加利年餅屋

营业中

休息中

近年來，炭被廣泛應用在日常生活中，例如竹炭枕頭、鞋墊....甚至食物，亦以備長炭為食材！食炭健康嗎？其中備長炭，含礦物質、鐵、鉀、鈉...等人體所需元素。食少許係健康，反而食得多會有反效果，會引起便秘！我經過加利年餅屋，見到有黑色嘅竹炭麥包。一於買來一試！竹炭麥包 $4.5麥包硬繃繃，成個灰黑色，包面灑上糖粉，食落咸咸地！卜卜脆！攪到成枱都係灰黑色包碎！

之前有次係中環既富山食過好好味既竹炭蛋糕.就好想再食呀! 跟著今日出左黎上環, 我認得這間BAKERY,,我上年都有黎食過杏仁條,當時賣$2條! 我和朋友都覺得好好味呀! 而且可以散買又不會要你半磅一磅的買! $2 大大條好味又抵食!! 上面既糖霜厚厚的,整條都是很脆口! 杏仁又多!但係今次黎見唔到杏仁條,我就試左個竹炭蛋卷.. $5 好明顯這個蛋卷是隔夜的 因為凍冰冰,有點雪的感覺. 幸好沒有雪櫃的臭味因為不是新鮮弄的,已經大打折扣! 另外它中間的奶油太少了,味道又不夠. 所以$5的蛋卷不值呀...下次來試試它的麵包吧

上網過，原來呢間餅屋係有三間店舖嘅，除咗呢間之外，西環都有兩間加利年餅屋，不過唔知係咪全部同一個老細，但佢地賣嘅蛋糕款式大致相同。豬柳芝士漢堡包 ($7) --- 呢個包基本上比麥當奴嘅豬柳漢堡好食，啲沙律微酸，塊芝士夠營養，生菜新鮮爽脆夠健康，夾埋個包同塊豬柳一齊食，口感豐富英式芝士火腿包 ($6) --- 包頂嘅芝士烘到脆脆地，味道咸咸香香咁，生菜同樣新鮮爽脆，火腿感覺無豬柳咁漏，都幾好食朱古力蛋糕 ($6) --- 蛋糕味唔濃，但質地軟熟鬆化，如果朱古力味濃郁一點，就更合我口味了經過嚟呢度買點麵包做早餐也不錯。

上個月經過冇買到~今次經過…就比藉口自己去揀啦~蓮蓉水蛋糕-$5, 香蕉蛋糕-$5, 蛋白蛋糕-$4揀比哥哥既蓮蓉水蛋糕好大個…蓮蓉份量唔多, o係晒蛋糕底部..而蛋糕好重牛油味~又有蛋香~…咁大個, 幾抵食~Share左半個香蕉蛋糕黎食~當然好香香蕉味啦~蛋糕較實…應該落得唔少牛油~食完都幾飽…如果食落去香蕉味可以再濃d就更好喇~蛋白蛋糕係我每次黎都會買~…因為質感軟熟…清甜~就算食晒成件都唔會有好heavy既感覺~

我日日都經過呢間餅舖, 不過就唔係成曰會幫襯,因為好多時都好多客,今日經過, 忽然想不如買麵包當晏食,見到一排三個迷你菠蘿油幾得意, 賣六蚊,雖然食味只係一般, 但賣相就幾ok,我成日覺得西式飽點都係要以賣相行先!呢間咁街坊格o既舖居然做到! 就真係有d 出奇!有個亞姐收錢, 聽到人叫佢事頭婆,佢都有同d客打招呼, 不過就唔算好笑容, 仲有d 黑面,不過佢d 出品又真係唔係一殷街坊麵包舖,好似有竹炭麵包, 藍莓鬆餅... 等高檔款式, 但價錢則好大眾化,我估都會再去試試其他款式,希望事頭婆對d客好d笑容啦,當然, d 客都無謂要人俾咁多膠袋, 超市都要收錢啦!

睇完上一個食評, 真係好有同感,。 估唔到一年之後, 佢地既態度依然咁差。今天早上下大雨, 如平時一樣, 我到這間餅店買菠蘿飽。我問呀姐可唔可以比多個袋，我有另外用處。我需要一個不透明的小袋在公司存放私人物品, 在家又找不到。呀姐好惡咁同我講：「一個飽只需一個袋, 你好唔環保呀!」我問：「咁係咪即係唔得呀？」佢就好誨氣咁話：「我唔係話唔比你, 我同你講，一個飽只需一個袋……」 我心想, 我知道, 若不是有特別用途, 我都唔會問你攞啦! 我惠顧了這間餅店咁多次, 從來也沒有攞多一個袋。你可以唔比我, 但係唔駛咁惡lor。我趕時間, 所以冇同佢理論, 比完錢就行咗出去。点知我行到出門口, 仲聴到佢同另一個呀姐繼續話我：「仲話人唔比個袋佢, 一個飽只需一個袋, 呢種人真係少有…….」我越諗越嬲, 為咗一個袋, 竟然閙個客閙到出門口, 係咪有D過份呀?! 於是我返轉頭, 比返個袋佢, 話比佢聴唔駛閙人閙到出門口, 我成日都幫襯佢, 佢咁對D熟客好離譜, 我唔要個袋啦!点知佢反擊：「唔要咪唔要lor!」跟住繼續重複剛才閙我既說話。呢間餅店既出品其實Ok, 尤其係菠蘿飽。 我欣賞個造飽師父, 可惜

琴晚o係上環想買定今朝的早餐,於是就去呢間包舖,之前多數都係媽媽幫我o係呢度買,所以食左咁多次~今次都係第一次自己親自幫襯.冇諗過個呀姐d態度差成咁~一入到去~睇左陣~呀姐就話: 唔岩就第日先買啦~唔好睇喇~跟住我答: 好快!~你地收工喇?咁早既? 以前都好似冇咁早架喎?呀姐: 係呀係呀~收工喇~拖晒地喇~跟住我就夾左我想要既野去俾錢啦~我買左一件綠茶蛋糕, 一個不溶解芝士麵包.叫呀姐俾多個膠袋我,我想分開裝住.呀姐就好惡咁話: 下次早d講啦~然後一手夾住件蛋糕放入另一個膠袋.俾番我既時候仲話: 早d出聲咪唔會攪到件蛋糕變晒形啦~我都冇再出聲~但係我都冇叫呀姐幫我夾件蛋糕過去~更何況係你自己咁大力夾件蛋糕咋ma…買野食仲要俾人話….最攪笑係我過左2個鐘之後再經過間包舖~都未close,只係轉左另外一個男仔看舖…講番綠茶蛋糕,味道同之前冇變,但唔知點解淺色左~冇咁綠色~但質感鬆軟又好食.不溶解芝士麵包-買既原因完全係因為佢個名好攪笑~好想知道點樣不溶解…賣相似法包~食落有d芝士味~入面係白麵包~發現唔到有芝士既存在~到食淨1/3時~先見到有一小舊芝士…感覺好唔抵,$4一個細法包.睇黎都係

今次試埋蛋白蛋糕, 味道清甜,但與綠茶蛋糕比較的話,我就鍾意綠茶蛋糕多d,質感差不多, 但多左份茶香.見到佢仲有其他包個樣都幾吸引,會再試埋其他款.原來雪櫃入面有南瓜糕同西米糕.

上星期五, 媽媽自己買左個新鮮出爐蛋撻食,佢話寫住曲奇皮蛋撻, 好得意喎…$2.5唔太甜,亦夠脆~當然, 新鮮出爐既野唔會難食ga啦~另外買左3件綠茶蛋糕~雖然佢係lunch時間買,直到夜晚先拎俾我~但係當我打開個袋,嘩~好香綠茶味呀….蛋糕都好軟熟~質感似紙包蛋糕咁鬆, $4一件…真的不錯~唔知下次佢又會買咩俾我食呢?

每次經過都會入去睇下有咩新鮮出爐既包包,好難忍手唔買~今次係媽媽經過買俾我食.迷你菠蘿叉燒包, $2@D叉燒唔肥~雖然係mini size, 但係叉燒都唔少,唔似得其他麵包店淨係得叉燒醬冇叉燒,呃人的..第二朝先食, 包冇變乾, 但菠蘿面已淋.呢度d包個樣都好吸引~下次試多d款先.

公司在這地區附近, 所以間中也在這家餅店買包. 當然, 第一次經過是被這家餅店的午市出爐的蛋撻吸引.硬豬包($3)首選這裏的硬豬包. 雖然比一般硬豬包貴, 但是絕對值得一試及超值!!! 午市會出爐一次, 但最正就是, 它的皮很脆而裏面很軟, 所以, 不會太軟, 但又不會硬到咬不開, 或脆到好像餅乾一様. 老婆餅($3-4)是個人在這家店的次選. 出爐很久以後( 晚上), 也還帶在餅香.皮仍然很香, 餡料很多, 有一些芝麻, 椰絲及糖冬瓜條. 糖冬瓜條很正,很大大的條狀, 又很爽口, 超正.蛋撻(~$2.5)這家店的蛋撻一日會約出爐2-3次, 應該是早上, 2點及4-5點左右, 若果午市在附近吃完雲吞noodle ,想吃甜品, 就到這裏買蛋撻.這裏的蛋撻不錯, 撻皮有少少濃, 幾香脆, 蛋”洁得來又幾滑. 這個價錢, 算很好.最好是唔使同人到中環那一間去迫( 其實此間有得比)綠茶蛋糕(~$4.0)很清香. 有綠茶味, 但不太重之餘, 又有蛋糕味. 兩者配合得不錯,合桃鬆餅, 藍莓鬆餅(~$3.5)很平的鬆餅, 但絕不馬虎(但好像一天只有一次出爐, 所以常常都不是熱的…) 但是, 很足料.

源源不絕新鮮出爐，仲要係用料實在又平又靚又正！至鍾意蛋撻2.5，餅皮０既牛油味夠晒香；綠茶蛋糕，綠茶味好濃又soft又香，都係4蚊咋！麵包就少試，不過我見雞尾包一出爐個個都買返三四個架，我諗應該都唔錯０既！

（因日內發神經咁連續食o左幾間唔同餅舖既卷蛋，o係味蕾比較敏銳既情況下記一記低。）以前o係附近出入多既時候，幾乎日日幫襯...係早午晚三餐o個隻：朝早麵包新鮮出爐，下晝麵包都新鮮出爐，傍晚既麵包...係剛剛出爐，但買一送一（五時起！）；再加上佢定價OK 低，所以係超抵食。終於有機會舊地重遊，係朝早九點幫襯。原本以為買o左個奶黃餡既卷蛋，但食落至知係檸檬餡。九點未係西餅出爐既時間，所以食隔夜卷蛋係預o左。不過，個厚厚既蛋糕皮並無因為咁而有乾硬化既跡象：個皮仲係軟熟有口感o個隻，正。最鍾意係個餡，幾creamy 之餘，仲唔太甜，亦唔太酸，但仲有檸檬味，好正。再加上呢個檸檬卷蛋size 比一般街外既大D D，盛惠$3.5 食得你有飽飽o地既感覺，好。

有次開會老闆叫人買左呢度既蛋撻做茶點,可能遇正剛剛出爐,吃時還是熱辣辣的,仲係我最鍾意既牛油餅皮,既鬆脆又厚薄適中,中間的蛋漿又滑又香,甜度亦適中,超正!好似只係$2/$2.5,抵食!

其實都唔知係咪老細，總之間鋪每個人都好nice 啦~ 有時呢d街坊麵包鋪o既西餅，我都覺得唔係好食得過ga... 不過上次食個暖笠笠波蘿包，就食得好開心，呢d傳統包，就真係大麵包鋪冇鋪頭仔咁親切啦，係咪?