影片
电话号码
23482215
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
大鄉里，未去過鯉魚門。行山之前蒐集資料，睇吓有冇啲咩可以補給。呢度目標係想買芫荽鳳凰卷，但係行山又唔想孭住，因為驚整爛晒。最後放棄咗上魔鬼山，破完再落嚟買。呢一間已經包好晒，冇得俾人試吓味道。其實佢有包即場整好咗，但係未封口，驚封咗口熱辣辣會焗冧啲鳳凰卷，所以冇買嗰盒。又怕老媽覺得芫荽怪，就買咗傳統嘅花生椰絲鳳凰卷，同埋原粒杏仁餅返屋企俾佢試。返到屋企我又攞嚟食吓，啲鳳凰卷脆到癲咗，啲椰絲同埋芝麻都好香，不過如果可以再多啲個口感就會更加豐富。另外個原粒杏仁餅都唔會太甜，個人就其實唔係好鍾意食粉狀㗎杏仁，但係呢個又可以接受。下次要返去再買芫荽鳳凰卷，我覺得應該會有另一種驚喜。
继续阅读
每次黎鯉魚門，我都會去呢間餅店買點小手信。呢間店舖既餅食大部份都係店主自己新鮮手造。🥢我每次黎都必買佢既紫菜肉鬆卷 。蛋卷夠鬆化，有濃濃既蛋香味，甜度剛好，配上肉鬆同紫菜， 真係令人忍唔住一個接一個咁食。🥢另外芫茜蛋卷都好好食， 平時新鮮既芫茜會有一種濃味，唔係個個可以接受， 但芫茜經過同蛋卷一齊烤過後， 果種濃烈既味道消失左，芫茜入口變得脆脆， 就算平時討厭芫茜既人，都可以一都試。🥢而雞仔餅有濃濃既南乳特有香味， 係兒時食到既味道。大集團既食品到處都可買到， 但味道卻很單一。我個人比較鍾意幫襯小店，食到既唔單止係食物既原味道，更多既， 係香港越來越少有既人情味。🏠 勝園餅家🛤️ 油塘鯉魚門海傍道中27A號地下
继续阅读
除了澳門手信街，在香港最多手工蛋卷店應在鯉魚門。前兩晚去鯉魚門食海鮮，心血來潮想買手工蛋卷，源着海鮮街（只有一條路）走着走着，聞到一陣蛋香味就走到勝園餅家，當時店員在做蛋卷，就買了一盒回家，沒有令人失望，很香，很鬆化。一盒八條，兩日已KO了，昨晚再去勝園買了兩盒蛋卷，另買了一盒焗合桃也沒令人失望。昨晚第二次購買時，店員讓我嘗試了鳳凰卷就覺得蛋卷比較出色，可能本人比較喜歡鬆化的口感，另外有一款焗蛋白也可一試。
继续阅读
咁多款中式小食黎講，砵仔糕可以話一直係既最愛，比較起其他中式甜品，佢有口感之餘又甜甜地，隨時食幾個都得啊。今次黎到油塘，其實經過過呢間中式小食店好幾次，但每次黎都賣哂砵仔糕今次竟然咁好彩未賣哂，即刻試返個！一個$3.5，$10有3個，都係同出面差唔多價，但拎上手明顯比出面既細三分之一左右。去到只係淨返一個有豆既，雖然我食開有豆，但都試埋個無豆啦（一個點夠食喎係咪！）咬左一淡就已經知係高質既砵仔糕！試過無數間砵仔糕，當然佢未係最好食，但佢勝在夠煙un，好多地方都做唔到呢種口感架，而且佢既甜度係適中，我比較中意甜既但呢個甜度應該係唔好甜品既人都會接受到，紅豆量都算正常，唔會有未煮林既情況，各方面都做得唔錯，我都好唔捨得咁慢慢咁每啖每啖品嘗下次要試下熱食同埋一定買多幾個
继续阅读
上個月，姨丈的家姐去開油塘鯉魚門，順道買了 <勝園餅家> 的家鄉雞仔餅！姨姨送了一盒給我們！ 家鄉雞仔餅粉紅色的紙盒印上的圖案似鵪鶉而不是小雞！ 盛載十件雞仔餅，而且有膠袋封套防止油份滲出來，而且可以保存其新鮮度及香氣！一舉兩得！ 由於雞仔餅是人手造的關係，大小形狀不一，比我預期中大件， 打開膠袋，已傳出一陣南乳香，呈金黃色的餅身，口感煙韌帶甜，內裡的南乳及冬瓜肉及肥豬肉，鹹甜交集，美味可口， 食了四件當早餐都夠了！ 如果，配上一杯熱茶更可有助解膩！
继续阅读