勁餃笑

营业中

休息中

黃埔真係有好多寶藏餐廳例如呢間餃子店 門面幾靚有啲日式嘅感覺長期都有唔少人排隊 人流不絕今次終於比我食到 地鐵站行過嚟幾分鐘就到先講結論：好食！高評價餃子店個人最喜歡的口味 1.鮮蝦帶子豬肉 / 黑松露粟米豬肉 （好似幾重本，整個配搭有層次，真心好食平時少見）2.芝士辣雞餃 （唔會太辣，仲有芝士拉絲平衡一下，好惹味）3.韭菜豬肉餃 （傳統口味一定好食，餡料好新鮮）湯餃最緊要係個湯 佢哋嘅雞湯係每日新鮮煲 雞骨雞腳仲有哈密瓜 火候夠 入口有種微甜 飲得好舒服聽人講好多時候加咗「手工」就會貴好多但係呢間手工餃子店 價錢又幾合理幾十蚊一碗 選擇又多而且口味比較有驚喜 有幾款套餐 湯餃和煎餃 仲可以另外再加配麵兩個人揀咗幾款食物share飲品方面，有幾款自家製飲品都唔錯我就揀咗金羅漢果白茶 仲要係罐裝 飲完好似真係冇咁熱氣 另外蘋果雪梨茶都幾正亦有自助茶水服務 亦有紙巾供應 （重點係佢哋嘅自製辣菜脯 好食到我哋買咗一罐）口感好爽 值得一試 （落單時 可以揀埋 可以配餃子食，唔使加錢）相信店主應該真係好鍾意日本料理噌係大根類似日本關東煮的大根蘿蔔 雞湯好入味而且大根完全冇渣餃子套餐可以加購麵食

今日嚟到黃埔呢邊覓食，行過見到呢間裝潢好日式嘅餃子專門店，見佢哋都幾多客，等我又試吓先🤓今次試咗佢哋三種餃子，兩款湯餃一款煎餃，整體感覺都好足料，湯底無味精，而且都幾濃。大葱牛肉湯餃呢款湯餃啱哂中意大葱嘅人，濃郁大葱香氣咬一口已經聞到，係爆發出嚟啊！牛肉同大蔥嘅比例啱啱好，湯餃建議一上枱即刻食，以免層外皮浸得耐會穿。大葉雞肉湯餃 呢款我個人極力推介大家要揀，佢哋用咗紫蘇葉包住雞肉製成餃子，一口咬落充滿着紫蘇葉嘅香氣，而且雞肉餃子相對豬肉或其他肉類少脂肪，適合比較注重健康，想要優質蛋白質飲食嘅人。鮮蝦帶子豬肉煎餃呢款餃子用料十足，咬落去見到包裹住原粒帶子同鮮蝦，估唔到食落都幾夾喎，充滿着海鮮嘅風味。而且煎餃外皮非常焦脆，放多一陣食都OK，一向鍾意食煎餃嘅朋友唔可以錯過！皮蛋醬拌麵出面較少見到呢款皮蛋醬拌麵，所以朋友點嚟試吓，嗰醬係佢哋自家調配，幾惹味，而且冇乜味精，食完都唔會口渴。醉雞翼用花雕酒醃製而成嘅醉雞翼，食落相當有酒香，除咗外皮，入面肉質都充滿着香氣，估計已經醃咗一整晚，作為小食幾唔錯。醉蝦醉蝦味道都相對濃味，可能一樣醃製咗整晚，呢個建議配埋麵食。鮮味花甲粉呢款花甲粉係期間限定，

喺紅磡要搵間小店食Dinner好輕鬆~但搵間 又好食+又有heart+價錢親民+ 環境舒服既小店 真係唔易嫁!今次就係搵倒勁餃笑喇🙌🏻玩食字 勁搞笑😂本身諗住而家香港嘢繽紛~ 諗住8:30後應該好多位可以堂食…點知勁餃笑得返兩個位😂啱啱好平時坐吧枱位🥲最怕就係冇位擺袋而呢間舖頭好貼心!吧枱位枱底下面會有個鉤俾你掛袋~餐牌上面都好多選擇, 餃子為主另外有幾款麵食同甜品~好多都好吸引! 好想試多幾款~所以每人都叫咗個雙拼🙌🏻一份煎餃+一份湯餃In general~ 無論煎餃定湯餃, size都好大隻~ 成個散子包咁大🤡餃子皮唔會薄到一夾就穿, 但咬落又唔覺得厚皮~餡料非常之多, 而且唔會散晒出嚟!辣菜脯可以免費加~連埋餃子一齊食, 口感好加分 & 香味亦都好突出🥟煎: 黑松露粟米豬肉餃+芝士辣雞餃松露餃勁香黑松露味🤡啖啖肉辣雞餃好香口可能因為揀咗煎餃, 食起上嚟多咗一份焦香🫶🏻🥟湯: 大蔥牛肉餃鮮蝦帶子豬肉餃湯底比較清香. 飲落唔會有味精味, 真係飲得㗎!豬肉餃入面, 真係會見到有粒帶子! 真材實料啊~唔係帶子碎!如果怕唔飽🤡可以加多個麻辣雞絲拌麵/花甲粉我地兩個都叫哂😂麻辣雞絲拌麵麻辣醬

紅磡｜勁餃笑 -▪️湯餃🥟 (鮮蝦帶子豬肉餃🦐🐷 拼椰菜豬肉餃🥬🐷)餃子大大隻，個皮厚薄適中，包住滿滿嘅餡料。鮮蝦帶子豬肉餃內餡有鮮蝦、珍珠帶子，爽口彈牙，仲加咗啲粟米粒，更有口感。椰菜豬肉餃個菜同肉比例啱啱好，椰菜仲保持到爽脆口感。而個湯底就用咗雞殼🐔、雞腳🐔、蔬菜🥬等熬煮5小時以上，飲得出係冇落味精▪️煎餃🥟 (黑松露粟米豬肉餃🌽🐷 拼白菜豬肉餃🥬🐷)煎餃外皮煎得好脆口，又唔會太油。黑松露粟米餃一入口個黑松露味出晒嚟，好香濃。白菜豬肉餃味道就相對清甜▪️花膠雞絲湯麵🐔🍜揀咗米線，份量都唔少，花膠口感軟腍。不過整體味道偏淡少少，可以加啲自家製菜脯一齊食▪️雞絲胡麻醬拌麵🐔🍜拌麵係熱嘅，揀咗扁麵，有咬口，而且幾掛到個胡麻醬▪️煮蜆蜆肉鮮甜，個底仲有大量金菇同粉絲，好入味，仲帶少少辣，幾惹味▪️麻甩餃🥟外皮香脆，中間包住麻糬，煙煙韌韌，沾啲花生芝麻粉🥜，真係好似食緊糖不甩咁▪️煎紅豆麻糬餃🫘🥟中間同樣包住麻糬，再配上紅豆，口感綿密，甜甜哋，好夾▪️自家製金羅漢果白茶🥤▪️自家製蘋果雪梨水🍎🥤飲品都係自家製，唔會太甜，好滋潤健康嘅感覺勁餃笑📍紅磡德民街36號地下5L號舖

勁餃笑，果然有夠「勁」！今日這趟餃子之旅簡直是味蕾的狂歡。首先登場的是鮮蝦帶子湯餃，一口咬下，蝦肉鮮甜、帶子嫩滑，配上熱騰騰的湯頭，猶如海洋的精華濃縮在一碗裡，每一口都是奢華的享受。湯底溫潤醇厚，完全襯托出餡料的鮮美，令人大呼過癮。然後來到皮蛋醬拌麵，這組合絕對是創意爆發！絲滑的麵條裹著濃郁的皮蛋醬，帶點鹹香、帶點甘醇，還有微微的豆香與泥土氣息，整體層次感豐富得讓人驚喜。拌勻後，每一口都是味覺的大冒險，令人不禁一口接一口。這間店的名字叫「勁餃笑」，而我吃完確實是「笑住離開」！如想尋找既有創意又滿足味蕾的餃子料理，這裡絕對值得一試。

發現紅磡區都有好幾家餃子店🥟作為小小的餃子愛好者，當然要續一品嚐😋這間餃店除了主角湯餃和煎餃，還有麵食、小食和甜品選擇，絕對大飽口福！店家還自製辣菜圃，辣得過癮，怪不得受客人歡迎🔥餃子餡料飽滿，而且仍有肉汁🫶🏼湯餃的湯底是自家熬製雞湯，無味精的味道特別好飲👍🏼而煎餃的外皮也十分焦脆，入口不油膩～✨椰菜豬肉餃清甜椰菜配豬肉，肥瘦均勻，配湯吃最讚🐷✨鮮蝦帶子餃 以豬肉為主，加入鮮蝦和帶子🦐口感層次更豐富✨大葉雞肉餃加入濃味紫蘇葉，雞肉肉感扎實，是健康之選🐔✨黑松露豬肉餃黑松露味非常突出，單吃不沾醬汁也很好吃🖤✨韭菜豬肉餃韭菜味濃，特別喜歡以煎的做法來吃，是必點味道！✨大蔥牛肉餃少見的款式，蔥香配嫩滑牛肉，值得一試🐮✨皮蛋醬拌麵最愛拌麵！選了有嚼勁的扁麵，每一口都掛滿皮蛋，微辣惹味，好滿足🙌🏼✨炭燒雞肉串雞肉好嫩滑，微微焦香✨香辣花甲粉期間限定的小食，清甜花甲配粉絲和金菇，鮮味爆燈🤤✨自家製 凍蘋果雪梨水✨自家製 凍青檸薏米水季節限定飲品，是夏天消暑必備，清甜解渴🍎🍋

跟個好鍾意Figure既Hallmate過黎呢邊食野，佢帶我黎咗呢間好得意既食字餃子店，以貓為Logo幾可愛，入面放咗好多公仔同Figure，仲有最大熱既Chiikawa，好多食客揹埋個痛袋黎食湯餃點咗兩款都係豬肉餡，不過分別配黑松露粟米同鮮蝦帶子，黑松露味最正，唔會太搶口感幾好，係餃子皮捏得唔夠實。鮮蝦帶子足料彈牙，雞湯底勁好飲，啱哂我呢d少住家湯水補身既學生煎餃就係芝士辣雞餃配大蔥牛肉餃，食辣既人唔可以錯過，完美將辣雞麵既風味放哂入去，牛肉餃都幾惹味多汁主食既胡麻冷麵竟然用咗菠菜麵，食落硬身爽口為主，醬汁幾多幾消暑小食試咗雞湯關東煮同醉雞翼，關東煮都幾軟腍入味，雞翼尚算嫩滑，淡淡酒味幾醒神

店名吸睛，很久之前見過就深深記得😂這次到黃埔附近，就決定一試想不到他的人氣比我預期高，要稍稍排隊😳不過翻桌率高，10分鐘左右就可以入座～ 店面不大，座位較貼近，想坐得鬆動點，要避開繁忙時間～ ✿ 黑松露豬肉餃 黑松露愛好者必點 😋 ✿ 鮮蝦帶子粟米餃 每粒餃子都有原隻帶子和蝦雖然尺寸迷你，誠意十足😜 ✿ 大葉雞肉餃 調味相對清淡，雞肉沒有豬肉般juicy整體感覺很健康，加上有紫蘇葉香氣加持，個人很喜歡😂 ✿ 芝士辣雞煎餃 辣度有的但很直接，不吃辣的也可以淺嘗😌 ✿ 紅豆麻糬餃 $35@4隻好好食，紅豆不太甜，麻糬軟糯，外皮焦脆😋✿ 炭燒雞肉串 $18：日式甜口調味，分量適中✿ 味噌大根 $15：好大塊，清爽無渣✿ 涼拌日本山藥 $15：超級推薦😍爽口香甜✿ 蠔油時蔬 $15：挺大碟，划算!

今日去黃埔shopping嘅時候見到一間主打健康嘅餃子店舖亦都好搞笑叫做「勁餃笑」…….「勁餃笑」店舖不大，但座位也舒服，餐具調味料等要自己出去拎….餃子$52有10隻，而且都大大隻餡料亦很多味道亦不錯！而且餃子種類繁多很多選擇…..大葉雞肉餃…..原來係紫蘇葉味道好香濃跟佢嘅醋一齊食好好味！大蔥牛肉餃….大蔥咪好香牛肉亦都好Juicy不錯！湯餃也皮薄個湯底都濃郁！甜品麻糬紅豆煎餃也唔錯👍

見到有咁多好評，咁啱經過呢間餐廳就買了一盒生餃，當晚煮來吃。第一粒已食到一條長頭髮（如圖），其餘都已經唔想再食，全部掉晒。我覺得呢間餐廳嘅衛生好有問題。當晚我亦都將相send俾餐廳但佢哋WhatsApp冇人回覆。冇下次

隱身於紅磡的《勁餃笑》，以其高質量的餃子和充滿日式風情的裝潢，成為了區內的美食地標。店內環境舒適衛生，讓人能安心享受美食。這次我和朋友品嚐了湯餃和煎餃兩種，每一款都令人驚艷。餃子皮厚薄適中，恰到好處，展現了店家對細節的用心。首先是煎餃，大蔥牛肉煎餃充滿濃郁的大蔥香氣，與香濃多汁的牛肉完美結合，每一口都是享受。黑松露粟米豬肉煎餃則帶來了另一種驚喜，黑松露獨特的香氣與豬肉的鮮美相互輝映，味道層次豐富。湯餃方面，韭菜豬肉餃和白菜豬肉餃同樣出色。菜與豬肉的比例恰到好處，搭配清香的湯底，味道清新不膩。值得一提的是，這裡的雞湯麵也是自家製，不含味精，健康又美味。除了餃子，小食也值得一試。醉雞翼肉質鮮嫩入味，令人回味無窮。涼拌菠菜則能平衡煎餃的油膩感，帶來清爽的口感。最後，以一杯檸檬薏米水作結，清新解熱，為這頓美食畫上完美的句號。總體而言，《勁餃笑》無論在食材的選擇、口味的搭配還是烹調的技巧上，都展現了其對品質的堅持和對美食的熱情。如果你也是餃子愛好者，不妨來這裡一試，相信你也會被這裡的美味所征服。

睇左咁多評價先黎試下先知好評可以係假的，篇篇都寫咁多但餃子其實好普通，韭菜餃都見唔到咩肉，餡又鬆散黑松露好乾身大蔥牛餃皮都爛左涼拌菠菜唔新鮮，黃左仲攞比人，唔知係咪隔夜料湯底又好濃味冇下次喇

大家好今日來到一間近黃埔既餃子小店食餃子呢間叫做勁攪笑雖然個名幾得意 不過覺得呢度既食物返而係幾認真製作好似呢個韭菜豬肉餃併煎大蔥牛肉餃煎得幾香脆 幾多肉汁我問左老闆呢度既食物都係自家製好似呢雞湯麵用雞腳同加入哈密瓜自己淆雞湯底有少少膠質同埋甜味用來做拉麵送麵係好唔錯湯我都唔覺意就飲晒飲品既自家製凍青檸薏米水都係自家製所以感覺清清地幾有益最後有叫左一款煎朱古力餃呢度係相對有少少玩味既食物不過原來用朱古力整煎餃係OK朱古力係唔太甜既黑朱古力包係煎餃裏面溶溶地幾特別提醒下以上全部加購係會平過單點總括呢間店大部份食物都係自家製食物質數我覺得係好唔錯大家自己來試下

▪️ 湯餃 / 煎餃💲40（6隻）▫️ （湯）韭菜豬肉餃▫️ （湯）白菜豬肉餃▫️ （煎）黑松露粟米豬肉餃+💲6▫️ （煎）大蔥牛肉餃 +💲6餃子既皮厚薄適中，不過煎嘅就全部黏埋一齊 ，基本上一夾就散，食落主要係韭菜、黑松露、大蔥味，豬肉同牛肉味唔太突出🧐店家自製既菜脯大塊爽脆，辣度都頗高🌶️▪️ 雞湯麵 +💲20麵底改左做米線，煮得較為軟身，見介紹話個湯底用上雞殼、雞腳、蔬菜、原個蜜瓜，都真係帶點黏稠骨膠原感🤣🔎 整體評分（6.5/10）

最近偶然去咗試呢間超正嘅餃子店，一入舖頭已經見到好多figure同貓貓擺設。個日叫左個6隻湯餃套餐，我試咗佢哋嘅大葱牛肉餃同埋鮮蝦帶子豬肉餃。哇，真係不得了！餃子入面嘅牛肉香濃多汁，加上大葱嘅香味，完全係完美嘅點綴，真係一流。餡料鮮美，真係停唔到口。另外，鮮蝦帶子豬肉餃都好正！餃子入面有細蝦仔、帶子同豬肉，口感超豐富，蝦嘅鮮甜同豬肉嘅香味完美結合。每隻餃子都足料，真係食得好滿足。仲有，餃子湯完全係成件事嘅靈魂！唔可以唔提，香濃到不得了，成碗飲哂，真係好味到爆！個面加錢仲可以變花膠雞絲湯麵，有好多雞絲同2片花膠。不過呢個湯就食得出同餃子個湯係唔同，雖然清淡啲，但都好飲。不過本人就鐘意飲餃子個湯多啲。總之，呢間餃子店真係好值得推介，餃子同湯都好有水準，食完真係好幸福。下次一定會再去試多啲其他餃子！