勝興潮州打冷

营业中

休息中

都食過好多次，但都係外賣平台叫餐。電話App 話餐廳6點會開，但打電話去問，佢地話6半先開機，最後6點40分都未開再打電話去問，就終於可以落到單了。一開app 就落單，都要8點先有得食，睇黎餐廳都好好生意。3 個人叫左6樣野： 椒鹽鮮蝦 ($138) 味道唔錯，但有一兩隻蝦食到有少少淋，又會冇左個頭潮州煎蠔餅 ($75)之前食過大大份，外賣嚟到都保持脆口，蠔多，但今次食蠔唔多，粉漿又太杰同厚韭菜豬紅 ($55)豬紅太熱，外賣膠盒都扁左，入面d 汁流晒出個袋蠔仔肉碎粥 (大） ($75)份量都唔少，味道唔錯自選滷水三拼 ($125) 同堂食比較，見到d 相又好似外賣細好多招牌滷水鵝片 ($125)價錢黎講一定比堂食/外賣自取貴，但見佢食過幾次外賣都可以保持熱辣辣，餐廳又唔近地鐵，所以外賣平台app 叫都係一個選擇。但如果趕時間或者唔習慣晏食飯就要留意餐廳準備時間同送餐時間都比較長。

想食宵夜打冷第一串燒第二，今次同班朋友去咗元朗「勝興潮州打冷」食宵夜🥘滷水拼盤 $120🪿招牌滷水鵝片 $120🐷韭菜豬紅 $50呢度個辣椒醬係好無敵🔥🔥🔥好香口，辣度啱啱好🌶️🌶️之前正到買左一罐返屋企食😋😋侍應哥哥好搞笑🤣坐喺度食就可以無限refill🦪馳名潮州煎蠔餅 $70環境就一般大排檔咁，唔好有期望🙊🙊不過侍應姐姐都好nice，有講有笑🤣🤣🤣勝興潮州打冷📍元朗建業街65號地舖

是日和男友晚上外出用餐，想起很久沒有食打冷，所以來了這店，第一次是小學同學聚會，第二和第三次都是帶男友來~~~門面擺放的食材已經令人好想快D入去食~~~小店不想有太多成本，所以堅持傳統手寫單～～～當食物來齊時見到每款都大大份就唔敢叫太多食物~~~馳名潮州煎蠔餅($65)，個人覺得即叫即整夠曬香脆可口，蠔仔食落都不錯~~~招牌鹵水鵝片($110)，鵝片切得厚薄適中，底下的豆腐實得來又好食~~~韮菜豬紅($50)，一上枱超熱，我冇留意就立即食，點知熱力係沿著口入食道，我就唯有飲啤酒和吃其他餸後再繼續吃~~~暖暖的入口就感覺不錯，韮菜浸在底，我不吃，所以讓男友代我吃個夠~~~到這種店晚餐最理想 多兩、三人，因為可以品嚐更多餸菜，之前跟小學同學品嚐過烏頭魚，個人覺得真的好食，元朗烏頭一向馳名，下次再找機會品嚐。

今晚家人想食打冷，而我地通常都係用外賣平台點餐外送 (除非餐廳位於Yoho Mall, 咁就可能會自取)。我同家人認知的元朗打冷店只有幾間，而過去有幫襯過的就只有2間，勝興係其中一間。招牌鹵水鵝片 (大豆芽底) - 鵝片入味，份量亦算OK。韭菜豬紅 - 雖然係外賣，仲熱辣辣，好味。蒜蓉豆苗 - 份量並唔算多，不過炒得適中。另外叫咗一個飯及一個粥。飯就太多食唔晒，而粥就勉強清晒。整體食物的味道及質素都OK 會繼續幫襯及試下其他食品。

d野難食不特止，外面長期放個餿水桶臭到想嘔，服務員的態度當然預期差，我已列永不幫襯之店，如想試下有幾臭，或想試下d 野有多難食，行去門口就聞到，真係極品，沒得頂呀。

當日去到得2枱客，上菜速度都算快，員工態度唔錯，食物質素有待改善，整體食物偏鹹，食完呢4個餸，我都飲左1罐野，4杯水。再幫襯程度： 1/10韭菜豬紅 7.5/10正常一般野，豬紅唔會有腥臭味。炸蠔餅 8.5/10炸得好好，就算凍左味道都唔會變，蠔仔非常多。啫啫雞煲 3/10完全唔個呢煲係咩黎，個味道同平時食既勁好大分別，啫出黎既雞係濕。4個人每人食左1舊就無再有人食過。滷水拼盤 6/10不過不失，有小小咸。

食過兩次，食物麻麻都算，服務太差都算…竟然比我發現衛生先係重大問題！行過見到佢哋D食材就咁放係門口，大熱天時 D食物會唔會變壞架，有冇老鼠行過嚟架⋯⋯好恐怖呀！以後都唔敢去！大家小心！

衛生差到無人有，態度惡劣！！！D伙記落單又慢！鵝片又少又唔好食！ｄ野食完全唔值！張台已經痴立立！成個地下油立立差D仆親！呢間野無下次，我下次去元朗廣場果邊食仲正！

難得外賣平台有優惠先試下 百幾蚊既鵝片得唔到10片 連豆腐都冇幾塊 竟係好多花生。。。椒鹽鮮魷都勁少 仲要濕地地。。唔知想點 因為外賣就甘呃人 實在太過分以後都唔會再幫襯 希望大家都小心

之前是在舖頭食過，覺得分量及味道也ok，因為疫情叫動物送遞，打開看到鵝片併盤，價值144蚊居然只有4片鵝片，可能因為外賣真係做得過分，與堂食分量完全不同，希望店主可以多加留意，現送上劣評👎🏻👎🏻👎🏻☹️

菜牌改了，很多廚房小菜都刪除 包括我喜歡的胡椒豬肚，伙記稱現時主打舖前鹵水食物，又誠意向我推薦潮州凍蟹，之後就點了兩隻蟹、一些鹵水食物和小菜 ，等了一會，食物陸續上桌，碟頭適中，出品還可接受，但最失望就是主打的凍蟹，淡而無味，肉質帶霉😔

係元朗收工，搵飯食，唔想食Yoho Town連鎖店，住附近的同事就帶隊，但又怕我地醃醃尖尖食慣好嘢。我地話味道好個人的，最緊要乾淨衛生。去到勝興門口，覺得比我預期的乾淨10倍，食材整整齊齊堆放排列，你話門面功夫幾咁緊要呢。好多熟客入黎，同老闆熱熱鬧鬧傾幾句先坐低。經驗話我知，咁和諧氣氛的食店，通常都好食。你d嘢難食d客會成日黎？唔係成日黎會咁熟落？鵝片墨魚豆腐底：正常，唔突出，鵝片可以再薄d。豉椒炒蜆：新鮮大隻，最緊要無咩空殼。白灼東風螺：新鮮，肉厚。炸蠔餅：好好味，足料，唔太燶，蛋漿啱啱好，口感好實在，唔會得陣風（即係脆卜卜果d）可以為個蠔餅再入黎元朗食。

今晚同朋友入到黎元朗塭野食，見到咁多打冷鋪頭所以就忍唔住要幫襯下喇，我地就隨便搵左間就入咗去坐低。因為鋪頭裏面太多人，所以就坐咗喺街外面食。今次叫左炸蠔餅、椒鹽鮮魷、韭菜豬紅同鵝片滷水拼盤。除咗鵝片滷水拼盤比較大碟之外，其他都真係好細碟，尤其係個炸蠔餅細碟到嚇死人，一人一啖都唔知有無，而且味道都好一般。總括黎講呢間鋪頭性價比真係比較低，只係叫左四樣餸加白飯就收成四百幾蚊，真係有 D 貴而且份量重要偏少。

今日入元朗逛街，大約六點就提早食晚飯，大家都諗唔到食咩，⋯突然見到有間潮洲打冷鋪，好想食！ 其實有小朋友之後，好耐都無食潮洲打冷了。因為打冷鋪給我的感覺是地方又迫，地下又唔太乾淨⋯但今晚真係好想食，而且小朋友都開始大啦（想食，總會不斷給自己一個籍口）鵝片拼盤（打冷必食）鵝片好入味，好好食，可惜只有四片⋯每人食得一片，到喉唔到肺。雖然生腸，大腸大荳芽，鵝腸都同樣入味好吃⋯但一家人仍對滷水鵝片念念不忘，連兩隻小魔怪都說下次要再食過金牌蠔仔肉碎粥超級多蠔仔，而且仲粒粒飽滿，啖啖鮮甜元朗蒸烏頭感覺有點乾身，但必須沾點普寧豆醬，帶出其鮮味還點了韮菜豬紅，但竟然忘了影相⋯韮菜豬紅味道也不錯，亦夠滑！看到其他食評說這裡地方裝修簡陋但仍算乾淨企理，我也認同的！至於服務態度差的話，我還沒這樣認為，可能當天我是第一枱客人，服務態度不錯。之後食飽臨走前，還聽到他們跟其他客人交談，很有街坊老店的感覺。好！下次再來試試其他菜式先！

好耐好耐無食過潮州野, 成日都想去食, 但總係比其他餐廳吸引左. 今日終於的起心肝同朋友一齊食勝興, 雖然平時都有食開, 但今次真係好想特別稱讚個蠔餅! 因為真係做得非常好.蠔餅炸得非常乾身, 不油膩, 完全係外脆內軟, 蠔仔好肥好甜, 一點腥味都冇. 由其呢個蠔餅落咗大量既蔥同芫茜, 陣香氣真係會留係個口度. 久久不散. 另外, 如果食既時候再配上潮州醋一齊食的話, 真係連少少油膩既感覺都無埋, 超正!仲有呢個啫啫雞煲亦都真係超夠鑊氣, 師傅用咗大量料頭去爆香隻鑊, 當再放埋啲雞件落去炒, 香料既所有味道就會全部掛曬係啲肉既表面. 另外值得一提既係, 師傅係落鑊炒雞之前, 會先將雞件走油. 呢一點不但可以將雞既肉汁完全鎖曬係肉度. 亦可以令到雞件係爆炒既時候唔會咁容易散開. 做得好好! 因為得兩個人食飯既關係, 所以都唔敢叫咁多野食, 最後淨係簡單咁叫多個韮菜豬紅就作結. 味道好濃郁, 好適合用嚟“送飯”. 如果味道再辣一點就更好.  唯一美中不足就係碗飯太細碗, 份量再多啲會比較好. ;))