到此一遊 (總店) (已結業)

今日無無聊聊入去長洲搵朋友~~之前食個幾間~~今次就試呢間~~又唔錯wow~~good!!!今次叫左一個栗米蘑菇火腿忌廉螺絲粉+蒜容多士+蜜桃紅茶螺絲粉雖然係忌廉湯~~不過夠味又唔溜不錯不錯~~不過就小D栗米同蘑菇LAW之後蒜容多士就普通~~其實除左蜜桃茶仲有好多野飲簡~~比起平時淨係得咖啡奶茶~~呢到就多D野簡~~加$3仲可以加大都幾好~~下次仲想去試下其他野~~D長洲人話個冬陰公同叻沙仲有D吐司都好好味一定要試~仲有其他螺絲粉都想試下~星期一至五有茶餐~~好似都好吸引~~唔錯~~一定要再去, 最仲要價錢唔貴~~$35一個餐又夠大碗~~又好味~~比十個LIKE!!!

因要經常往長洲工作的關係, 所以一早便mark實一些可以幫襯的餐廳。這間"到此一遊"便是入長洲的開飯之選。最推介的是「牛肉螺絲粉」類, 共有多款湯底揀, 但食過認為最好味的是「羅宋湯牛肉螺絲粉」! 夠晒熱, 牛肉正, 個(羅宋)湯又可以飲晒, 冇乜油感覺健康, 食完超滿足。香港九龍區是不能食到如此用心製作的食物!它的飲品也是另一項值得推介的! 跟餐就一定有一杯台式飲品, 如要凍飲, e.g. 士多啤梨綠茶, 廚房係會用攪拌機混埋士多啤梨肉和茶一起混出來的! 又唔駛額外加錢, 味過好多街邊的台式飲品店。總括而言, 它的飲品, 牛肉, 拉面等都好好味, 即叫即整! 而且又近碼頭, 一落船轉左行一陣就係, 但要留意佢有時平日會休息。

星期三, 長洲好多食店無開, 同老公入左"到此一遊"食tea, 結果不太滿意店面都算企理, 員工服務態度都ok我叫左醬燒牛柳拉面, $32, 餐荼叫左熱檸檬綠荼, 老公叫左咖喱吉列豬排意粉, $38, 叫左凍薄荷朱古力, 點知, 個拉面令我好失望, 都唔係牛柳lei ge, 係好碎同無咩咪ge牛肉, 又好硬, 價不對名ge, 最離譜係d拉面唔係拉面, 係油面! 檸檬綠茶有苦味我老公話個凍薄荷朱古力無朱古力味, d意粉好"諗", 咖喱無咩味, 豬排一般老實講, 個餐值30至40蚊, 都唔好俾d油面冒充拉面la, 牛柳又變左碎牛肉, 真係唔值呢個價!

來到長洲,因為太餓關係,醫咗肚先, 先去呢間食個tea一行七人叫咗少少嘢食~朋友住長洲,佢推介食粟米雞蓉螺絲粉&芒果綠茶我同男友就叫咗一個綠茶吐司, & 雞蓉意粉加藍梅珍珠粟米雞蓉意粉,又真係幾好味, 雖然係普通嘢,但要好味都有點困難架, 綠茶吐司,好味呀,好特別但食不出太濃烈既綠茶香味呀 芒果綠茶, 我偷入咗朋友個杯一啖, 好好味呀, 好似用新鮮芒果做出來咁,好good, 下次入嚟要叫呢杯先得呀~ 藍梅珍珠, 己經不是太多地方有了, 見到我至愛當然要飲,味道好, 但珍珠太硬,差了一點整体係good

岩岩落船，本打算去樂滿堂食飯，點知去到話係弟兄日，所以唔開，唯有搵過間食飯。一入到呢間鋪頭，個環境都唔錯，可以靜靜地咁食住黎傾計。但係，打開個menu，發現都幾少選擇，冇乜岩自己。最后，男朋友就點左個日式照燒豉油汁牛扒意粉，餐飲係芒果綠茶；我點左咖哩雞扒飯，餐飲係蘋果紅茶。大約等左五分鐘，就已經上枱，員工手腳好快！杯芒果綠茶好重綠茶味，冇乜芒果味，有啲失望。而杯蘋果紅茶反而出奇地好飲，果味比較重，味道甜甜但帶點苦澀味，味甘而香，唯一失色既係兩杯飲品都好多泡。日式照燒豉油汁牛扒意粉：個汁做得好好，好夠味，又唔會太咸。牛扒就好一般，冇乜特別，呢個意粉只可以話係一般，真係冇乜特別。咖哩雞扒飯：咖哩汁冇咖哩味，我淨係食到好重辣味，唔食得辣真係唔好食呢個汁。而啲飯煮既時候，可能放得多水，飯既口感好核突，好似食緊淋曬既野咁，但飯既份量多到食唔曬，好浪費。整體黎講，都係一般，比大排檔遜色。如果下次再去長洲，我唔會揀呢間鋪，佢唔係我既開飯心水。

7/9/2008 約12:35pm 4人一起工作,分2批放lunch,黎到要等位天氣曬+熱,出面等都幾難頂有位坐下就叫野食,我要了雞扒凍檬粉跟凍桃味紅茶(加大)共$32友人要了海鮮拉麵跟凍XX珍珠咖啡(加大)共$40飲品很快上桌,口渴即時飲,幾強烈的桃味,友人的也濃味凍檬也很快上,料也算多雖是有點油,個汁唔太得相對出面越南野最最最敗筆係凍檬唔太夠凍,叫這個就是要天氣熱才要嘛友人的拉麵只屬ok,只比味千好味,也是味曾他不太愛這裡侍應不會提你甚麼要加錢,所以友人的飲品要加$8是埋單時才知道

八月廿五日(星期一)來一趟離島之旅同友人兜左幾round睇下有乜好食我唔想最後要搵m記泥醫肚-,-個太陽曬到喊,拿拿淋入到此一遊涼返陣友人order咖哩雞扒薯仔拉麵,佢話都唔錯,但薯仔有點酸?!我就揀左吉列豬扒拉麵,個拉麵好好味,唔會話腍身,而且份量多;味噌湯底濃度適中;但炸豬扒反之麻麻,雖然新鮮炸起,但同我想像的有差距 仲有杯果汁茶作配飲,我叫既青蘋果綠茶唔錯,不苦澀不過多口加左珍珠,味道有啲唔岩key

星期六和老公去了長洲剛好兩點左右,便找間食店吃午餐看見便入內坐坐,涼涼冷氣先吧!老公點了個白汁牛扒飯$29, 我不太肚餓,便點了碗兩餸湯河 $26老公說普普通通, 牛扒有點'UN'我的湯河真是清水滾兩滾便算,沒有味道可言!這樣的質素,跟那些街邊十五蚊兩兩餸湯河還要差!飲品方面就不錯啦~就是沒什麼特別好飲~反正天氣熱透,喝杯冰涼就舒服不過了!下次應該不會再去了!

終於有得寫食評啦~食左咁耐, 終於有機會呢間既食評啦~我鐘意食呢度既牛尾湯螺絲粉~夠濃味~有椰菜同牛肉~夠平均飲食~仲配有蒜蓉多士~我男朋友媽咪最鐘意食呢度既蒜蓉多士~我男朋友情有獨鐘食肥牛酸辣米線, 因為佢同d牛有仇, 唔食唔得~~ 而我就會偷食佢碗里面既酸羅白~好味~爽口清甜~~而我又淨係會飲蜂蜜縁茶~~因為貪佢健康滋潤~~另外, 又好鐘意飲胚芽珍珠~耐冇飲, 個心就好痕~好鬼想飲, 就特登買杯飲下先安落最後, 多謝老闆成日請我食野~食到我越來越肥啦~~好彩我有人要左啫~肥d都冇所謂啦~永遠都會黎食野哦~~~

23/6 去了長洲一遊~之前已曾光顧過"到此一遊"感覺是OK的..店子不大但舒服今次吃了一個燒豬柳便當+百香果綠茶燒豬柳份量挺多...飯不多但足夠前菜(螺肉)也好好味!整體水準是OK不會太驚喜也不會失望百香果綠茶第一次喝它不是我杯茶...還是最愛蜂蜜綠我第一次寫篇食評啊~笑臉少不了

4點幾食返個下午茶叫左特色藍莓多士加芒果綠茶, 杯茶ok, 多士炸得唔夠熱, 無乜藍莓味, 一set $20 , ok啦男友叫左個酸辣燒排骨米線，等左好耐, 但值得的！d排骨煮得好！我試左幾舊, 真係好食。但米線的湯底就麻麻。一set$26