功夫點心

营业中

休息中

今晚同屋企人飲夜茶，揀咗呢間功夫點心，喺香港有11間分店，今晚食嘅係屯門建生分店，等咗大約10分鐘就有位，是日叫咗7樣嘢... 逐一講支竹豉蒜蒸排骨好味，唔會太鹹，肉都好淋陳皮牛肉球味道ok, 但食慣其他有馬蹄，呢個就好似無鮮蝦腐皮卷新鮮滾熱辣脆口好味豉汁煎釀茄子必食推薦個汁好正順德脆皮魚餅 又係新鮮炸起上枱，好惹味豉汁排骨飯飯就唔算大碗後呢要encall多一碗，排骨夠農場蛋牛肉飯 老豆食得好快試唔切味鮑汁鳳爪略嫌個汁唔夠味希望下次可以再整好啲啦埋單$231，3個大人1個B, 抵食

全日點心，可以不管怎麼時間都可以想飲茶就飲的食店食物質素不錯我們叫了雞粥～太油了蝦餃，燒賣，雞扎......都不錯作為一個唔會早起身！唔想排隊等位的食貨來說！是一個不錯的選擇！😘

好耐無去嘆茶，今日放工就去屋企附近嘆一嘆先。6點幾去到，唔算多人，時間尚早。睇下叫咩食先😋一入到店，職員問我地飲咩茶。我最鐘意普洱。我每次去都會叫燉湯，原汁原味，好夠火喉，好足料，正！今次叫了淮杞海底椰燉豬𦟌（$25）另外叫了，兩隻蝦餃（$9/隻，兩隻起）、酥皮焗叉燒包（$20）、豉汁煎釀茄子（$22）酥皮叉燒包好正！好特別，菠蘿包既皮。蝦餃d蝦都算新鮮，最少叫兩隻，咁樣好好呀！有時候兩個人去食，食唔曬一籠，兩件剛好夠。

这里店铺雖然不大，主要賣中式點心，但點心种类也不少，而且賣相十分好，味道也不錯。虾饺雖然比其他的點心贵些，但味道可口，令人回味，所以是值得一試的。春卷也十分松脆，油而不腻。

今晚放工好想食點心, 但話晒晚市, 要食點心又真係的確有D難度, 唯有去功夫點心止下點心癮先, 見咁耐無黎, 環境依然無變, 叫佐兩粒燒賣, 唉~好多好多肥豬肉呀, 一入口好似咬緊舊肥膏咁, 好失望呀, 好地地一粒燒賣, 點解要咁樣糟蹋佢,叫佐個臘味糯米飯, 得個3片臘腸加D蔥花花生咁, 臘肉碎同潤腸都無, 份量又小, 早知叫蒸飯啦, 好在仲有山竹牛肉爭下氣, 好味, 鮮蝦腐皮卷都唔差, 但油佐D囉, 如果索緊D油先拎出黎可能會好好多, 話晒呢D都係香口野嘛 要脆口D先好味, 希望下次再嚟嘅時候會有所改進啦

我曾多次和朋友光顧功夫點心的其他店, 但今次以後我想也不會再來了。進店後, 沒有店員理會過我和朋友們, 只讓我們自己找位置, 已經自得很奇怪, 我和一堆朋友只是路過嗎?點餐後, 我一直認為我寫的清楚, 員工入單便不會錯, 所以沒有查一次點餐紙。今次初次嘗試春蛋燒賣, 不知賣相如何, 可是夾開後才發現是蝦燒賣, 點餐亦打錯了, 我們向店員查詢, 他只不停責怪我們已經夾開了食物, 不可再換。我認同自尾己有責任查一次點餐紙, 但店員的態度令人髮指, 我和友人沒有反駁任何一句下, 在一眾客人前責罵我和朋友夾了一口不可換。而且, 確保點餐正確不是店員的責任? 那位女店員並沒有任何代公司道歉的意思, 只有不停責罵我們數分鐘。功夫點心是為中式點心龍頭集團, 沒有為員工提供足夠培訓嗎? 為何服務質素可以這樣參差?

一開始鐘意功夫點心系因為個章魚肉餅飯，肉餅夠冧夠香，但後尾無左。而且好似d蒸飯越來越濕但又唔系爛。鳳爪我覺得系最好食既點心。蝦餃燒賣好大粒但比較普通。牛肉腸粉就一般般，算中上。最後，坐得比較逼。

其實之前一直都知道這點心專門店，但因位置問題，所以遲遲都試，早幾日剛巧經過那邊，就試一試吧～店內坐位不算多，有少許迫，晚市都是餃街坊生意，我們一行四人，叫了十一樣點心：燒賣皇 - 很大粒又多蝦，另外很喜歡可以兩粒兩粒地落單牛肉球 - 沒蘇味，不錯流沙包 - 超大個，成個拳頭咁大，不會太甜，也可以兩個兩個地落單酥皮香麻蘿蔔餅 - 濃了少許，而且不夠熱煎糯米雞 - 好味炸兩腸 - 油炸鬼不會過淋，不錯鮮蝦荷葉飯 - 超大隻又夠香金錢肚 - 切得不夠細件，但味道ok菜苗餃 - 比酒樓的大兩倍，不錯酥皮叉燒包 - 好味煎蛋牛肉飯 - 外面的酒樓基本上已經很少見，大大盅，好味每人茶位$5，不用加一超抵食，份量又大，絕對會再食

本來光顧多年，本人喜歡食點心，但最近建生分店換了經理？在收銀位置短髮近50的女人，以前是男的服務好，前天本人帶1歲多小朋友，唔知點解突然改了要收茶位，我都体量因爲小朋友佔一個位 。必叫食物係蝦餃，燒賣。Hkd 9 一粒，每款兩粒起，都叫大粒奶皇包大大個，又係好似9 Hkd 1 個，兩個起，但普通，可以不叫。食物其次，如果唔介意服務可以一試，否則有機會食到一肚氣，可能街坊生意，服務係咁。見到有員工對客人似呼呼喝喝，係有壓力？確實不明。

每逄中秋節，又是月餅出場的時候嘞！現時，月餅的口味千變萬化及種類各式其色！常見的傳統蓮蓉雙黃月餅、伍仁月餅，早前已推出的冰皮月餅，近年受歡迎的奶黃月餅…，其種類可謂多不勝數！然而，我自己則買了一盒新口味的奶黃月餅及精緻的朱古力月餅！似乎今年收到的月餅口味頗為特別！反而，媽咪一直想收到的傳統蓮蓉雙黃月餅卻未有！靚女友人送上<功夫點心>芝麻奶黃月餅，她實在很客氣！功夫芝麻奶黃月餅紅卜卜的紙製月餅盒相當喜慶！一盒四個獨立包裝月餅，Size 又未算做迷你版！月餅表面烘焗至色擇金黃，整個月餅有粒蛋黃！卻是油份不多，因此咬下去有點硬實！黑芝麻蓉濃郁，卻不是預期的濃郁香甜！勝在皮薄餡豐！最意想不到，反轉盒底見到原產地泰國製造！反轉盒底見到原產地泰國製造！有見及此！媽咪還打算買糯米粉及善用這款月餅的黑芝麻蓉做湯丸！

建生功夫店一坐落， 叫左個牛肉飯$25 ， d牛肉薄到張紙咁 ， 從未食過成張紙咁 配的雞蛋 仲厚好多賠 .收人廿幾蚊 ，侍應有招呼 但黑口黑面 ，吾休做款咁 .另外冷氣滴水 成張枱都是水點，酥皮义燒包， 硬到石咁 .仲拿得出去賣 .仲有黑 蒼蠅 走來走去 食品吾得遲早拜拜.

We have encountered this medium size cockroach and we immediately complained to the manager and the reply we have got is "it's summer, that's normal"The first impressive to me is this restaurant is very dodgy. staffs are rude and not willing to serve.Foods are poor but just cheap. Like those rice rolls skin are very thick, Don't go unless you can't afford something better.

一行五人叫了近二十籠的點心..全也是熱辣辣的..味道也不錯..網上訂座也有9折的優惠價..可以值得再去😍😍 其他時段入席也有優惠價..如果晚上想飲茶 這也是個不錯的選擇 ..價錢也不貴☺️☺️

第一次跟著蜜糖豆係屯門搵食，兩口子帶著定春走到功夫點心。嘩，好迫呢，好采有兩張二人迷你檯坐啫。不幸地食食下居然滿座要讓返張檯出黎，您叫我咁多點心點樣放？最好我倒晒落肚即刻埋單走人啦，最憎！叫左 6 個點心 1 湯 1 飯都只係 $180，經濟晚飯。花旗蔘紅棗燉土雞湯，雞湯味濃郁，飲不到花旗蔘、飲不到紅棗味，雞件已浸到鞋烚烚，淨飲湯汁吧。酥皮焗叉燒包，迷你版而且賣相麻麻，吸引力薄弱，雪影叉燒包靚仔好多呢。酥皮焗叉燒包，叉燒餡奀滋滋，薄薄一層搽果醬咩，得嗰兩滴真係使我黑晒面，多點餡就更好味道啦！外層菠蘿包甜甜帶椰子味，蠔汁叉燒略肥，大量汁只一丁點肉碎，整體可以的，唔難食。咸水角，唔係即炸的話必定爆油，一按下大量油射出黎，勁可怕！超油咸水角硬食一件，第二件放棄。翡翠叉燒腸，何來翡翠呢？無蔥無菜無芫茜架喎，真係好難捉摸喎！叉腸粒香甜味美，份量合理，粉皮雖厚，好采夠滑不漿口，淋上甜而不濁不澀不咸豉油，正路水平。突然掛住機場翠園迫爆叉腸，叉燒塞嘴仔得滿滿，勁歡喜。薑蔥牛柏葉，輕煙飄飄送上，熱氣迫人新鮮出爐！牛柏葉掛著厚厚芡汁，好燙啊！慢慢瀡入口中，爽爽彈彈，不老不韌剛剛好，無味的牛柏葉搭上濃濃薑蔥

點心味道尚可， 屋村酒樓水平啦！有蝦餃 燒賣 呢d基本野，段粒計的， 唔好叫錯冇蒸包類的點心， 如奶皇飽， 叉燒包等。 真係好想食飽的話， 叫酥皮叉燒包啦間中有新款式，第一次食ok. 第2 次就麻麻地啦服務態度唔好期望太高， 2次去食都要追單。 追單同cut單會俾說話你聽， 同埋會同你理論一番， 不妨試試！"最記得他同我講， 咁下次唔熟都拎出黎囉！ "貪近，食過2 次之後， 唔會再去第3 次lu....星期六日想食點心， 都係去返酒樓好d !