利苑酒家 (城市花園)

营业中

休息中

今晚又來吃飯，想試下新菜色，唔食雞唔食鴨，又唔想食豬，Honey 唔食魚，咁即是要食牛啦。見到菜牌有德州煎牛柳，一於試下啦。經常來吃晚飯，當然要樣樣試下，不要一成不變，除了點德州煎牛柳，還點了金銀蛋莧菜，一葷一素，營養均衡，健康配搭，今晚人不算多，菜餚很快上台，德州煎牛柳好大好大碟，真是有點驚喜 。侍應姐姐來幫忙剪開牛柳，牛柳煎得香香地，不是全熟 ，但又不會太生，剛剛好。急不及待試下，牛柳鮮香柔軟，有啲脂肪有啲筋，但係就好好味，越嚼越香，吃不停口，要上好的食材才有這樣的鮮味，廚師功夫了得，不枉我們經常來幫襯。金銀蛋莧菜也好好食，莧菜嫩綠用上湯和金銀蛋煮， 特別惹味，兩個菜都非常出色，這一餐值90分，好好味。

如果你唔係熟客，就唔好旨意幫襯呢類住宅區內嘅酒樓會食得順氣。因為要趕住用埋之前食利苑夠$2000送嘅$200現金禮券，所以今日諗住來食少少嘢用埋佢。但估唔到呢度叫得利苑都做到咁肉酸，咁令人失望。即片皮鴨半隻 （$230）一坐低見到隔離檯食緊片皮鴨，所以我地跟風叫片皮鴨 可惜，即燒？是違反商品說明條例嗎？居然落單後幾分鐘就上到菜，仲快過我碟菜芯炒牛肉上菜。除咗籠餅皮係熱到有蒸汽出之外，碟片皮鴨係凍嘅，試問佢有可能係即燒嗎？我地叫得半隻，難道就係隔離檯食剩嗰半隻嗎？講返個鴨，半隻鴨切咗11塊皮出來，基本切成12塊是常識吧？味道方面，一啲片皮鴨嘅酥香味都冇，正中間嗰塊仲有好臭嘅羶味（常見於鴨屎忽嘅味道🤮）籠餅皮都好離譜，總共12塊餅皮，但佢居然係4塊交疊成一層，合共三層，連蒸籠紙都咁慳皮？食開皮鴨嘅人都知，啲餅皮黏埋一齊係幾難搣開架啦，即使我去屋村酒樓同小店食嘅片皮鴨，都會係每一層餅皮用蒸籠紙隔住，唔會容許佢哋黏埋一齊。片皮鴨嘅配料都好縮水，佢每束京蔥只用一粒辣椒仔箍住，但係得6束邊夠分？菜芯炒牛肉 ($150)牛肉和菜芯都好乾，唔講以為食緊乾炒菜芯牛肉乾，連茶餐廳級數都不如。唯一值得可取之

如果說在旅行之後, 最掛念香港的, 必然是點心和傳統粵菜菜式, 在未有粵菜Fine Dining化之前, 利苑可算是高質粵菜的代表. 就算現在星級粵菜餐館成行成市, 利苑在我心目中的地位, 絕對比其他屋村酒樓又或是連鎖酒樓高得多, 除了是因為菜式水準外, 也是因為它對現代粵菜的貢獻, 以及老闆陳老先生的傳奇性.今次來到北角的分店, 原來已有四十多年歷史, 基本上有城市花園就有這家利苑. 可惜的是, 點心水準的參差, 令人失望. 燒賣無論是大小和味道, 和叮叮點心的分別不太大, 不再吃得出蝦肉及冬菇等材料的味道與層次. 蝦餃皮太厚, 內裡和蝦肉餡黏在一起, 也令我搖頭嘆息. 楊枝甘露由利苑發明, 但吃起來椰奶味和西柚的苦味, 比芒果果味突出, 比不少坊間的糖水舖更差.保持水準的, 就是其蘿蔔類的點心, 蘿蔔絲酥餅外層酥香, 層次分明, 煎蘿蔔糕的外表香脆. 蘿蔔甘甜, 沒有出水太多, 令其糊化. 我還是抱有一絲希望, 希望其回復水準, 不要不斷被摘星, 然後落得”泯然眾人矣”的命運.The North Point Branch of Lei Garden has been establi

經常飲茶，點心食嚟食去都係嗰幾樣，成日都想搵啲新鮮啲特別嘅點心試下，我終於食倒個特別的點心，古城香煎茶果， 真係幾特別，糯米嘅外皮包住啲餡，好好味。外面煎到香香脆脆，一籠有三粒的的骰骰， 一啖一個，不過價錢都唔平， 但一分錢一分貨，貴啲都值得。今日仲食咗個濃湯鮮竹卷，啲腐皮軟淋淋索曬啲濃湯味，仲有幾粒綠色嘅絲瓜新鮮脆口，非常清新嘅味道。主食就叫咗一碟豉油王肉絲銀芽炒麵，好大一碟， 肉絲同銀牙都好多，但係就油多左少少，如果炒得乾身就更好了。喺呢度飲茶有銀聯卡仲有95折，平少少都好。😅食完仲有糖水送， 紫米露好味，如果熱啲仲好。😀

基本上這家分店啲客全部是都是附近的居民，所以一入去，年齡層都達到60+， 當然好處是服務生亦同樣長情，個個都返左幾十年。1- 食物質素仍然好正， 估計廚師都係同一班人2- 服務不在話下3- 樓底比較低，其他都幾好

@leigarden 😡😡😡北角請問呢碟點解叫做「油鹽焗」？點睇都係酥炸啦？呢碟做錯左嘅「熟客推介」要收$1988，我做你地熟客咁耐真係食得好唔舒服！反映意見就推卸責任，話利苑油鹽焗style就係咁，比D2017年嘅相我睇夾硬話呢碟只不過係炸漿厚左嘅「油鹽焗」，但睇你地網站(見圖）都真係完全唔係咁，打去中環利苑問人地亦都唔係咁講，我個人只能話（1）你地咁多分店D廚房出品唔consistent（2）你地唔識分炸同焗（3）你地嘅服務同crisis management差（4）你地唔重視熟客 後話 - 我send咗一個好長嘅英文電郵去描述成件事俾利苑總部，竟然佢哋5個工作日都唔回覆，要我自己打電話去跟進。佢哋竟然話因為英文電郵要翻譯，我聽到呢啲回覆真係好無奈！終於前兩日有回覆，但結果並不令人滿意

為左食臘腸卷而來，呢個點心唔係度度有，但我又好中意臘腸，所以每當想食都要去利苑一次，佢個臘腸卷細細個，感覺上冇咁邪惡，獨享一個都唔會太飽太滯，幾好，滿意，至於其他點心炒飯都ok，但口味偏重，喜愛清淡的話可能會覺咸，要多喝茶。

點心之中小籠包和羅蔔絲酥餅都算受歡迎，但這兩種是特別難整得好食的點心。首先講小籠包，要皮薄餡大有湯汁，這裡的小籠包基本上做到，但餡料稍差，因為肥肉多，有筋，幸好皮夠簿，湯汁夠多夠熱，加些醋，味道鮮美。👍羅蔔絲酥餅都是難整的點心，因為羅蔔絲是很容易出水，出水就會令到外面的酥皮濕了，很快就不脆不酥，所以是靠點心師傅功夫。這裡的羅蔔絲酥餅做得非常好食，外酥內軟，羅蔔絲又多又鮮軟，咬落羅蔔絲有汁但酥皮香脆，點心師傅叻叻。😁

利苑集團不嬲都好有水準。最近疫情好返，都多左人飲茶。星期六約屋企人去左北角嘅利苑飲茶。都坐滿唒人，非常熱鬧。食左個扁皮鴨，排骨陳村粉，燒賣，雪頂山包，陳皮尖椒，嘩，全部都好好食！果然keep得住水準！！！！食過咁多次都好唔錯而且員工衛生問題都好好，會用夾夾垃圾，定時換碟。不過有小小失望係無得食擂沙湯圓！🥲🥲🥲🥲最後只可以叫布甸，布甸真係搞唔掂。食左小小無食哂。埋單每位400幾。價錢就唔平，都食得開心

今日在這裡晚飯，食到少有的正菜-上湯蒜子莧菜。平時到食肆食飯，一定會點一碟蔬菜，但好多時酒樓餐廳對於蔬菜的製作規格不一，最常食到蔬菜很老，可能是菜價越來越貴，廚師捨不得丟棄較老的部分，減少損耗，降低成本。今晚的莧菜又鮮又嫩，配上炸香的蒜子，用上湯煨得軟軟的，入口就化的感覺，現在正是食莧菜的季節，所以特別清香可口，所謂不時不食，應節的蔬果好食又有營養，高明的廚師都會運用時令食材，既好食又價錢合理，順應自然才是正道。😘

又有朋友要移民，揀食中菜，怕去到少機會食！今次去咗城市花園利苑酒家，地方都幾闊落，有獨立房，天氣凍，冬天食返煲羊腩煲、片皮鴨😊😋👍同其他小菜⋯⋯（臘味煲仔飯熱辣辣又好足料，起晒飯焦不過冇影到😂）飯後甜品梗係食每年新年都要提早訂購嘅棗皇糕😋😋正👍👍Dinner ~Peking duck😋Lamb belly claypot 😊Steamed red date cake😊👍#棗皇糕 #羊腩煲 #北京填鴨 #片皮鴨 #pekingduck #利苑酒家

晚飯多在附近解決，每星期都來一次，主要是這裡有半煲老火湯，兩個人每人有兩碗靚湯，剛剛好。今晚點了東坡肉加薑汁芥蘭，東坡肉強差人意，像煲湯肉加濃味嵌汁。薑汁芥蘭不錯，菜苗嫩薑味足。

飲茶之中最有保證既茶樓❤️ 每個星期都會同屋企人黎呢間飲茶😜 雖然價錢對比其他酒樓黎講貴啲 選擇都可能少啲 但係呢間既食物質素一直都冇令我失望過🥰🦸‍♂️ 豉汁蒸鳳爪蒸得啱啱好 唔會太老 肉質有味 🦸‍♂️椒鹽魷魚鬚炸得非常之脆好有口感🥰 大人細佬都鍾意🦸‍♂️蠔皇叉燒包叉燒夠厚 包得夠飽🦸‍♂️北菇蒸燒賣點心中必叫 蝦肉夠大 北菇夠甜🦸‍♂️ 蘿蔔絲酥餅我最鍾意食 超級酥脆 口感超爽 甜度好味🦸‍♂️古法馬拉糕超綿綿既感覺 夠厚夠正氣🦸‍♂️蜂巢芋盒都係好酥脆 口感超棒的 芋頭饀又夠多❤️

去過幾間利苑... 食過好多次... 尤其喜歡呢間... 大概可能係做街坊客比較多... 感覺員工態度特別友善親切!👍👍👍利苑不論係午市茶點或者係晚市小菜... 都具相當水準!午市茶點... 我最愛蘿蔔絲酥餅、酥炸魷魚... 呢d香口嘢真係冇得輸! 仲有棗皇糕又係必點之一... Q靱有緻... 棗味香濃... 真係食過翻尋味!😋😋😋晚市小菜... 花膠扣鵝掌真係食到lam lam脷㗎... 腍得嚟唔會散... 恰到好處! 仲有... 蟹皇翅同火烔翅都用料上乘... 美味非常㗎!😍😍😍

在這裡吃飯很舒服放心，餐具都用滾水洗過才擺上臺，服務生都記得我們喜歡的位置，記得我們喜歡普洱茶，不得不說這裡的普洱茶很好喝，不像有些酒樓的普洱茶一股發霉味，所以每次吃完飯，都再沖一次茶，享受一下靚茶。