加記 (真善美大廈) (已結業)

屋企人推介黎食八點幾入座得四台客位任坐我地三個人叫左三個小菜等等小菜包括米酒雞，通菜同九肚魚味道ok，價錢唔平但相對份量足老細岀黎招呼同落單原本食得開開心心但有個呀姐係你隔離急步行黎行去重點係個場完全唔忙又唔係做緊野叫佢落野飲又十問九唔應又大聲唱歌最後見係個老細甘好招呼被左少少tips岀左門口屋企人先講見到個呀姐係我地後面指手劃腳好話我地被得少tips依啲甘既人真係不知所謂貪威識食野又唔見佢做勸老細一句咪請埋啲甘既倒米員工無下次幫襯

路過西營盤，見到這間掛著大紅燈籠的餐廳。還以為是私房菜，原來很貼地。每位計的海鮮餐有十道菜，才每位$300。而且很有水準，值得推介。老闆很友善。但仍有傳統中菜的缺點，比較多油。

是日要去香港大學辦點事，點知原來要攪成日， 完事後筋疲力盡， 於是同事就話不如去食個quick dinner補充體力， 都好喎，咁就去左附近呢間加記喇。加記其實都係街坊小廚，唔係咩高檔野，食物亦都唔係超級好食，但勝在有親切感。店家推介杏汁炖白肺，真係好好飲， 連我向來唔飲老火湯嘅都成碗飲哂😜。我地只有四個人， 所以都唔敢叫太多，點了個香口嘅脆皮炸子雞，皮脆肉嫩，唔算太油膩。舖面啲蝦片都好新鮮香脆。原本點完個湯同雞之後就唔知再點咩好， 正在煩惱中時， 我偷聽到店員之間對話提到有好靚嘅凍烏頭，我一聽就知好野， 因為佢菜單上係冇嘅， 只有熟客先識點， 我即刻推介同事點一條， 原來佢地都未食過凍魚喎，我就拍心口話佢地知保証試過一定質👍。果然大家都一致好評，凍食更突出魚嘅鮮味，如果有普寧豆醬更好， 但畢竟佢唔係正宗潮州酒家，所以唔好要求太高。最後我地再點了一個魚湯浸十二蔬，收尾點都要個清菜菜式嘅，時蔬索左魚湯更好味。呢餐飯雖然簡單， 但食落溫馨，食得多山珍海錯，有時食返餐平民小炒都幾好吖。

今次係我第一次幫襯加記，因為朋友介紹話可以超值價錢食到正嘢，咁當然要試下啦！一行十一人最怕餸菜唔夠分，但黎到加記可以放心，佢地唔止隻碟夠大，餸菜分量好足。味道不錯特別介紹「龍蝦炒飯底」，平時多數食龍蝦伊麵，但經過師傅巧手，配上炒飯，另有一番味道，原來龍蝦同炒飯係可以咁夾。而我最鐘意食香口嘢，所以叫左椒鹽拼盆，包括九肚魚、豆腐同鮮魷。豆腐同九肚魚炸到外脆內軟，熱辣辣香噴噴，真的食到停唔到口。以後一大班朋友聚會又多一個聚腳點

今天晚上又到西營盤和老爺奶奶食飯，住在西營盤的大伯訂了這店吃晚飯。六個人點了六餸一湯，菜到時才發現每樣都很大碟，每樣都不用$200，的確超值！椒鹽九肚魚的確是必食菜式之一！用了去骨的魚肉，肉質鮮甜，炸漿非常非常的薄和酥脆，超高水準之作！椒鹽龍疐我認為都很好，肉質雖不算非常甜，但魚肉很爽，好味！老闆肉餅亦是我喜愛的另一道菜式，非常足料，而且煎得很香口，只是味道有點濃，配白飯的話是一流！杏汁燉豬肺湯亦是足料菜式之一，杏仁味很香濃，湯底很稠身，味道剛好，正！水煮肥牛我認為是最抵食之菜式，一大碟只要$98！牛肉份量多，還有很多薯粉，蔬菜等配料，麻辣味很好很刺激。最可惜只有我和老爺能吃大辣，老公都嚐了一點點，最後把半碟都打包了。魚湯12菜亦不錯，我們數了真是有12種菜在裡面，而且我們用 "面盆" 來形容的確沒錯，很大盆很豐富。我們連魚湯底都喝了不少，我尤其喜歡吸了魚湯味的竹笙。反而加記米酒雞就稍為有點失望，糯米水份太多，加上吸了很多雞油，很軟很爛的感覺，吃一少碗就飽感覺很膩了。雞肉多是雞脾以下的部份，感覺不是一整隻雞或半隻雞，皮比較多，而且雞味一般。總括來說這餐真是超值又美味，老爺奶奶都非常滿意

今天晚上，book左六點半食晚飯，打電話book位時明明講好八點交枱，但食到七點半時，已經有員工好快咁幫我地收野；呢樣野無所謂，最唔開心就係個老闆大大聲咁講話，做幾百蚊生意，坐咁耐，要坐就去邊度邊度坐。新電流流，咁樣講野，d野食就算點好食，食完都係會唔開心，大家自己諗下值唔值得去，我自己就以後都唔會再去！一肚氣！

對上一次到訪加記已是很多年前的事，時間雖久，但印象還算不錯。今日重回舊地，一次過嚐遍多款人氣小菜，可惜水準未如人意！湯品金粟魚肚羹，雖份量十足，但調味稍鹹及不太理想。炸品椒鹽鮮魷，成品金黃外衣賣相不太平均，香脆感一般。鮮魷口感適中，但味道很淡。粟米石班塊炸得略老火，但脆感欠奉，普通喇！薑蔥生蠔選材非常大隻，但蠔香及薑蔥調味皆不突出。沙嗲粉絲帶子煲的沙嗲汁味道平和，帶子淡味帶韌。龍馬精神(老闆煎肉餅)可算是全晚最好吃之作，貪其香口味濃！薑蔥生炒走地雞得個鹹字，雞香全被蓋過。野菌竹笙扒生菜是水準合理之作。芝麻糊質感稠身，少了生磨芝麻香口之精髓。各款小菜水準普遍強差人意，希望只是一時失準吧！

每次去到加記總有家的感覺因為員工既態度幾親切一坐底就會俾碗魚湯魚湯雖然有點咸，但味道還是不錯加記每次午餐餐牌都有唔同所以次次去都好有新鮮感而且出餐都出得好快依家有MTR去加記方便左好多今次我點左個鼓汁烏頭魚飯一上碟真係有半條魚而且去埋大部份骨真係啱哂懶人魚既肉質雖然未去到鮮嫩，但都唔差鼓汁好啱撈飯友人就叫左炒飯，炒飯相對比較清淡但炒得相當有水準 一D都唔油而且超大碟 真係兩個食都夠

同屋企做節又唔想硬食中秋套餐，決定到加記食飯。這裡好食，抵食又大大碟！點了至愛：脆皮雞（又脆皮仲有蝦片㗎）好有真材實料的杏汁豬肺湯-太正了。忘記拍照。炇圓蹄（又稔又入味-讃！）有好多瑤柱嘅瑤柱扒西蘭花肉崧蒸水蛋（撈飯一流）一頓美味晚餐！

今日遊香港大學校園，依山而行，農曆年期間，學生就無，遊人就非常眾多，寫意慢步下山到加記，街上很多店鋪農曆假期，還未重開，令加記更人頭湧湧，還好早些坐低了食晚飯，隨著店員已經婉拒沒有訂坐顧客，我們四人點了四款餸菜，鎮江香醋骨，上檯醋香撲鼻，入味好食，鮑片大元蹄，足料元蹄，慢煮原隻，絕不生硬，入口即溶，鮑片是素鮑片，但味道和真的一樣，脆皮炸子雞，上檯皮脆熱，但肉不乾，合格合格，有些風沙雞風味，爺爺炆鵝，有驚喜，炆鵝反而是全晚所有人都讚好的一道菜，嫩薑，鵝件，水芹，調味都剛剛好，煲上熱騰騰，在其他店未吃過這麼好，我們都是第一次試加記，個個話有下次。

 又是搵抵食lunch的時間, 今日專成搭$2.3電車去西環加記, 他們的特價午餐連例湯不過30大元, 份量充足, 性價比十分高。我選的是螺片雞柳湯麵, 都不過$25。 價錢雖平但用料夠, 絕不馬虎, 因為:1. 麵底是公仔麵, 但份量有兩個公仔麵之多 2. 雞肉不是得幾塊, 是鋪滿整碗麵 3. 菜不是用最平的椰菜, 而是生菜, 而且不是求其得兩塊菜 4. 如果$25只是雞柳湯麵, 我都已經覺得抵, 現在還有螺片, 我覺得我是賺咗囉 5. 最重要是佢個例湯係無味精, 飲得出加了響螺, 好好味 除咗公仔麵之外, 今餐其實食得好健康, 營養均衡, 又唔油, 絕對是賺突晒。多謝加記誠意有良心之作。

今日情人節都要開工,仲要做野添,在中環做完野都唔知約女友去邊度食野好,(這些日子真係都幾惡攪嫁><.....諗諗0下曾經有老友介紹過西環間加記,所以就飛的過去喇,老友真係冇介紹錯,d野食真係幾好!2碗菜乾豬肺湯各$24>>>>夠火路、足料、豬肺洗得好乾淨沙爹粉絲帶子煲$128>>>好大碟...都頗多帶子的老闆煎肉餅$108>>>超正...都係好大碟.佢真係煎出黎嫁,唔似好多舖頭咁炸的,外面煎得好香,肉好彈牙有肉汁..正 !用心之作!溫馨提示:這店舖d野真係相當夠份量的,如果想食多幾款野食就要叫多d人一齊去喇;因為當晚我同女友都食唔晒......最終打包了半份肉餅同大半個粉絲煲返屋企

味道:咕嚕肉- 味道好，不過肉少肥多杏汁豬肺湯-好飲嘅, 但得陣杏仁味椒鹽九肚魚-成晚最好食嘅一碟，新鮮熱辣辣，又唔油，味道啱啱好。紅燒元蹄- 肉爽又滑，幾好。芝士蝦球伊麵- 味道濃郁，但麵太淋。一品煲 - 普通，唔太合我口味。肉餅- 顏色好紅，搞到我地個個都唔知佢係咪熟哂。呢碟落咗勁多麫粉，所以向老闆投訴下，佢就試咗d都認同.就offer俾另外一碟餸我地,但我地decline 咗。最後送咗兩盤自家製芋頭糕俾我地。海鮮雜菜煲- 好大盤。味道有d 齋,不過ok la。送嘅芋頭糕好好食，雖然料唔太多，但勝在芋頭夠味夠粉。環境/衛生及服務：一早打咗去book 枱，但係都等咗成個鐘先有枱坐。 臨走前見到天花上面有隻貓， 嚇死人！即刻有d不安，又開始質疑衛生方面嘅問題。不過服務真係幾好，佢地咁忙都可以笑臉迎人，值得欣賞。之後老闆見我地話肉餅唔太惦，都肯轉其他嘢俾我地，只可惜我地太飽就拒絕咗，佢就送咗一底蘿蔔糕同一底芋頭糕俾我地拎返去，都幾識做。Final Verdict:以前食lunch都黎過幾次，覺得佢又大碟又抵，但今次見到隻貓喺上面，都有d怕，未必會再去lu ~

哩間加記由我小學開始到而家都有十幾年，不過咁耐以黎都係幫襯過一次，今日同女朋友特登黎試晚飯時間都係比較多人，只因附近食肆選擇不多，而且價錢實惠，難怪好多人一家大細黎食店內大權為主，如果兩個人撐檯腳，可能少了一份寧靜既氣氛!今晚叫左3道菜，上檯先知咁大份米酒雞，顧名思義就係有酒、有米同有雞雞肉嫩滑，糯米吸收了雞味同酒味，似乎唔多見有其他食肆有哩道菜，值得一試!田園咕嚕肉好大碟好足料，如果其他食肆食的話份量可能只得這幅相片的一半咕嚕肉唔覺油膩感，紅綠椒、菠蘿、甜酸汁配搭味道適中蠔仔肉碎飯都幾新鮮，而且蠔仔足料，食落亦都無沙!整體而言，份量、價錢同水準真係出奇地令人難忘! 食唔晒既最後只好叫阿姐比外賣盒打包拎走了!

爸媽38週年紀念，老遠揸車入西營盤食，之前已聽聞其特色小菜，一直沒有機會，今次帶家人老遠入黎食晚飯，一早訂位，有備而黎，免得等位😏事前已知此店抵食大碟，未到前已計劃唔好叫太多餸，可惜，當點菜時，已被餐牌吸引住，樣樣都想食，最終8人食淨兩大盒(￣∇￣) 不過，不旺始行，希望此店唔會被租金屸賬而影響，此類食店已買少見少了^_^