利寶閣 (已結業)

Purchased Groupon for the dinner buffet...2 hours limit $230 per headSat down at 7...and encountered a long long queue for Peking duck...Basically the whole place is chaotic... not enough staff to deliver food, cook food, or even taking the orders....Many missing dishes...Food quality is averageStaff are nice, especially the staff who cooked steak and cut the duck. Really appreciate her kindness and hard working...

近日愛上放題，周六醒來後，就與媽媽到利寶閣吃點心放題。說是點心放題，其實不完全正確，因為除點心外，還有小食、粥、粉、麵飯及甜品，全都是即叫即做，任點任食。2小時放題由入單開始計算，周六、日價錢HK$168，平日一至五成人HK$148，周三更有8折優惠。入座後每位奉送原隻鮑魚酥及花膠灌湯餃。原隻鮑魚酥真材實料，鮑魚仔煮得非常入味，口感彈牙。花膠灌湯餃的味道不錯，花膠入口帶點黏稠，膠原感重，湯底亦夠鮮甜，帶有肉香。說實，這裏的食物選擇非常多，點心、煎炸焗點、腸粉、大排檔小食、特色粉麵飯、健康蔬菜、廚味部小食及甜品，各式各樣，應有盡有。而上菜速度非常快，落單後約5分鐘，食物便會陸續送上，而我覺現酒家有輕微「漏單」情況，但並不嚴重。不過，在落單時記得看清楚數量，點心數量是以「位、隻、籠、件」計算，所以落單時要小心，以免浪費食物。我點了多款點心，個人最愛晶瑩鮮蝦餃，皮薄而煙韌，蝦肉爽口彈牙。沙田雞粥同樣值得推介，粥底煮得很綿，味道鮮甜，雞味濃厚，雞件亦非常多，讚。

之前響yahoo見到利寶閣有團購點心放題/晚小菜放題。覺得幾抵喎。打左去鋪頭問。原來星期三148蚊再有八折。再加若40蚊的茶芥加一。埋單都係160蚊/位左右。見食評幾好一心同媽媽去。所以直接去食沒買團購費事甘多限制。其實我尋日去時不太舒服。前一晚胃痛左成晚。但因為一早約左費事改期。所以食粒胃氣藥照去暴食。所以就係"瘋狂自殺式"點心放題囉。訂左枱12點去到。店內已經好鬼多人。侍應忙於鋪枱執枱。我地一坐開茶就寫左9萬樣野嚇一嚇大家先。以下只係部份點心!!!簡單黎講。任食2小時。頭1小時我地已經飽我只寫下大家覺得好食的點心喇每位會送一份鮑魚撻+灌湯餃個鮑魚我吾覺得太特別。但係個撻底真鬆化。我同家姐食完都大讚個撻。。底脆皮叉燒飽比添好運差d。沒他甘脆口.同甜美。但都好食暫時我未食過有即焗BBQ buns好食過添好運的如果有記得講我知XO醬炒腸粉。熱辣辣煎到少少脆口又惹味木魚茄子。呢個夠入味又保持到色澤食左勁多油膩野。點番個蕃茄魚湯雲耳菜。健康yummy坐低送一人一隻灌湯餃。有一舊花膠。未夠淋。但個湯同餃都幾好味沙田雞粥。我個胃食食下愈來愈脹。但家姐阿嫂話個雞好滑甜品我家姐覺得最正係十勝紅豆脆麻

火鍋放題、 甜品放題食得多 ，但係點心當題第一次食,超過60款點心提供選擇， 仲 可以逐隻叫，減少浪費 ，每位送原隻鮑魚酥和花膠灌湯餃， 好豐富， 星期一至五$148，六、日及假期$168，任點任食兩個鐘， 認真抵食，11時至4時供應。原隻鮑魚放在酥皮上 ， 色澤 明亮 ，賣相吸引， 鮑魚入味， 好鮮味， 爽口彈牙， 酥皮鬆化可口， 非常搭配。灌湯餃 ， 湯底鮮甜濃郁， 好足料 ，有大片花膠， 滋補養顏， 女士恩物。黯然叉燒飯， 叉燒肥瘦適中， 鬆軟淋身， 帶有微微焦香， 輕輕叉開流心煎蛋， 加上甜甜的蜜汁， 拌勻一起吃， 送飯一流。珍珠帶子腸粉、 牛肉腸粉， 腸粉晶瑩剔透， 薄身、 滑溜 ，富有彈性， 充滿米香， 餡料豐富， 脹卜卜， 配埋鮮味珍珠帶子、 嫩滑香甜嘅牛肉一起吃， 更加滋味。炸蝦餃，皮薄餡靚， 外皮脆 卜卜， 內裏的蝦爽口鮮味， 夠創意 ，有新鮮感 ， 值得encore 。鯪魚球， 充滿彈性， 好鮮味。蒜香雞中翼， 肥美大隻，外皮炸到金黃香脆 ， 表面鋪滿炸香的香蒜， 內裏嫩滑多汁， 食完令人滿嘴蒜香。豬腳薑， 豬腳炆得好軟淋入味 ，充滿骨膠原 ， 酸酸甜甜薑醋， 微辣

放題真是不知所謂,8仍都未到,已說放題客滿,已經沒有某些某些餸菜,真是做放題嗎？還是招來了客人,然後就說沒有,可以轉食小菜而招來生意?現在做商家是要這樣做生意嗎？其實如果是真材實料的酒家,那怕沒人客來消費呢？

今晚同咗兩位朋友去聚舊，太耐無見想搵個地方坐低傾吓是非，所以就揀咗佢家附近嘅小菜放題嚟食。當晚星期五，每人只需$298就有五十五款小菜任叫，都算抵食，最正係小菜點心係以每件、每隻、每位嘅份量嚟落單，好容易掌控到份量，鍾意食幾多就落幾多，唔驚做成浪費。每位會有花膠響螺雞湯、鮑魚花菇、奄仔蟹。個湯味香，飲得出落足料煲。鮑魚彈牙，花菇炆得入味。奄仔蟹有得揀清蒸、雞油花雕蒸、油鹽焗。點心款式太多，等我揀幾款嚟講。首先出面自助區係有片皮鴨拎，一定唔可以錯過，不過個皮偏厚，影響口感。脆皮炸蝦餃 呢個做法我同朋友都係第一次食，平時食蝦餃一定要即刻食，一放耐咗個皮就會唔好食，同埋皮太厚就會口感變得差，炸蝦餃就完全無呢個問題，個皮脆口，而且有炸蒜調味，蝦又好大隻，真係會食完又食。蜜汁豚肉叉燒 半肥瘦，食落一啲都唔柴，蜜汁恰到好處唔會太蓋過肉香。脆皮燒腩仔 一口size，真係做到皮脆肉嫩，真係要試吓。石岐燒乳鴿 呢到連乳鴿都有得任食啊，鍾意食嘅唔好錯過，不過當晚無畀椒鹽同醬我哋，食落偏淡味。呢到仲有甜品叫，有啲比較特別：棉花雲十勝紅豆冰、十勝紅豆脆麻花雪糕，記得留肚食。自助區仲有拔絲拎，當晚我都食唔少。需

今晚同咗兩位朋友去聚舊，其中一位朋友喺外國返嚟，話好掛住啲中菜，但我哋得3個人好難試到咁多款式，上網揾到原來呢間酒樓有做放題，可以任食小菜！！所以即刻book咗枱嚟試下！我哋星期五去食就$298一位，如果星期一至四就平$20，最少兩位起先可以book！望一望張落單紙先，都有成五十幾款嘢食可以任食！一位包一盅燉湯，應該晚晚一樣嘅，係花膠響螺雞湯，呢盅湯真係勁鮮甜呀，最鐘意飲燉湯，因為可以睇到係咪真材實料！每位有一隻奄仔蟹，可以揀用清蒸、雞油花雕蒸或者油鹽焗，我揀咗油鹽焗，呢隻奄仔蟹都唔算細隻架，入面好多蟹膏，夠香滑，勁好食！以下呢份係原隻鮑魚花菇，呢到係一份嚟，原來一份都有成三隻鮑魚同三隻花菇，勁誇張，炆得都幾入味嘅，但份量真係有啲多！因為叫咗好多嘢食，我會特別推介下幾款我覺得必叫嘅嘢食！叉燒同燒腩仔都幾出色，叉燒係帶少少肥膏喺中間，但咬落都好爽口，燒腩仔就皮脆肉唔會太實！呢個係炸蝦餃，我第一次咁整嘅蝦餃，啲蝦真係好彈牙，佢上面仲有啲炸蒜，成個配搭好match！片皮鴨係出面拎，冇得tick紙仔，我哋可以自己揀配料，不過呢到嘅餅就凍咗啲，冇啱啱蒸出嚟嗰啲咁好食，但調味同表皮夠香脆嘅鴨肉都係

利寶閣最新推出左一個點心放題！俾我發現咗佢張宣傳單張，好似咁掋食咁，咁就梗係做下孝順同屋企人去食，唔執輸即刻帶埋媽咪去試吓啦🥰點心放題啲點心種類有成60幾種，基本上你想食咩都有！你可以揀逐碟或者逐隻咁叫添👍🏻👅首先叫咗個黯然叉燒煎蛋飯，啲叉燒肥瘦均勻，加埋啲蜜汁簡直令人回味😋👅另外叫咗個珍珠帶子腸粉，分量十足，腸粉仲要好滑！👅之後嗌左個鯪魚球，淡淡口咁食落去好新鮮，點埋醬汁好開胃😍👅再叫咗蒜香雞中翼，對於本身鍾意食雞翼嘅我，我真係覺得100分！好脆同好香！👅之後叫咗時菜牛肉球，啲肉好有彈性，好香口！👅最後仲送埋原隻鮑魚酥同花膠灌湯餃，真係超級正！食到個肚飽飽走啊真係🤤👅總括嚟講，菜品很多，有機會一定會再去食！

星期日做下孝順女，帶呀媽出去奧海城飲茶。通常一碟點心都有4舊，兩個人食又唔食得多款，見利寶閣做緊點心放題就試試佢。點心放題仲會每位送一隻鮑魚酥加花膠灌湯餃，好正正呀！點心放題既點心種類有成60種，基本野蝦餃燒賣都可以叫。另外大排檔小食、粉麵飯同甜品都可以叫㗎。而且點心嘅種類都可以逐碟或者逐隻叫嘅，咁就可以減少浪費，食得晒先好嗌！其實點心就同平時食嗰啲都差唔多，係可以比平時食多啲唔同嘅點心囉。放題送果個原隻鮑魚酥同花膠灌湯餃好正㗎。而我最鍾意就係呢度嘅暗然銷魂飯同燒汁木魚釀茄子。因為夠晒特別其他酒樓都好少會食到。暗然銷魂飯個叉燒雖然好肥，但係好夠味，令到成個飯好出色，加埋隻半熟蛋，撈埋飯食冇得頂！最後就試埋佢唔同嘅甜品，芒果布甸同楊枝甘露都係正路野。唯一有啲失望嘅就係佢個蛋白杏仁茶，唔知點解佢俾我哋平時食開嘅唔同，好似好多油又淡色咁，見到個樣咁都唔敢食。整體來講啲點心都OK嘅，兩個鐘可以慢慢食，又試到唔同嘅點心，食到可以捧住個肚走嘅。

媽咪中意吃粵菜，所以帶媽咪過來試試利寶閣了，花膠響螺雞湯，湯味道濃郁，好多料啊，媽咪好中意哩個湯，鮑汁鳳爪，同埋金錢肚，強烈推薦，滴汁汁好滋味，軟身又入味，仲有蝦餃，只蝦好大只啊！蝦肉鮮甜，另外有原隻鮑魚花菇，鮑魚花菇都好腍身，媽咪吃就最適合啦！當然少不了飯後甜品，要左楊枝甘露，酸酸甜甜，飯後食就最好啦！菜品很多，值得一試！

地理位置好, 位於交通樞紐的奧海城二期, 晚市人亦不少, 今天已是第二次到此店食晚市放題, 限時兩小時, 可以任點任食, 除此之外, 每位更送花膠響螺雞湯及原隻包魚花菇及奄仔蟹一隻。至於食物味道方面，整體亦算不錯, 大部份食物亦是即叫即整的, 而某一些則可到車仔位置自行選取: 如片皮鴨, 拔絲番薯等等。由於小菜有約55款之多, 因此人多開心share會較合適吧。至於服務方面, 亦不過不失吧。價錢方面: 星期一至四, 每位336元 (已連加一), 星期五至星期日,每位365元 (已連加一)

上星期六約咗朋友去試個放題！Booked 7:30pm, 我哋7:20pm都到咗。我哋主要係想食奄仔蟹先揀呢度。坐低後落完order, 飲完湯個waiter就過來同我哋講話奄仔無哂😤根本嗰晚都吾滿座。咁快就冇哂蟹。 只係比返隻細細隻波士頓龍蝦🦞開邊比我哋！😖其他食物質素都麻麻地。片皮鴨厚到成2cm,仲要出去拎同埋成日無哂😤😤甜品超難食！ 個流沙包層皮好硬，流沙一灘水咁。杯紅豆冰大家樂一定好過佢。雪糕溶哂先拎上台。 差👎🏻👎🏻👎🏻吾會有下次😖😖⋯⋯

放题又偏贵又難食、不如食McDonald ! 本身已经無咩靓野比人食、應刻最少比D茶餐廳質素小菜和食物比人、但原來更差最名贵的是片皮鸭但好肥成1-2cam 厚而且供應不足又亂又要行好遠攞、抄河粉一pat pat 好似隔夜拎返出來比人食、上菜又慢又時有時無、乳鸽又吾切好、大家吾好预佢係以前的利宝閣質素、我覺得富臨好過佢幾倍！结帳時我和其客人都等咗30分钟！

完全做壞哂利寶閣個名。。坐低等廿分鐘先有餐牌。。先係漏單，上菜再等半個鐘先上第一碟，再十五分鐘先有下一道菜。成個鐘都未有嘢食！想跟白飯，先係無落單，再追就話賣哂。。真係第一次聽！！重要隔離幾枱都係咁! 好來無試過食飯食到燥爆！！就算部長俾個九折嚟都無補於事！！不知所謂

屋企的食肉獸是利寶閣叉燒的粉絲，被佢地發現左利寶閣推出的中菜放題，就忍不住要來食。星期六晚市放題298一位，每位都可奄仔蟹，鮑魚花菇，雞湯，其他都系任食。叉燒同片皮鴨都食隨便食！非糸太爽了！餐廳裝修富麗堂皇，很精緻！典型酒樓格局，利用放題紙落單，方便快捷！奄仔蟹，可以有三種料理方式，我揀左油鹽焗，有蟹的鮮甜，主要食膏。花膠響螺雞湯，料足出味。原隻鮑魚花菇，大大隻鮑魚肉頭十足，好冧，花菇用料上等。我地最愛蜜汁豚肉叉燒，放題吖！味道同之前飲茶食到的質素系一樣。肉質無可挑剔，蜜汁入味，肥瘦均勻，啖啖滿足，完全冇筋，非常細膩！非常抵贊！花雕醉蝦，蝦新鮮大隻，花雕調味，抵食！片皮鴨超抵贊！皮脆肉嫩，自助配搭，供應跟得上，去拎幾次都有。脆皮燒腩仔，燒味任食，哈哈...食肉獸們好開心，薄薄一層脆皮相當誘惑，肉質鬆軟。甜品揀左山西棗皇糕，棗味濃郁。見到隔離枱order左好多款甜品都好似晤錯，今次真系太飽了，下次再來食！