影片
今晚OT 到差唔多8点钟先收工，返到西湾河都差唔多9点钟。🫠去太安楼行咗一圈谂唔到食咩，又想食平平哋有菜食下咁，但又唔想食两𩠌饭。作为系西湾河住咗20几年嘅街坊，我都真系见证住太安楼啲外卖小店嘅轮转。有好多好食又抵食嘅都抵唔住个市道。就连跟咗我几年系太安楼揾食嘅男朋友都因为佢最爱嘅一间手打柠檬茶几个月前执咗而大感可惜（明明人哋主要系卖鸡米🤣）讲返依间初陆屋先，几个月前开见佢价钱非常抵食～$30-$40已经有个日式/韩式嘅饭食。一开始抱住一个试下啰嘅心态，点知有惊喜㖞。啲𩠌同啲饭都比得好多，一般女仔正常都应该食唔哂。🍚🍚🍚🍚🍚今日叫咗个冲绳凉瓜牛肉饭($45)，利申呢世人都未食过依样野，唔知咩叫正宗🤔，但我净系知啱我食，食落有啲似亲子丼啲朋友🤣有蛋有洋葱又好多汁，同埋重味醂味。另外，啲牛系肥牛片，一路食一路心谂：「点解食极都有嘅？？？」🤨张相系士但影嘅，所以睇嘅人觉得望落一啲都唔吸引系正常嘅🙂↕️，因为本身都无谂过PO。 另外，因为本身今日带饭有两个饭盒系手，问咗可唔可以装落去？老势load 咗一秒后话ok。 所以你会见到系用食物盒装嘅。但！我唔记得讲走餐具，系我唔啱对唔住！🫠总结：街坊表示希望佢继续做到落去啦！🙏🏼🙏🏼🙏🏼
继续阅读