠每碗麵嘅份量都幾大🆙🍜金味噌牛油拉麵 $88大大舊牛油磚喺面頭 溶晒之後個湯底滑咗亦有好濃郁嘅牛油味💛 唔會太油 麵底係幼麵 幾彈牙有咬口 溏心蛋整得幾好蛋白好滑🥚 有一片叉燒 切得幾厚但較肥 荀嘅份量都幾多🍜🍤濃郁豬骨蝦垃麵 $100呢碗嘅麵煮得比較硬 湯底唔係好食得出有蝦味❔ 豬骨味都頗濃 飲落唔會好油膩 加咗個冇乜味嘅白灼蝦 其他配料同另一碗一樣落完單店員即刻送上水亦有主動加水🥛10% Service Charge💰

中午1310到貴店，當時只有2枱人（包括我們6人），落單後等超過40分鐘才有第一份午餐，1410hrs 仲欠一份午餐，唯有取消埋單，走人，完全不合理既等待🤬1310hrs 後其間有其他客人入坐，眼見遲我們20分鐘入座既客人之飯餐先到，以為單一事件，但發覺情況繼續，問了幾次，還説整緊！就眼見，廚房不是煮先落單之order 而係後來先上。本來普通一頓午餐，但等到一肚火，廚房做餐程序及次序完全不合理，樓面眼見客人等候那麼長時間亦不主動叫㕑房跟進。

因為用app訂枱有半價優惠，網上食評又唔錯，所以去試下，點知都係中伏。鹽燒牛舌：真係搞唔掂，先唔好講好唔好味，我未食過咁un既牛舌，真係咬唔開，焗住要成舊放入口咀嚼先吞到，真係好差，因為就算出去食放題，再cheap既放題，啲牛舌都唔會un到咁。至於味道，已經un到都唔記得了，而且鹽燒個味本身好難整得好難食，係燒既時候要啲技巧吧~味噌牛油拉麵：睇到人地啲食評講到幾好食，咩啲牛油同個湯溶埋一齊，成個湯好濃郁，令我好期待。點知完全唔係果回事，真係比左一舊牛油，但牛油味唔香濃，就算將佢同湯溶埋一齊，都唔夠濃，甚至有啲淡口。但拉麵既其中一個吸引人既地方唔係就係要個湯夠香濃咩，所以真係令我有啲失望。豬骨拉麵：男朋友叫既，我試過個湯，比我果個濃味，尚可。不過食到一半發現條黑色長髮，真心好噁心。無論一間餐廳幾好食，都唔應該犯哩種低級錯誤，仲要果個時候得我地兩個客，斷估唔會忙中有錯吧，仲要係日本餐廳，更何況啲野食咁既質素....樓面個叔叔幾好人，服務態唔錯，可惜食物水準同衛生欠佳，廚房啲員工應該要再培訓下。

今次用餐，燒牛舌是正常份量的一半(之前曾經點過)，即每片中間齊口切開。 份量少了也不是最差的體驗，而是牛舌燒得過熟至非常非常韌！ 沒有吃過比這更差的燒牛舌了，其實之前吃過牛舌的質素是不錯的，但今次廚師偷工減料之餘再將材料煮過頭！ 另外照燒雞扒醬汁過鹹，失敗！還有是天寒地凍，一開始端來的是一杯冷冰冰的茶。。。還有是服務方面，分別就牛舌的份量少了和過熟向服務員反映，但服務員就當時運高聽不到一樣，完全沒有對客人的意見作反應或跟進，完全不能接受，大大影響了本人的用餐心情，而且餐牌上有很多東西都是賣光的，而服務員只在我們差不多吃完來了的東西才告知我們！食物和服務也不合格，將會列入黑名單食肆！

係日本食拉麵，只求食每個地方正宗地道，但係香港，就為求食每間拉麵店既招牌~今日偶然行過佐敦，見到有店叫做【函館元祖北海道拉麵】北海道拉麵主要為味噌和醬油為主，果然不出我所料，拉麵店入面都以味噌同醬油拉麵為主流。雖然店入面地方唔算好大，又無其他拉麵店以吧枱為主既設計，但可以睇得出想以居酒屋為目標所發展。好，入返正題~佢地既拉麵有好多選擇，有味噌，地獄，味噌芝士...等等，幾多新款式既拉麵我最後點左濃厚味噌拉麵，再加小食 章魚小丸子拉麵外貌都好令，加上標榜使用日本雞蛋，睇得出有半熟雞蛋形態，但我試左第一口，感覺有少少怪...最後都食哂成個，係有少少怪味...🤨拉麵食得出幼細彈牙，但質感同出面包裝拉麵差唔多~叉燒肥瘦都適可，味道較一般。最後來左個章魚燒 加25蚊有3粒，雖然只係想試一試，加上外表賣相好吸引，但食落去入面有d未熟lo總括來說:拉麵比較一般，可能初初營業嘗未熟手，章魚燒係有少少失望，今次只係想比(一般）水平，但過一排我會再黎試一試，始終新店剛營業，質素會比主店有分別，係正常表現，所以我會比多次機會佢地😁

今日去佐敦食飯，地鐵行去十分鐘左右。 濃厚豬骨蝦拉麵：呢個拉麵好好食，個湯底真係好濃，有豬骨嘅香味，雖然蝦得一隻，但係好爽。我覺得呢碗麵嘅叉燒非常之好食，好肥美，做到入口即溶嘅效果。個流心蛋就正正常常。北海道3.6牛奶芝士拉麵：佢個湯就奶白色咁，食落真係好濃嘅奶味，而且上面都鋪滿幾多芝士，鍾意飲牛奶同埋食芝士嘅人應該會好鍾意食呢個面，但係我就覺得食得多幾啖就會覺得有啲膩，都係比較鍾意豬骨蝦拉麵。我覺得呢度嘅拉麵佢嘅口感都好好，唔會太淋。餃子：個餃子都幾好味，熱辣辣食嗰陣時，一咬仲有好多肉汁。吉列蠔：一共有五隻，嗰炸皮正正常常，唔厚都唔係好薄，蠔嘅size唔算太大隻，但味道唔錯，幾鮮味。帶子：本身以為呢個帶子係刺身，原來係有燒過嘅，咁樣燒過反而更加香，而且亦都唔會燒得太熟。溫泉雞蛋：去呢個溫泉雞蛋比較生，佢哋都配有獨特嘅醬汁，但係個人就覺得普通。人均消費大概$200左右，都算抵食，覺得呢度嘅拉麵係好味嘅。

下雨天週末來到佐敦、順道到附近的官涌街吃點東西、發現了這間函館拉麵、決定回味一下函館滋味。這裡提供各類日本梳打、桃汁等。豬骨拉麵 白 $83奶白色的湯底豬骨味頗濃、麵條煙韌有彈性、流心蛋做得不錯、义燒亦軟稔、如果略為煎過更好。吉列炸蠔 $85有五大隻、新鮮熱辣炸起、外脆內軟、香脆可口。鰻魚飯 $120 賣相不錯、燒汁鰻魚份量十足、鰻魚燒得剛好、肉質還嫩滑。另外還附送沙律菜和麵豉湯。我們兩個人share食、份量啱啱好。

自問都係一個拉麵達人，港九新界食拉麵嘅地方都食過😋 今次嚟到佐敦嘅函館北海道，試試係香港無咁主流嘅味噌湯底睇google map好似幾遠咁，但其實佐敦C2出口直行過幾個路口就到，個邊少啲人流比較清靜，但原來都有啲西餐廳係到門口有好多咪錶位，所以泊車都好方便原來呢間餐廳係居酒屋形式～ 除咗拉麵之外，仲有燒物、刺身、沙律等等嘅小食金味噌地獄湯拉麵由於地獄兩個字好得人驚，所以我叫咗小地獄先。上菜見到成碗紅色都怕怕地🤣 好彩食落可能有味噌湯中和，所以無想像中咁辣，味道幾濃同埋唔會好油我個人係特別鍾意呢款麵質，非常爽口彈牙，雖然同平時嘅拉麵舖唔同，但其實呢種麵就係北海道類似食到嘅款式，曲曲地同埋比較幼身金味噌牛油拉麵成舊牛油磚放係拉麵上面，之後再溶落個湯到，個湯變到更滑更厚同更有質感朋友太肚餓就加咗個小咖哩飯，可以見到個到咖哩同餸嘅份量係成正比，有好多舊肉係入面，唔似平時舖頭得幾舊蘿蔔薯仔，呢到絕對真材實料鹽燒牛舌見佢居酒屋格局就當然試埋佢嘅燒物！有七、八塊牛舌，每一塊食落口都係熱辣辣嘅，肉質較厚有咬口，完全無燒到太熟變韌，燒得啱啱好😋不二家白桃飲料呢個飲品入面仲有好多果肉🤤呢到價錢同其他拉麵舖

拉麵拉麵拉麵～身為拉麵控ge我 又黎食拉麵今次黎試北海道拉麵店內裝修都幾骨緻 幾舒野食選擇十分多 前菜 小食 燒物 丼物 咖哩飯 拉麵 最後叫左 極上豬骨豉油拉麵（+5 叫左粗面）燒鯖魚枝豆燒魔鬼魚干枝豆加左少少鹽去烚 枝豆真係好好食 燒魔鬼魚干第一次食 燒到少少卜卜脆 一咬就開唔um 一d都唔咸 好香口燒鯖魚 另加左碗白飯唔小心點左齋魚 本身係想叫餐 店員好好人岩當知道我地叫錯左 即刻俾左碗飯我地✌🏻 鯖魚唔乾好juicy 一d都唔腥極上豉油拉麵我好鍾意粗面所以加左錢轉 貪佢多d口感 拉麵唔咸冇味精 又好多配菜 正呢度d lunch menu 都幾抵食 可以試試