北京樓 (歷山大廈)

营业中

休息中

📍北京樓Probably one of the worst business lunch menu that I have had since Cuisine Cuisine. I appreciate that these so called executive lunch sets are for mass production but seriously, they can’t be serving such quality when it’s in competitive Central! The Peiking duck was cold and dry. The pancake that goes with the duck was very very sticky and gooey. Both the soup and the sichuan shrimp were cold and goopy. How much corn starch do they use in their cooking?!Price: HK$600 pp (lunch) Revisit: 🙅🏻

1. 片皮鴨的皮實在是太厚了！！！撕開一半包都厚！2. 擔擔麵，面像塑膠，汁辣但不香😂，沒有肉碎，咪都冇….3. 牛肉餡餅也是一般般吧，但好在新鮮熱熱地；4. 炒鴨菘包菜算OK，唔中伏；5. 最OK的應該算蔥油餅，熱辣辣，也很多蔥油，都算好食。———————————————服務我覺得一般般，晚上七點半來，很少人，四個侍應，但點喊都唔黎幫忙寫嘢，喊左好久…上菜很慢（雖然喊完之後，姐姐有講一下，但沒想到這麼久），不止片皮鴨很久，連擔擔麵、蔥油餅、牛肉餡餅等都等了好久….sad

近排食無咩胃口，想食滴新野。個小籠包有點干身，裡面的汁唔算多，有啲失望，正宗小籠包唔係甘架。😓😓 個娃娃菜味道偏淡。來北京樓就肯定要食片皮鴨啦，個人覺得很OK，鴨肉好香，鴨皮比較Juicy,不過可能會有少少肥。求求其其又一餐。😅😅😅

「不可能」💪🏻的任務 掌聲鼓勵 👏🏻👏🏻👏🏻本地傳統餐飲龍頭 破格試行跑「素」🍀 完全保存經典的色香味俱全出品 省靚名不虛傳的中環 LANDMARK置地廣塲《北京樓》金漆招牌 🏅The Impossible™️ 🍀 made possible @Peking Garden - delightfully delicious plant-based feast @ the exquisite Landmark in the heart of Central - something totally unimaginable that 🇭🇰 HK’s most authentic and traditional restaurant chain would embrace such an avant-garde concept.Recommended dishes 必吃西湖植物牛肉羹 Minced Meat Soup 🍀🐮🥣金陵脆皮植物牛肉餅 Crispy Meat Cake ⚱️🍥松子植物牛肉配叉子燒餅 Sautéed Minced Meat with Pine Seeds and Sesame

雖然香港有幾間北京樓 但係佢地之間既質素可以係南轅北轍 太古同尖沙咀都唔想再去 唯讀中環美心集團旗下既紫玉蘭 翠玉軒 北京樓 都有穩定既表現 今晚係北京樓食飯 得兩個人又想食片皮鴨 訂位果時先知散叫只可以叫一隻無半隻 不過HOSTESS都主動介紹返個二人餐比我 當中包半隻鴨 正合我意 840蚊既二人餐係歷山大廈云云餐廳中可以算得上抵 加上北京樓裝修傳統得黎唔算殘舊 食客又係附近寫字樓 中產居多 用餐氛圍叫人滿意 叫左壺鐵觀音 依度冇好似D酒店中餐咁有野熱住壺茶 不過都有人定期主動倒茶加水 壺茶冇涷曬 頭盤 素鴨紅蘿蔔卷拼豬蹄 豬蹄入味又有些少咬口 醬汁唔膩 不錯 反而素鴨過於平淡 我反而希望會有D酸甜味既頭盤刺激食欲 上湯仿翅湯頭一般貨色 有D平時去酒樓飲宴食翅既味道 仿翅口感欠缺真翅既膠質 雖然有好多翅但感覺都有點不是味兒 大蝦伴帶子酸甜汁帶點辣 大蝦爽口彈牙 帶子煮得岩岩好 唔錯 片皮鴨依度既鴨既舊式STYLE 皮切得較厚 會連肉 唔會好似其他新式鋪頭既鴨皮咁脆同咁有光澤 不過依度隻鴨都好有木香味 係食到最後D鴨肉有D柴 不過都係高水準既出品! 比同樣既舊式既鹿鳴春好！ 小棠菜草

中午過來食午餐，扁皮鴨很好食，湯羹也很正，3人套餐每個人都食得很飽，雖然套餐只有4樣東西:前菜，湯羹，扁皮鴨，甜品。我們加了一份小籠包，小籠包皮很薄，真的不錯！

親戚以優才身份來港工作，因疫情週未也不能回內地見家人，我們樂得與她結伴吃喝玩樂。個多月前我們就去了中環AIA Vitality公園乘坐摩天輪，欣賞維港黃昏日落美景，遊罷就到附近歷山大廈北京樓吃晚飯。我個人認為這間是同一品牌中最靚、最華麗高貴、食物質素最好的一間。當日因為限聚令，每枱四人，我們大小五人要二、三分坐兩相連小枱。坐下看看餐牌，拿不定主意，結果經理推薦我們吃晚市四人套餐，並建議除填鴨外，其他分碟位上，真是好主意。套餐包括如下菜式：1. 古都兩冷盤 —— 紹興酒糟醉雞及茉莉花燻素鵝。醉雞肉嫩滑，但酒香味稍不足，反而素鵝帶少少煙熏花香味，很清新，很特別。2. 竹笙海皇素翅羹 —— 清甜味鮮，用的是素食材，卻有吃海鮮羹的口感。3. 翡翠明蝦帶子 —— 蝦及帶子都新鮮爽甜，用料上乘。4. 松鼠魚塊 —— 外脆內軟，酸酸甜甜，非常惹味。5. 烤北京填鴨 —— 保持一貫高水準，皮脆肉滑，不肥膩，而又油香馥郁，令人吃不停口。一隻鴨分兩大碟，份量十足，鴨殻還可隨意攜走。6. 生果盆雖説是四人餐，我們四大一小都足夠有餘。坐在高雅寧靜的靚靚環境裹，與親人一起享用美食，更有美人伴碟，心滿意足了。

這裏是少女時候在中環仰慕之星，當時是老闆高尚人仕級用膳地方，又不知幾時我開始可以負擔起，在某一定的時候就來，以北京樓分店，此間我最喜愛，仍保持高格調，視覺裝潢設計，以至枱櫈用料配色，都精彩，而感覺舒適，每次都是選間單菜色，志在坐吓嘆茶。餐前小食青瓜豆干$32，以前有菜莆粒、咸酸菜花生，我好喜歡食，今次點解無咗，還有多咗胡椒粉味义燒包$28，汁乾的，义燒不夠香，皮白淨軟彈。北京水餃5粒$50，厚皮，有粟米粒，有肉汁，嫩，我記錯以前食北京雲吞，特別滑，湯清甜。雪菜肉絲湯麵$55，麵腍，味尚可。煙燻素鵝$92，蘿蔔，芹菜，菌絲，全甜，我覺得不值。假日此處寧静，疫情更特別静，只得4，5枱客。

平時去親北京樓都係食片皮鴨，今次就係，特登試吓午市套餐，午市套餐有茄子配煙鴨胸，海蜇，蛋白炒帶子,炆花膠，小籠包，西湖牛肉羹，風沙雞及芒果冰皮月餅。每様餸都算是不錯。這間分店已是北京樓系列多間之中比較好吃的一間，都keep起水準來。雖然午市都是滿滿的人流，但是都OK。

今日老闆請食午飯，話要帶我地去食下傳統的北京菜，老闆拍板叫左個6人套餐，首先黎左兩款前菜小食，分別係海哲及無錫骨，依家天氣開始炎熱，所以哩兩款前菜真係好岩季節，無錫骨酸酸甜甜，真係好開胃，老闆說這款菜餚到唔脫骨真係唔易的，廚師要好掌握到火候先可以做到，正。第二道菜雲吞雞，服務員係小台將雲吞雞分好後才派給我們，飲落啖湯仲熱騰騰的，好有雞的味道，唔似味精湯，雲吞都好新鮮，而雞件方面，平時我唔鐘意食的，覺得粗糙，但哩度餚得好鬆軟，好易咬。第三道菜宮寶蝦球，望落應該都幾辣，但食落完全唔辣仲甜甜地，隻蝦唔算太大，肉質都彈牙。第四道菜北京烤鴨，服務員先將烤鴨拎到老闆面前給他過目後再在旁邊的小枱中片出鴨片上枱，同時上埋熱住的雲餅，雲餅好薄好軟熟帶少少咸味，將京蔥片、青瓜條、鴨片及甜醬包起吃就是傳統的北京填鴨食法，鴨片肉質鬆軟，外皮唔會好多油，非常好味，可惜我地食到一半時青瓜條同京蔥巳用完，服務員又沒有為意去添加，所以之後食就有點失色了。食完之後就上左個炒時蔬，味道比較清淡。跟住就粟米斑腩，斑腩炒得好滑，份量都係每人一塊，所以特別令人回味食左個幾鐘，到差不多兩點既時間，最後一道菜(甜品)一直都未上，老

填鴨半價、餐牌75折聽聞中環店的填鴨「皮」有別於其他分店、可惜近日統一了未有無機會一試、填鴨皮脆香口、整體食物唔錯食埋個西米焗布甸、十分滿足服務。要食就早book位、都好full

商務午餐，選在中環北京樓，以往這𥚃高朋滿座，人頭湧湧。今時今日，早一日訂枱都有位。朋友說想喺北京填鴨，近landmark首選一定係北京樓，一來到這裏居然看見推廣：星期一至四6折，星期五68折，雖然只限單點食品。不過因為一個星期做嘢實在太辛苦，大家都想食好啲，所以最後叫咗一個四人北京填鴨商務套餐，$2000左右，之後嘗試同經理講，經理好好人俾咗個折頭我哋。我其實唔可以食好多嘢，首先嚟咗前菜(錢財)係青瓜雲耳及排骨，只要唔係白果，我對前菜冇要求。跟著係爆蝦球帶子，呢個係一個好重味嘅餸，甜甜辣辣，我覺得太辣了，所以試少少冇食，下次要同經理講減辣先得。之後有一個湯羹，我唔食湯羹的，skip咗。朋友說湯羹濃淡適中。到片皮鴨出場，真係好大隻，一塊春卷皮包兩片鴨，每人食咗兩件之後都只係食咗半隻，另外有半隻要打包。雖然我唔係食晒成個餐，公道講句中環呢個價錢食咁多野係好抵食，北京樓環境舒適，枱與枱之間有足夠距離可以放鬆地談話。美心的服務水平一向高，服務態度很好的，當然可以更細心，但只要提出要求都會盡量配合。很想明天再去。

因為午餐外賣做緊優惠韭黃肉絲炒拉麵試試。廚房刀工一流，d 肉絲幼到呢，可以媲美鉛筆入面嗰條鉛芯呀。個底浸晒油都算啦，始終炒麵實會有。麵質都還可以，味道中規中矩，但肉絲真係要用放大鏡先搵到。完全唔係北京樓應該有嘅質素，無論返工一族食唔落，如果要見客嘅更加唔洗諗過年前去過旺角間北京樓，質素已經麻麻，金鐘pp嗰間好食，太古城唔掂，歷山以前堂食都ok的，今次質素連茶餐廳都不如。間間唔同標準，我會寧願揀其他同級別嘅試試

今次係中環食北京樓，環境好中國風亦好decent 芙蓉賽螃蟹🦀️🦀 正常口味，都好食但蟹肉比較少。蝦子鍋鎉豆腐🦐🦐 呢個幾香口，味道不錯。另外我哋仲叫咗碟蕃茄鍋巴，呢個我就覺得份量一般，冇乜海鮮。

老人家想食美心集團嘅北京樓，坐底後侍應係咁sell我商務套餐可以四人變三人，講明係將四人餐價錢除四乘三咁計，到咗埋單又唔係咁講法，又話下次會同落單同事溝通，為咗唔想老人家唔開心所以無再同職員理論，但就無下次。😠👎