劉興記生煎包專門店

营业中

休息中

劉興記生煎包有好幾間分店，而荃灣分店就位於人氣十足的糯米糍旁，荃灣街市對面，成為不少人午餐的首選。中午時間人流好多，需要與其他客人拼桌。餐廳目前推出了豆漿任飲的優惠，只要消費任何套餐或滿60元，即可享用豆漿無限飲。豆漿口感非常濃郁，豆味十足。不過，私心希望能推出無糖版本🤣原味小籠包招牌之一，一籠四件的小籠包，皮薄得能清晰看到內餡的湯汁。一口咬下去，湯汁在口中爆發，若再點上一點醋和薑絲，能有效中和肉的油膩感。招牌生煎包外皮煎至金黃酥脆，內裡則是滿滿的湯汁。每一粒生煎包都是新鮮出爐，吃的時候需要小心熱度，因為包內的湯汁可能會燙到嘴。蟹皇生煎包加入了蟹粉的生煎包，讓湯汁充滿了蟹粉的鮮香。每咬一口都能品嚐到蟹粉的精華，與招牌生煎包相比，這道菜更加吸引我。葱油雞扒拌麵起初以為是蔥油雞扒配拌麵，實際上卻是生炸雞扒搭配蔥油拌麵。炸得金黃的雞扒外酥內嫩，雞肉微微調味，既不過鹹又能保留肉質的鮮美。搭配上蔥香十足的拌麵，讓整道菜的味道層次更加豐富。酥炸小雲吞每一粒小雲吞的大小剛好是一口的份量，外皮酥脆，內餡豐滿。配搭酸甜醬，酸酸甜甜，令人一口接一口。小總結❤️❤️❤️❤️❤️📌豆漿任飲📌爆汁生煎包📌酥炸小雲吞口感酥

荃灣街市街有兩間舖頭出晒名經常大排長龍，其中一間就係呢間劉興記生煎包專門店，舖頭11:00開門，我哋10:45去到已經有人排緊隊，雖然人多但職員非常有效率，而且有禮貌👍🏻👍🏻⭐️招牌生煎包$20（2隻）生煎包係即叫即煎，包底煎到非常香脆咬開超多汁💦，而且非常容易爆汁，所以要小心啲食🤭🦀蟹黃生煎包$18（1隻）蟹黃生煎包同樣包底好脆蟹黃味好濃郁，我比較鍾意食蟹黃生煎包🥰🥰🍲雞絲酸辣湯麵$34酸辣湯麵湯底有大量筍絲，非常夠酸👍🏻，而且好香濃，而且湯底有濃濃胡椒味非常開胃😋排骨蔥油拌麵$42炸排骨非常香脆，而且已經去骨所以非常方便進食蔥油拌麵的醬油味香濃有微微甜味非常開胃，美食之前已經聞到好香🤤手工豆沙窩餅🫓$28豆沙窩餅同樣係即叫即煎，外皮蛋味香濃，入面豆沙唔會太甜非常好味👍🏻👍🏻低糖豆漿$10豆漿似係自家製，因為飲得出豆漿比街外的濃稠很多，好香豆味，而且不會好甜⭐️⭐️惠顧滿$60以上豆漿就可以任飲，好抵😝😝

一直都好鍾意食生煎包，見到好多人介紹呢間生煎包專門店，而且開到周圍都係分店，但係一直都冇機會試，根本終於有機會嚟試吓啦。一坐低已經擺低咗一杯豆漿，仲以為比錯咗，原來呢度嘅豆漿係任飲㗎，唔怪得咁多人讚呢間舖頭啦，老細果然好識做生意。佢嘅豆漿唔會太甜，豆味好濃郁，真係好值得欣賞啊。我覺得最值得讚賞嘅就係呢個酸辣湯麵，因為佢嘅酸辣湯唔會太辣，但係味道好夠，越食越開胃。而且佢嘅麵煮得啱啱好，配埋酸辣湯真係好好食。另外佢嘅菜飯都好出色，我朋友叫咗個雞扒菜飯，估唔到生煎包專門店嘅雞扒都咁出色，我朋友話下次都一定會再嚟食呀。呢間餐廳價錢超平，而且質素好好，唔怪得開到周圍都係分店啦。

朋友好鍾意食生煎包，去到荃灣又點可以錯過去岀名爆汁生煎包嘅劉興記。今日12點幾去到應該未到放飯時間，所以無乜人。坐低職員會先俾2杯豆漿，而呢杯豆漿係無限添飲，職員會主動添加好正！朋友話杯豆漿唔太甜，好啱口味。招牌生煎包（$35/4隻）去劉興記又點可以唔叫佢哋岀名爆汁嘅生煎包呢。一如以往包夠熱，咬一啖啲汁就湧岀黎，我習慣會飲曬啲汁然後先食包。就算飲左啲汁，包嘅肉都唔會乾，連埋脆脆嘅包低一齊食啱啱好！蟹粉小籠包（$80/4隻）小籠包一黎到已經知道皮夠薄，因為就咁望已經睇到滿滿嘅湯汁喺小籠包裏面。當我好驚一夾起會漏汁嘅時候，點知點埋醋放落碗都無事，以幾十蚊黎講的確高質。而蟹粉亦好足，咬開已見到滿滿嘅蟹黃，絶對滿足到愛蟹嘅我。素麻醬青瓜粉皮（$24）朋友大愛麻醬，所以佢一定會叫。今次亦如以往多麻醬，有青瓜絲中和唔覺膩，粉皮亦夠爽滑，份量亦夠曬大，岀面$24應該只有一小碟，呢到有一大碗！排骨葱油拌麵（$42）呢個拌麵有驚喜，因為我好怕炸嘢好油，但呢個似豬扒嘅排骨一啲都唔油，而且好脆厚薄剛好易咬。撈麵亦好夠味。價錢平，CP高，下次會再試其他嘢。

荃灣人氣生煎包店，經過大排長龍，可堂食亦有外賣。晚上到訪爆滿，但大家食完就走，翻枱速度好快。皇牌套餐有五款，自行選擇主食，另跟生煎包同任飲豆漿。生煎包熱辣辣，外層厚，咬落爆汁，肉味出，絕對值得一試。鮮湯小雲吞自家製，餡料同生煎包一樣，皮薄餡靚而且份量都唔少，性價比高。麻醬手撕雞絲粉皮，手撕雞滑溜唔乾，粉皮掛汁，唔夠嘅可以再加麻醬，搭配青瓜絲可減低油膩感。炸醬拌麵份量多，炸醬惹味，麵條軟硬度適中，適合分享。唔夠飽嘅建議點埋鹹肉菜飯，好鐘意呢度嘅菜飯，淡淡油香氣，菜味鮮甜，搭配鹹肉更滋味。會回訪。

隔左一段時間同同事再過左嚟食飯~ 好彩午餐時間唔洗等太耐，好快俾職員帶左入座！呢到堂食會有無限豆漿添飲，不過注意會有少少豆腐渣咁！都證明係新鮮榨🤣🤣🤣今次叫左2個套餐加啲小食！雞絲粉皮同湯迷你小雲吞！小食叫左小籠包同埋蟹粉生煎包！本身跟餐都有生煎包的~~ 生煎包放左10分鐘食都一咬爆汁又超熱！果然即叫即煎！蟹粉生煎包都好足料好好食！主食份量都有點多，同朋友都差唔多食淨三分一咁😹😹整體唔錯，埋單二人168 可以再訪

堂食、外賣都食過，今次最失望。差唔多20:00去到叫外賣要豬扒菜飯，店員話冇曬，叫我轉麵或者白飯。我想食菜飯先去，咁問可唔可以退呀，因為比完錢佢先講。一講退錢就有😀返到屋企塊豬扒睇落靚仔，但唔食得嫁！六件得兩件係肉呀，其餘係根呀！

劉興記生煎包專門店 @lauhingkee 人氣爆燈逆市開6分店 位於荃灣 旺角 大圍 元朗 上環爆汁生煎包連周潤發都捧場 難怪大排長龍最近更推出🥛套餐/消費滿$60豆漿添飲⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🦀蟹皇生煎包（2隻）適逢蟹季必試 超受歡迎！外皮煎至金黃酥脆內餡除了鮮嫩的豬肉 還有蟹肉及蟹黃 好足料每啖都是鮮香四溢 加上白芝麻香氣 滋味無窮·🐖招牌生煎包（4隻）全部由師傅純手工精心製作 正宗上海生煎包外層同樣金黃酥脆 咬開肉餡如噴泉般湧出來味道鮮甜 霸氣表明唔爆汁/唔夠熱免費更換·♨️原味上海小籠包（4隻）店員端出熱辣辣的蒸籠 小籠包皮薄卻不易穿薄皮包裹著鮮美的肉餡 內含濃郁的豬肉湯汁搭配一點醋和姜絲 更能提升味道的層次感·🥓排骨蔥油拌麵麵條筋道十足 且上色均勻入味 蔥油香氣撲鼻搭配酥脆的排骨 肉質軟嫩不乾 再蘸排骨汁·🍜招牌擔擔麵以其獨特的湯底而聞名 加入蝦米 花生碎等大量青葱減低油膩感 辣度適中 麵條滑順

轉眼又到冬至, 在荃灣街市街買海味, 附近有間劉興記, 可以食吓上海嘢。大閘蟹係時令食品, 呢度都有蟹粉美點。蟹皇拌麵 好大碗嘅蟹皇, 份量十足, 味道鮮甜濃郁, 肥美滑溜。麵條爽滑彈牙, 加上爽脆嘅青瓜絲, 正好中和蟹皇油膩感。蟹粉小籠包外皮煙韌有彈力, 內餡充滿蟹肉的鮮甜與豬肉的香味,口感鮮美, 肉汁豐富。招牌生煎包生煎包肉饀香滑多汁, 包底煎得香脆, 鮮香美味。蟹黃生煎包包子的底部煎得香脆, 新鮮蟹肉和蟹黃的餡料蟹味濃郁, 加上豐富嘅湯汁, 令人回味。 鮮雞湯小雲吞小雲吞皮薄饀鮮, 湯底充滿雞肉鮮香, 口感清新。百步香蔥油餅餅皮好鬆化, 入口充滿香蔥清香, 酥香可口。手工豆沙窩餅餅身軟糯, 豆沙饀料甜滑而不油膩。

今日排完街市街一檔人氣爆紅嘅糯米滋之後，排到有啲肚餓，想搵啲嘢食下，咁啱隔離就係呢間上海菜館，見入面都有幾枱客，就入去試試！蔥油雞扒菜飯雞肉肉質好嫩滑，幾juicy，菜飯都幾多菜粒！生煎包估唔到入面都幾多汁，好在係細細啖咁食，原來唔係分分鐘爆到成枱都係汁😂不過係幾好食，睇得出應該係新鮮煎起~蟹皇生煎包同原味生煎包一樣咁多飲好飲，蟹膏味幾濃郁，仲有少少一絲絲嘅蟹肉，係幾驚喜！豆漿無糖豆漿，好健康😋職員仲會幫手任添原味上海小籠包皮薄餡靚，肉質彈牙，肉汁鮮甜，睇得出包得好有心機，好值得一食！

出荃灣買糯米糍，又食隔離呢間劉興記。👉🏻生煎包/蟹黃生煎包叫左兩個普通生煎包，加兩個蟹黃～煎得好靚，食落真係爆汁到一個點，要好小心食。普通生煎包肉汁已經好鮮甜，蟹黃個款更加鮮味，好想encore。👉🏻小籠包好驚喜～我本身更中意食小籠包，呢個皮好薄，肉汁又多，攤凍小小可以一啖一個咁食，點小小醋食真係好正。👉🏻麻醬雞絲粉皮/冷麵唔使叫多醬都好夠醬，雞絲青瓜絲都多，滿意👍🏻👉🏻炸排骨估唔到炸物都幾好，無骨，但係肉質幾靚幾厚切，即叫即炸，$25真係好抵食。

今日出咗荃灣見工，見完拿拿林食個快飯再去下場🙈 咁岩附近有呢間生煎包好出名嘅餐廳，時間尚早唔使排隊👏🏻一坐低就有杯豆漿送😂❤️招牌生煎包（四隻）呢個真心必食，熱辣辣超級爆汁！😍包體鬆軟，底層煎到勁脆，肉餡juicy，口感超正！🤤❤️招牌擔擔麵湯底微辣偏稠身，帶超香既花生醬味😵麵條彈牙掛湯😋（不過可能濃稠得滯食到最後有少少膩😹）兩樣都好出色，下次會帶老公過黎開心share😁#荃灣美食 #劉興記 #生煎包 #擔擔麵 #糖醋排骨 #生炸雞扒 #上海排骨 #上海菜飯 #荃灣上海菜 #生煎包推介 #上海菜推介

荃灣沙咀道好多小店，價錢又平又好食，平時經過呢間生煎包，成日都排長龍，今日有機會入去試吓，食完就明點解成日咁多人蟹黃生煎包餐廳有個牌寫住，「生煎包如果唔留汁，會退錢」，可以做到咁，品質一定有保證，一咬開生煎包，啲蟹王汁流晒出嚟，好好味！而且外皮煎得好脆，果然係鎮店之寶，我見到每一台嘅人都都有叫呢一個生煎包，非常推介上海排骨菜飯個排骨都煎得好鬆脆，好香酥味，好好味，如果菜飯都唔會太油，飯既質感好好👍🏼👍🏼

必食爆汁生煎包❤️生煎包唔夠熱仲可以換2款生煎包都有叫🤩招牌生煎包&蟹黃生煎包 果然係必食😏，熱辣辣，爆汁勁juicy，包底仲煎得香脆，口感好豐富，真係超級好食🤤招牌上海排骨菜飯 生炸雞扒 另外估唔到佢嘅炸物都咁厲害，外皮炸得勁酥脆，排骨同雞扒肉身都勁多汁，有啲驚喜招牌擔擔麵，湯頭都幾濃郁，肉碎都好好食，麵質夠軟，好入味荃灣分店仲有得豆漿任飲，無限添加職員會好主動咁間中行幾轉，幫手加豆漿👍🏻👍🏻

劉興記專做上海小食，環境簡單但人情味十足，價錢親民。麻醬手撕雞絲粉皮粉皮夠薄夠滑，每一條都吸滿咗濃濃嘅芝麻醬香，入口又香又順滑。手撕雞絲嫩滑又帶少少鹹味，配埋爽口嘅青瓜絲，整體口感清新又唔膩！排骨蔥油拌麵必試之選！蔥油醬拌勻之後鹹香味十足！排骨份量多，肉質鮮嫩又唔會乾，仲帶有少少焦香，有驚喜。蟹黃生煎包絕對係係一大亮點，蟹黃嘅鮮味同肉汁混合喺一齊，一咬落去有滿滿嘅肉汁湧出嚟，真係一試難忘！原味上海小籠包小籠包皮夠薄，包住滿滿嘅豬肉餡同鮮甜嘅湯汁，一咬就感受到湯汁爆出嚟嘅快感。原味生煎包底部煎到金黃香脆，肉餡鮮嫩而且調味適中。涷豆漿豆味濃郁又唔會太甜，冰凍嘅口感非常解渴。