動漫樂園及主題餐廳 (已易手) 新餐厅

今晚放工帶表弟仔去Megabox又玩、又食既動漫樂園餐廳, 其實上年已經黎過, 中意呢度可以一邊比小朋友玩, 另一邊大人可以去食野relax一下。一去到門口, 表弟仔已經興奮到彈起, 入面有唔少大人小朋友都岩玩既遊玩設施,再入就係一間小小既CAFE, 食西式野為主~一睇menu, 原來menu跟上年已經有所不同, 上年既龍蝦餐已經轉成平時係cafe食到既意粉/飯類, 價錢亦比之前平左少少。表弟仔比較食得, 所以唔揀兒童餐比佢, 跟我食返dinner set...【美式什扒配飯】HK$88 (跟汽水/咖啡/茶)牛扒、雞扒、豬扒、煙肉、脆皮腸, 淋上洋蔥汁, 最中意件雞扒, 雞皮煎得仲係脆脆地...不過d飯有d乾~早知轉薯菜!【卡邦尼煙肉扁意粉】HK$72 (跟汽水/咖啡/茶)意粉比飯好得多, 有些少口感, 唔會太林, 卡邦尼汁份量剛剛好, 食落唔太膩, 有些少煙肉碎同埋蘑菇碎, 整個意粉食落幾Creamy...小朋友都幾中意食~雖然野食款式唔多, 但對於主題餐廳黎講, D野唔難食已經算係有驚喜。

好耐冇見我五歲多的姪兒，早日小一派位，佢好幸運派到第一志願，我話過會同佢慶祝，所以今天我帶佢去九龍灣Megabox的動漫樂園及主題餐廳，果度有玩有食，又有野買，小朋友一定喜歡的地方！餐廳內有樂園，園內有機動遊戲，也有購物地方，行到最入就是餐廳，地方夠大。整體寬敞雅潔！多款精選晚餐！所有套餐都包飲品一杯，我們選了檸檬茶！美式什扒配飯：有牛扒、豬扒、雞 扒、煙肉和腸仔，美味的配搭！葡國雞扒配飯：雞扒加上葡汁煎成金黃色，十分惹味！

中學同學生日，不可以太過簡單食西，來到九龍灣的餐廳體會下美食。樂園有模型擲彩虹的玩樂，動漫迷會很愛，小朋友的最愛。美式什扒配野菌飯-未食巳讚，多款扒，有豬扒及牛扒，確大隻抵食，野菌鮮嫩，值回票價。 慢煮雞胸蘆筍忌廉意大利粉-不說不知是確有特色呀，有點在外國食野feel，入面有雞胸蘆筍等，感到健康有益，意大利粉也爽口彈牙，水準不錯，回味特色之作。熱檸檬水-熱度很好，食完野來一杯正好，好香檸檬味，同學好喜歡的飲品。

老公生日前夕, 我帶左佢黎左e度玩同食dinner。黎到首先經過遊戲部 (眼見五光十色既遊戲機令人感覺好開心)，進入餐飲部一見到四週巨型動漫公仔Feature wall已令童心未泯既我地傻笑。我地點左兩個什扒餐。 嘩。。食物一上枱原來份量相當大！ 一邊食一邊感覺似小時候食聖誕大餐既feel。哈哈。。兩個人笑笑口都食得幾開心！之後拿拿林食飽就出去遊戲機部，我地買左遊戲儲值卡，大玩特玩。玩左好多遊戲， 覺得桌面球、射藍球、仆傻瓜係最抵玩。 其實真係幾開心既， 兩公婆反老頑童玩餐飽， 趁機仲可把工作壓力盡情發洩。 😂 玩完遊戲就行去購物area睇野， 結果一人買左一件tee, 價錢都ok呀， Kitty tee & 高達tee 做緊特價99蚊件。 今次真係食、玩、買都做齊！ 😁✌✌

今晚去九展睇戲，但九展嘅餐廳不太吸引，反而想試試位於Mega box 嘅Comic park & cafe。呢度佔地7000呎，以動漫樂園為主題，有得玩有得食，想黎好耐架啦！玩之前先醫下肚。美式雜扒配野菌飯$88份量非常多，有牛扒、雞扒、豬扒、腸仔、煙肉，兩個女仔share食都夠飽。意式香草腸忌廉扁意粉$62意粉比較有驚喜，忌廉味濃郁，十分creamy，配料有菇類同香草腸，抵食又好味，推薦！以上精選晚餐奉送汽水/即磨咖啡/檸檬茶/檸檬水。食飽就出動繞場一周了，好多精品售賣，仲有T-shirt，但價格不低。然後就開始重頭戲：夾公仔!先簡單填張form，成為會員就能得到會員卡，想購買代幣只需要充值落張卡到，插卡落遊戲機就可以玩遊戲。我地增值左100個代幣，全部用黎夾公仔。朋友太厲害了，成功夾到Hello Kitty 公仔一個，我地超興奮！哈哈！遊戲太吸引了，令人樂而忘返，下次一定會再來！

好友生日，今次去九龍灣一帶覓食，行街之餘行到肚仔打鼓，隨後來MegaBox9樓的Comic Park & Café。店內佔地7,000呎，樂園設有模型，多款夾公仔、擲彩虹等機動遊戲機，經典動漫人物裝飾，適合不同年齡玩樂，重拾童年時回憶。餐廳特別請來獲得米之蓮榮譽的得龍大飯店以顧問形式主理，主要供應西式及日式料理。提供不同精選午餐及晚餐等，你可任意選擇。 (即磨咖啡)面層没有任何花式，但即磨咖啡又香又滑又帶可喜。 見到(慢煮雞胸蘆筍忌廉意大利粉)圖片好靚，心思思想叫來食下，一食之下雞胸肉滑，意大利粉彈牙，今次不需用香料調味，推介。份量足料，好多男仔都愛食的，好像不錯，但好吸引的(美式什扒配野菌飯)不得不叫，叫了一份，豬扒有點靭，牛扒没有羶味，食下來感到肉質嫩滑，有咬口有驚喜滿足。

無意中見到這間餐廳，竟然有個動漫樂園。小時候常嚷著要去冒險樂園，現在的小孩改玩平板電腦等，冒險樂園風光不再。星期五的晚上，無無聊聊，特地來到位置不方便的MegaBox，重拾童真。商場人流很少，少得有點質疑商店何以經營下去，但好處是空間感特強，沒有絲毫市區人來人往的壓逼感。來到9樓，就見到餐廳門外擺設的大型公仔。內有各式各樣的游戲，夾公仔、籃球機、打地鼠、氣墊球等等，老幼咸宜，一家大細都玩得。不像冒險樂園般出飛，只有擲彩虹有禮品。是日超好運，第二下就中了第二的藍獎，還中了兩個較小的紅獎和黃獎。有很多動漫人物，最驚喜是小時候很喜歡的咸蛋超人！很久沒見了。藍獎可以換咸蛋超人單行簿。對樂園內的cafe不抱期望，但顧著玩，就隨便吃個晚餐。晚餐只有五款，而且不太吸引。凍檸茶、熱檸茶，正正常常。牛肝菌蜆肉扁意大利粉賣相可以，新鮮煮好，熱得冒煙。扁意粉不算硬，但幾彈牙，每條都沾滿濃稠度剛好的汁。醬汁清清的，夠味而不膩，沒有忌廉過份的濃。蜆肉很多，＄72的意粉不期待有新鮮蜆肉，雖然沒有鮮甜，但起碼沒有雪藏味。唯一不足，名叫牛肝菌誤導之嫌。厚身大塊的菇，有口感，又有汁，但不是牛肝菌。或者名字所指的，是在醬

今日專登坐的士過黎呢間傳聞中大人細路都啱，又好玩又好食的親子餐廳...門面的確好吸引，有d精品賣，內有夾公仔機，有籃球機，有推寶石機等等，再入少少見到間cafe 啦，唔算大，但因為冇人食。7點鐘黎到見冇人真心嚇一嚇，話就話平日，都唔使咁靜。有sofa位坐，但d位排到好迫，要移動張枱先入到去坐，d枱又係有角，基於安全考慮，唔想個囡行出行入撞親，坐番出d嗰行，一邊sofa,一邊餐椅，將枱移出些許先覺得安全。野食方面唔貴，一個餐加野飲7x,加多22蚊有湯同甜品，但唔建議加，因為個甜品好細件,一個糯米池 size. 另外半價買左個mixed berry 沙冰，本身想飲奶昔，但要原價買咁就慳番。意粉同焗飯味道不過不失，反而個雜扒飯有驚喜，幾好食，唔會太淡，雞肉，牛肉都幾嫩口。玩嗰方面俾左會費20蚊，再用100蚊買65個coins,入會送多10個coin, facebook like and share多個10個，total 85coin係張卡入面。一個2歲的b自己插卡同工人一齊玩，半個鐘就冇晒，發現原來一次遊戲最少扣8蚊，而我b拎得幾粒寶石番黎就唔見左我100蚊.。

座落在MegaBox，佔地面積比想像中更大，Comic Park & Cafe 以動漫樂園為主題，主打西式和日式料理。餐廳背景用上原幅可愛的日本動漫的人物，用來Selfie或者打卡都不錯！遊戲區售賣不同日本經典動漫人物遊戲和精品，門面擺有不同的文具精品，吸引到大人細路的注意。跟套餐配汽水或茶，另加沙律和餐湯要額外付費，動漫迷玩到一半可以去休息和進餐。牛肝菌蜆肉意大利粉 $72 香草好香，加上醬汁夠濃，突出蜆肉的鮮甜，厚切的牛肝菌口感結實肥厚，配起來味道更豐富。泰式串燒雞拼炸吉列魚柳配野菌飯 $76配上泰式咖哩醬汁，泰式串燒雞好惹味，雞串外層經煎香，肉質嫩滑。魚柳炸到好脆，蘸點咖哩汁帶出脆物的香，但略嫌不夠多汁，另配點沙律醬會更好。題外話：登記做會員要先付$20

到了Happy Friday同一班姊妹到九龍灣大型購物中心血拼潮聖，再到附近的Megabox覓食，大家都非常熱衷吃西餐，為了滿足好友的慾望，於是來到集食買玩於一身「Comic Park & Café」，很受顧客喜愛，地理環境很好，是一個談天說地的好地方。 全港第一間以動畫為主題的樂園進駐九龍灣Megabox，找回童年集體回憶，佔地達7000呎的Comic Park & Café，環境舒適之餘更有齊各經典動漫人物裝飾。 室內有多部遊戲機，總有一部你會喜歡，我及好友開心玩樂了幾個小時，令人樂而忘返。 夾公仔機是為這個樂園特製的特別版，室內遊戲適合不同年齡人士一齊玩，大人細路都可參與。 樂園設有模型collection專區，造型感覺很美觀，喜愛模型的朋友，一定不能錯過。 場內有一間動漫Cafe，一邊食一邊欣賞牆上熟悉的卡通朋友，好似鐵甲萬能俠及幪面超人等，確實是一眾動漫迷的最佳食店。 坐下後立刻點食物，餐單很簡約，提供幾款不同類型的精選晚餐，可配汽水或即磨咖啡或檸檬茶。 美式什扒配野菌飯 我選擇了美式什扒，分別有豬扒，牛扒，香腸及少量蔬菜，配上野菌飯，來到時非常熱，豬扒及牛扒

唔知weekend做咩好？中意玩同食既你泥依度就岩哂啦😝 咪住先 唔食飽邊有力氣玩？等我入去餐廳揾野食先😝什扒飯包左豬扒 牛扒 雞扒 煙肉同腸仔 岩哂食肉獸😈😛 份量算幾多下 雞扒肉質幾嫩滑👍🏻 豬扒都幾厚身🤔 牛扒都有啲筋位 但勝在份量多 食落都好飽肚😛意大利粉加左香草幾香口😋 雞胸份量都算多 肉質幾細嫩 唔會好韌 配搭埋菇就令味道更豐富 而蘆筍份量雖然唔多 但幫成個意大利粉增添左種清新既感覺😛 若果忌廉汁再多啲會更好 會令成個感覺無咁乾身🙈 前菜既雜菌磨菇湯味道頗為濃郁 偏稠身 而甜品係整成超人樣既椰汁紅豆糕 好的骰 食落椰汁味都幾濃😋煙三文魚沙律都算係幾新鮮，擺設得都幾靚，蔬菜亦洗得乾淨，無苦嘅情況食飽飽就梗係去玩啦😝😏

因為團購左 Comic park & cafe的優惠卷($249 購買500個遊戲幣 + $50餐廳現金卷)，所以都要來Comic Cafe 試下啦~餐廳係Comic park 入面，為配合遊樂場的主題，有唔少卡通人物的裝修，而且地方闊落，坐位都舒服。餐牌選擇唔算多，但價錢尚算合理，而且有包飲品。海蝦天使麵 - 蝦的分量唔多，但天使麵軟硬度恰到好處，味道可以接受。美式雜扒 - 美式雜扒有齊腸仔，煙肉，牛扒，豬扒等等，可惜配菜唔多，感覺有D肥膩。牛肋野菌飯 - 味道比想象中好，而且材料充足，牛肋配上醬汁夠香甜，值得一試。豬肋骨 - 雖然個骨比較大條，但分量十足，肉質都唔錯。整體而言，食物質素都過得去，而且坐位舒適，適合大人小朋友來邊食邊玩。

1- 九龍灣有間動漫CAFÉ開左好耐,我一直想去好耐架啦終於有朋友搵我去有得食,又可以玩遊戲同夾公仔好正, 個場又大 ,環保好,位於 MEGABOX食完或食之前可以行下街細公仔機都OK易夾, 野食又唔差晚餐我食C餐, 香煎海蝦配龍蝦汁天使麵仲可以加$28配密汁煙鴨黑醋沙律,餐湯 同甜品好抵配!~ 緊係加啦﹗天使麵幾好食,幾香口餐湯又濃, 汽水, 鴨胸 ,甜品 泡芙野飲就細杯左D、對於我來講唔夠飲呀 但整體價錢又唔貴, 平日夜晚都有唔少人流

香港的主題樂園、主題餐廳是相當吃香，相信這間以 Comic 及 遊戲天地 作招徠，應該口碑會不錯，因此在這個晚上，貪新鮮的我們去尋快活 ! 大門外設置了過十部扭蛋機。向內望，環境真大 !在入口處詢問，店員告訴我若然要玩遊戲便需要付上 $20 入會費，其後根據自己的喜愛而購買代幣，值得留意的是：這兒的遊戲機只供玩樂，積分不會變作遊戲票，不能換獎品；反而獎品是以購買代幣的金額，$2 當作1分的儲分形式換領。這是我的會員遊戲咭。開始四圍遊覽 ......玩任何遊戲機，只要插入會員遊戲咭便會自動扣錢自動開始，🆗 START 🔈玩完 氣墊球 再玩別個遊戲 🎈 🎉 🎊 是準備吃晚餐的時候了，一站式包括玩和吃 ! 精選晚餐 的價錢是包括 飲品，但只要額外加付 $28 便可以增配 沙律、餐湯、甜品。餐廳的範圍寬闊，包場辦活動應該是不錯的地方選擇。是日餐湯是 雜菌忌廉湯，雜菌粒粒既軟又滑，屬於老少咸宜的忌廉湯味道。香草燒雞胸凱撒沙律 很健康的一道沙律，少沙律醬及少鹽，香草燒雞胸的肉質並不算是粗糙至難以嚥下，不過它的雞味出眾；凱撒沙律有麵包丁、煙肉碎、芝士粉、豆苗，沙律醬僅是黏落在菜葉上，吃下去是清爽的。

帶小朋友出街食飯係超級令人頭痛嘅一件事! 唔係間間有小朋友凳之餘，仲要有嘢吸引到佢坐定定... Megabox成日都一家大小去，要諗食咩都唔易㗎，小朋友點會同你坐個幾鐘食中餐吖! 今次試新嘢，睇吓下次帶唔帶到親戚個小朋友嚟食!木枱木地板，個feel都幾似屋企，最特別其實係門口有張touch screen玩game嘅枱，一路食一路有嘢睇，不過有人玩緊唔方便影相，估計有唔少daddy mommy因為呢張枱，俾小朋友扭計要入去我係去食晚餐，選擇唔多，但總算有飯有意粉，價錢真係幾相宜㗎喇! 咁megabox都唔係多平嘢食creamy白湯有濃濃野菌味，夠杰身啱晒我口味煙鴨胸黑醋沙律，唔係主菜唔多comment，不過鴨胸算厚身美式雜扒配野菌意粉，飯轉咗意粉，咁多肉啱晒食肉獸! 意粉有加少量香草炒過，幾香，好味過成日食到嘅白'saap'意粉!!海蝦配龍蝦汁意粉! 好少可有得配龍蝦汁，我覺得好好食，冇卡邦尼咁漏，係白汁同蕃茄汁以外嘅好味選擇! 海蝦大大隻幾爽，男仔未必夠食，但女仔就perfect喇總括嚟講，大人細路都啱食，價錢唔貴，大人有咖啡飲，小朋友有唔少甜品揀，仲有雞脾有薯條有Pizza，小朋友有