包點先生

营业中

休息中

放工在地鐵站內有包點先生的門店,不論中包西包也愛吃的我, 即點了兩個蓮蓉包在晚飯後獎勵自己。經過翻熱後的蓮蓉包,盪手飽滿,蓮蓉香甜品甘,一咬一滿足,再配一杯鐵觀音香茶,滿足幸福就是這麼簡單。

買咗北菇雞飯，雞就得細細地3舊，菇就好啲，都叫有2舊，同以前比，真係差好遠，宜家好似食鼓油撈飯咁。如果佢價錢平啲都好，但比起附近幾間類似嘅鋪頭，佢嘅價錢不但貴啲，啲餸仲要少過人。下次真係唔會再幫襯！

*在家嘆荼*疫情關係已經勁勁勁耐無去荼樓飲茶了，好掛住可以係荼樓慢慢嘆茶的日子呀！無得去茶樓，都可以在家 DIY ge~~我今次就係包點先生 Bao Dim Sin Seng買左好多點心和蒸飯番屋企食。不過估唔到會有咁多人，都等左幾耐時間。番到屋企即刻沖壺茶，趁 D 點心仲暖就開動喇！我地叫左鮮肉燒賣，雞扎，章魚肉餅缽仔蒸飯，鳳爪排骨缽仔蒸飯，蠔皇鮮竹卷，臘腸滑雞缽仔蒸飯和豆腐花，真係同係酒樓飲茶無分別，一樣咁多選擇。講番D蒸飯都真係幾有水準，夠大盒又好啱胃口，特別係個臘腸滑雞缽仔蒸飯，滑雞真係好滑，啖啖肉。鮮肉燒賣都夠晒大粒，好好味！

$6天氣一凍就會想食啲熱辣辣嘅早餐 所以成日都會買蒸包 🐵見到包點先生都有好多選擇 但係最尾揀咗唐記包點無嘅南瓜包 其實食落南瓜味係好淡嘅 好認真咁食先食得出少少 好彩南瓜蓉唔係好甜 同埋入面有啲一粒粒嘅唔知咩增加口感 不過佢地嘅包都幾鬆軟 食完之後都幾滿足嘅 🤤

今天早上於長沙灣順寧道283號地下的包點先生購買了一個奶皇包hk$4, 一個叉燒包hk$5.5 , 二個包共hk$9.5,由於身上沒有散紙弊,只有一百元紙弊,於是便付了三個2蚊,三個1蚊,三個2毛,共付hk$9.6,當我付完款給店的女店員,她便當沒事的企在一旁,沒有想過找錢給我, 我便跟她說我給她hk$9.6 , 二個包共hk$9.5 , 你未找錢給我, 那女店員便很怒又”負”氣的邊搵錢箱內的錢邊說, 我地唔收毛錢的, 原先唔收你的,現又要專登去搵給你 (指搵錢找給我) , 我覺得此店的女店員很沒品德,心態又唔合理由, 一毛,二毛不是錢嗎?如果 貴公司不收毛錢,為何會定包的價格有5.5 , 4.5 等..有0.5毛的價位?為何女店員會說原先唔收我的那三個2毛錢,而最終有收,就係因為她心想,收左唔駛找錢給顧客? 這樣一毛一毛的去呃顧客錢來賺錢嗎?有錢收唔找錢的才會收毛錢嗎?雖然一毛錢不是很大的金錢,但都算是金錢, 而最重要便是那店的女店員的心態和品德很有問題, 這樣不知是那女店員的人品本身問題,或是該店的員工手則要這樣去賺取客人錢呀???? 如果該店真的不收毛錢,為何定價格時會有0.5

一向對番薯包情有獨鍾, 西式既試得多, 中式就比較少見, 就買黎試試蒸完既飽摸上手, 軟滑既中式麵包皮, 輕輕撕開, 本來有點期待...但係一食之下, 食唔出番薯既香, 無論係餡定個包味道都好淡... 此時睇到雜誌, 中式蒸包點原來不比西式麵包健康多少... 咁既話, 我都係重投普通麵包既懷抱算了...