功夫點心 (已搬遷) 新店位置

功夫蝦餃皇，每只係七蚊，啲蝦餃嘅蝦肉幾彈口😲，咬落去都幾香😁😁，幾好食酥皮香麻蘿蔔餅，賣都幾大件👍，真係抵食夾大件， 都幾香嘅蘿蔔味，吾熱氣😋😋，下次可以試試其他👍

婆仔突然想食點心... 肥丁本來想食小菜... 都就婆仔去食點心喎 XD點心唔錯~ 上點心既速度都好快~ 茶具裝修都設計唔錯喎~ 一入去仲有吉位唔洗等位~ 正~ 不過座近門口（背住座）但因為成日都開門關門... 走晒冷氣... 最後飲埋個湯真係成個人都出晒汗...點心紙個點心紙設計成本秘笈咁既... 有趣~無花果木瓜燉白肺湯都甜... 豬肺就淋過頭... 木瓜煲得夠溶無乜木瓜味岩晒婆仔喎~ 一盅有 3 小塊豬肺 1 小舊豬肉 1 個無花果同埋 1 塊煲到就溶既木瓜~功夫蝦餃皇逐粒計~ 大大粒蝦肉滿滿喎~ 黑胡椒沙嗲金錢肚超辣~~~ 胡椒超勁~~~ 食左一條就辣到覺得其他點心都係咁辣囉... 所以食左兩條就改飲茶同湯沖淡辣味先~北菇棉花雞雞肉夠滑仲好大舊 （但蒸得夠熟唔洗驚）禪城柱候驚鳳爪唔睇單唔知原來個點心名勁到咁...夠晒淋... 但食左金錢肚辣到覺到鳳爪都係辣既... 但有問肥丁... 佢話鳳爪係唔辣既...原味蜜汁叉燒包細細個但個餡都好有料~ 鮮蝦腐皮卷夠晒脆又夠晒熱... 點埋跟上醋食唔錯~翡翠叉燒腸好滑~

中午時, 深水埗間間食肆都好多人, 仲好多遊客, 我放棄了原本想去食既野, 行行下見到功夫點心, 一於試下佢, 功夫點心比一般點心鋪貴少少, 但又平過去酒樓見到個鳳凰煎糯米雞, 味道不錯, 可能外皮煎得不夠脆, $22 黎講, 有點失望,馬拉糕, 外型幾完整, 份量係成個竹籠咁先叫抵食, 可惜味道不夠鮮蝦腐皮卷, 覺得呢個最好味, 腐皮炸得脆綿花雞, 雞肉嫩, 亦有魚肚, 並非用豬皮代替, 無令我失望

追溯上回來功夫點心，已是差不多兩年前的事。那次跟家人來吃，點心美味，價錢相宜，家人讚不絕口。今次獨個兒來吃，未能點太多款式，只點了兩款我最喜愛的點心。茶芥每位四元，有四款茶可選，普洱、白牡丹、鐵觀音和香片。我點選了少接觸的白牡丹，茶味偏甘苦。蝦餃($9粒)這兒的蝦餃可逐粒單點，方便食客可按食量自行調節食物份量。蝦餃的皮有輕微糊，但不影響整體的食感。餡料夠足料，原隻蝦做餡，蝦肉夠脆，味道不錯。叉燒腸粉腸粉皮蒸得略為過火，有點糊。叉燒中混份少量西芹粒，個人不太喜愛西芹味，感覺一般。吃到最後一條腸份，發現餡中有一小塊似是燒鵝皮的物體，感覺不甚良好。

响深水埗工作差不多四年，第一次黎呢間點心專門店幫襯。一望入去成間舖都滿哂，心想食物水準應該一定吾差。等左十五分鐘有位，入到去未坐低已經問飲咩茶; 我都吾客氣即刻比埋張劃定既點心紙佢。叫左蘿蔔糕，灌湯餃，金錢肚，蝦腸，小籠包以及鵪鶉蛋燒賣。碟蘿蔔糕真係令我眼前一亮，用芽菜以及青、黃椒加XO醬一齊炒; 的確好食，燒賣肥肉吾多，金錢肚既黑胡椒味夠濃，不過就林左D。蝦腸D腸粉好滑; 蝦又冇雪味，灌湯餃以及小籠包都吾錯，呢個價錢有咁既質素; 值得。

難得星期日，就陪下屋企人到附近食下野甘我地就到功夫點心食點心果然別有一番風味我地就點左：香菇鮮肉腸、酥皮香麻蘿蔔餅、農場蛋牛肉飯、北菇雞粒飯；甜品：我地點左紅豆沙湯丸皮蒸至白雪雪，食落好爽滑，香菇同鮮肉味道好夾，香菇好彈牙，鮮肉肉稔鮮甜；夾落去又唔怕易鬆散，再沾少少豉油，好滋味！第一次食蘿餅，「熱喇喇」、香噴噴，食落鮮甜嘅蘿蔔已經鎖住我嘅味蕾，唔怕靭，不過我嘅建議就唔好凍左先食，因為會冇甘好食，同埋會流失左本身嘅味道！呢兩個飯都係即叫即蒸即送過嚟我張枱。味道豐富，北菇雞粒飯，北菇同雞嘅汁流到落D飯度，食落會食到嗰種味，北菇彈牙唔會好難咀嚼跟靭；雞粒肉稔嫩滑，再帶有蔬菜伴上，兩種味道唔會夾，食落別有風味。另外，農場蛋牛肉飯，牛肉，肉稔嫩滑，唔會太靭，雞蛋日日新鮮製，所以食落唔會話太老，更何況兩款係配合，你冇可能錯過！甜品：紅豆沙湯丸，絲綿香濃嘅紅豆沙，襯托兩粒香雪雪又彈牙嘅湯丸，感覺好惑味，唔會話太靭太淋，味道岩岩好，更何況湯太嘅餡料係香綿嘅芝麻，可以一試！

寫完野冇幾分鐘就來咗糖水一上野試下就發現紅豆沙湯圓糖水唔係現煮葛 都唔熱！！！碗反而係熱葛 似叮熱！！！後邊來葛牛肉飯牛肉未熟 叫人來問第一句就係幫我叮熱！！！！ 仲即可收咗我另碗飯驚我影相！！代表另地事唔係第一次發生啦！！！叫佢取消唔要飯最後仲要收錢！！！唔好再去第二次

中午時間，有些肚餓！係深水埗行下行下，見一間舖裝修不錯！於是入去試下佢哋 d 野食。我叫了一個鹹魚茸肉餅飯，鹹鹹哋，加上肉餅一齊，加上甜甜地既鼓油，攪埋一齊食，至啱！我又叫咗葱花炸両，外面那層粉皮薄薄的，包著脆卜卜既炸両，咬落去一流，加上甜甜地的鼓油！靚呀！想不到，係深水埗區可以有這美食！舖頭雖然不大，但係坐位令我坐得舒舒服服！最啱低係小休一會！繼續再行街！

還有不足一個星期便正式踏入猴年了，筆者在此先預祝大家猴年快樂，身體健康，生活愉快！其實每年親友來我家拜年，筆者都會準備定一兩底蘿蔔糕、年糕，用來宴客，今年當然也不例外。老公非常識做，見我早兩星期放病假，不便外出購物，所以在百忙之中仍然抽空為我外帶兩盒「功夫點心」的賀年糕點回家，認真醒目。雖然近幾年市面上的賀年糕點，款式愈出愈多，創新味道層出不窮，不過講到最大眾化的口味，還是離不開傳統的臘味蘿蔔糕和椰汁年糕。和去年一樣，今年「功夫點心」的兩款糕點包裝盒，仍然沿用中國人於喜慶節日最喜愛、象徵富貴和鴻運當頭的金色和紅色，十分切合新春主題，就算買來送贈親友，亦絕不失禮。先說這款以傳統手法炮製、寓意招財進寶的臘味蘿蔔糕 (現貨價 $98)，切開後見蘿蔔分量極多，而且煎香後入口不會太軟腍，蘿蔔分佈亦非常均勻，挾起每一塊都配有粗條蘿蔔。至於配料方面，雖然只是混入了簡單的蝦米和鮮肉臘腸，但配搭恰到好處，啖啖吃得出蘿蔔本身的清甜，口感豐富，味道不俗。而另一款寓意年年有餘的椰汁年糕 (現貨價 $88)，入口雖然椰汁味唔算好突出，不過食落甜味輕怡，細嚼下更帶著淡淡的椰香，口感軟糯煙韌又不黏牙，配上雞蛋慢火輕

今年食過嘅月餅都唔算好古靈幣怪，都喺啲奶皇、白蓮蓉、伍仁之類，比較中式及傳統，如要算喺有少少特別，就喺朋友嘅謝禮，功夫點心嘅「蛋黃芝麻月餅」，加入黑芝麻作餡心，期待佢嘅芝麻香味會有幾濃。以深啡硬紙皮作包裝盒，簡單嘅標誌，如真功夫般表沉實，唔太造作。芝麻月餅喺迷你裝份量，一盒有4小個，依家嘅月餅以獨立包裝喺必然嘅事，而每個月餅都印上「功夫」兩個字，清晰表達佢嘅出處。睇外表，跟一般嘅蓮蓉月餅無咩分別，但一切開，正正式式嘅「黑心」月餅，餅皮搓得夠薄，內裡全部都喺芝麻蓮蓉餡，雖然加入咗蓮蓉，估計成份唔太多，所以，唔太甜之餘，芝麻味十分突出；每個月餅只有一隻鹹蛋黃，而且，唔喺好大個，所以，比起其他嘅又雙黃、又三黃，依款月餅相對健康少少，味道亦唔錯，芝麻蓮蓉餡好軟滑。唯一唔理想嘅地方，喺鹹蛋黃有啲乾，缺少一份油香感。功夫點心都幫襯過，但只限飲茶食點心，佢嘅月餅都喺第一次食，整體感覺不俗！

今日父親節,但冇慶祝,因父親早已約左朋友,我又發毛,便同媽媽去試下點心,呢間功夫點心開了一段日子,今日來試下,一看餐牌,第一個字貴,9元一粒蝦餃...當然唔試,但其他平均都過20元,點一些有特色的,藥膳雞腳,雞腳不夠淋,但入味,個湯都好有味,紅棗也唔錯咸水角,熱辣辣,香脆,入面咸香料也多蘿蔔絲餅,不算大個,香脆,但蘿蔔清滿地,幾夾,不油小籠包,多湯,但味道不夠,尚可煎糯米雞,比較少見,脆口,多料,咸蛋好香椰絲芒果卷,幾香椰子味,芒果都夠甜總結,味道唔錯,但價錢貴,同酒店差唔多,好在冇加一,唔係就唔合理

深水埗區比較多人食嘅好似得豬潤麵？今次行開哩區，冇目的行行下簡單D食點心就走左入哩間試下～人大左，開始明白，久唔久嘆一盅兩件，為嘅未必係填飽個肚咁簡單。去飲茶，人多D可以叫多D點心食，人少D，為嘅係嘆茶嘅感覺，即係好似人地外國貴婦歎AFTERNOON TEA 咁樣咋嘛～

第一次食煎糯米雞，黎到好脆幾好食，份量適中唔會太大份。流沙包都有流沙但唔多，蛋黃味可以濃d。一叫要叫一籠3個。燒賣蝦餃可以逐粒叫，另外仲叫咗蝦腸，好足料，好大粒蝦。

嚟呢間食肆食點心, 會想起明星“王俊棠”, 原本由惡人角色的形象, 變了卡拉OK之星, 之後睇佢做惡人角色都不其然地想笑出來. 另一位, 個”惡樣”同佢有得揮既: 成奎安, 一演過笑片之後, 無得翻轉頭, 再做回惡人角色, 見到佢都會不其然地笑了出來, 可惜已經過身.通常幫襯開中港城的分店, 次次滿意, 但這間則略有不同. 先來香片, 正常味道, 正常濃度, 茶壺也正常地”不正常”, 一路倒茶, 一路漏落張檯度…. 真係唔明, 點解十間酒樓, 九間既茶壺都係會咁!? 而無漏既其中一間, 就九成九只係加了個膠套口, 其實…可唔可以係設計上做好些少呢? 中國式設計既嘢就係咁半桶水…. 無得救…豉汁排骨飯, $24, 無鳳爪, 唔太高興. 加了些少豆角, 排骨尚好, 骨與肉分配平均, 肥與瘦各佔八二分, 肉質佳, 飯物軟硬適中, 用細形鐵飯碗, 份量偏少.蝦餃皇, $9/隻, 兩隻起, 大粒品種. 上檯時的模樣, 兩隻漿在一起, 已經小心翼翼地將它們分開, 仍然皮爛餡掉, 不過也無太大所謂, 因為內裡沒有汁. 皮的煙韌度明顯不足, 否則分開時不會易破. 內餡不是全隻的蝦, 但爽脆度不錯, 而

晏晝再得閒都一定要咬野 諗起上次佢話打烊有生意都唔做夠霸氣 所以今日就去試一試 去得食中式點心 都係果d基本功 蝦餃燒賣乜乜乜 嗌左五樣野 蝦春卷唔錯 入面蝦肉都多 而且彈牙 豬肚普通 比較韌 蝦餃燒賣要逐粒計錢 兩者都好食 料重 但九蚊粒絕對唔值 一般酒樓四粒一籠 呢度計埋兩樣野成72蚊 最後蘿蔔餅叫做特別d 外脆內軟包住小小蘿蔔 但油到飛起 可以呢排油價跌啦 總括黎講 周圍都比較少同類型既野 可以一試