劉老太手工餃子

营业中

休息中

同事睇YouTube Channel介紹呢間小店！主打超薄皮餃子！約埋一齊試吓！一入去裝修簡潔！座位唔多！好有家嘅感覺！我哋一行四人叫咗二人餐（每人8粒份量啱啱好薄皮餃子！粒粒脹卜卜配米線！一飲啖湯好意外!好似媽咪煲嘅湯一樣）好欣賞佢嘅薄皮裏面啲肉汁個味啱啱好！食落的確冇味精！粟米餃好甜、上海大白菜好好味、櫻花蝦韭菜好特別！推介俾大家佢嘅泰式香葉肉碎餃超正！好多層次感..好似泰式生菜包咁！一個油菜、8件小食拼盤蓮藕煎肉餅！冷泡花茶！正😄另一個同事叫左三文魚沙律..$55好抵平時外面一般沙律要成$80（好靚好滿足有流心蛋、車厘茄..）一食落去好新鮮配黑醋汁好開胃！啱晒我呢啲減肥人士！色香味俱全！再之後再叫咗個蓮藕煎肉餅小食！手打好彈牙！再叫咗個手撕雞冷麵…$55（用咗日式胡麻醬好開胃！啲雞好滑鹹鹹地好開胃）再叫咗個雲吞麵餐$59有雲吞麵、油菜、羅漢果飲品跟住買咗幾個外賣俾我屋企人食！佢係我食過三甲好食嘅餃子！好難得搵到間薄皮有肉汁嘅餃子！一般響出邊食嗰啲都好厚皮！厚皮浪費晒我啲quota😫薄皮食得出好用心製作！同個YouTube頻道生活泰導@劉老太餃子店介紹一樣！難得有間小店咁用心製作仲

上星期六第一次幫襯，叫咗香煎蓮藕餅飯，麻醬雞絲冷麵，麻辣雞絲飯，椒鹽墨魚餅，煎木耳雞肉餃子及麻辣菜脯餃子。好好味，份量好夠，有驚喜。等外賣期間，老公打俾我，佢好鍾意食餃子，知道我買緊外賣，話不如買啲生餃子返屋企，於是我再買咗麻辣菜脯餃子，木耳雞肉餃子，泰式香葉肉碎餃子，及大白菜餃子，另外再買多一打雲吞加多一樽大辣嘅辣椒菜脯。老公及屋企人剛剛於星期三煎晒啲餃子同埋上湯雲吞出嚟食，個個都話好好味，皮薄餡靚，辣椒菜脯好香，好惹味。我老公已經打算要我再去買生餃子回家，我都打算再去幫襯。因為真係好好味，而且打算試埋其他美食、真係冇諗過美孚都有間隱世美食店。

行經美孚，見食評唔錯諗住去試吓員工強烈推薦一人餃子餐原價＄128，而家特價$88味道尚可份量少得可憐六隻餃子偏細隻正常米線底比譚仔量少幾條菜三合一咖啡最令人震驚係個拼盤，墨魚餅蝦餅牛肉全部切半，得$5硬幣大就算特價$88都真係唔值

家庭式經營的水餃店，今天試了粟米豚肉及白菜豚肉雙拼水餃，水餃皮薄，餡料新鮮，個人較喜歡粟米豚肉餃。湯底是蟲草花雜菌老火湯，湯底鮮甜，味道與水餃非常夾。雖然店舖座位不多，但服務員服務態度誠懇，會推介店內的美食及介紹飲品，下次會再光顧。

之前已聽過同事提過呢間食店，今日決定去試一試。一去到門口，已經好友善介紹我有唔同種類嘅嘢食，有幾款沙律同冷麵，而我一早已決定去試下個餃子！最後嗌左個雙併湯餃，一款係餐牌上有嘅芹菜豚肉餃，一款係豆苗豚肉餃，唔知豆苗呢款係咪今日先有，因為唔見餐牌有，然後揀咗個佢哋自己煲嘅松露花雜菌老火靚湯，個湯真係超正，係會忍唔住飲哂成碗🥹環境同衛生都好好，舖面亦吸引，人亦非常友善有禮☺️下次會再去試埋佢哋個煎餃😋

家庭式經營，招呼好細心，手造餃子好食，食得出用料上乘，我鐘意個蟲草花湯底同埋辣菜寶。煎餃子唔多油，不過我鐘意湯餃子多啲。朋友話粟米餃最好食，我就喜歡白木耳餃子。整體我覺得街坊平台小店做得有驚喜。

之前已光顧幾次，今次想吃飯所以點了涼瓜肉碎煎蛋飯。賣相精緻，另放了三款蔬菜，小蕃茄，椰菜及西蘭花飯量不少，涼瓜質量好，苦中帶甘。煎蛋中加了肉碎及菜甫，調味帶點黑椒及胡椒很開胃。在下自己下廚也煮過苦瓜煎蛋，這小店製作，為在下帶來驚喜，若沒時間下廚，必定會再光顧❤️

實在是太有誠意的餃子店食物：全是無味精的人手工包餃子， 非常好食。最重要是個湯， 日日新鮮去整，睇得出亦食得出是非常用心去做，而且完全無加味精， 是誠意之作。有極多款餃子可供選擇。服務：老闆娘熱情招待， 其他員工都態度親切， 是一流的服務， 與客人像朋友一樣。環境：店不太大， 是良心小店， 支持努力擴張。100%支持呢間良心小店。

在美孚試試這間小店，有意想不到的好食小店標榜新鮮，是真的！食得出所有材料都很新鮮好味叫咗個一人餐，連條生菜都好新鮮爽口！湯就更加無得頂我最愛是芫茜豚肉餃叫餐的好處，就係可以每款肉餅都有得食。這間小店我一定會再幫襯

1）叫左雙拼煎餃：櫻花蝦韮菜拼椰菜豬肉，唔知點解食唔出有邊隻係櫻花蝦韮菜味。椰菜豬肉味道一般，size大約係比一口餃子大少少，一啖2隻絕對冇問題。2）個app有3款湯比我揀，分湯加2蚊，我諗住穩陣啲㩒埋分湯，點知上到黎係冇湯跟嘅。（工人姐姐攞，因為住得唔近，所以雖然不快但冇咁得閒走去追）3）潮汕牛肉餅，加8蚊有3件，大約5蚊銀咁大。冇寫comment嘅習慣，後悔冇影相，我一見到果份食物時嘅份量其實覺得幾震撼。。。因為外賣，所以環境服務衛生我求其填，唔填交唔到

光顧已一段時間的美孚餃子店，今天再次光顧時被推介一人套餐，看照片，$88的一人套餐，有小食拼盤，油菜及餃子麵（裡面有六隻，可以選擇三款）等等。我揀了椰菜豚肉餃及廣東雲吞，和手工竹昇麵（加兩蚊）；最後還有熱飲是羅漢果茶！而餃子麵是本店靚湯，每次都見到碗底！現在還有不少優惠，首先是儲印花送禮及每天不同的特有優惠券，照顧翻頭客！

之前聽美孚街坊介紹咗呢間劉老太手工餃子，特登去咗試吓。試完之後覺得太好食了！所以決定寫番篇食評分享俾多啲朋友認識呢間誠意滿滿嘅小店。餐廳位於美孚新村住宅平台，需要行一層樓梯先會見到。餐廳裝潢新淨，可惜鋪面略嫌地方有些淺窄，要是人多未必會坐得太舒適。講番食物，真係令我相當之有驚喜，睇得出餐廳誠意滿滿，用心做好每一道的出品！今晚一條友點左蓮藕煎肉餅飯+櫻花蝦韮菜豚肉餃湯餃6隻再加多支豆漿。首先講個蓮藕煎肉餅，我相信餐廳告示所講，所有豬肉製品都係用本地新鮮豬肉絕對係真，因為咬落個肉餅有肉汁bid出黎，非常juicy，而且食得出肉本身嘅鮮香味，加上蓮藕粒粒粒都爽口有咬口，食得出食材都係非常之新鮮，而且調味適當，非常好食。另外不得不讚廚師嘅功力，5塊肉餅無一塊煎燶，而且個飯嘅軟硬度都煮到岩岩好。再講個櫻花蝦韮菜豚肉餃，皮薄餡靚，一咬第一啖即刻就感覺到韮菜嘅鮮甜味，櫻花蝦嘅蝦味，同埋豬肉嘅肉鮮味衝擊味蕾，十分過癮，個湯今次叫左原味蟲草花什菌老火湯，較為清淡，更加突顯到餃子食材嘅鮮味。見到有其他評論話野食要等好耐，我都有類似經歷，但我嘅睇法係餐廳方面係即叫即煮，而唔係一早煮定晒係度，原因係我個肉餅一

今日終於有時間去試下劉老太。朋友試過讚不絕口介紹我去。兼用黑色灰色為主。安靜簡潔。店門外有個餃子櫃放有十多款。有好多味道我都想試。傳統的就有韭菜芫茜椰菜芹菜。加咗少少新穎啲嘅款。有黑松露辣菜譜芝士同埋泰式香葉肉碎。今日試左。四種口味。芫荽。粟米。椰菜。泰式香葉肉。碎粟米餃啲粟米好甜。我個女超鍾意。仲叫我記得買多兩打返屋企。最令我驚喜的泰式香葉肉碎餃。好似食緊生菜包噉。最欣賞係佢個皮唔喺出邊食嗰啲厚皮。原來係自家製冇得賣。一啖老火湯再加上試埋佢個菜脯。簡直係一絕。成日聽人哋講話呢間鋪頭嘅菜脯好好食。我好食得辣嘅。我一時真係好正啲菜脯好新鮮碌碌聲。原來有得買。$48/1樽。買咗一樽俾我老公平時食麵加少少落去好正好香好麻辣。真係好驚喜。記得提醒大家一定要試佢個老火湯。蟲草花雞湯。湯底好濃一望落到去已經知道煲咗好耐嘅愛心湯好有媽咪婆婆嘅味道。淨係個框已經值回票價。仲有記得追加啲小食潮汕墨魚餅蝦餅同埋牛餅！每款試食價$8好好味。牛肉餅好有肉汁墨魚餅同蝦餅都好。彈牙。佢個竹升麵。都好好食夾埋個湯一流。

意想不到嘅驚喜，本以為同其他餐廳一樣係好食嘅湯餃加味精調配嘅湯底，完全冇諗過餃子好食之餘，嗰湯底好清甜，係老火湯。企係門口，已經有嗰姐姐好熱情咁招呼，見住我拎住勁多野，即刻帶領我去卡位。並且主動問我係咪第一次黎食，我答係之後，佢即刻好用心咁介紹佢哋嘅餐單。我嗌左甘筍粟米豚肉餃+白菜豚肉餃，配上蟲草花雞湯，同埋額外加錢要咗個粉絲底。餃子同屋企手包餃子一樣，味道唔會過份地咸，好食到我有啲後悔冇嗌夠8隻，最震驚我係嗰湯底。湯底顏色濃郁奶白，唔清澈，一睇就知係煲咗好耐，正宗嘅老火湯。一飲落去，直情飲得出，同出面其他餐廳，寫住老火湯，實質係味精滾湯唔同。呢間餐廳嘅老火湯飲落去清甜，粟米味好出，啲料已經煲到好淋，粟米一咬就散。簡直就似係屋企飲嗰啲，阿媽煲嘅老火湯。試完呢次，我絕對會帶朋友黎食多次。可惜，我冇試到呢度既小食，下次再嚟一定會嗌。呢間餐廳除咗提供現金支付，亦可以比alipay，啱晒我呢啲帶好少現金嘅後生女去食。雖然呢度舖位好細，但整體而言，我拎住咁多野，都覺得坐得舒服既。

懷疑小時侯食飯過量，大個左正餐唔太愛吃飯反而麵食麵包餃子成為我主食。由某時侯開始興自家手包餃後，就開始買新鮮生餃唔食急凍。美孚開左間新餃子店，店子小小，家庭式，即場包製餃子，呢度有幾點幾吸引我：自製餃皮/ 每日親自購買新鮮材料/ 有幾款特色餃款/ 冬菇水大地魚粉瑤柱調味/ 多菜少肉今次外賣生餃木耳雞肉餃同芫荽豚肉餃。餃子比較細，皮薄食材新鮮，2款調味得宜，係媽媽的味道。芫荽豚肉餃水準唔錯，芫荽新鮮處理得好唔會有澀味，豬肉部份肥瘦比例唔會有過多肥羔而引致油膩感。但木耳雞肉餃比較鬆散可能因為食材關係唔太令到餡料黏合，但味道不錯，而且這款冬菇水味道好出好香菇味。下次有機會都想試試櫻花韮菜，味道應該會有驚喜吧！