初茶

营业中

休息中

A職員落單過程已是態度惡劣，落完單放張單喺枱面就行開左！B職員叫號碼返嚟拎嘢飲，眼神接觸間見到佢啤到好行！😒唔係話要你好禮貌笑哂咁。起碼唔會惡劣到咁嘅地步，唔想做不如唔好做啦！難怪隔離蘋果醋好生意咁多。

見屋企附近開左呢間手搖杯一直都無機會試今日見無街出就去買外賣順便買杯試試蜂蜜烏龍桂花凍 加珍珠 $37價錢有少少貴 好彩都大杯 間唔中買黎飲下都ok甜度固定 有淡淡既蜂蜜味唔會太甜 桂花凍幾有咬口杯野飲都幾解渴見到menu有酸奶同芋泥系列有機會會想試

📍#初茶🧋小芋圓厚奶玄米茶 $32🧋小芋圓厚奶烏龍茶 $32月經肥仔水🤭每次黎到都會叫呢款🥹$32咁大杯實在太抵飲想推介下👻有厚奶、3分1杯小芋圓、濃味茶底✌🏻出面真係好難搵呢個價錢😁除左珍珠、呢抹小芋圓已經係第二最愛🤪煙煙韌韌又好口、口感好特別😋勁多粒😂總結: 如果唔想飲太甜、呢杯很可以😘雖然分店唔多、大家可以去試吓🙂——————————————-📍 初茶📍 旺角中心二樓📍 屯門龍門路43號龍門居地下28號舖📆星期一至日：無資料#hkfoodstep#hkfoodstep旺角#hkfoodstep屯門#hkfoodstep肥仔水#旺角美食#旺中美食#肥仔水 #hkfood #hkfoodie #hkcouple 📍#初茶🧋小芋圓厚奶玄米茶 $32🧋小芋圓厚奶烏龍茶 $32月經肥仔水🤭每次黎到都會叫呢款🥹$32咁大杯實在太抵飲想推介下👻有厚奶、3分1杯小芋圓、濃味茶底✌🏻出面真係好難搵呢個價錢😁除左珍珠、呢抹小芋圓已經係第二最愛🤪煙煙韌韌又好口、口感好特別😋勁多粒😂總結: 如果唔想飲太甜、呢杯很可以😘雖然分店唔多、大家可以去試吓🙂

三個職員三個都不知所謂，尤其是係粉紅頭嗰個收銀，唔知點解要放佢做收銀，勁冇禮貌，唔要求佢講唔該，但係有嘢飲叫Number都係正常吧。出邊剩係得我哋一個叫我哋攞嘢都唔識，又唔係企到幾尺遠，明明就係企喺舖頭門口都唔識同我哋講有啦。企喺度淨係識篤電話入邊嗰兩個見到我哋都冇諗住提我地。西口西面，買杯嘢飲成肚氣，唔知點解老細要請啲咁嘅人。

行到間鋪已經見到收銀+back kit兩個人係度玩電話 然後齊陰染髮戴眼鏡女職員（收銀）落完單 我禮貌地問佢可唔可以用環保杯 佢一句噠埋黎「唔可以」唔知邊個得罪佢 定係臨收工西西地 態度勁串 好歹都講句唔好意思+解釋？？然後俾錢嗰下已經係佢面前講有$5 （芋泥牛乳$35）佢唔理繼續做佢自己既野 之後找完錢就咁將d錢擺檯面？宜家咩態度先 仲要呆左西住面咁望住我手上嗰$5 再噠翻張紫色$10紙係檯面 請問咁大個人識唔識咩叫禮貌？ 知唔知自己返緊工？仲有 奶哩d咁容易變 要擺雪櫃係常識？就咁室溫攤係檯面唔知攤左幾耐 宜家好似係夏天？雖然就唔係特別貴既手搖 唔係老奉要「好好態度」請問「基本態度」呢？隔離間士丹里幫襯過 先唔講品質 找錢都會講聲多謝 態度友善有禮貌杯珍珠奶綠味道簡直世界級 成杯藥水咁茶又澀 咁基本既野飲都沖得咁差？宜家態度唔好店面又差野飲份量又一杯踩界一杯明顯唔夠味道又差（冰已經融曬）簡直如標題所見

🧋食飽飯散下步 行到去龍門居買杯野飲解下渴先之前去龍門居好似無見過呢間唔知係唔係新開 但睇個look就非常吸引🧋珍珠鮮奶綠因為食左個好heavy既dinner所以今次選擇左鮮奶綠據說鮮奶係比奶精既卡路里少好多架不過呢杯打卡就唔係咁好睇見到有其他客叫黑糖珍珠鮮奶同芋泥鮮奶係超級豐富同外觀勁靚 打卡一流不過我呢杯味道上幾有水準珍珠份量好多 而且都幾煙韌🤤而且茶味好濃好好飲 配合埋鮮奶好夾👍🏼整體黎講都唔錯😋下次會再試下其他飲品‼️🤤

龍門居同旺中嘅手搖飲品店成日都不停轉，前排開咗呢間分間喺旺中同龍門居都飲過～ 有啲款都有別於一般飲品店，都值得介紹下😉•🥢 豆腐花珍珠豆奶 $32因為我唔太飲得鮮奶，加上比較少手搖店有豆奶，所以一見到呢間有豆奶系列就揀咗呢杯🤩 呢杯唔止有珍珠，仲有埋豆腐花，飲(食)完成杯真係超級飽🫢 珍珠份量好多，口感都算煙韌，帶少少甜味～ 而豆腐花就喺個底有一大嚿，唔算好滑溜，但豆味都濃郁，加埋豆奶真係超級濃豆香🤤 ，不過飲到最後無晒珍珠嘅時候就會有少少「寡」🫢 •🥢 芝士碳燒烏龍 $28芝士奶蓋份量有接近3分1杯咁多！🤩 啲奶蓋偏竭身，就算放咗一陣都無點溶到落烏龍茶到，不過奶蓋嘅芝士鹹香味太濃，有啲過鹹，會遮咗啲碳燒烏龍茶味😢•🥢 檸檬愛玉 $28檸檬愛玉係固定甜度，不過飲落偏酸，但平時飲慣檸水都唔落糖所以接受到😂 愛玉係一大嚿，份量都足夠，每一啖都可以飲到愛玉😌

試過佢哋幾種唔同嘅飲品，都覺得唔錯。冇諗過喺呢度都會搵到好味嘅台式飲品舖頭。就喺龍門居嗰條食街嗰度。巴士總站隔離。細細間鋪。睇落都算乾淨。叫咗一杯奶蓋伯爵茶同埋一杯香芋鮮奶烏龍茶。佢哋都整得幾快手。唔使等太耐就可以飲到。啱晒咁熱嘅夏天。香芋鮮奶烏龍起碼落咗三份一至半杯都係香芋。香芋棉密得來有少少咬口。帶有少少甜。就算成杯野走甜都好好味。奶味都好濃。飲一杯已經飽晒。芝士奶蓋好多奶蓋。滿足。平均大概$35一杯。

龍門居宵夜街個個星期都會去一次，呢間茶飲店我覺得係最好飲嘅～試過佢鮮芒果紅茶，唔sure係咪真芒果肉但芒果味好濃唔假，絕對值個價！個人比較重視茶底，雖然唔係我飲過最濃同香，但都合格嘅！仲有加配料嘅話其實都好多

香港宜家不多台式飲品店有檸檬愛玉🍋難得見到初茶有梗係要試試😋雖然甜度固定 但不會太甜 配上酸酸的檸檬汁剛剛好（我平時珍珠奶茶都叫微甜）十分喜歡愛玉 因為比較健康 無珍珠咁肥咁多澱粉👍🏻

新店新嘗試，有啲失望，味道有待改善白桃梳打淡到只係飲得出梳打水味（即無味😅）如果可以加啲白桃粒或者白桃味爆珠應該會好好多四季春鮮奶茶零茶味，茶味唔夠濃，珍珠還可以

第一次試初茶, 揀咗我的最愛芋泥😍市面好多都係芋泥牛乳,比較少見其他配搭初茶竟然有芋泥鮮奶烏龍就一於試試佢😆芋泥佔左杯既一半👍🏻👍🏻👍🏻叫左微甜少冰芋泥吾會好甜但又口感綿密配搭清膩嘅烏龍茶味道出奇地好😚😚😚飲晒啲鮮奶烏龍仲有¼既芋泥係杯度啜吾到出上黎🤣🤣🤣打開埋蓋用匙羹畢黎食好似食緊甜品杯咁滿足感十分😌😌😌下次會試其他🫶🏻

奶蓋炭燒烏龍 (Large) ($28)有時啲台式飲品嘅奶蓋會太厚太多，但呢間唔會，第一啖飲奶蓋唔會太多太鹹，可以同時飲到茶底同奶蓋😋甜度同冰嘅份量都適中，即使冇珍珠或者其他配料都唔會覺得寡，呢杯飲品仲係店舖嘅推介添！👍🏻

龍門居小食街新開左初茶，諗住試吓佢，估唔到有驚喜喎！叫左黑糖珍珠鮮奶，少甜小冰，$33，等左5分鐘左右有得飲，份量都幾大杯，對得住個價錢，珍珠同冰既份量適中，唔會飲到最尾淨返半杯冰，味道唔會太甜，奶味幾香，我比80分，下次會試吓其他