利寶閣 (已結業)

請了半天假，陪伴媽媽到醫院覆診，之後再去拎眼鏡。因為知道老人家喜歡中菜，同時為了就腳就選擇這裡食晚飯。先看過餐牌，看來不錯選擇又多，餐廳大約可放置20席，兩人被安排坐一張四人檯，非常舒適。款式算多樣化，價錢中位。女人其中一個毛病是選擇恐懼症，花了一定時間終於決定點哪幾道菜。菜杯茶碟很別緻，前菜是用薯仔做的，淡淡味道難以形容，我們還是喜歡甜甜酸酸的開胃前菜。點了三道菜色，食到要打包半隻雞回家。碧綠炒班球（小）好彩點了小碟，夠食有餘。西芹炒得非常爽脆，很有汁感，花尾魚班塊很香口，不錯！鹽焗海南雞半隻，雞味夠濃，唯雞肉不夠香滑嫩口，打了個折扣。薑蔥千層竹班頭腩煲，最失望算是這道菜。已經沒有期望取材海魚頭，但魚肉實在太少，千層竹多於主角魚頭腩，食了一舊實在要停筷，還是留給媽媽食吧，這個價錢未免有點寒酸吧。香飯夠熱騰騰，夠腍身！茶葉應該是優質的。最後叫賣單，店員不忘奉上紅豆沙作甜品，味道幾好，豆多湯濃，唯可惜涼了點，中式熱甜品不夠溫度是大問題。這餐令媽不太高興，唯有安慰她說不試不知味道如何呢？下次再尋找其他她西吧！

月尾又同爸媽食餐飯啦, 長輩級都係比較鐘意食中式小菜, 之前同其他親戚都食過呢間利寶閣, 餐廳唔大, 所以環境比較靜, 食飯都食得舒服D!見到近排做緊大閘蟹放題, 附近幾枱人都食緊, 聞到好香, 不過真係食唔到咁多蟹, 最後都係叫番小菜其實呢到既小菜都幾多選擇, 有平有貴, 上湯龍蝦伊麵配一條斑都係$388, 龍蝦伊麵份量大到好似平時一圍12位既份量, 所以都幾抵食, 呀姐仲比我影完相先剪開!龍蝦幾多肉, 有彈牙, 個汁煮幾唔錯, 唔知點解有D忌廉味又唔會太膩。另外, 條魚蒸得岩岩好, 老豆仲話魚眼突起姐係好新鮮呀!另外叫左一個叉燒煎蛋飯同埋燉湯, 因為佛跳牆要預訂所以食唔到. 個煎蛋煎得好靚呀, 燉湯又好甜!去到最後, 見到隔黎枱份甜品拼盤超大份, 又有好多款, 都只係$78, 真係好抵食, 特別係個脆麻花, 炸得好鬆化!

成日食日本菜同泰國菜， 有時都真係食到好厭!! 間唔中食下中菜中和下都幾唔錯。咁岩朋友話之前去飲宴食過利寶閣， 覺得食物質素唔錯， 所以一於約埋好姐妹去試下!!銅鑼灣既利寶閣， 地理位置好方便，地鐵站一出行5分鐘就到！ 可能因為係星期四既關係， 人唔算多， 唔使等就可以入座， 睇完menu, 發覺樣樣食物都好吸引！1. 龍蝦伊麵龍蝦大大隻， 伊面唔會太冧，食落仲有D 脆卜卜， 4個女仔食每人2碗，仲有剩！2. 順德手打魚腐(HKD88)本人好中意食魚腐， 果然呢個魚腐無令大家失望! 食落唔腥，好重魚味， 個湯仲好鮮甜，唔錯！ 3. 八味豆腐(HKD58) 炸物係我最愛， 又想食炸野，但又唔想太熱氣，呢個係我強烈推介😍豆腐外炸到脆卜卜， 一咬開係軟冧冧 ， 食落清清甜甜， 雙重享受!4. 美味欖角骨 (HKD58)好有住家風咪既菜♡ 係媽媽煮既味道啊 ，欖角骨咬落一D 都唔硬 ， 味道甜甜酸酸好開胃， 好彩已經食到好飽， 如果唔係用黎送飯一流!!最後我地仲幫朋友切埋蛋糕慶祝生日! 餐廳無收我地切餅費呢! 由1900坐到2230先捨得走， 所以邊個話girl talk 一定要在cafe

今日揸車嚟到銅鑼灣想泊低架車舒舒服服食番餐，朋友話喺呢度食夠二百蚊就可以享用免費泊車三小時，喺銅鑼灣泊三個鐘頭車都唔止一百蚊啦，所以就嚟呢度試下。龍利葉蘋果燉豬展湯，見呢輪有幾聲咳，就嗌咗呢一個有食療功效嘅湯水；龍利葉味甘性平，功能清肺熱，治痰火咳嗽，失音喉痛，對咳嗽痰多人士好有幫助.。一踏入秋冬就係龍利葉嘅當造期，加埋蘋果同煲，令湯更加清甜可口，讚。燒味大拼盤（例牌），同事話呢度嘅招牌菜係穀飼豚肉叉燒，即刻嗌呢個燒味拼盤嚟試下先，拼盤除咗叉燒之外仲有五香牛展同埋海蜇，穀飼豚肉整嘅叉燒果然不同凡響，叉燒豬味濃郁，蜜汁嘅味道令人難忘，牛展鹵得相當入味，好鍾意牛展嗰一個煙靭嘅口感。高原黄耳炒蚌片，黃耳富含果膠，膠質細膩，滑潤可口，入口有淡淡嘅桂花香味，更有補腦嘅功效；蚌片爽口而帶點點海洋嘅味道，廚師將西芹嘅熟度掌握得啱啱好，口感爽脆，西芹味道清香，同黄耳好夾。美味欖角骨，欖角骨味道酸酸甜甜，十分開胃， 豬肉口感軟滑，唔係太肥亦都唔會起渣，醬汁入面嘅欖角攞嚟送飯一流，我覺得呢一個餸係屬於必食嘅推介。南乳素齋煲， 因為婆婆牙齒唔係咁好嘅關係，幾乎每一次同佢食飯都會嗌一個南乳粗齋煲俾佢食，呢度嘅

燒味大拼盤（例牌），既想試試這裏的招牌菜穀詞豚肉叉燒，但亦花心想試試其他滷味單品，點個大拼盤自然是不二之選，黑豚肉叉燒作為招牌果然名不虛傳，帶有黑豚豬味道的叉燒在坊間不多，要試試的話這裏也是一個不錯的選擇，鹵水牛展鹵味恰到好處，海蜇與浙醋是最佳的配搭。大澳生啫唐生菜，蝦醬啫啫煲仔菜從來也不會輸得到哪裏去，用煲仔上菜，吃至最後一條也是溫熱的，要是份量再多一點的話相信會更加好。金銀蛋浸白菜，浸白菜相當足料，有齊金銀蛋肉碎與及蒜頭，蒜頭被輕輕的爆香，蒜香撲鼻，特別喜歡他面頭半生熟的蛋白，令口感倍添滑溜。清蒸海金花尾斑仔，斑仔一點也不仔，目測應該不止一斤，廚師把蒸魚的時間掌握得剛剛好，讚上香甜的豉熟油，伴隨海量的香蔥與及薑絲，好吃。蠔皇海參扣玉掌，利寶閣所呈獻的是經典的蠔皇鴨掌味道，鴨掌炆得夠腍夠入味，輕輕用門牙咬開關節位置，已經能嚐到鴨掌香濃的蠔皇味道，要是能多加 幾片鮑魚片，感覺將會更加完滿。回味脆麻花，傳統的廣東人喜歡在春節前開油鍋，炸煎堆、炸蛋散、炸油角等習慣，寓意在新的一年裡油潤、富足、衣食無憂，生活過得一年比一年紅火。脆麻花是舊時貧窮人家製作油角時剩下的麵皮，拿來油炸成的脆麵皮，後

中學聚餐難得喺呢度搞，之前都未食過，今次係第一次嚟，食物質素都唔錯，乳豬夠脆，帶子炒得夠爽口，蟹鉗炸得好食，去到最後伊面唔會炒得太乾，紅豆沙夠綿，其他甜點都吾會太甜

四個女仔食什麼好呢？想了想不如吃中菜！大家坐在圓桌邊吃邊傾心事，都是不錯之選！✨晚市孖寶—龍蝦伊麵：龍蝦肉鮮甜，龍蝦汁亦能帶出龍蝦鮮味，伊麵吸收了龍蝦味，加上我們很肚餓，4個女仔一吃再吃！😂✨晚市孖寶—清蒸石斑：魚肉鮮甜厚滑，跟平時去「飲」的魚差不多味道🤣，不錯的！✨陳皮鮑魚仔：本來自己不太好陳皮，但想不到用陳皮蒸鮑魚，頗能帶出鮑魚味！鮑魚口感彈牙爽滑，容易咀嚼，亦很抵食！✨銀紙銅盤雞：雖然賣相有點像屋企媽媽煮的菜😂，但味道有驚喜！雞味濃，肉爽滑，想不到我們4個女仔都完成吃完這盤雞！✨手打順德魚腐煲：魚腐很軟滑，入口即溶，好食！這個煲的好處是，一來有菜食，二來個湯味道濃甜，我喝了兩碗呢！✨八味豆腐：這個是本人全晚至愛😍豆腐外層十分十分鬆脆，內裡豆腐十分十分軟滑！真的像炸脆了的豆腐花！😍✨美味欖角骨：排骨蘇蘇脆脆的，外層沾滿豆豉欖角和蜜糖香，味道不錯！✨紫米露：酒樓送的甜品，不太甜，食得過！我們4個女仔戰鬥力都幾強，食咁多埋單每人都是$2xx,很抵食呢！☺️

在中環上班的時候，同事們都很喜歡到利寶閣飲茶，而我就喜歡吃他們的布拉腸粉， 十分軟滑，真的十分難忘。今天我們有重眾了又來都舊地。環境仍然十分高貴華麗。水晶燈的點綴，更加高貴耀眼。侍應安排座位以後，我們立即打開餐牌看看，心裏最想吃的就是佛跳牆，據說佛跳牆的材料十分豐富，而佛跳牆是有個傳說的—有個皇帝吃膩了山珍海味，勒令御廚若再做不出口味翻新的菜餚就要砍掉他的頭。御廚冥思苦想，翻遍各種烹飪大全，又請教不少民間美食專家，可還是沒有好的解決辦法。最後他只好準備捲舖蓋潛逃。反正也做不下去了，御廚在最後一次掌勺時，索性把各色素葷菜料揀好的放進鍋裏，在烹調上又使出了渾身解數。沒想到這鍋菜異香撲鼻，引得隔壁修行多年的老和尚爬牆張望。因此而未被砍頭的御廚就把這道菜叫做「佛跳牆」。最後我當然點了一個佛跳牆,材料十分豐富，視覺上已經令人流晒口水，而且當中的湯更加鮮甜美味再黎就是谷飼义燒蛋飯，你看每一件义燒也很大塊蛋更加係半生熟，每一粒飯也充滿蛋汁，好幸福呢！出名食量驚人的我，當然要加個麵先夠，它不是普通的炒麵，係蝦子麵呀，十分香，每一條麵也很入味，牛肉更是鮮牛肉，take my breathe away .

208年11月21日。雨。銅鑼灣。喺銅鑼灣闖蕩咗咁多年，都唔知利舞臺呢邊有間利寶閣全港多間分店，口碑都唔錯，呢晚就上去試下有時令冬日餐牌，但某啲菜式需要事先預訂，有興趣嘅朋友仔可以打去問下先有套餐，又有散嗌菜式大廳唔算大，不過係因為隔離半邊間咗來俾客擺酒晚市見到門口有個廣告牌，有個谷飼豬肉叉燒飯配原盅佛跳牆，好吸引咁，就嗌咗個啦～但係咁啱呢日無佛跳牆，所以換咗個老火湯俾我哋，只售$68，午市都有，好抵！飯量都幾多下，一個人食絶對夠飽！碗入面有5嚿叉燒，嚿嚿都厚切，唔肥，肉質軟綿，邊邊位帶焦香，唔錯～飯面嘅蛋係半熟流心蛋，撈飯正～跟個叉燒飯嘅老火湯係龍脷葉蘋果燉豬展平時對生果入饌嘅菜式或者湯水都有啲抗拒，但呢個湯聞落已經好香，即管試試一飲即刻愛上，非常香甜，飲得出好夠火候，所有材料嘅味道都出晒來～蘋果已經燉到腍晒，入口即融，但仍帶果香，出色！薑蔥花膠鮑魚煲，$188好豪氣咁點咗個花膠鮑魚煲上枱嘅時候，個煲仲好熱，要再用隻匙撈下佢，防止黐底煲入面有大量薑粒，唔驚辣嘅話會好鍾意，因為薑粒吸收晒啲汁料，好惹味～除咗大量薑粒，仲有大量鮑魚仔，一啖一粒，爽口彈牙！花膠亦好大塊，完全感受到滿載骨膠原

今日去嘅係利舞台嘅利寶閣先啱。利寶閣位於21樓，高層，高級，高高在上。門面極具氣派，富麗堂皇。佢英文名叫做Star of Canton Restaurant，我諗可以譯做「粵菜之星」。利寶閣以提供粵菜佳餚、中式筵席及餐飲服務而為顧客津津樂道的中式餐 飲集團。於香港擁有四間提供全套服務的酒樓，及於中國深圳擁有兩間提供全套服務的酒樓，藉此以「利寶閣」品牌提供粵菜。如果係深圳都需要咁優秀嘅港式酒樓質素同服務，利寶閣絕對值得你考慮。菜牌都有3-4個，好多選擇。茶位，d餐具都幾精緻。大廳位置都好大，環境鬆動。港式燒味中嘅代表，叉燒飯，再加嘛黯然銷魂嘅太陽蛋，無與倫比。無雞不成宴嘅鹽焗雞，保持到肉汁鮮嫩，而又好入味。仲有個湯，應該係有d潤肺作用嘅湯水，有兩片葉，又有一塊蘋果。應該好老火燉出嚟連杏仁都軟到入口溶化。簡直係粵菜之星。

相約朋友去銅鑼灣飲茶，利寶閣會係我常去的一間，座位舒適闊落, 最怕啲枱放到密密麻麻, 仲有餐具都好精美，唔會老套，點心味道唔錯, 價錢亦算公道, 最近午餐仲有個叉燒飯送老火湯, 只係$68, 真係好抵谷飼豚肉叉燒飯送豐年老火湯個叉燒飯仲配太陽蛋, 好鍾意蛋黃汁撈飯, 真係好好味, 叉燒用谷飼豚肉, 厚切令口感豐富, 肉質軟腍, 甘香；老火湯係雪梨雞腳豬骨湯, 好清甜滋潤, 最好係無味精👍🏼👍🏼脆皮蝦餃呢款點心唔係度度有得食, 蝦餃皮炸得脆脆, 又唔會油膩, 饀料啲蝦好鮮味, 食落好有新鮮感😋😋其他仲有脆皮燒腩仔，鮮蝦腐皮卷，脆皮叉燒包都好好味

之前試過嚟利舞臺嘅利寶閣飲宴覺得整體嚟講都唔錯所以長輩嘅生日飯 就揀咗嚟呢度食價錢嚟講都算幾抵食 而且地點又方便就腳【龍脷葉蘋果燉豬展湯】龍脷葉有藥用價值 可以清肺熱 去痰火而蘋果煲湯夠潤喉 味道清甜呢個湯可以話係老少咸宜 大人細路都鍾意 豬展亦唔會太肥令整個湯既充滿肉味【鹽焗海南雞】海南雞色澤金黃用咗鹽焗嘅方法令肥瘦適中嘅雞帶有鹹香而且雞肉嫩滑 不錯【燒味拼盤例牌】呢度嘅燒味以穀飼豚肉叉燒 最為出名穀飼豚肉肉質嫩滑半肥瘦嘅叉燒 油份甘香【美味欖角骨】呢度欖角骨非常美味欖角嘅鹹香 配合埋蜜味加上肥瘦適中嘅排骨係肉食朋友嘅至愛【蠔皇海參扣玉掌】無論係海參定係鵝掌都炆得非常之淋而且蠔油味香濃海參夠彈牙 又唔會發得太過份加上原煲過 夠曬熱辣辣【回味脆麻花】呢度甜品非常出色脆麻花非常鬆脆帶有絲絲蛋香上面嘅蜜餞唔會太甜整體亦唔會覺得油膩今餐生日飯 雖然簡簡單單但平凡是福一家人團聚才是最重要

公司附近的一間酒樓食LUNCH  看到餐牌見到有黯然銷魂飯  即是叉燒煎蛋飯  $68配中湯  當然要一試谷飼豚肉叉燒飯送老火湯 $68叉燒一點也不乾  每一舊也是厚切  肥瘦適中嫩口叉燒  叉燒醃得好入味   有濃濃的蜜糖味 十分Juicy  配上流心煎蛋  把蛋混合豉油及飯一起吃  有驚喜老火湯真材實料  不會一味死鹹  真係每啖精華XO醬腸粉石鍋底非常熱  煎好的腸粉放在中保持熱度  也有一點點焦  令腸粉更乾身  表皮有一點點脆  而且XO醬味很足夠 水晶鮮蝦菜苗餃  皮夠薄  晶瑩剔透  從表面已經可以看見內裡的餡料  大大一粒  中間的餡料是爆滿  有一整粒蝦鳳爪醃得入味  少辣  也是大大一隻蟹籽燒賣皇一籠有四粒  上面有蟹籽  燒賣爽彈  不是淋身的那一種  上枱是熱辣辣  加上豉油及辣油一起吃是最美味

中午飲茶，利寶閣算係屬於高質素嘅酒樓，今日一於黎試一試佢嘅招牌暗然銷魂飯。點心、小食、炒粉麵飯應有盡有，而且價錢合理。餐廳嘅招牌係谷飼豚肉叉燒煎蛋飯，叉燒瘦肉嘅部份比較多，但竟然非常嫩滑林身，一啲都唔鞋，而且肉味香濃，果然值得一試。叉燒煎蛋飯配上老火例湯，套餐價盛惠$68。蝦餃皮薄餡靚，有一貫出色大酒樓嘅水準。燒賣同樣餡料新鮮爽口彈牙。食飯當然要有甜品作結先算係完美嘅一餐我揀咗杏汁撞蛋白，杏汁非常香濃，配上滑滑的蛋白非常養顏！而且甜度適中，非常好吃！

今日約咗幾個同事team lunch, 大家一致決定去酒樓飲茶，其中一個同事提議去利舞台嘅利寶閣午飯。午市幾乎座無虛席，而且每一枱與枱之間嘅空間尚算闊落。雪山叉燒包熱辣辣，包面嘅雪山皮非常香脆，叉燒餡料濃郁，讚！蝦餃嘅皮非常之薄，蝦肉非常爽口彈牙，屬高質素嘅蝦餃！干扁四季豆十分惹味，作為小食味道一流，惟份量略嫌有點少。燒賣亦都係我飲茶嘅必點點心之一，燒賣嘅餡味道剛好，豬肉爽口新鮮，燒賣面上嘅蝦肉亦彈牙入味，屬水準之作