利口坊茶餐粉麵小廚

营业中

休息中

我係叫外賣 送餐速度非常快 外賣小哥又有禮貌 大大隻炸脾 皮脆肉多汁 面再加咗淮鹽 超正！沙律係鮮果沙律 同其他茶記用罐頭雜果完全冇得比 仲要大大份 性價比超哂班 如果鍾意食炸脾嘅人必定要試

係葵芳返工，呢到成為我飯堂。午餐款式多，味道好過連鎖快餐，仲有好多選擇。地方大所以繁忙時間都唔洗等好耐，不過日日都人頭湧湧呢度侍應個個都有求必應，睇到朋友大肚都會專登安排個安全位置比佢坐。是日飯餐想要多汁，只要出聲，佢哋都好樂意比你，唔會嫌你煩今日試左是日B餐，$50 包一杯熱飲，仲可以飲碗靚湯，免費靚湯又大又好飲。今日個B餐鮮茄牛肉燴意，完全係我由細食到大嘅味道每條意粉都沾上茄汁，牛肉份量又多，個汁調校到剛剛好，非常開胃

去客戶店舖途中，在葵芳葵豐街光顧惠顧了位於隧道出口左面的利口坊食堂。午飯時候多人，附近工作的人坐得有點滿的，還好不用等候。點了一下是日精選的客飯，有兩個餸菜。看到有很久沒見到的釀青椒。份量得二件，少了一點，但是味道算不錯，也點了咖哩魚柳，咖哩還有少少甜味。一個中式的豉汁和另外一個日式咖哩，點了才發現兩個味道不是太匹配，但算好吃。在餐廳進食附送了一個中式例湯，點了一杯凍檸檬茶，加三元，結帳53元，算是現在普遍的香港消費。

雲吞豬手米🍜湯頭感覺似少腩汁+雞湯, 唔太咸雲吞算大隻🤣但豬手就真系唔太林好硬🫣炆得唔夠耐, 少量有毛🫣米粉系彈牙唔會好一Pat Pat🫶🏻但工廠區價錢真系吸引！環境唔算逼！老闆成日都系到架好好人架！❤️❤️🧋凍奶茶好香奶味, 茶底都唔錯👻只系飲完都好飽🙈+$3系抵架！🪙價錢$39 雙拼+$3 凍飲+$3🍜味道:3.9/5🔴🟠🟡🟢🔵🟣⚪️⚫️服務：4.5/5環境：4/5返食：4.6/5價錢：4.8/5🔴🟠🟡🟢🔵🟣⚪️⚫️👷🏻‍♀️利申：本網只代表個人感受與想法不代表全部🫡(本台暫試運當中, 全人手營運, 多多包涵)🪙今次全自費👷🏻‍♀️直接跟店員下單📍 利口坊茶餐粉麵小廚 (葵芳)葵芳葵豐街53-57號福業大廈地下🚈(葵芳站C出口行5分鐘)

未開盒時望落正常，開盒後發現豬扒薄切，咬都咬唔開，看上去只有兩片炸粉，明顯是偷工減料，離哂譜！上次外賣單併燒味飯，又計了雙併價格，又從來無單提供，都唔知是外賣仔，還是寫單出問題。外賣一次比一次差，打電話前停一停，想一想

呢間位於葵芳非常近工業區嘅餐廳 其實搭地鐵都會望到佢 今日嚟咗呢邊食早餐 因為有朋友同我介紹呢度嘅早餐有車仔麵食🫢 所以過到嚟一於試吓佢車仔麵嘅材料沙嗲牛肉湯麵配火腿太陽蛋 牛油方包朋友就嗌咗呢個沙嗲牛肉麵 沙嗲嘅花生味好香😗 而且牛肉好大塊咬落口 仲好有質感 成份早餐都好豐富👍🏻 太陽蛋仲煎得好靚🍳車仔麵自選早餐蘿蔔 豬大腸 牛腩配米粉 鍾意食呢度嘅米粉 因為咬落口有少少煙韌 蘿蔔呢個一定係車仔麵必嗌嘅餸菜 都幾入味 但係八角味好重 個人就唔係咁鍾意🙈 豬大腸同牛腩都好出色 兩款都好入味 豬大腸好厚身 牛腩又唔會太韌 下次嚟一定會再叫😻熱奶茶 熱檸水餐飲就都係正正常常啦 奶茶都係唔錯嘅☕️下次嚟葵芳都可以試吓其他餐廳 唔洗淨係去葵廣掃街咁悶😮

沙嗲牛肉西多 $45凍奶茶 +$2比平時更肥仔嘅西多 佢加左糖漿同煉奶仲有大舊牛油 中間夾左好多塊沙嗲牛肉 本身好鐘意同一時間食咸加甜嘅野 呢個真係幾perfect match 西多雖然淋左好多醬但都仲有dd脆 呢舊野好好食但真係太漏 一個人食會肥死同濟死 仲有舊式茶記必點嘅奶茶都幾有水準 好彩唔太甜 如果唔係夾埋個西多應該好辛苦😂😂

亁抄牛可 + 木魚𢇁 ！ 食個午餐有湯送都唔止， 仲要送碗綠豆沙比你，而且好明顯呢碗綠豆係用心去整出來。 真心係好味嘅。 雖然位置唔當眼， 不過一出仲條隧道就到都算okay.

唔知係咪因為平安夜，第N次食既利口坊竟然有小朋友食嘅椰絲啫喱糖，佢值得我為佢寫多一次食評。佢嘅炒野係出色嘅，但今次食沙嗲豬扒意粉👉🏻賣相唔錯，但係食落就覺得咸左啲、個汁杰左啲。👉🏻唔打緊，又有啫喱你食，👉🏻又有中湯飲，佢個例湯都唔錯㗎，無乜味精味。

無錯！葵芳係好多野食，但喺葵芳工業區返工，有時真係懶得行去新都會食晏，新都會食晏又貴一大截啦，葵芳廣場能夠坐低食飯嘅地方又唔多，所以好多時都係喺工廠區食頹飯！其實喺呢度返工唔係好耐，所以一路都喺度摸索緊有冇啲比較有質素嘅茶記。呢間利口坊都算係幾高水準！仲要有All Day Breakfast食，哈哈！👉🏻 All Day Breakfast黎講佢都跟得幾足👉🏻👉🏻 如果加多幾條沙律菜就真係好像樣喇👉🏻 下午茶餐，$35咋😵 👉🏻 唔太餓都夠飽㗎👉🏻 其實同一條街有另外一間分店，呢份全日早餐係喺另一間分店食嘅，但係Openrice 無呢個選擇。👉🏻 另一分店係好味啲既

平時返工食果餐lunch，我諗好多人同我一樣都係為生存，唔會奢求靚、環境坐得舒服、肉質鮮甜⋯⋯ 所以平時返工嗰餐午餐我好少影相，今日出去葵芳做野，仲要係工廠區，其實都冇乜特別選擇，只係求其入左一間就坐低食，肚餓吖嘛～ 叫個豬扒意粉，一上枱竟然「嘩」咗一聲，好大塊扒呀！講味道：都話晏晝我唔會要求好高，豬扒當然都係茶記豬扒味，不講究肉汁、豬味等，佢咁嘅樣擺到明係賣份量。但係個意粉係麻麻，一早煮起琳琳地又散散地。咁幾十蚊OK啦～

今天我外出在葵芳工作。中午十二時半，當時天氣悶熱決定先吃飯再繼續工作。經過葵興街，見「利口坊茶餐廳粉麵小廚」，再看門外餐牌的套餐也吸引，推門進去。茶餐廳曾經翻新過，光線尚算光猛。座位之間頗寬敞。侍應服務態度友善及有禮。整個餐上枱時間大約八分鐘左右。我點了粟米吉烈豬扒火腿飯及熱奶茶。用刀切開酥炸的豬扒，看到肉縫紋理幼細。食落豬扒，脆得來帶點鬆軟；溫度剛剛好，勝在易於入口。嚼起來，肉香味濃，美味多汁。然後品嚐火腿，有點微暖。肉味鮮甜，柔軟度適中。原來還有兩粒紅蘿蔔及一片椰菜，味道都鮮甜爽軟及脆口。至於白飯，飯質較粗，水份軟柔度頗適中。粟米白汁濃烈，有好香甜的粟米味道，味道濃郁，十分之好味。可以給九個讚(最高十個讚)用來拌飯吃最好不過，不到一會兒就把所有飯吃完。熱奶茶，淡奶濃而紅茶輕，味道較甜。不過，尚可接受。

講起葵芳 大家一定會第一時間諗起葵廣 但其實葵芳仲有好多值得推介嘅食物可以同大家分享😆 今次一個人去左好近地鐵站嘅一間茶記外賣食炸雞髀薯條翻office食🍗🍟 一打開個膠袋 已經聞到好香噴噴 搞到我啲同事聞到都流晒口水😂 炸雞髀都幾大隻 size同隻手掌差不多 食落冇乜雪藏味 而佢嘅調味粉好特別 有少少辣辣地幾惹味😼 雖然係外賣咋 但拎上手仲係辣手嘅!! 而薯條雖然幼 食落好脆卜卜 味道就好似m記既扭扭薯條咁 再配埋茄汁 呢個下午茶餐真係令人好滿足😋 而熱奶茶 雖然茶味較重 但飲落口又唔澀 幾滿意⭐️ 總括而言 呢間嘅炸髀薯條真係好值得推介 算幾高質👍🏻👍🏻 如果大家去葵廣掃街去到悶 可以去呢間茶記試下丫🤤 不過佢逢星期日休息架!

小妹今日要到咭片X 取貨所以去左葵芳工業區第一次去咋😁取完貨見未夠12點又未食早餐係大堂望入去見到呢間茶餐廳好光猛又乾淨👍🏻👍🏻所以就入左去幫趁因為未到午市，大量卡位隨便坐！😌😌一坐低姐姐問我要不要例湯、今日老黃瓜煲豬肉我心諗我都未决定食乜但佢好熱情話：唔緊要、你飲唔飲原來係免費送嫁👍🏻👍🏻👍🏻好快就奉送個湯好足料，唔係加水嗰D正！😋😋小妹最後叫左個牛腩河上菜速度很快👍🏻個牛腩雖然唔係太林😌但個湯底唔錯好清！🤪估唔到工廠區呢間茶記有水準、有服務!😍😍😍埋單$39 Ok la

今天遲了下班，因此午餐也延遲了。走到葵芳工業區，尋找一下食店。利口坊餐廳小廚是在下曾經到過的，既然遲了用餐，不多想便走進入去。餐牌多的是，也沒有多心機逐一細閱，只在下午茶及碟頭飯中鑽研，最後還是選了碟頭飯。例湯是雞腳花生湯，這是在下久未喝過的例湯，入口也幾好喝，味道較濃郁，雞腳幾滑。或者真的很久沒喝，總覺幾好喝吧。也許很久沒吃過茶餐廳的菜遠肉片飯，那芡汁還是依舊的多，菜心和肉片也不少，菜心都幾甜，肉片軟腍，是一貫慣常的味道。在沒有糖的熱奶茶，沒有甜味，茶味突出，茶香都夠，都幾順滑，奶與茶份量都幾適中。一餐簡簡單單的午餐，吃過以後，再坐一會，便結賬離開。