加點茶 (已結業)

一直都有留意開同試下唔同嘅手沖飲品舖頭，今次呢間位於西九龍中心嘅加點茶有幾有驚喜，除咗味道唔錯之外仲好大杯，值回票價！呢度小店經營，雖然冇乜太多裝修或者宣傳，但結果發現佢嘅人飲品幾唔錯。選擇比其他大牌子既沖調飲品店多好多，最後諗咗兩諗決定試下舖頭嘅招牌奶蓋芝士系列，試左芝士奶蓋芋頭鮮奶。鮮奶見到佢用既係靚既鮮奶，而唔係沖奶粉。而且佢嘅芝士好厚，鹹鹹哋好滋味，飲之前可以打開蓋試左佢既芝士先！而芋頭佢唔會太甜，但係又好重芋頭味，好有咬口！

好耐無去過西九龍中心發現好多新嘅小店，特別係手沖飲品舖頭，今次要介紹吓加點茶。舖頭門面雖然唔大，但係發現佢嘅手沖飲品有幾有驚喜！餐牌選擇都幾多，仲有一杯啱你口味。個人黎講，十分推介佢哋嘅芝士奶蓋系列。我叫咗一杯芝士賴蓋雲石芒果鮮奶，面頭既奶蓋歡士好厚，一啲都冇偷工減料，而且稠度剛好，唔會太水太稀。而芒果味都好Flash唔會太甜，同鹹鹹地既芝士奶蓋又幾夾！大家有機會嚟西九龍中心不妨都可以買杯試吓，份量都幾多，大大杯好抵飲！

今日同朋友去有好多童年回憶既西九龍商場覓食，入面大部分都無乜點變😂係多左蘋果商場同food court，有好多不同種類既小店😀我喺蘋果商場見到’加點茶’有九折優惠，飲品選擇非常之多，我最後揀左杯雲石草莓鮮奶沙冰，因為天氣真係太熱了！😋😋實物同相一樣吸引，有粉紅色既雲石紋！仲幾好味添！草莓鮮奶既味濃，唔會太甜，又夠凍！😋😋夏天飲沙冰真係無得輸，非常消暑解渴！😋😋可以encore!😋😚

🔸加點茶📍西九龍中心 深水埗站步行5分鐘實在太耐冇黎西九啦🤣讀書時期既回憶今次因為訂左野所以過左黎作為台式飲品愛好者，平時行街買返一兩杯是必須的！佢係係西九5樓，lift口果邊，係一條巷仔入面巷既前面有塊吊牌，所以都唔難搵裝修簡單，一邊落單另一邊就係拎野飲門口有menu，野飲選擇超級多，但係價錢都好親民，最貴都係$3x 今次叫左呢杯 芝士奶蓋雲石草莓鮮奶價錢已經好吸引，拎得果陣嚇左嚇，估唔到原來仲咁大杯🤧沖得好靚真係雲石咁💗好適合打卡奶蓋好厚，奶味較芝士味重，而味道都冇出面海鹽奶蓋咁鹹士多啤梨醬唔會過甜，飲落有粒粒果肉，真材實料同埋飲得出冇額外落糖漿，感覺比較健康飲鮮奶類飲品最罩忌係太多冰溝到d奶變水咁但呢間既冰量唔多，值得一讚～見到佢仲有自家製4.3牛乳奶凍仲有得配唔同配料😚下次再試～

最近可能真係天氣熱🥵🥵🥵成日行街都會好想搵嘢飲～黎到西九龍中心蘋果商場入面原來唔係剩係得格仔鋪！竟然仲有手搖😋😋😋見到個Menu有好多選擇！！有淨茶 有奶蓋 有果茶 珍珠奶茶等等因為最近沉迷緊芝士奶蓋🤣🤣🤣所以見到就忍唔住叫咗個芝士奶蓋芒果雲石鮮奶🤍🤍芝士奶蓋雲石芒果鮮奶叫完先發現芝士奶蓋平時多數都係配茶 但係呢個係配鮮奶～都擔心咗一陣會唔會好膩/飲完會好飽～～但係飲落就發現冇呢個問題！芝士奶蓋少少鹹味～ 好似食緊芝士蛋糕咁😍😍😍奶蓋嘅濃稠啱啱好 唔會過咗一陣就溶晒落個嘢飲到！芒果鮮奶竟然好夾～ 又食到芒果肉🥭🥭🥭杯嘅設計仲好貼心！除咗有飲管位仲有多一個位俾你飲奶蓋！！真係唔係間間有得飲奶蓋嘅地方都有呢個設計🥹🥹🥹如果唔係成日就要揭起個蓋/飲到最尾先飲到奶蓋。。。

因為就快新年 同朋友去深水埗行街買新年裝飾 出去食飯嘅時候經過西九龍中心 見到有間飲品舖好吸引🥺🥺🥺不過佢嘅地理位置就比較偏僻 喺扶手電梯上黎嘅轉角位🙈🙈🙈佢餐牌上面有差唔多七十幾種唔同口味嘅飲品🤩🤩🤩 張餐牌好特別可以一眼見到晒70幾款飲品嘅外觀😁😁😁 包括果茶系列 純茶系列 芝士奶蓋系列 沙冰系列 益力多系列 鮮牛奶系列 有超多唔同嘅選擇👍🏻👍🏻👍🏻佢個環境佈置得好少女風 背景嘅色調主要以粉紅色粉紫色為主 好夢幻嘅氛圍😍😍😍我哋叫咗凍嘅芋泥鮮奶加芝士奶蓋 都幾大杯👍🏻👍🏻👍🏻芋泥食得出係用真正嘅芋頭打成泥 非常香濃 質地綿滑 甜得來唔會太過分又唔會太假😆😆😆 真係好好飲啊🥺🥺🥺

又要喝台式飲料的日子啦冬天不是減肥的日子更何況喝得健康自然就會瘦下去這次去逛西九忍不住的點了一杯整間店價錢都偏便宜實惠而且份量足！所以很值得來回購店入面最便宜的茶類都是$16一杯這個價錢只出現在回憶裡大概七八年前才會有的想不到在2022 年油尖旺區還能找到雖然在五樓不是近電梯位置附近的店舖有些還沒租出但在蘋果商場内也是有一定的人流😅♥️芝士奶蓋雲石草莓鮮奶$31冬天最愛喝草莓的飲料新鮮的草莓🍓酸甜香加鮮奶是最完美的組合店員將草莓抹在杯身內加了鮮奶後營造出雲石效果鮮奶香滑芝士奶蓋非常綿滑濃郁無論飯前飯後都是一杯不錯的「甜品」之所以叫甜品是因為它又可以喝又可以吃總結：因為有好多價廉物美的飲品我決定下次試試珍珠的飲品看看珍珠是否彈牙Q彈😛😛😛📍 加點茶 (深水埗)深水埗欽州街37K號西九龍中心5樓蘋果商場5K385-386號舖

在西九龍有很多小店飲品，其中一間飲過不錯的是加點茶，十分原汁原味，甜度岩我心水，而且仲有甜品選擇，價錢都約12-14就可交易，而飲品價錢不貴又大杯，之前試過茶味都幾重，今次就試了杯芝士奶蓋都沒有失望。 芝士奶蓋雲石草莓鮮奶$31，本身想問可以少甜但原來這裡不加糖，沒想到都幾大杯，杯身的粉紅色雲石好吸引，底部仲見到士多啤梨粒，上面的奶蓋幾滑，原來用忌簾芝士味道怪不得咁香濃口感幾厚身，鮮奶味濃是用明治奶幾足料，飲晒成杯其實都幾飽肚。

今日去咗深水埗 行開到去埋西九龍中心行下啦 真係好耐冇去過啦 行下行下想飲手搖 就睇下附近有啲咩 就見到呢間 加點茶🧋佢係5樓既豐澤隔離 有兩間舖位 右邊落單 左邊拎野飲～ 一去到門口見到Menu有咁多嘢飲都嚇親😂 花多眼亂唔知揀咩好 睇埋佢十大最受歡迎飲品 再諗多陣就揀咗.. 芝士奶蓋芋頭鮮奶加珍珠 $35拎到嘅時候都好開心🙂 因為完全冇睇過呢間野 唔知係有咁大杯🤣 見到有好多芋泥 奶蓋都有好多😍 珍珠喺個底睇落都唔少🙈 好足料呀🤤 習慣飲奶蓋嘅時候 都係打開個蓋試咗佢啲芝士奶蓋先😋 奶蓋厚身 芝士令佢有少少鹹味 唔錯呀😌我揀左走甜 因為本身珍珠都有甜味 然後全部加埋一齊飲好好味呀☺️ 芋粉掛起杯邊 再加埋鮮奶 係有一種美感😆見到佢呢一句 可能沙冰都係一個唔錯嘅選擇 下次再嚟可以試吓😌 見到佢仲有自家製嘅甜品 4.3牛乳奶凍 個樣睇落都幾吸引🤤 下次經過都可以買返屋企試吓～

依家越來越多台式飲品店但好多可能都係加盟店或者好出名反而好少係小店 自己調配飲品 設計款式對比起企業模式 比較鍾意幫襯呢啲小店通常都會有驚喜 口味唔會咁公式化比較迎合香港人 間店喺蘋果商場都幾隱蔽嘅位第一眼感覺係好多選擇 全部嘢飲實物照放晒出嚟好壯觀一目了然 唔會就咁睇個名都唔知杯嘢飲係點太多選擇 真係諗到頭都爆經歷咗一輪掙扎之後最後揀咗芝士奶蓋炭燒烏龍茶 半糖好大杯啊 奶蓋份量都好多 茶底做得好好 唔會太過苦澀入口真係有少少炭燒味可以中和返奶蓋嘅甜度我覺得叫半糖啱啱好奶蓋 入口好濃郁 有少少海鹽味一口奶蓋 一口飲品咁 好正真心做得好過好多大型嘅飲品店以味道質素分量黎講 我覺得價錢好合理仲可以拎上去food Court 叫埋嘢食一齊慢慢嘆😊我仲買咗朱古力 Oreo 原味奶凍返屋企推薦Oreo👍🏻👍🏻👍🏻

加點茶係西九龍食開野，係蘋果商場 5/F 買埋野飲～ 近電梯嘅位置有間小店叫「加點茶」。我叫咗杯「芝士奶蓋茉香綠茶🍵」 聽個配搭都知道好難會難飲～ 而且係好正常發揮 奶蓋嘅厚度幾足夠，只要用「奶蓋口」飲入口就可以將奶蓋和茶底一併飲入口。一個特別啲嘅位係佢芝士唔會過份厚而堵塞左個茶底（係某啲茶飲店我試過）出唔到嚟。不過茉香嘅茶底都幾舒服，只要較返啱係「少糖」就可以 我仲另外叫少冰 very tasty!下次可以買埋佢啲甜品🍮

今日同朋友一齊行下西九龍中心，邊行下想邊飲野，呢間好似幾平就試下，叫加點茶！呢間款式都幾多，我最後揀左芒果沙冰，熱辣辣飲真係爽心頭！最近11月但都仲好熱，我冇特別減甜，佢都吾會好甜，幾好飲，而家芒果味好自然，同幾濃味芒果的，之後沙冰都打得好碎，幾正，最怕有d吾碎就食到成大舊冰，價錢又合理，大部份都係2幾蚊！間舖又有其他小食，可以下次try try先，店員都好nice, very good. 支持本地小店！！

同朋友係西九龍中心行街，西九出名多野行多野食，俾我地見到5樓蘋果商場嘅依間台式飲品鋪，有超級多款嘅飲品可以揀，即刻拉埋朋友一齊黎睇睇。佢地提供咗唔少系列嘅飲品，包括冷泡茶、果茶、多多、沙冰、鮮奶、珍珠、黑糖珍珠等等，睇到眼花撩亂XD，樣樣都想試~ 除咗飲品，仲有少少奶凍同埋肉鬆小卷可以買。今次我揀咗芝士奶蓋雲石芒果鮮奶($31)，賣相真係好似雲石咁，由黃色嘅芒果同白色嘅鮮奶組成，一定要打番幾張卡！芝士奶蓋望到係好厚嘅一層，味道非常濃郁，芒果酸酸甜甜，仲食到粒粒嘅芒果蓉，飲完整個人都好舒暢好滿足~朋友就叫咗黑糖珍珠可可鮮奶黎飲。依家仲做緊好多優惠，例如印花卡同埋第二杯半價，又抵又好飲！

鋪頭售賣果茶、沙冰、芝士奶蓋、珍珠系列等飲品，門外已經有一大個menu，有埋相片睇，選擇花多眼亂。叫左黑糖珍珠可可鮮奶($32)。一拎上手就見到層層layer，底部係大量黑糖珍珠，中間就係可可鮮奶。攪一攪之後，珍珠出現哂，黑糖混入可可鮮奶中，黑糖甜味突出，朱古力奶冇得輸，凍飲一樣好味。珍珠煙韌，而且數量好多，飲極都有，讚。同行友人既飲品杯身都有紋路，好靚。而且店鋪仲有半價優惠，大杯之餘又好抵飲。除左飲品，亦有小甜品奶凍售賣添。而冬天時期，有黑糖系列熱飲，暖入心。整體，大杯飲品，行街飲超爽，而且味道濃郁，就算唔係優惠期間買，都好抵飲。

🍴黑糖珍珠炭燒烏龍奶茶 32 蚊🥛個奶茶幾香烏龍味 同埋因為炭燒所以夠香 黑糖夠煙韌彈牙 黑糖味適中 整體十分唔錯#烏龍茶 #黑糖 #珍珠奶茶 Score 平均分< 7.6/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#加點茶深水埗欽州街37 號西九龍中心5 樓 蘋果商場5k385 至386 號鋪~~~~~~~~~~~~