利口福快餐店

营业中

休息中

由細到大都鍾意食茶餐廳嘅下午茶，除左雞翼薯條🍟，食得最多就係西多士🍞但沙嗲牛肉西多士 都係第一次食，估唔到一鹹一甜，味道會咁夾。不過略嫌唔夠脆口。至於流心芝士豬扒包 🍔包有烘過，不過就無乜特別。主角豬扒就整得幾好，外面脆口，內裡肉質仲係好juicy。不錯吃😋

通常都會睇下食評 ，試食下附近食店 ， 未試過就諗住試下 。第一次試食， 就嗌佢嘅招牌炒飯， 冇乜鑊氣， 味道好淡 ，非常之一般。 我嘅習慣通常會試間舖頭兩次， 加上好多舖頭唔開門 ，咁今次試嗌我自己其中一款喜歡的鮮茄牛肉飯炒底， 諗住咁普通應該都冇走雞。 番到屋企才發現， 竟然冇炒底之外， 個飯太多水，成pat嘢咁， 牛肉和蕃茄分量少，個汁又冇乜味， 其實當時係非常之肚餓 ， 雖然我個人都比較有E食，但係都剩咗好多飯 ，都唔會再食落去。

位於太子呢間港式快餐小店 雖則舖位細細 但佢貼地又好味嘅嘢食成功吸引咗好多人黎幫襯💛大鄉里第一次食沙嗲牛肉配西多士😳 呢個組合聽落有啲奇怪 但味道異常地夾 即叫即製嘅金黃色西多士 面頭淋滿糖漿同煉奶 仲有一大舊牛油🧈 夾喺入面係份量澎湃嘅沙喇牛肉 肉質軟腍 咸香味搭配入面甜味 味道幾過癮😆😋 就係咁吞左一大舊脂肪落肚🤣 唯一美中不足嘅係西多偏向腍身 唔夠香脆😣 順帶一提呢到嘅座位唔多亦較狹窄 隔離就係一條後巷 所以想去嘅人要有心理準備係唔會坐得舒服🤣 不過快快趣食完就走所以唔會有太大問題啦😆😆 聽講九龍城樂園嘅沙嗲牛肉西多士都非常之唔錯 等我地下次試吓😋-𝐇𝐊-𝐬𝐭𝐲𝐥𝐞 𝐅𝐫𝐞𝐧𝐜𝐡 𝐓𝐨𝐚𝐬𝐭 𝐰/ 𝐁𝐞𝐞𝐟 𝐒𝐚𝐭𝐚𝐲Trying the combo of French toast and beef satay for the first time! This unconventional pairing might sound a bit weird but it actually tastes good. Topped with a thick slab of butter

以前經常經過這間小店門外，從來都唔會有入去試食嘅衝動，因為小店裝修普通，餐單亦都冇咩特別，但近日喺某社交群組，見到人哋介紹佢嘅沙嗲牛肉西多士，影相出嚟好吸引，食評亦都好好，所以今日專誠過去試吓。店內有兩張枱仔，出邊就再有幾張枱，午餐時間到達，不用等位，但座無虛席。其實大部份人應該都係街坊，見到佢哋都係食飯麵，好似只有我哋係特登走來試佢呢兩個名物。1）流心芝士豬扒包2）沙嗲牛肉西多士飲品首先到，冇乜特別，冇影相，豬扒包跟住好快都有啦，送到黎嘅時候有少少失望，個樣好普通，冇乜配料，就係豬扒同埋麵包。麵包唔鬆軟，唔脆，亦都唔熱。切開個麵包，有一塊類似卡夫芝士係塊豬扒入面，冇芝士味，唔係會拉絲或者真係流心嗰種。豬扒鞋鞋地，唔juicy嘅。完全唔知自己點解要咁遠搭車嚟食呢個包。等咗好耐之後，沙嗲牛肉西多終於到啦，呢個比較好，感覺有誠意啲。但面頭有一大pat 我最討厭嘅馬芝連假牛油（當然係比我撥走咗），我真係唔明白點解食西多都唔俾一件真嘅牛油。沙嗲牛肉同埋西多兩個味道係冇辦法融合一體，簡單來講其實唔襯。又唔係話難食嘅，不過冇驚艷嘅感覺。西多薄，牛肉算多。呢兩樣嘢都係跟餐（凍飲），全部加埋$87。全

1. 沙嗲牛肉西多士（$45）// 一上碟已經聞到超濃牛油香🧈牛油香係食過咁多間茶記最濃的💛雖然沙嗲牛肉喺係西多入面 但本身都腌得好入味😋而且幾鐘意牛肉唔係碎牛上 而係一片一片大大塊嘅牛片🐮✨而西多本身又唔會好易腍 微微脆💫整體真係幾好食但沙嗲牛就偏咸咗啲🤏🏼// Food：🌕🌕🌕🌕🌕🌑2. 流心芝士豬扒包（$38）// 影咗一陣相好驚豬扒會凍曬同唔凍🤣 但好彩啲豬扒仲係好脆 幾嫩口同埋鎖到肉汁🥰同時代冰室有得揮~ 中間嘅芝士流心一切開就湧曬出嚟好膨拜😳❤️同埋欣賞包體都保持到鬆軟🤏🏼Food：🌕🌕🌕🌕🌕🌘3. 凍奶茶// 奶茶一定係茶記必點⭐️不過想飲原汁原味就會預咗奶茶會好甜😖票過好鐘意利口福嘅奶茶唔會太甜🤩不過入口就唔算好順滑🙈//Food：🌕🌕🌕🌕🌗🌑.🪴利口福嘅坐位大部份係户外枱 店內得2張枱左右 老闆都好nice❤️!!!🥪利口福快餐店 (太子)太子大埔道14-16號華都大廈地下1號舖

6點啦，又要番屋企避疫！今日食漢堡包！知道利口福好耐，今日終於可以試！電話嗌定外賣自取，去到就拎得！流心芝士豬扒包: 見個個都食，冇理由唔試！take away 番屋企，一切開都仲熱辣辣流心，正！豬扒炸到啱啱好，調味都ok，大大舊，芝士味就唔重，勝在熱辣辣，食落好滿足！魚柳包: 魚就普普通通，但都大舊，炸得啱好！總括嚟講，良心之選，好食抵食又大件，兩個包加埋都係58蚊，仲抵過m仔kxc，有咩理由唔幫襯先！

📍太子 利口福呢間小店bookmark咗好耐，一直想試💛充滿舊香港快餐店情懷，果然無令我失望😋𓇠 流心芝士豬扒漢堡包餐 $35 𓇠聽個名都覺得好邪惡😂豬扒新鮮炸起熱辣辣，好脆，而且有肉汁！🍔包同豬扒中間搽咗沙律醬，一咬落去啲芝士就流曬出嚟🧀但芝士無平時個啲咁鹹，所以唔會好滯。我地加咗$8要一份粗薯條，波浪型已經好少見，好有童年回憶🍟𓇠 珍寶沙嗲牛肉包餐 $35 𓇠沙嗲牛控揮手🙋🏻‍♀️呢個包都幾大個🌭熱狗包夾滿牛肉同洋蔥🧅牛肉嫩滑、洋蔥甜味，再加埋惹味濃郁嘅沙嗲醬真係無得輸！我鍾意呢個多啲🤤💕PS 環境一般，堂食有2張枱，小巷有3張摺枱，潔癖者注意⚠️〰️總結：呢類舊式快餐店已經賣少見少，除咗賣各種包之外，仲有粉麵、飯同常餐等等，價錢又唔貴，推介大家去試下👍🏻

#pigfoodiexhk_黃店#pigfoodiexhk_港式==========================⭐️流心芝士豬扒包套餐（$35）炸豬扒份量十足，炸得非常香脆，食落唔會覺得油膩👍內裡嘅肉亦保持到軟腍嘅口感，唔會乾柴🤤加埋酸酸甜甜嘅沙律醬同芝士一齊食令味道好豐富🤤不過小編私心希望芝士可以再多啲嘻嘻🤭整體嚟講價錢親民，而且仲係良心小店，值得支持💁🏻‍♀️------------------------------賣相：7.8/10味道：8.1/10性價比：7.5/10回頭度：7.6/10------------------------------店舖資料名稱：利口福快餐店地址：太子大埔道14-16號華都大廈地下1號舖前往方法：太子站A出口

========================📍超邪惡肥仔西多士‼️ -- 利口福快餐店👅💛Bookmark咗呢間喺太子嘅小店好耐，前排就約埋朋友一齊去試🤤鋪面位置唔算多，有部分係室外坐位💁🏻‍♀️店員服務幾貼心～------------------------------⭐️沙爹牛肉西多士餐 配飲品 （$40）西多士即叫即整，上檯嗰下仲係熱辣辣🤤兩塊西多面頭淋上蜜糖同煉奶，中間則夾住超惹味嘅沙爹牛肉，食落肉質頗軟腍而且有肉香，甜鹹交錯，味道好豐富‼️🤤整體嚟講頗有驚喜，惟西多士因為醬汁嘅關係變得偏腍身，若然香脆一點會更出色呢👍------------------------------賣相：7.8/10味道：8/10性價比：7.9/10回頭度：8/10------------------------------店舖資料名稱：利口福快餐店地址：太子大埔道14-16號華都大廈地下1號舖前往方法：太子站A出口

🔹流心芝士豬扒包💰$30👅🌕🌕🌕🌗🌑7/10食呢個既時候要好小心🤣 因爲塊流心芝士豬扒係啱啱炸起，所以入面啲芝士係好熱，我太心急食就辣親條脷🙈 不過呢個包真係好食，脆卜卜既炸豬扒已經好正，而流心芝士仲令個包層次豐富左又多左層芝士鹹香😻 個包又軟熟，啲沙律醬就令到個包冇咁dry，不過都係建議加杯野飲會好啲，始終食炸野都係有野飲好啲😝-#利口褔快餐店📍太子界限街43號恆富大廈地下1號舖-🔙回頭指數: 6/10⚖️人均消費: 50以下-🔅配熱奶茶都淨係加$5🔅堂食座位好少，所以比較啱1-2個人黎食，一大班人gathering應該就淨可以外賣冇得堂食😂

見到傳統港式的小食茶餐廳，當然要支持一下😜不過只有少數的舊區先會見到🙆🏻‍♀️👉🏻 流心芝士豬扒包豬扒包即叫即製， 熱辣辣🔥 麵包先以牛油烘一烘過， 外脆內軟👍👍👍夾埋炸得剛剛好豬扒， 肉質嫩滑有肉汁， 超級正😋個包記得要熱的時候即食，一切開芝士會好似瀑布咁流出來😂， 芝士控必食😍

🧀🐷🍔流心芝士豬扒漢堡包：其實材料好簡單，平日出面supermarket買到嘅漢堡包，加蛋黃沙律醬，再夾着一大塊吉列芝士流心豬扒。不過豬扒炸得卜卜脆，個粉唔厚又鎖住入面啲肉汁。豬扒肉質好嫩，再加上中間爆醬芝士，真係好正😭搞到我整晚都諗住個包🤤🐮🧈🥪沙嗲牛肉西多士：開頭以為會奇奇怪怪，不過食落去又幾夾。兩塊甜甜嘅西多夾住又咸又甜嘅沙嗲牛肉，再加上少少洋蔥/ 蒜味，好好食！💵價錢：包$35，西多$40，兩個都係餐跟熱飲 (凍飲加$2)，凍奶茶同凍咖啡就普通啦。我覺得有少少貴，不過因為有啲「漏」，所以我哋兩個女仔叫咗兩個包都ok 飽🗺環境：冇冷氣，不過冇我想像中咁熱，有少少自然風。我哋坐喺間鋪頭入面，不過隔離小巷都好似有位，唔好因為驚冇位坐已唔去食！👨服務：好nice，會提我哋小心入面啲芝士好熱

同 @168hungryki 同埋 @hkfoodiechris 嘅太子無伏黃店之旅嘅第二站嚟到我自己超期待嘅利口福👅除咗有平時快餐店都有嘅餐蛋麵呀、沙嗲牛肉麵等等，仲有好多唔同特色漢堡包，見到有天婦羅熱狗同埋五香肉丁西多士都好得意😍一定會再嚟幫襯！舖頭雖然係街邊，但除咗室外位置之外，原來仲有間冷氣房可以坐，啱晒怕熱嘅大家！😇不得不提嘅係呢度嘅叔叔服務超級好，會比到你有一種係小店先搵到嘅人情味嘅感覺😆.went with @168hungryki and @hkfoodiechris to prince edward to check out resto 😊 they serve the typical cha chan teng foods like spam and egg noodles 🍜 or satay beef noodles but they also have very unique dishes like tempura hotdog and also beef french toast 😋 a must-try for those that want to try

💛係流心芝士啊🧀之前食過一次外賣 隔咗一段時間先食所以凍咗 無咗流心 食落沒有太大驚艷今次堂食正好多🤤即叫即整熱辣辣 豬扒大大塊 無多餘肥肉 而芝士真係湧出嚟 好爽啊老闆同店員都好好客 嗰時中午食飯時間 我又遲到 見到朋友喺門口等 就叫佢入去坐住霸定位 包包送到時叫我哋小心中間流心好熱啊💛特別一提 呢度仲係黃店嚟架💛

『吃的除了是美食・也是一種情懷』@利口福, 𝙿𝚛𝚒𝚗𝚌𝚎 𝙴𝚍𝚠𝚊𝚛𝚍⠀⠀大概幾個月前試過這裡的流心芝士豬扒包，這天跟 @bellywongs 和 @hkfoodiechris 二人來，試了另一款不同的香港特色小吃，又邪惡又美味，好過癮～⠀————————————————⠀・沙嗲牛肉西多士 $35⠀𝐇𝐊 𝐒𝐭𝐲𝐥𝐞 𝐅𝐫𝐞𝐧𝐜𝐡 𝐓𝐨𝐚𝐬𝐭 𝐰𝐢𝐭𝐡 𝐁𝐞𝐞𝐟 𝐒𝐚𝐭𝐚𝐲⠀新鮮炸起的西多士，淋滿糖漿，牛油慢慢地融化後，被多士吸收。⠀⠀以為這樣就完結了嗎？不！⠀⠀切開西多士，裡面是滿滿的沙嗲牛肉。牛肉軟稔，沙嗲味道偏甜。其實，我更喜歡帶嚼勁、牛肉味更重的牛肉呢！⠀⠀吃了 1/3 塊，有一點點罪惡感... 果然，跟朋友分享脂肪是最美味的！⠀————————————————⠀好食指數 ʸᵘᵐᵐʸ ᴸᵉᵛᵉˡ⠀7.75/10⠀價錢 ᴾʳⁱᶜᵉ ⠀8/10⠀性價比 ⱽᵃˡᵘᵉ ᶠᵒʳ ᵐᵒⁿᵉʸ⠀7.9/10⠀環境 ᴱⁿᵛⁱʳᵒⁿᵐᵉⁿᵗ ⠀7.4/10 小巷旁邊 夏天較熱⠀服務 ˢᵉʳᵛⁱᶜᵉ⠀8/10 叔叔超nice 還貼心提供紙巾⠀-⠀🌟推薦 ʀᴇᴄᴏᴍᴍᴇɴᴅᴀᴛɪᴏɴ⠀⠀⠀⠀⠀🤰🏻回訪