包包傾老趙越南餐廳 (已結業)

未叫野食已經一肚氣發客人脾氣不知所謂只是調一調之後明玩野又"苖"客人不想做不要做免得影響其他人的心情比錢也要受人氣一定投訴到底大集團也做出這些事情考慮清楚才考慮到這店

十年冇去過老趙, 今日下午茶時間, 去食下, 叫左2個48蚊生牛肉河生凍飲, +3蚊, 咁佢出左張單, 係寫住2個生牛肉河(冇價錢)放係枱頭, 埋單時佢再出左一張有價錢的, 107 蚊我問佢係唔係有加一, 佢話冇, 因為叫左午餐, 果時我話叫下午茶, 都想係袋攞多幾蚊埋左佢算.但係個收銀,一叫對唔住話出錯單都冇, 好似老馮咁, 你食左個大D 既就要俾大午餐既錢.即時火都來左, 叫落單果個來佢又冇人敢出來認. 結果要經理出來改單, 為呃果幾蚊. 做錯野冇人想認, 想推俾客

小姓趙，有時行過老趙，朋友都會講笑問係咪你開，不過佢哋個個都話又貴又難食，拉住我唔俾去。但係可能同姓三分親，成日都心郁郁想試，今日就趁一支公去試下。入面人頭湧湧，不過細心d睇，見有好幾個人，眼神因肚餓而帶空洞，又因趕時間而顯焦慮；坐低，我對面嗰個等到吽咗，隔離檯嗰個等到躁咗 ... 咁嘅情況，唯有叫碗睇落最簡單嘅生牛肉河粉，好在都唔使點等。食落其實ok，牛肉份量唔少，有4、5大片，湯都夠味，唔會太淡。而最得我心嘅係嗰大舊蘿蔔，索哂d湯汁，好淋好入味。綜合嚟講，都係一碗合格嘅生牛肉河。見隔離檯有問店員攞配料 (一碟仔青檸、辣椒等)，不過我見佢哋忙到就嚟趴喺到，同埋都食咗大半，就冇問喇。價錢嚟講就真係唔平，呢碗粉係午餐，$52+$3凍檸茶，呢個價錢喺呢頭可以食得好豐富㗎喇，不過食物 (淨係就呢碗牛河而論) 都ok嘅，有機會可能會再嚟試下第二d嘢！

越南嘢一向都like, 尤其係湯河，湯底通常清甜。今次晚飯就唔食湯河囉~水晶蝦米紙卷 - 食落夠fresh, 除咗兩隻蝦仁，飯同米粉，仲有啲肉碎，生菜呀咁。醮埋個辣醬就更醒胃。炸蝦餅 - 都幾juicy, 蝦肉較食過其他食肆鬆軟，尚可。蟹肉焗蛋金磚 - 食唔出蟹肉or蟹味，麻麻。香草蝦膏蟹肉炒飯 - 伏之選。味道帶啲蝦膏嘅咸香叫還可以，但完全食唔出蟹肉或蟹味；炒得尚算乾身但飯粒本身太林。食唔出任何蟹味蟹肉好失望。椒鹽軟殼蟹 - 攞番唔少分數。外層椒鹽夠味，裏面juicy嫩滑亦夠肉，推介。青檸梳打 - 椰青賣晒可惜，嚟個青檸梳打fresh一fresh佢。後記： 食物水平只係尚可，唔駛加一都可算賣點之一；服務唔錯，環境整潔。

夜已深，飢腸轆轆的我只想盡快找到落腳點入座。曾幾何時，老趙紅極一時，多年前曾光顧紅磡店，這夜再道重遇你。本想點選蕃茄蟹肉湯檬，店員說沒貨，只好另選串燒蝦撈檬。幸好這款次選很令人滿意，尤其串燒蝦份量很足，外觀又吸引非常。細看燒蝦肉厚身長。外殼燒得很勻稱鮮艷，味道香口彈牙。啖啖肉很有口感令人滿足。這塊蟹肉金磚也很有特色，份量一個人吃作淺嚐十分合適。雖然蟹肉不多，混入了其他配料後很結實，味道有蛋香。雖然不能試多些食物，感覺老趙依然是出色的越南菜館，價錢又經濟，要多多支持！

愛吃東南亞菜的我其實也算是常客經常在附近見客前後來老趙吃午飯今天和好姐妹約吃晚餐 她嚷著突然想吃撈濛粉便決定來老趙沒想到未入座就一肚氣朋友匆匆從尖沙咀趕來 我先去等位門口阿姐說齊人方可入座雖然眼見仍有空位但畢竟繁忙時間，這要求也很合理，我取了票便在門外等候反正朋友也發了信息來 說已經到街口 馬上就到 我也不用久等旁邊有三位客人同樣在等候 突然阿姐出來問他們幾位 原來是5位 阿姐問他們「你們齊人了嗎？」客人說未齊，阿姐卻說沒問題，照樣帶他們入座我馬上問阿姐為什麼他們未齊人可以入座我卻不行？阿姐說他們說朋友很快到 而且他們會叫野食可笑 客人一直在我旁邊 根本什麼都沒有說過而且難道她意思我就不會叫野食 會白坐？ 我說我朋友也很快到 阿姐叫我那等我朋友到了再跟她說 幾乎是用喝的口吻 態度極度惡劣分明5人的單不想錯過 2人就覺得不會多吃就看不起朋友此時已經到了 但一肚子氣 不吃了保證以後再也不會光顧

是晚點了一個雞翼撈檬，咖哩豬扒飯(上枱變左香茅豬扒飯，好少問題)及一杯三色冰，用餐時間約1930-2010，人流較多用餐的速度跟救護員工作時一樣快倒落肚就是了，但女朋友吃飯不能吃得太快就像開罪了餐廳員工一樣，附送強力冷氣協助提升用膳速度(還以為自己在澳牛吃晚飯或者澳牛也沒有這服務)，結帳時就聽到侍應說可以將冷氣較細真是有貼錢買難受的感覺

如題，每次來我都會點招牌三文治。愛上這個招牌三文治，是因為一試不能自拔，它的特別之處就是餡料裡明明有很多平時我不愛吃的，包括醃製紅白蘿蔔絲同青瓜，但當夾著我最愛的莞茜😍😍😍、札肉、燻蹄同豬肝醬，原來一個包可以那麼令人心動。可以一讚的更是即個看似簡單的baguette ，永遠都是脆脆的、微暖，即叫即製果然不同！越式春卷是另一must order item😎皮薄錎料足，我不客氣啦🍴今天試新品-沙嗲鮮蝦炒米粉，味道很夠，每一條米粉都沾滿沙嗲味，大廚絕不馬虎。椰青長期不夠冰凍😅😅環境尚可，聊天就不太方便，檯與檯之間太近了，而且長期需要搭檯😂

今天去佐敦覆診，搞掂之後冇事忙又唔想四處盪，三點三~ 最好的節目理所當然是找個地方吃下午茶  ，本來想行番去太平館的，但上星期才在那裡吃過 lunch, 既然如此試試其他吧。 去到白加士街抬頭見到有"老趙"...咦？ 我真的太久沒來這附近，根本不知老趙在這兒有鋪，有下午茶餐, ok, let's go, Go Go Go~吃了條蕉無得食飯就趕出門的我，個胃收到訊息知道就快有嘢食就突然好餓 睇睇有什麼好吃的~ 碗粉ㄧ上枱我有點驚喜，大碗又多料、 䓤油香、 雞翼及豬排醃得入味好吃，咬下去沒ㄧ般弊病柴晒皮，相當好！ 個魚露汁非常精采！ 杯柑橘蜜冲得夠濃唔孤寒，還加了片片青檸，有誠意！食物方面: 味道不錯、份量十足、餐後冇囗渴，即是過關！招呼方面: 我是第一次幫趁，非熟客啊～ 但幾位阿姐阿姨給我的感覺非常親切，十足十當我是街坊，很友善又招呼周到, 滿分！ 環境方面: 有梳化有枱位、位與位之間唔迫、好坐！ 閒日的下午茶市半滿唔嘈吵, 人人自得其樂，很好hea 的ㄧ個餐店。這份所謂下午茶，因為我當日趕時間覆診skip 咗 lunch才吃得下全碗，如果稍為細胃囗的人吃，根本是兩人份，所以不要單看

Came here to eat after a doctor's appointment in Jordan. It was lunch hour, so the shop is pretty crowded. Ordered a set lunch ($52) for a plate of pork chop rice + drink. Taste: Food - I think it's pretty standard. The pork chop was a little too fat, but the sauce was good. Some part of the pork chop was not tender enough, so took a bit of effort to chew. The sides (shredded carrot and radish) were good and appetizing. The small hint of sourness kind of cut the grease.Drink - ordered a cold red

十分難吃！！簡直玷污左我對越南美食既嚮往3/8夜晚兩人大約晚上十點去個度以前食開越棧個類所以見到小食拼盤就天真咁覺得應該會唔錯於是點左個拼盤+香茅牛肉飯+2可樂點知拼盤一黎先係賣相已經唔掂味道又唔得去邊 又似食齋咁雖然最終係蝦片上發現左1細粒肉已經覺得唔滿意到知牛肉飯黎 例牌配菜最多牛肉"un"到不得了洋蔥一d味都冇我唯一覺得好味既就係蔥油結果最後蔥油撈飯食埋單大約一百九十  想碌卡但侍應話要至少200先得我已經品嚐過所謂既美食所以叫多左罐18蚊既可樂就算以後都唔會再去呢間食Bad list 都呼籲一聲大家小心

貓兄尋日吹雞約食飯, 估唔到一吹即響, 無他嘅, 鑽媽係唔係都唔出嘅, 今次理由係囝要考試, 剩返台山四寶就易辦事...初時貓兄提議去排隊食韓菜, 龍媽唔想排隊反建議食老趙, 勾起我模糊的記憶, 剛出來社會打工時, 唔知邊個生日, 好似係拉大隊去文苑街老趙食晚飯, 當時覺得位置非常偏僻, 走咁遠水路, 食物又唔係話好好食, 仲要衛生同服務都極有待改善, 印象很差... 後來... 好似過多2年無敵生日又提議去山林道老趙食晚飯, 記憶中地點就腳得多, 衛生好一點, 但食物味道未至好到要專程坐車去食...今日, 無人生日, 只係純友誼飯局, 台山四寶的友誼始於台山, 好, 大家一齊用台山話唱返支「友誼之光」先!!!♫ 人生於世上有幾個知己多少友誼能長存 ♫ 嘿... 我地一齊走過的人生路, 竟高達人生的85%, 真係講出來都嚇親自己...是夜重點 : 水貨客交收貨物!!! 嗯... 點解你地隔山買牛買極都樂此不疲?!! 配服, 配服!!!龍媽訂咗枱7:00PM, 我6:50PM去到, 店員唔比我入座... 暈陀陀咗2日, 唔想企係街等, 走咗去對面松記糖水打算補充糖分, 不過, 未落單已經

First of all can anyone tell me whats "bao bao king lo chui" diff from other "lo chui"???Anyway. A quick dinner i was straved and so i ordered the Signature Lo Chui Rice which i didnt have to bother much and can have their pork chop, wings everything in one go. There was 1 bowlful of rice there, a deep fried pork chop, 2 wings, an egg cube, 2 slice of vietnamese pork, some deep fried garlic, carrots and raddish. I love to add just a little sour sauce (which was provide on the table) too. The win

午市套餐，其實係加幾蚊多杯嘢飲。生牛河，河粉夠滑，冇黐埋一舊舊。湯底亦算濃郁夠味，牛肉就一般。鹵水排骨飯，原來係辣嘅，味道幾香，排骨夠淋，似紅燒排骨多啲。撈埋白飯食，辣度可接受。飲品方面，鹹柑桔幾夠味，桂圓紅棗茶濃味啲更好。五六十蚊一個午餐唔算太平，但質素可接受，冇將貨就價。如果可以加錢有小食就更吸引。

早上陪一家之煮睇醫生，還好沒有大問題，放鬆心情之後就跟一家之煮到附近午餐啦~一家之煮想食湯粉，所以就去了老趙越南餐廳啦~想不到，星期六都有lunch set 呀~~Lunch set 係一碗粉加一杯飲品，所以不用多想，就點兩份lunch set啦~一家之煮點了她最愛的生牛肉河粉 ($48)~ 先試湯頭，OK，不會太鹹也不會太味精，但沒有很濃的牛湯味~ 牛肉不會很韌，河粉也很滑，配著大量洋蔥及甜甜的白蘿蔔，也不錯~本來我也想點生牛肉河粉呀，但一家之煮點了，那我當然要點其他，多試一點啦~~ 所以就點了香茅豬扒湯檬($50)啦! 湯檬很大的一碗，但湯頭並不討好，鹹中帶甜的，怪怪的... 香茅豬扒另上的，presentation沒有很漂亮，不過味道OK，香茅味重，肉質鬆化~一家之煮點了熱檸水，而我點了凍蜂蜜柑桔露，凍蜂蜜柑桔露比較特別，柑桔味很重，酸酸甜甜的，頗開胃~有一家之煮在，一碗湯粉又怎會滿足到她呢?? 當然要點些小食給她啦~ 就選了越式蒸粉包($28) 及越南春卷($40)~一客兩件的越式蒸粉包，胖嘟嘟的，餡子很豐富，爽爽的木耳，香香的冬菇，甜甜的蘿蔔，味道討好! 不過，如果粉皮可以滑