加記 (真善美大廈) (已結業)

本來開開心心一行10人去加記慶祝生日飯,一早電話訂位7:30,準時到達後職員說有一張十人圓枱正在埋單,心想時間剛好,之後來了一群約8-9位年青人,竟然讓他們立刻入座;心知不妙下看加記的訂位表,根本同時間中沒有其他類似人數的訂枱...連番追問得來都是同一句回答...「埋緊單架啦」,再等了30分鍾,追問之下,員工望住訂位表說出一句「下..姓x依家人唔係座低左咩」.... 再等了十分鍾左右,終於泊了三張4人四方小枱,但我們表示想坐圓枱,竟換來一句:「食飯時間,你仲想點!」地方細唔夠位,我明白忙中有錯俾錯枱,我也體諒,街坊街里,態度唔洗咁下?!

加記 – 大伙人的食店大伙人的食店因為其份量驚人。 就是50-60元的菜式，上桌時的分量也像是數人分量，沒有幾個壯男坐陣，只記2-3道菜也要飯盒帶走。 食店的環境是仿古的裝潢，椅子和桌子也是仿酸枝木製。 但由於這也算是頗具人氣的食店，在繁忙時間時也難免比較逼迫。第一味上桌的是它們的老火靚湯。 沒有評價，就如一般的例湯，就是沒有這麼鹹就是了。 主菜上場了。 一味桃香咕嚕骨。 一上桌香氣四溢，當然桃肉也是罐頭貨色，但整個配搭也絕不簡單。 咕嚕骨本身調味剛好，再經酥炸。 正！ 汁料吃得出有山渣、梅子的味道，再上了欖角。 那個汁絕頂的好！ 一個才50多元的餸卻落足心機去做，實得值得稱讚！還叫了一個沙爹帶子粉絲煲，上桌時人汪汪的，頓時感到失望。 但原來在上桌後幾分鐘，汁液自行收乾至剛好的狀態，大開眼界。 這個煲的沙爹味道對我來說還是不夠，但勝在用料並不吝嗇，帶子真的食極都有，配料亦令整個煲味道有了層次。 就是味道也是普道。 這樣的一餐埋單才100 多一點，是非常扺食的一餐，難怪坐無虛席。 不要期望吃到上乘的味道，但舊香港的味道，有了。

一行十人食生日飯,由於人數比較多,所以坐位比較迫.今次點了個翅,湯底很濃味,但不咸,翅亦爽.炸物叫了三樣,乳鴿肉質不錯,幾嫩口;炸蠔亦算大隻,皮很脆;至於個招牌炸四寶,除了鴨胸不是炸之外,其他的很脆,亦不油膩.當然少不了必叫的招牌菜米酒雞,酒味濃,雞滑,糯米飯亦不硬.芝士大明蝦伊麵,蝦入口非常新鮮,亦很爽口,伊麵底亦很好.白菜仔亦很新鮮,不老.食物質素整體不錯.

要去上環睇話劇...朋友話不如黎lei度食啦~~~6個人,book左6點就食喇...傳說中都好多人...見到門面都好似"客棧"咁..入去就比較傳統d o既中式餐館格局,好多木傢俬,6點幾點去到都未開始有人...坐底叫茶...正常飲水仙呀,普洱呀都5蚊一位茶錢,但飲"普通茶"就免費,好攪笑... 朋友話叫個"陽光十二菜"跟住再叫左3個送,我初初以為lei個菜唔通係好似八小碟咁,細細碟有八碟咁...佢先叫咁少野食??哦...原來..陽光十二菜, 黎到原來係一大盆菜呀,用湯浸住左十二款菜呀...有菜心,西蘭花,蘿蔔,蓮藕, 鮮菇,秀珍菇,勝瓜,粉絲,津白,腐竹 (仲有兩樣數唔返tim)...好清呀,佢地話lei間野係唔落味精,所以d野都幾清,好似個大面盆咁..即係大什菜鍋咁....扒柚皮, 本身我就唔係好食,但見佢地個個都話唔錯,又整舊黎食下,都ok,係咸左少少,柚皮雖然粗野,但整得好食唔係易...田園咕嚕肉, 要叫返d肉食下,一黎到好大碟呀,只係例牌...五彩紛紛,又紅綠椒,菠蘿,d肉排唔太肥,又大件,只係有d有肥糕痴住,都唔太油,食左好多舊都唔會有太"滯"o既感覺,唔錯呀~~ 金牌

自去年底遷入港島東，有感區內百物騰貴現象特別嚴重，出街食飯選擇不多，而且份量偏細 / 味道一般 + 單價偏高 = 更佳選擇 = 乖乖在家晚飯。「大件夾抵食」此等形容詞就快可以入《香港集體回憶錄》。星期六晚上七時多，友人正猶豫晚膳去處，路經此地見等位人群為數不少，於是在附近走了一圈後，還是乖乖回來。室內裝潢比一般的街坊酒樓企理得多，而且坐得舒適，感覺已經很不錯。待者再忙，態度還是很好，幾乎是有問必答，細心提醒三道菜對我倆來說己很足夠。看餐牌的小菜跟價錢，似乎跟一般小炒小廚分別不大，但到上菜一刻，馬上明白如此多人等位事出有因。先來咕嚕肉，以油炸的咕嚕肉出奇地沒有油膩感，紅綠二色登籠椒、菠蘿、甜酸汁炒搭美味和諧。再來蒜蓉炒豆苗，豆苗鮮嫩翠綠，用料新鮮而且相當足料，加上用油量適中，最簡單的一道小菜己非常可口，份量之大更足以令友人放棄叫飯。寶物沈歸底，米酒雞的用料足又新鮮，米酒和雞油的味道沁進墊底的荷葉糯米飯，香稠又不滯胃，可見調味與廚藝均相當不俗。連茶錢 (不收加一) 二人三菜都不過二百多，有如此份量、水準，在港島區買少見少。多得加記，「大件夾抵食」此詞可以暫時番生。

剛係澳門回港,應朋友意思特登行左半個鐘黎食飯(因為唔識路),不過都係值得的,入到去個裝修古色古香,好有風味,再望個餐牌都幾經濟WOR,先叫個例湯,分到10小碗都係38蚊,超平,仲要係老火湯...我地叫都係家常小菜,但都好有驚喜栗米班塊,班塊有口感,唔好好似出面薄CHIT CHIT又厚粉,D汁都好夠,一碟有成10幾舊咕嚕肉,D肉好爽唔鞋有少少肥膏,而且又係薄薄的粉,好食!不過略嫌D味唔係好夠,而且汁少,不過已經比出面好多食肆好食,雞旦焗魚腸,我夠膽講係近年黎最好食的,魚腸夠FULL,陳皮夠香,但又唔會過多蓋左魚腸味,一D都唔腥,總之成個味好平均,好好食!瑤柱扒豆苗,又係幾十蚊大大碟,你唔好EXPECT係豆胚冇莖,但個分量真係超抵食,比出面多一半都有米酒雞一黎就聞到好香,D糯米飯墊底亦好煙UN,不過就雖有酒香但欠缺咸味,D雞我就冇食(已經好飽),D FRIEND話唔錯沙爹粉絲帶子煲,呢個就麻麻地,沙爹味唔夠,不過粉絲都整得唔錯,唔會餬口,但你幻想下大量粉絲加10幾廿粒小帶子,感覺好寡,而且兩者味道唔多夾,加上D帶子彈牙到好似魚旦咁,怪怪地12菜,顧名思義即係有12種菜係入面,我冇去細數(如

今晚應約來到西環吃晚飯，地點在水街附近的加記。小店位置不大，但由門口以至內部陳設，均為傳統中式古樸裝潢，典雅得來也別具格調；雖然空間不大，但絕無侷促擠迫感，令人舒適自在。 食物款式雖全為中式小炒，但選擇異常多，由貴價海鮮，以至普通的家常小炒也一應俱全。由於同行朋友有點不適，所以我們捨棄一眾「熱氣」刺激之選，以較清淡菜式為主。 冬瓜船 $98：冬瓜盅吃得多，但這次叫的是冬瓜船，顧名思義，是代表大的意思。最初還以為是食店的誇張推銷手法，但冬瓜船上檯時卻嚇了一跳，竟把整個大冬瓜橫腰剖開兩半，果然大得像隻船！ 用料方面也不馬虎，瑤柱、生蝦、斑片、魚肚、蓮子等疊得滿滿，不計冬瓜肉也能分得十小碗以上，份量十足。味道方面跟坊間的冬瓜盅類近，但較清淡，絕對是消暑之選。 米酒雞 $88：上層鋪滿蒸雞件及紅棗，墊底則為糯米飯。蒸雞味道像常見的北菇蒸雞，但加入了米酒及紅棗增加不少香味，而且很嫩滑，味道不錯；糯米飯口感較硬，尤其是邊緣位置，而且酒味不太均勻，聽朋友說之前更軟更香，今次似乎是失準了。 銅盆蒸手剁土魷肉餅 $52：家常小菜的經典，但由見慣的銻碟換上帶點銅綠的銅盆。味道方面也好，不會過份鹹，

今日同朋友去完南丫島玩左半日，夜晚就黎呢間食飯~因為有 book 檯既關係，一去到就可以即刻入座。而係入座時，侍應都有講明要幾點前交檯 ( 約 1 hr 45mins )，都算交待清楚，唔洗之後嘈~~我地 3 個人叫左 4 餸一湯~先黎個菜乾湯 ( 4 - 6人份)，好大陣菜乾味，而豬肉味就冇乜~~ 飲落唔似有味精，都算唔錯~~ 每人都有 3 , 4 碗架，抵飲呀，哈哈~~~之後就黎個咕嚕肉，估唔到呢間既咕嚕肉咁正！d 豬肉夠哂爽口唔會太過韌，而且又大大件！咬開後睇到原來 d 肉係有少少肥既部份，咁就唔怪得啦！怕肥既人唯有酌量少食啦~~ 而青椒、菠蘿、洋蔥就唔係太多，感覺好「貨真價實」~~再黎個炒通菜同埋椒鹽拼盤 ( 我地係鴨胸、魷魚、九肚魚、豆腐入面揀左頭 2 者 )。炒通菜就冇乜特別，而椒鹽鴨胸同埋魷魚都係繼續好大碟！唔似出面 d 食肆咁，超多椒鹽，超少「主菜」！不過咁咪變左唔似椒鹽囉~~ 但對食肉獸黎講，呢個係一件好事~~跟住黎個餐廳推介既「米酒雞」，我地見到差唔多每檯人都會叫一個架！好堅！呢一個真係要襯熱食，因為有酒香味係入面，如果放耐左就會聞唔到酒香撲鼻既情況~ 糯米飯係 d

今日到訪的係加記,的確唔容易找到,真係上山下海.......我非常喜歡它的裝修,很有味道,而且食物質素不錯,一定要訂冬瓜中,$9x都算大個,仲有荷葉蒸雞飯,又好大碟,四個人未必食得哂!可惜收11.30pm.感覺物超所值~樣樣都好大碟,bb仲有糖俾tim~門口有少車位...

鋪頭細細，坐得很迫，腳踫枱腳，我地可能又坐正係死角，熱到死，個個都流哂汗，要叫佢開風扇．．食得好唔舒服～我地６個人叫左個益街訪晚市套餐A叫左唔夠５分鐘就起哂所有菜．．放到一枱都係，唔知點解咁快上菜ｄ送都係唔熱既．．味道一般，但係因為上菜太快，放多一陣就凍哂，更加難食，粟米斑塊ｄ汁變到杰撻撻，而且ｄ斑塊又硬掘掘炒豬柳好油同好咸，食到落底已經係一層油，唔敢食，霸王雞，ｏｋ咕嚕肉，肉無肉味，一般話益街訪咩．．嗯．．．又唔係好覺服務．．可能我地坐到角落頭啦，都無人理．．

事先講明，我係呢間加記長期支持者，自從佢地開張(好似係2002或03年)至今，總會隔幾個星期去一次，對佢地d食物都幾滿意。但最近一次同老婆去，就出問題啦。叫左個例湯和蒜蓉油墨菜，兩樣都普普通通啦。另一個蠔仔煎蛋，以前未試過，點知就出事。份量都幾大，一大塊咁，賣相亦好，當中除了蠔仔和蛋漿，仲加左炸菜，ok，有創意。點知一食…嘩，鹹到阿媽都唔認得，而且仲覺得佢d蠔仔有d腥。唔知係佢調味時失手，定係d蠔唔新鮮，想用鹹味蓋住d腥味，總之就唔掂。最後都係食剩一半。順帶一提，當年加記開張初期，店內油煙極大，食完之後必定一身油煙味，但後來改善了不少。不過，今次光顧時，發現呢個問題故態復萌，食完又係一身油煙味。唉，睇怕都要將加記列入觀察名單，再無改善就唯有放棄。

睇番自己呢幾日既食評都發現係食d難食既野...希望新年有番好野食..............講番加記．係同男友去食lunch的原來想去附近的日本野．不過懶行...點知就衰左啦....一入到去都見好多人．以為會好過西環 (即係下面) 果間啦點知...個位既 cushion 全部都係爛既...我已經好唔想sit...焗住sit既時候發現d水杯好dirty...仲dirty過大學既canteen....男友叫左咸蛋肉餅傻飯...我就叫左魚付菜遠湯飯..........簡直係我史上最難吃既頭5位......神呀....果d同豬餿冇分別既...係睇到都唔開胃...所以我．以後．係以後．都唔會再去食任何一間加記!!!!!!!!!!!!!!!!!!

上星期日, 同d朋友遊車河, 朋友一早book左呢間, 仲話要6點就食飯, 唔係好多人,(未夠7點, 全店滿坐, 記住早d訂位, 佢地得一間店, 冇分店呀)我地仲3點幾食完個tea先去,去到都唔係好多人, 我地一行7個,一早叫左佛跳牆 (要預訂)之後叫左米酒雞, 得獎小炒, 京都骨, 豆苗, 蒸班腩...佛跳牆 - 有鮑魚, 魚翅, 雞, 冬菇等等, 味道濃郁, 用料十足米酒雞 - d雞有鮮味, d飯吸晒d雞味, 好味得獎小炒 - 我就覺得一般, 配料一般, 冇咩特別豆苗 - ok wor蒸班腩 - 好滑, 唔會蒸過頭呢餐食到個個好滿足第一次嚟食真係yummy, yummy,下次一定再來不過唔可以久留, 只可食個半鐘, 自己安排下啦

其實我開openrice都係因為想打呢個comment!不過因為之前俾人reject過一次．所以成日都唔記得打番!!!希望今次出到街啦我其實成左2次．簡直係天堂同地獄既分別!!!第一次係本身想食十人十色．不過因為執左...所以男友燥燥地．我就拿拿臨睇下邊間附近邊間唔駛等位加上之前聽日講過加記都ok．就謄粗粗去食啦不過又有surprise wow! 我地2個人叫左3樣野一個陽光十二菜一個銅鑼steam 肉餅一個天下第一骨同2個rice男友同我都係咁讚wow我最欣賞個陽光菜．因為只係48元但係就份量就大到你唔信!!!而且佢連個湯都好飲．最鍾意飲湯食菜既我就簡直清哂佢啦!而男友就一直好鍾意食steam肉餅．不過都讚佢呢個古法steam係好好食因為等得太耐同埋實在食唔哂我地就cancel左個第一骨。而賣單既時候只係80元!!我就覺得可以再試啦所以一個星期後既同一時間我又迫左男友去食叫既菜同上次差不多．不過今次好差呀!!!!! 個陽光菜係臭既!!!仲有好多爛菜!!! 而且個湯味精多到嘔!!!!!!!男友先話番我知其實佢一直都覺佢地係將賣唔去既菜求其烚一烚我自問好鍾意食菜．但都真係抵唔順!! \

因為呢排好忙，唯有唔想出九龍食，所以老婆入左黎西環同我食飯。上次鋸左排所以今次食返中菜，本人其實都幾中意食中菜！因為我係中國人= =唔知點解我覺得西環好似無咩好食，上次又同fd去過加記，覺得好食所以今次帶女朋友黎食=]下午已經打去訂左位，仲訂埋咪走雞，驚佢賣曬呀嘛!!個待應已經話好大個，我地會食唔曬，我話唔緊要，我都預左，會打包走！我地七點去到都唔算多人，但係八點半走既時候，門口就開始排隊咪走雞：一黎已經聞到香，個樣望到已經好想食，因為有D紅棗，有D紀子 o係面，紅紅地，老婆問我係未好補，我真係唔知，不過應該都有少少掛= = 我呢個無雞不歡既人，當然覺得好食，連我老婆對雞無乜辟好都覺得D雞好滑好滑，可能大家會覺得有D肥，不過雞無油就唔滑架啦!!! 同埋88蚊，我覺得面頭有大半隻雞，鋪滿曬架喎!! 抵到爛!! D糯米飯一D都唔漏!又唔硬，必食! 所以就算我地2個入食唔曬，都要叫!!最多打包繼續食!!蝦糕炒蓮藕片：好惹味，好香，好爽！不過蝦糕 其實係蝦醬XD 都幾好味。 中意食濃味野既可以試下!!另類蔬菜之選!!薑蔥焗小排骨：都係香口野，細細粒排骨，易入口，炸左好香口，加埋D薑蔥，香