影片
港铁柴湾站 D 出口, 步行约8分钟
继续阅读
电话号码
28892698
付款方式
以上资料只供参考，请与餐厅确认详情
身為半個柴灣人，今日黎到漁灣街市入面嘅熟食中心可以話係臥虎藏龍，唔係地膽未必會知道嘅地方😎黎得哩度食飯就係以「快、抵、正」為主😋叫左碗最貼地嘅《餐肉炒蛋面》配《港式凍奶茶》，呢個組合可以話係茶餐廳最愛🥴炒蛋炒得好滑溜，入邊仲包住蛋汁👍🏻餐肉雖然係圓形一大塊，但係切得比較薄，而且冇煎過，欠缺口感😕麵底係福字麵，個人來講覺得麻麻，太幼身🤣呢碗麵只可以用「抵」黎形容🙈凍奶茶就不過不失，茶味香醇，奶身幼滑👍🏻不過好戲在後頭，主角《秘製雞翼》先係今餐重點！😍即叫即炸嘅生炸雞翼，真正嘅金黃色無燶邊🤩炸得好靚🥰因為生炸所以皮特別薄，食落都唔會好油膩！咬落仲係好多肉汁，好嫩滑同飽滿嘅雞肉😋😋😋秘製嘅醃料亦唔會過鹹，真係好好味😋另一個茶餐廳嘅配搭《奶醬厚多士》，好貼心已經切開左四片👍🏻神奇在麵包皮一啲都唔硬，仲係好鬆軟👍🏻
继续阅读
一日之計在於辰: 依句說話果然冇錯，今日難得早左起身就去左漁灣村食早餐先再返工，估唔到8點到漁灣街市竟然會坐滿哂人，嗌左個早餐A有牛油方包，煎雙蛋，火腿通粉。個人唔中意食方包，所以叫左烘底，都係加$1，但要留意可能假期多人既關係，六日係不設烘底，個多士好脆，而且有好多牛油，完全冇慳手，太陽旦煎得好靚，唔會太燶，提提大家，通粉可以叫佢地加色(腩汁)，會好味好多。之所以話係快靚正，皆因我用左唔洗20分鐘就食飽飽走人
继续阅读
一清早出門去柴灣，目的是出海釣魚。一大班朋友在漁灣街市熟食中心勝香園食早餐，食飽先上船。我是第一次join 佢哋，由柴灣站行去，沿途睇住個Google map, 先至搵到。叫咗個餐肉，沙嗲牛肉麵跟熱啡，成為32蚊。好奇怪，呢度會問要唔要沙嗲汁? 如果唔要，我使咩叫 “沙嗲”牛肉喎。呢度個餐肉嘅特色係“太陽”餐肉，用一大塊圓咕嚕的餐肉餐。至於牛肉真係唔得，而沙嗲汁更不濟，毫無沙嗲味。所以問人要唔要沙嗲汁真係多此一問。
继续阅读
今日約咗朋友去釣魚，出船前係魚灣街市二樓嘅勝香園食早餐，先到先等，最早係我先到，所以先叫個早餐食先，包括有香腸煎旦，火腿麵，飲品叫咗一支可樂，腸仔旦都OK，麵就用咗福字麵，尚算好味，好快朋友都一齊到哂，等埋佢地食早餐跟住出發去釣魚。
继续阅读
好耐無食喇，之前想來食時又撞啱無開，再唔係就落雨，今次終於配合到天時地利人和食到喇！仲以為無來咁耐，人流無以前咁多，估唔到呢條街嘅人流比以前更旺，差唔多每間食肆門口都有人龍，好彩朋友早過我到，排住隊等，不過都要等一陣先坐得低，其實已經有幾個姐姐幫大家落單、執野同收錢，但點都要等一等先有人理你。今次點咗蕃茄碎牛蛋通粉，牛油檸檬汁蜂蜜脆脆同凍咖啡，最快來嘅係通粉，由於係搭枱，所以上野食時都有d混亂，大家要隨時留意住姐姐送咩過來，碗麵食到一半諗住追一追個包，都未講完，姐姐就話要等，雖然唔想阻住張枱都惟有乖乖坐响度等......
继续阅读
您可能会有兴趣的...