影片
营业时间
今日营业
11:00 - 20:00
星期一至五
11:00 - 20:00
星期六至日
12:00 - 20:00
公众假期
11:00 - 20:00
公众假期前夕
11:00 - 20:00
以上资料只供参考，请与餐厅确认详情
餐厅：刘兴记生煎包专门店 地点：上环文咸东街 菜式：上海菜 餐牌：生煎包类、新品推介、皇牌套餐、菜饭类、汤面类、拌面类、蟹粉类、小食类、凉拌类、小笼包类、饮品。落单扫QR code。招牌炸鸡扒拌面 $45 招牌炸鸡扒一开6件，炸得鸡皮薄脆而鸡肉够嫩，啖啖肉，都好香口。面头加上少少炸菜。面一大底系上海面，有咬口，我叫左少酱，已经好够味，甜甜哋好味道。鸡汤小云吞 $36鸡汤小云吞热辣辣上枱，个汤超热，好厚身。小云吞一客12粒，皮薄滑溜，馅料就细细粒，伴有小棠菜两条同蛋丝。麻酱青瓜鸡丝粉皮 $45 麻酱青瓜鸡丝粉皮好大碗。粉皮份量最多，质素正常。加有幼条青瓜丝同鸡丝，面头加上白芝麻粒。可以叫麻酱另上。糖醋炸排骨 $30糖醋炸排骨一开9件入口size，炸得外脆内嫩，糖醋味够，味道酸酸甜甜好醒胃，面头洒上白芝麻粒。有一两旧骨仲有软骨食。有豆浆送，豆浆够浓厚滑溜，豆味刚好又唔太甜。除咗生煎包，呢度其他食物质素都唔错，价钱实惠冇加一。座位有15个左右，一眼睇哂，平日午市迟过12:30到要等位。
继续阅读
生煎包爱好者一定要试吓上环呢间刘兴记 我食过好多次都仲系咁钟意 每次行过闻到煎包香味就忍唔住要入去 佢哋嘅招牌生煎包真系无得顶 一咬落去热辣辣嘅肉汁即刻涌出嚟 包底煎得金黄香脆 面头洒满芝麻 食落特别香口 仲有蟹黄生煎包都好好味 蟹粉同猪肉嘅配搭刚刚好 加少少醋一齐食更加开胃 小云吞汤面都值得一试 汤底清甜唔油腻 云吞皮薄馅多 食落好舒服 最正系佢哋提供免费任饮豆浆 豆味香浓又唔会太甜 夏天饮真系透心凉 上环分店位置好方便 地铁站行两分钟就到 无论系午餐定系放工想医肚都系个好选择
继续阅读
晚餐想食生煎包，就谂起呢间餐厅。⭐️濑尿虾生煎包外皮底部煎得金黄酥脆，咬落去个阵，热辣辣，濑尿虾嘅肉流出来，好鲜味，推荐。⭐️蟹黄生煎包另一款推荐嘅生煎包，都系外皮底部煎得金黄酥脆，好多汁。馅入面有唔少蟹黄，都好正。两款生煎包唔需要额外点汁，已经好够味。⭐️麻酱青瓜鸡丝粉皮最近热热地，想食下清凉嘅食物，就选择了食粉皮。粉皮唔会话好厚几滑嫩，青瓜切成丝几脆爽，搭配香浓嘅麻酱，好正。连隔离个游客都八卦下系咩食物，叫嚟食下。豆浆系送嘅。
继续阅读
同闺蜜血拼完杀入刘兴记医肚，点知俾佢啲生煎包啲汁射到成枱都系！仲要人均$75食到捧住个肚走，抵到喊呀！🥟 生煎包：脆底喷汁丧心病狂！一啖咬落去——咔嚓！ 个包底脆到似薯片，跟住啲滚烫肉汁 "吱"一声 爆浆而出！猪肉馅腌到咸香带甜，仲有啲芝麻香攻鼻，记住侧侧地咬唔系烫亲条俐啊～即叫即煎热辣辣，食完即刻想Encore！🍜 麻酱青瓜鸡丝粉皮：冷盘界清泉！夏天食真系爽到震！麻酱多到捞晒成座山嘅粉皮，花生香撞蒜香，鸡丝嫩过滑蛋，青瓜丝「索索声」脆到耳仔都听到！冻冰冰捞埋热辣辣生煎包，冰火二重奏正到痺！🥣 鸡汤小馄饨：阿妈靓汤复刻版！碗汤金黄到闪闪吓，饮一啖——哇！鸡味浓到黐线！ 细细粒云吞皮薄过面膜，猪肉馅仲要弹牙过乒乓波～ 🫖 原味上海小笼包：薄皮喷汁暗器！皮薄到透光㗎！用筷子轻轻夹起，入面啲汤fing fing吓好似水球～ 记得"先开窗后饮汤"（咬开顶啜汁），猪肉鲜甜冇雪味🥤 豆浆：古早味解腻神器！冻豆浆甜度啱啱好仲要好滑 冇嗱喳渣仲有阵阵炭烧香，饮完即刻解晒生煎包嘅油腻感，爽过饮汽水！仲要餐包任饮 正
继续阅读
每次经过这间餐厅都总是有人排队，今天我跟同事就来试试。这里有套餐可以选择，套餐都是一个主食跟一个生煎包和豆浆。我们选了鸡汤小云吞套餐、招牌炸猪排拌面套餐、麻酱青瓜鸡丝粉。生煎包是这次用餐的一大亮点。外皮金黄酥脆，底部经过精心煎制，形成一层脆皮，让每一口都能感受到香脆的口感。包子内部的馅料丰富多汁，当你轻轻咬下时，满满的汁液瞬间喷发，给味蕾带来惊喜。馅料的调味恰到好处，搭配香葱的香气，整体风味非常出色。鸡汤小云吞的汤头清淡鲜美，每一口都能感受到云吞的鲜嫩，搭配丰富的馅料，口感滑顺。招牌炸猪排拌面招牌炸猪排酥脆可口，搭配香喷喷的拌面，十分入味。面条弹牙，与猪排的香气相得益彰。麻酱青瓜鸡丝粉这道菜清爽可口，麻酱的香气与青瓜的清脆相互融合，鸡丝的加入让整道菜更加丰富，是一道不油腻的选择。惠顾任何套餐或满60元就可以任饮豆浆。餐厅内部设计简约而舒适，适合与朋友聚餐。服务生热情友善，点餐过程流畅。整体而言，这次的用餐体验非常满意。各道菜色美味，特别推荐生煎包和招牌炸猪排拌面，非常值得一试！如果你喜爱中式料理，这里绝对不容错过。
继续阅读