創發潮州飯店

营业中

休息中

Chong Fat is my favorite place for Chiu Chow cuisine, and it's worth the trip to Kowloon City for the experience. Many thanks to my Hong Konger friends for making the introduction! I gave it four stars for decor. Why? Because it takes us back to the golden years of Hong Kong eateries before the overpriced, fancy western eateries arrived. If you're looking for ambience; expensive lighting fixtures and artwork on the walls, go elsewhere! If you are looking for great food in a clean but spartan env

由細食到大既食潮州酒家最齊全既冷檔滷水鵝片拼鵝腸冇得輸鵝肝又香又滑潮式煎魚係要o黎呢度先食到蕃茄煮九肚魚超夾超好味反沙芋冇得輸炆鵝掌好味到呢旬炆鴨一定要試喜愛食潮州菜必要試試

今日經好友介紹，一大班人往創發食潮州野，果然這裏潮州美食與別不同。跟一般潮州飯店只有鵝片，蚝餅，墨魚紅腸確實特色好多。鵝干煮法十分香味，入口即溶。紹菜海鮮什煲十分清甜鲜味，完全没有味精。最值得推介是韮菜粿十分獨特，非常脆口。而這裏糖醋麵更煎得香脆，比潮XX之.潮州店好食好多。

今晩聽從老爺的主意，又來光顧他心儀的潮州菜館。以下是我們多次光顧的食後感：沙茶牛肉的沙茶醬有一般沙茶味的同時，也有一點點苦，不過這對我來說不是壞事。菜和牛肉上桌時，還是很熱，可見有鑊氣。平時吃椒鹽九肚魚，那個骨會很明顯，令我還是會拿走，但這裡的卻不一樣，真的幼小，甚至炸到一個效果是，吃了下去也完全不覺。外脆內軟，很乾身，比平常吃到的，出色得多。蠔烙的蠔仔和粉漿的比例好好，粉漿剛好裹著蠔仔，一點也不油膩。蠔仔粥不錯，和蠔烙一樣，蠔的數量已令人滿意，吃下去時會有蠔味，也不會像其他食店那樣鹹。紹菜雜煲是用上豬肉丸、肉條、鮮魚等潮式食品煮紹菜，材料鮮，配上紹菜的甜，喝下去很舒服！韮菜粿有很濃的韮菜味，吃起來相當香，皮又厚又Q, 這些粿，相對算少見，值得一試。芋泥足料，除了有大量白果，還用上平日少見的南瓜，增添了獨特甜味，令本來磨得很綿密的芋泥有多一層口感！

以前久不久來呢到食飯，今次相隔很久才來。裝修過，有卡位。侍應都是大嬸。一坐低放低3碟菜，算吧，照食。問menu 都在牆上，大姐。。成間鋪既牆點睇晒。仲要牆上菜單都唔平。心想叫平時食開的菜色吧。1.大眼魚，2。方魚炒芥蘭，3。鵝片拚墨魚。大眼魚先上。。跟住炒芥蘭，芥蘭炒功比我還差，好難得見到食肆炒到碟菜黃，我朋友已經不滿，碟老水鵝片追極都唔上，來到已經唔想食，鵝片鞋洽洽無味，墨魚唔係片唔係食開橙色個隻，奇奇怪怪。差唔多食完，好幾位姐姐來問要唔要糖水，我朋友已經一肚氣。。。仲叫糖水?我同朋友開始估幾錢。。。心想都係唔再係經濟抵食個隻，諗住400元。點知埋單，555元仲要無加一。原來大眼魚240，墨魚拚180，前菜3碟50。剩返就係碟菜。

第一次來創發吃飯, 侍應熱情招呼.我: "可以給我餐牌嗎"侍應: "餐牌就在牆上"我微笑, 心想"十分有趣."和老婆商量了一會, 選了蠔仔粥, 椒鹽九肚, 韭菜粿, 反沙芋.桌上有三碟小菜, 侍應問:"要不要?" 我搖頭.蠔仔粥: 粥熱蠔仔鮮甜, 我吃了一碗又一碗.椒鹽九肚: 香脆的九肚魚, 但分量較小, 夾幾件就吃光.韭菜粿: 粿煎得香口, 十分美味.反沙芋: 這甜品等得比較久, 卻是即叫即造. 芋頭熱呼呼, 外層由糖包著.功夫茶一盤六杯, 來了兩轉.結賬時, 我有點緊張, 預計要300大元.賬單來時我大吃一驚. 只需約180元. 一開始沒有要桌上的小菜非常重要.雖然茶來了幾次, 但居然沒有加一.2個韭菜粿 20元, 4件反沙芋也只是24元.十分滿足的一餐.

難得請客、當然不能失禮，先來一隻凍蟹(中 $800)、一隻龍蝦(中 $800)。 其實都覺得有點貴，因為一向食海鮮都是在三勝找偉哥買料、然後自家烹調。 不過創發的凍蟹確是高一級，羔白肉甜，龍蝦亦實肉，六個人不消一刻便把頭盤消滅了。 之後來的只有普通餸菜；但簡簡單單的菜式更顯老店廚師的功力。荀蝦粿皮彈餡靚，之前來幾次都未有嘗過半口，今次一試已成日後必點菜之一！ 煎牙帶，材料的新鮮加上師傅的功力，滿分。炆齋菜亦是驚喜之作，材料入味而且有咬口，並沒有那種爛溶的口感。反沙芋當然是好吃；可惜是糖水、薑薯的份量不多。是晚服務滿分，功夫茶亦上了四轉，當然明白是因為一蟹一蝦的功勞。其實創發食物質素是高，可惜是服務問題令人卻步。雖然下次未必可以再扮豪客，不過天生面皮厚的我，仍會為美食而再來的。你呢？

我細個已經同屋企人去食 咁多年黎都幾好唔錯但今年父親節我同屋企人去食 真係差左好多 好失望 以後都唔去了😡我地叫左個鵝片 埋單要成差唔多120蚊 但成碟得7-8片 差唔多10幾蚊1片 又差左 無咩滷水味 平時應該有滷水豆腐鋪底 今次又無 要同佢講先有 都唔知係咪想呃埋d豆腐我地仲叫左*水瓜落* 以前食好好食 好脆 唔會好油 但今次食 勁多粉 又唔夠脆 真係差左仲叫左潮式炸豆腐 又係差左 唔夠脆係得個潮式炒面叫好d 係台灣蚵仔麵線d麵 都還可以本身想叫綠豆爽食 但食完d送之後都唔敢叫了 怕左佢香港食潮州野已經得翻好少 估唔到食左咁多年嘅呢間都差左 都唔知邊到有得食啦😢

上個月有個星期日老公話帶我去食真．潮州打冷，於是就「的」左我去九龍城創發。遇啱嗰日係跑馬日，我哋有成兩點鐘先到，潮州鋪冇乜人，侍應阿姐服務態度都超好！真係揀啱時間去啦！一坐低梗係叫個功夫茶清清腸胃啦，跟住就有老公拍板食乜嘢，都聽咗阿姐有啲介紹。重點推介定係鶯歌凍魚！！我一向最更食魚食到鱗，但要條凍魚係連皮連磷食嘅，一開始都有啲驚。呢條魚係自然風乾嘅，呢啲與嘅鮮味十分濃縮，食落口啲魚磷爽口架，配合埋條魚嘅鮮味，真係食到停唔到口呀！講真呢間潮州打冷確實係有啲貴，但貴得來食物質素都算高，其他餸菜都好好味呀！

今日出開九龍城，之前都聽過下創發個名，想話出開尼就試下啦，點知就食左好搵笨既一餐。去之前都有上開飯睇下有咩評價，都見到話佢服務一般，所以都有心理準備。點知一入到去，服務好好喎，又俾你揀位，又搬櫈俾你擺野，心諗可能只係之前既食家朋友唔好彩遇到唔好伙計，其實佢服務都唔錯啊，點知佢服務係唔錯，但做生意手法就好有問題。其實未坐低前已經見到有三碟前菜係枱面，諗住人人都有架啦，茶芥前菜依D點都要俾人賺下架啦，所以都冇咩理會到。不過食落又覺得唔係好岩口味，所以三碟都冇咩點食。正如好多朋友所講，佢係冇MENU 既，得掛牆有D大牌寫住有咩食同價錢。老實講，D牌掛到成間店都係，個個牌寫既菜又唔同，邊有人會落足眼力去睇啊，都係叫D平時係其他地方食開既菜架啦，點知就出事啦。我地兩個人，叫左一罐可樂，一碗蠔仔粥(細)，一碗胡椒豬肚(細)，韮菜豬紅(例)，同埋一碟鵝片拼魷魚。味道就不過不失啦，唔算差但又冇咩驚喜。點知埋單果時就真係嚇到個心離一離，果三碟前菜加埋收我100蚊，碟鵝片拼魷魚成$180  我知係要俾人賺下，但果幾碟前菜又細，果5條炸魚仔又唔係好食，咁都成舊水?!  鵝片貴就梗架啦，但成碟野鵝片加埋得

之前聽聞此餐廳為出名，就決定一試。同行共4位大人1位小朋友，埋單$525，但完全不飽!!!!首先安坐後，有一位待應過來招呼，問她有否餐牌，她說「我地無餐牌，你想食咩呀?」試問，香港仍然有此不文明消費的地方嗎?!我們表示需時考慮，她於10分鐘內過來問我們5次，令我們覺得好煩。之後叫野食，叫左「水瓜烙」、「蠔餅」、「胡椒豬肚湯」、「鹵水豬水」、「紹菜」、「豬腳凍」；出面有個檔口擺放不同的小食，我親戚出去睇，問檔口姐姐這是什麼，姐姐話「問咁多做咩呀?你唔識睇架咩，樣樣都問」當堂嚇親；算啦，咁點左兩樣，同一女待應過黎講，枱面的小食「炸魚(冰的)」$30/6條、「西芹」$20/15片及「銀魚仔」$30/50小條的收費，更表示「講清楚比你地聽，廢時你地嘈」咩服務????一上菜，碟頭非常少，蠔餅中蠔肉不多、豬手$50只有3舊......仲不停叫我地加菜，我地話唔使即黑面!!!!走的時候，女待應仲特登走黎講左一句「嘩，你地都好肚餓喎，食得咁乾淨又唔加菜既」咩事呀?!唔通呢間餐廳想你地食唔晒d野拎去倒?????同區的另兩間潮州菜都唔係咁.....試問文明消費的你，你忍到你就去啦!!!!

一行九人到這吃晚飯。食的是普通菜(沒點海鮮)。叫了8道菜，食物一般。炸九肚魚:外脆內滑,多款菜中最好($120)。滷水鵝片拼鵝腸難吃，貴而且份量少($300)。煎蠔烙:一般般, 多粉少蠔 ($100)川椒雞球K ($135)炒魚面:魚面不夠彈牙 ($135)炸蝦蟹棗: 吃不出蝦味蟹味, 和一般面檔炸物相差無幾,20粒左右要$270!豬腳凍:還可以 ($100)點菜時，服務員說我們人多，建議某菜式要叫雙倍份量。我們同意(但沒說所有菜式都叫雙倍份量！)  結賬時看到單打個突，總數$1,510,細問下原來所有菜式都計雙倍甚至三倍份量！單前菜(一早放在枱面，6小碟有魚乾，花生，菜甫等) 竟索價$130, 其他餐廳應該不會收費或不會這樣天價吧。我第一次在香港吃飯感到像回了大陸一樣! 做生意實在太不老實。飯後看食評才知有其他食評家也有此遭遇。 blacklisted! 這樣的價錢，同區有其他更好的選擇。

聽聞呢間潮州菜館係九龍城區好出名, 之前一直話想去吃, 但最後都係1次都無去到, 之後仲不了了之添; 直到最近, 有朋友又再講起呢間店, 佢唔講我都差不多已經唔記得左lu, 直頭無左件事咁; 於是我地就打鐵趁熱, 即興係當晚放工後就去.... (but 無book位囉)我地去到都差不多7點半左右, 入到去眼見店內都唔係full, 仲有好幾張枱淨, 點知有個似係老闆的男人問我地幾多位, 跟住就帶我地去左張角落頭的圓枱, 我想講個位真是好迫夾囉, 同隔離果張枱癡到實一實, 頂住晒, 而且個冷氣凍到死, 又大風到死, 其實洗唔洗咁呀? 又唔full 但就要我地迫到咁凍到咁吃野, 真是未吃就扣晒分囉!!!!  朋友話呢d老店係咁ga woo, 叫我由佢, 如果唔係, 我實會叫佢換枱囉!!! 好, 講番食物先........其實未坐低已經見有3碟小食放係枱面, 有芥菜, 炸魚仔, 菜脯, 最好吃係炸魚仔, 雖然魚身凍左又淋左, 但無阻佢的香口, 魚肉的嫩滑口感, 好吃到不能停, 有d似小南國的炸黃花魚咁, 其次係芥菜都好吃, 最唔鍾意係個菜脯, 又鹹又黏一坐低, 阿姐就遞上功夫茶比我地飲, 茶

創發是馳名的老店，想起潮州菜，我就會想起九龍城的創發或上環的尚興。最喜歡一入門口的自選角落，放滿各式魚、花生炆豬尾、湯、鹵水鵝等。門口亦有新鮮海鮮。廚房出品相當穩定，出菜又快。一坐下，夥計會馬上送上工夫茶，大部分員工都是做了多年，面帶笑容、工作勤快。今次點了潮州翅，真的很久沒有吃，忽然想吃，味道不錯，也頗抵食。花滑䱽有魚味，但不夠滑。菜是老闆推介的，時令菜，烹調和調味都好。簡單好味。咸雞不錯，但豆醬雞才是我的最愛。小墨魚爽口，下面還有豆腐。吃得飽，又滿足。他們還有很多菜式，蠔烙、九肚魚、湯、時令菜也很好吃。老闆常駐場，水準保持得非常好，推介可靠。

A small group of good friends arrived in San Francisco this very day, and after I took them to Mongkok for breakfast, it was time for lunch a few hours earlier. During their very short 4 day visit, I knew I had to squeeze in a Chiu Chow meal. There were quite a few recommendations by well known bloggers and food writers, and as much as I would have liked to shoot straight to the top, it was not possible for me to get a reservation at the club restaurant for the high end stuff. But I didn't want