66
12
6
| 餐厅: | 勇記海南雞 |
|---|---|
| 资讯: |
为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。
详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
附加资料
最後落單時間為晚上7點
营业时间
今日营业
11:30 - 19:30
星期一至六
11:30 - 19:30
星期日
全日休息
*法定假日休息
以上资料只供参考，请与餐厅确认详情
相关文章
海南雞飯（$66）個雞係幾好食連雞皮都醃得超入味油飯都幾好食但覺得有少少偏乾同埋可以再加啲味冇諗過個湯比到驚喜之前食金雞嗰啲係落南瓜勇記落紅蘿蔔成件事協調好多椰子味又好夠出但店員都幾冇禮貌頭頭對正冷氣同埋風扇又有開就禮貌問啡短頭髮女店員可唔可以閂細少少個冷氣其實如果佢話唔得呀較唔到/老細唔俾都算點知佢勁寸話 吓仲閂呀 已經好細喇喎 再閂就熱完全唔helpful 有冇諗過幫個客調位都解決到件事有諗過會唔會係伙記行嚟行去係熱過食客所以開咁大但佢明明自己都着長袖衫😂
继续阅读
👏🏻每次經過呢一間海南雞飯都大排長龍，我喺上網見到佢嘅評價都幾好，今日咁啱喺附近同朋友喺上環就決定同朋友試吓呢一間海南雞飯係咪真係咁好食！😛 我哋排咗15分鐘入到去，覺得味道其實都幾好，不過座位就有少少迫，海南雞都非常嫩，咁啱我有雞髀位，非常好彩，佢嘅肉質其實幾好食，再加埋佢本身秘製嘅醬汁！油飯同埋佢嘅海南雞配搭整體上都唔錯，我覺得呢個份量，如果普通晏晝食係夠飽㗎，價錢嚟講都唔算太貴重送一個椰子秘製例湯，都值得排隊，不過如果下午茶時間嚟食應該就唔會咁多人！
继续阅读
#勇記海南雞 早幾年前已經聽聞喺紅磡非常出名嘅勇記海南雞喺上環開分店，當時有唔少媒體報導，有次行過未開門都見到人龍，真係怕咗。之前行過見佢冇乜人排隊，就諗住去試下。以防萬一都係十二點前去到，真係唔使排，不過就一定要搭枱，因為都已經有好多客，雖然店舖好似好忙，但店員認真mode得嚟仲保持到基本禮貌，唔係一味話忙趕客咁款。兩大名物泰式海南雞飯同椰子雞湯$66，湯係好夠熱，啲煙係咁湧出嚟，好多椰子不過好硬食唔到，但離遠都聞到有椰子香。雞湯非常濃郁好夠味，留意到應該係接近全場都叫椰子雞湯。期待已久嘅海南雞飯，海南雞斬得夠大件亦比得幾多，唔同部位都有，最正當然係雞髀位，但空口食一啖有種白切雞嘅感覺，除咗雞翼比較入味，其他底味比較淡，味嘅來源嚟自泰式辣醬，夠辣惹味好食。本身對勇記都有啲期望，因為曾經被形容為海南雞天花板，今次食過確實係好食，但未至於神級，嫩滑程度同底味調教未算最好。加上環境唔大名副其實係一間小店，坐得唔算舒服食完就要走。勇記海南雞上環蘇杭街102號江寧大廈地舖
继续阅读
勇記海南雞
上環蘇杭街102號江寧大廈地舖 #勇記海南雞#海南雞#椰子雞湯#油飯#food#hk
又到Lunch時段，今日好想食海南雞一於去勇記，呢個時間太多人都係外賣返公司食算，趁今日介紹下。
招牌去骨泰式海南雞飯(油飯)，$66，外賣+餐具+$2之下$68。
海南雞份量頗多，雞皮入口爽脆，雞肉嫩滑，美味!沾上醬汁更惹味。
油飯粒粒分明，口感偏硬唔夠香口(一時時，有時正常口感)。
椰子雞湯，十分足料，椰香味濃，味道清甜，讚!
嘆個滿足的午餐。
继续阅读
上個月去左炮台山嘅雞少，雖然份量都足，但雞無雞味、飯太硬兼個湯唔知想點，如果大家唔記得可以去睇番嗰個食評。今次就要介紹番其中一間正嘅海南雞飯，上環嘅勇記海南雞。講真，位處蘇杭街中段嘅勇記，地點真係唔算方便，我諗如果唔係食過、喺附近返工、或者有人推薦嘅話都唔會搵到嚟呢個位🤦🏾之但係佢嘅出品又真係好食，雞肉嫩滑油份適中、油飯軟硬度適中、佢個醬唔係三色醬、而係類似泰式嘅特制醬，夠曬惹味。 （9/10）俾多個貼士大家，佢呢個飯餐有湯送，如果送曬就送杯茶。佢個湯好飲，但非常搶手！晏左少少到都會無曬。就好似我今日咁就同個湯無緣🥲 所以建議大家如果想試佢個湯要喺食晏時間早d到呀！
继续阅读