包點先生

营业中

休息中

鮮竹卷⭐️⭐️嚥韌香口的炸腐皮，整體沒什麼汁水，口感乾爭爭，咬落空盪盪，餡料不足包得鬆散。香菇燒賣⭐️⭐️極之普通的，十足十食物工場現成貨色，肉球嚥韌帶汁散發濃郁香菇味。梅菜扣肉⭐️⭐️⭐️⭐️睇完飯戲攻心後一直對梅菜扣肉飯念念不忘，忍無可忍就算盅頭翻叮飯店都唔放過，頂住先止止痕！古法砵仔蒸飯無得彈，飽滿乾身嚥韌飯粒搭飯香絕對無敵！大大舊肉多多梅菜躺在靚靚白白全部釀入，好食到講粗口！大量梅菜毫不吝嗇，五花腩片不油膩而爽化，醬油厚黏稠而甜味強烈，撈靚靚白飯始終一流！美中不足少點香味少點咸味，而且翻叮沒什麼鑊氣，溫度只是暖暖的。砵仔蒸飯⭐️⭐️⭐️飯粒飽滿嚥韌乾爽，飯香飄逸！甜豉油不香甜，濁而偏咸，淨白飯更美味。花旗蔘烏雞湯⭐️⭐️⭐️⭐️清澈香濃的湯汁，陣陣芳香花旗蔘，熱辣辣格外醒神！

疫情之下，酒樓飲茶麻麻煩煩反而會買點心外賣。第一次去包點先生嗌點心盅頭飯，就是啲集團式經營嘅所以出品機器化。食物有熱度，質素同味道係平平無奇但不過不失。今次試咗燒賣，一全部都係豬肉冇蝦嘅中規中矩。鳳爪排骨砵仔飯，因為佢係用泰國米所以食落去整體30蚊唔錯。麻蓉煎堆，炸得金黃內軟外脆。鹹水角，炸得過龍硬繃繃一啲都唔好食。埋單一百蚊食埋單，如果淨係想食嘢嘅話就好過酒樓飲茶。不過食點心冇茶飲又好似真係失去咗香港飲茶文化嘅特色，外賣點心喺富善邨嚟講應該已經係最好嘅選擇。

佢d蒸飯 大部分都好食肉餅最好試過個燉湯 除左包裝差d 飲落都ok係有花膠既 不過最緊要都係平得黎都飲得過呀有時無煮飯 買過蒸飯仲平過煮窮人恩物 醫肚之選呀另外，佢有點心既鮮竹卷同燒賣都好食