刈Bao台式創意小食 (已結業)

今日黎到葵廣食野，第二站就黎到呢間刈包專門店啦，刈包係臺灣傳統小吃之一。簡單黎講就係蒸饅頭內夾滷肉，但呢度就比較新式，入面就變左唔同款既特色餡料😍😍🤩🤩麻辣雞刈包 $20值得留意呢度係迷你刈包，比起傳統來講比較細，但係葵廣細細地先留到肚食其他野架ma👍🏻👍🏻係咪？講番個包本身，麻辣雞好惹味，唔會太辣，雞又少少脆，幾好食👍🏻👍🏻包本身唔會太厚又細細舊，唔會太頂肚，唔錯整體黎講質素不錯，可以一戰👍🏻👍🏻

每次去咗葵芳做嘢一定會去葵廣度食嘢， 探戈到多少點多選擇， 雖然華人比較多比較迫， 有冇位坐， 但每間小店搵啲嘢食， 一路行 一路睇真係好正。今次食咗呢間刈Bao， 小食都唔錯， 不過更緊要係有良心。我哋食咗呢個小食拼盤， 價錢唔貴得嚟又新鮮炸起， 雖然話就話都要等一陣， 不過其實行行企企睇下附近啲裝飾， 有冇可隔離飲品店或者附近嘅其他嘢食， 好快就到。嘢食方面你望下炸雞， 有新鮮炸得有夠脆， 簡直係食過返尋味呀， 下次去再試過啦

武漢肺炎肆虐至今，葵涌廣場可謂其中一個重災區，由於學校停課，少咗學生幫襯 ，成個場水盡鵝飛，唔少黃店告急。早排行完城門水塘，專登過去一連幫襯咗幾間，略盡綿力。其中呢間係食台式小食，既然以刈包掛帥，當然要試下呢個招牌菜。我哋叫咗最傳統嘅古早味腩肉刈包，材料有腩肉，花生碎，菜脯，生菜絲，酸蘿蔔，芫茜等，味道同口感都好豐富，不過唔知係咪要迎合香港人嘅口味，塊腩肉略嫌唔係好夠肥，如果再肥返少少就非常正。店面有海量嘅文宣同澎湃到就快遮住個招牌嘅連儂牆，可謂黃到發光，一路食一路欣賞，倍覺暢快。

//#黃店地圖系列間野叫：刈Bao台式創意小食邊度黎：葵芳葵富路7號葵涌廣場3樓TOP世界3069-T26&T27號舖環境點：開業大約兩個幾月 存在感略低 未見有人潮湧現🌝：門外張貼多張Pepe貼紙和「香港加油」等字句 ▪金銀饅饅 $127.5分小店成個menu都充滿住神秘感 齋睇個名完全係一頭霧水 金銀原來係炸饅頭同白饅頭 本身白饅頭配抹茶煉奶 炸饅頭配紫薯醬 不過本人對紫薯好感不大 提出全兜抹茶醬嘅訴求 店家積極聆聽後 表示理解並欣然接受 拍攝期間更詢問我是否需要追加抹茶醬 十分關心食客嘅需求.講返個饅頭 係香港整炸饅頭整得好嘅店舖唔多 呢間水準中上 雖然用上細饅頭 不過仍然能夠保持內在濕潤 外皮酥脆嘅口感 抹茶醬帶微微甘苦 中和煉奶嘅寡甜 唯一挑剔係有啲炸皮位有少少界口 炸少10-15秒口感應該會更perfect池🤪

炸野唔敢食太多,始終呢期少運動又驚喉嚨乾今次第一次黎食,一於嗌一個台式薯花黎試下薯花有三種醬汁可以揀,有黑松露,辣茄芝士同埋日式燒汁揀,我最後揀左黑松露味今日人唔多,好快一兜薯花就送到我手中,份量都幾多下,$25買到咁大兜薯花都幾抵薯花上面落左好多沙律醬,睇落賣相都唔錯,薯花炸到粒粒金黃色,薯香味一下飄上黎,色香味俱存咬落小心熱,岩岩炸起真係好熱,心急想食好野而辣親就唔好口感非常鬆脆,唔會炸得太硬,夠曬薯味,係我杯茶

係偶然嘅機會下，網上面IG碌吓碌下，見到原來葵廣平時同朋友掃街食嘅呢間小店 大黃店 - 刈bao 都有到會服務！ （鋪頭外面有一幅大型啲連儂牆 及 有派發文宣）之前都食過呢間鋪頭，$20古早味腩肉刈包出左名！我屋企人都好鍾意食平時都會外賣返屋企。所以對佢哋嘅印象都好深刻正面!咁啱weekend 約咗一班朋友仔去屋企玩我地Total六個人，諗都唔諗就即刻同佢地訂左個六至八人餐！（$980） 佢哋仲有其他套餐，而且佢哋可以按照你哋唔同人數推出唔同套餐俾你地（不過要私底下PM） 一般來講：6至8人- $98010至12人 - $1480 14至16人 - $2080 我主要揀佢哋都會嘅原因係，佢哋嘅食物種類多，新鮮好味，又夠大份，性價比較高！相比起一啲比較大型嘅都會服務機構，我覺得佢哋嘅食物食得出係用心製作，值得一試。 $980嘅呢個套餐我哋食咗好多嘢包括有： - 「台式鹽酥雞」佢哋炸嘅台式鹽酥雞，黎到嘅時候仲係香脆可口，同埋好juicy，雞肉味好香！- 「香芋地瓜球」可以話係佢哋鋪頭嘅小食王牌，煙煙銀銀，個質地好得意，入邊嘅香芋泥超多， 粒粒都大大粒，呢個真係必食推介！ - 「炸帶子」正正

呢排都唔係好敢係街食野 但經過見到呢間台式小店既野食好吸引 而且佢仲係黃店!! 店內有大量文宣同埋好大副既連儂牆 所以決定要幫襯❤️薯花4號 ($32)有薯花+香芋地瓜球, 好似返左去台灣咁呀! 香芋地瓜球真係好好好食!!! 😭😭😤好熱辣辣 好煙un 同埋好香蕃薯同芋頭味 呀…一講就好想再返去食了!! 🤤🤤而薯花都好好味, 佢入面真係成舊薯仔, 所以食幾舊已經好飽 配埋黑松露沙律醬 無得頂丫😋-綜合金三角($35)食得香芋地瓜球又點少得鹽酥雞呢! 大大舊 而仲有好多肉汁 好好味 仲有花枝丸!基本上可以食哂會去夜市想食既野😂-古早味腩肉刈包 ($20)平時都好少見到地方有賣刈包 所以都係去開阿元來了先會食 但今次竟然比我見到!! 😳仲要係招牌 所以點都要試試佢haha 有好大舊豬腩肉! 肥瘦比例大概係1:2 , 佢亦有少少辣辣地, 食落好惹味! 但如果佢可以落多D糖就更加好食了😋所有野都係即叫即整, 熱辣辣好好食, 而且依家無得去台灣 食下呢間野過一過癮都好, 同埋要繼續支持黃店丫!!

話說葵廣三樓呢間小食店，我想幫襯好耐，樣樣野都好岩食之餘，間鋪頭仲有大量文宣，黃到發光，點都要支持下！🔹古早味腩肉刈包 $20👰🏻:🌕🌕🌕🌕🌗🤵🏻:🌕🌕🌕🌕🌗腩肉食落好似東坡肉，肥瘦均秤，每一啖都食到油脂豐腴既肉但又唔會覺得好肥，面頭仲有啲酸酸地既脆身白蘿蔔片，中和油膩感。而個醬唔重味，少少酸甜，同啲料好夾.刈包係一個口袋包，中間可以夾住啲食材，食落有啲似薄身饅頭，麵包好鬆軟，甜甜地，加埋粒粒花生碎，口感好豐富🔹綜合7號 (鹽酥雞配炸蝦棒) $35👰🏻:🌕🌕🌕🌕🌑🤵🏻:🌕🌕🌕🌕🌑鹽酥雞炸得脆之餘咬落落仲有肉汁咇出黎味道唔會過咸，岩岩好大細岩岩好，一口啪一粒，正！.蝦同樣好脆，default一條係唧沙律醬，另一條係千島醬，味道正路既可惜有少少油.🔹薯花4號 (薯花配香芋地瓜球) $32👰🏻:🌕🌕🌕🌕🌖🤵🏻:🌕🌕🌕🌕🌖呢個組合真係邪惡到震炸薯花唔會太硬脆，外面一層薄薄既脆皮，包住中間勁多薯蓉，口感好綿密。配埋黑松露味沙律醬食😍😍店家仲要怕黑松露唔夠，整多一pat俾你，真係不得了！.食完咸野食甜野，係我最愛既芋泥，仲要俾炸過既煙靭地瓜球包住，食起黎酥酥qq的🤤

👫黎到葵廣揾食,發現葵廣3樓TOP世界裡面,新開左間台式小食黃店😋小店門外,有一幅滿掛訴求嘅連儂墻,配合店鋪簡單而樸素嘅裝潢,份外吸睛同埋,我地見到呢間新店竟然有唔同口味嘅刈包食(腩肉刈包,手撕牛刈包,麻辣雞刈包,黑松露刈包)之前去台灣見到戈邊d刈包大大舊,成舊漢堡包甘,整到唔敢試😂今次黎到葵廣見到有mini版嘅刈包,就一定唔會錯過了招牌古早味腩肉刈包($18)_今次我地嗌左呢間店嘅招牌腩肉刈包,應該算係正宗嘅口味,材料好足好豐富,有腩肉,花生,生菜,酸蘿蔔同菜譜😋撈埋一齊嘅味道意外地夾,同埋值得一提,舊腩肉真係好jeng😋🤤可能佢慢火慢慢燜,所以一d肥膩感都無,同埋超入味,口感超軟化,配合熱乎乎又鬆軟嘅荷葉包,味道層次真係超飽滿綜合金三角($35)_我地仲叫左一盒金三角黎食,有鹽酥雞+炸花枝丸+炸貢丸,坊間好多鋪頭通常都預先炸好鹽酥雞,呢間小店真係好有誠意,即叫即炸,熱辣辣,同埋佢炸粉真係好薄,餡又足,真係不得不讚👍🥳不過,如果呢間店提供其他口味嘅調味粉選擇就更好了,之前食過紫菜口味嘅鹽酥雞真係念念不忘🤤同埋,呢間店嘅食物普遍口味較清淡,炸花枝丸好似唔多夠味香芋地瓜球($25)_最後

香芋地瓜球$25/6粒個香芋地瓜球嘅香芋味好香好濃香芋味😍，佢外皮好香脆，而入面係好鬆軟的，外脆內軟🤪，個外皮唔會話好厚，亦唔會炸得好油，入面啲香芋餡係熱辣辣，軟淋感的🥰，整個香芋地瓜球好出色😋👍🏻古早味腩肉刈包$18佢塊腩肉好厚好大塊，佢整到腩肉好香，個刈包入面，除咗有塊好厚，好大塊嘅腩肉之外，仲有啲花生碎、菜同埋芫荽，整個刈包好香而且好多餡，啲餡夾埋一齊好夾，好好味，而且啲花生碎好香，好脆，啲芫荽都好香

講起掃街就一定諗到葵廣，葵廣既小食多不勝數，好多都價錢合理，性價比又夠高！所以每逢假期我都好中意黎呢到捐窿捐罅搵野食。黎到3樓TOP世界更加係食街，成條街全部都係小食店，有炸雞、泰式飲品、芝士拉絲棒、意粉等。零零舍舍有間舖頭勁sharp，有一大幅色彩繽紛既連儂牆，差啲連舖頭名同餐牌都遮埋😂原來係台式小吃，主打創意刈包同台灣特色小食。「刈包」又名「虎咬豬」，橢圓扁形既饅頭包包住啲餡，個形狀就好似老虎咬住一塊肥豬肉咁🐯🐽傳統餡料就會有豬腩肉、酸菜、花生碎同菜脯等。呢間小店會貼埋食物相，而且圖文並茂，睇見都流口水🤤🤤🤤而我最後就揀咗佢地既創意刈包 - 手撕牛刈包。🔥即叫即整🔥手撕牛刈包 ($18/1個 $30/2個)由於係即叫即整，接過刈包熱辣辣暖笠笠包身夾著滿滿既手撕牛同滿滿既醬汁，好juicy ahhhhhhhh 饅頭質感軟熟🌮加上有紅薑既點綴口感再豐富啲，牛肉又入味，味道剛好，食落一啲都唔覺得油膩🤤

今天跟朋友到葵涌廣場逛街，走著走著來到Top世界裡面的一家刈包台式創意小吃吃點零嘴食物，看到這家屬於香港人的店，當然要幫襯下。我們點了幾個招牌小吃，有相香芋地瓜球，一兜薯花（黑松露味），還有黃牌推介的雞肉刈包，還有最新出品炸蝦蜜桃炸饅頭。幾款小食都十分美味。首先這個刈包是台灣的特色小吃，一定要試，香脆的雞肉還有一些青菜一起吃，十分入味。第二個炸蝦蜜桃的配搭真的很特別，而且炸饅頭的口感像多士一樣脆脆的，配搭起來真的很好吃。朋友特別喜歡香芋地瓜球，裡面甜甜的可以當甜品，而一兜薯花是玫瑰花形狀的薯泥，加上黑松露，十分香同好味。大家如果來到葵涌廣場，吾好錯過呢間台灣小吃店，支持下香港人的店。

《小食大集合》葵廣出名多小食，啱掃街，三樓top世界開左間新既小食店，專賣台式小食，係葵廣當中算係比較特別，唔會同人撞。舖頭招牌係刈包，一直唔知個字點讀，聽店員讀掛包，下次叫唔洗怕讀錯了。先叫左麻辣雞同古早味腩肉刈包各一個，刈包外型有啲似白饅頭，但就包住各種唔同既饀，感覺上好味好多，無咁單調。古早腩肉係朋友叫既，試食左一啖，腩肉經滷水醃過，好入味，而且肉嫩唔會好孩，有啲驚喜；我叫既係麻辣雞，麻辣雞係一粒粒而唔係一塊大雞扒，食既時候唔洗擔心咬唔斷，雞肉經過香濃既醬料醃製，好惹味，而且真係會麻，食到我不斷分泌口水，正！貪心既我地除左刈包之外，仲有叫綜合5號同薯花7號，包括有鹽酥雞+地瓜球，同埋薯花+帶子。呢幾樣炸物都做得好出色，炸得乾身脆口，同埋好有台味！特別推介地瓜球同薯花，地瓜球外皮軟糯，內裡仲有甜滋滋既香芋泥，熱辣辣嗰時食真係超正！而薯花亦都係好特別既小食，將薯泥整成扭紋咁拎去炸，外脆內滑，加埋一啲都唔孤寒既黑松露醬，係完美既配搭呀☺食完咁多，已經飽到上心口了，要行下先可以再掃街haha

葵涌廣場是一個久不久就會朝聖的地方。小店林立,每次去到都會搵到新驚喜。尤其最近政府的表現,另人更積極支持小店。一入到三樓的TOP世界,顏色立場非常鮮明。一開始被色彩繽紛的門面吸引小店主力推介特色刈包, 刈包小食應該在葵涌廣場只此一間古早味腩肉刈包-是小店的招牌菜一直以來其實我都好怕食豬腩肉,但小店完全將我的想法改觀細小的刈包夾上厚肉香軟的豬腩肉豬腩肉被滷水汁煮至入口即溶,完全沒有油膩感再配上花生碎及椰菜絲,在軟錦的口感中增加一點爽脆感。板娘的推薦下叫多一個小食併盤-薯花+香芋地瓜球以薯花作基本再自己揀選其喜愛小食。薯花即是把薯蓉用忌廉擠成花形再雪凍再炸炸薯條薯格就食得多,如此脹滿的薯蓉球真係第一次食。 再配上日式燒汁及沙津醬增加酸味感看似簡單的小吃其實亦看得出中間用了很多心機去研究配搭。老版娘笑容非常親切,定必再幫襯

葵廣多野食就係人都知啦，葵廣多黃店亦都唔係咩新鮮奇聞，就好似3樓TOP世界美食街個邊，一街都貼滿色彩繽紛既便利貼，連儂牆幾乎都沒有空位，見到一張張對香港加油既便利貼，真係有d感觸今次我就試呢間開左唔係好耐既台式刈包，皆因葵廣未出現過，我最鍾意就係試新野辣芝滋軟腳蟹炸饅頭最後被炸饅頭吸引住，無叫到刈包🤭岩岩新鮮炸起既軟殼蟹同饅頭，好難唔好食，不過就略嫌油膩左d, 個饅頭唔係好包得晒d餡，加上我個人比較論盡，所以食到成手成衫都係🙈下次真係要試下佢d刈包，黃色小店加油！香港人加油！