北京樓 (太古城中心)

营业中

休息中

如意吉祥宴（$2480 /6位）七里莊酒糟醉雞胡同里芳香素方賣相：🐧🐧🐧味道：🐧🐧🐧素方和醉雞為前菜頭盆，分別以大碟整齊排列呈上，未有刻意擺盤裝飾，賣相一般，份量則剛剛好足6人份量。味道方面，素方有點像腐竹卷，頗有層次感，口感冧身，調味一般偏淡。醉雞酒味略嫌淡薄，跟白切雞無異。雞肉骨比較多，肉質還好未算過老。蒜香蝦球帶子賣相：🐧🐧🐧味道：🐧🐧🐧🐧蝦球帶子各有6件，跟瓜粒、三色椒兜亂呈上，色彩繽紛頗為吸引。味道方面，蝦球帶子都十分新鮮，入口爽滑彈牙，未有腥味，配合蒜香醬料十分惹味。瓜粒、三色椒新鮮爽甜，十分不錯。金湯海皇燕窩羹賣相：🐧🐧🐧🐧味道：🐧🐧🐧🐧燕窩羹色澤鮮黃亮麗，非常奪目。味道方面，燕窩羹鹹度一般，內裡餡料十分豐富，啖啖燕窩非常抵食。烤北京填鴨賣相：🐧🐧🐧🐧🐧味道：🐧🐧🐧🐧北京填鴨由職員在專用櫃檯即時切好，鴨片整齊排列好在大碟上，醬料、蔥和片皮分開另上，非常大份十分吸引。味道方面，鴨片偏肥，脂肪一大層頗為肥膩，幸好鴨肉不算少，肉質軟嫩。鴨肉片配搭濃郁和味的醬料、新鮮蔥條和濕潤軟身的片皮，非常合拍滋味。朝陽菊花魚賣相：🐧🐧🐧🐧🐧味道：🐧🐧🐧🐧🐧菊花魚炸得金黃乾身，表面淋上豔紅奪目

親友暢聚，有老有嫩，到酒家享用傳統中菜，就容易滿足各人口味。是次一行14人（大部分食量不多）聚餐，共 order 兩個6人套餐。前菜有兩款：北京醬前蹄 與 胡麻醬雞絲拉皮。豬手片脂肪偏少，蘸醬吃的話味道過咸。我認為屬普通質素，親友則大讚好食。胡麻醬雞絲拉皮亦不算突出，粉皮幸不至於太硬實，胡麻醬味道沒有過重或唔夠味。北京宮爆蝦球為今餐中我最欣賞的一味！ 蝦球彈牙、大粒、啖啖肉，兼富蝦鮮味，微微酸辣惹味！ 如果唔係食得多肉易滯加上要顧及同枱親友，分分鐘食唔停口！烤北京填鴨 與 無錫灌湯小籠包。兩項京滬美點都令人滿意：鴨肉富鴨味，小籠包內注滿香甜熱湯！姬松茸上湯時蔬：務實的一味。套餐中的蔬菜元素，食材未有煮得過火。桂花酒釀丸子：桂花酒釀味道不錯，可丸子煮得過腍，完全沒有嚼頭，令人失望。整體而言，本用餐經驗的食物屬中等至中上水平。北京樓一直是一間聲譽不錯的餐廳，如希望在較舒適環境用餐，可予以考慮。

週末晚上搵食艱難 ，只可以食六點嗰轉， 有得食都好過冇。 嚟到已經全店滿座， 受歡迎總是有原因的。 坐低點了兩個菜， 砂鍋東坡方肉 ，金華火腿黃芽白。 普通的菜式， 卻是最考廚師功夫。東坡肉選材很好， 瘦多肥少 ，炆得好林， honey最鍾意佢香甜可口 ，我就鍾意佢用酸薑絲配搭 ，減了肥膩的感覺， 多了清新可口 ，而且價錢不貴， 只是148 元。 金華火腿黃芽白， 用了最嫩的黃芽白菜心 ，金華火腿鹹香惹味 ，整個配搭完美 ，只是芡重了些 ，味道是非常好。 只叫了一碗飯， 分量稍為少， 所以又點了個高力豆沙香蕉 ，這個甜品做得出色 ，鬆軟的高力皮， 蛋香煙韌， 裏面的豆沙和香蕉 ，不太甜 ，啱曬我這個不喜太甜的人。 這個甜品的甜度， 非常有彈性 ，愛甜的人， 點多啲砂糖 ，我就完全不點砂糖 ，味道剛剛好 ，非常完美。 四百幾蚊兩個人食一餐 ，今時今日已經是常態了。

今晚，一行四人，在北京樓吃晚飯，雖然我們已預先訂了枱，準時在八時到達。到達後，看見還有人在等位，我們都等了約10分鐘才安排可以進入；看來這店的受歡迎程度頗高。點了菜後，食物先後送到：1. 京式糖醋小排骨，酸酸甜甜的，非常醒胃。2. 上海炒年糕，年糕很煙韌，口感十足，也很飽肚。3. 北京填鴨，我們只點了半隻，味道不錯， 雖不及某些烤鴨專門店好味，但已很好了，如果飽皮再多幾片就更好了。4. 胡同叉子燒餅，碎肉份量充足。5. 無錫冠湯小籠包，皮不厚不薄，肉汁美味。6. 高力豆沙，高水準，蛋包鬆軟，香蕉與豆沙餡配合又不過甜過膩，。7. 豆沙鍋餅， 香脆可口，我們吃不完，打包了幾件，水準仍可保持。有信用卡優惠折扣後，常很抵食，難怪這店那麼多人客光顧。

好耐冇去北京樓食飯 ， 今日諗住落太古城睇書跟住順便去食飯，於是就訂咗北京樓 。一坐低，侍應就畀咗 熱水同埋 一大碟小食 ，嗰碟小食就係青瓜雲耳豆腐 ， 好好味 ，好開胃，好過畀碟乾花生畀我哋。 跟住攞餐牌啦 ，原來佢啲餐牌係影得好靚，成本精美畫冊咁 ，好多好多菜式選擇， 但係就唔係每個餸都有圖畫嘅，咁就無咁方便，譬如我哋嗌碟排骨 ，排骨下面有好多小棠菜墊底，咁我嗌餸嗰陣時唔知道，又嗌咗碟香菇炒小棠菜，於是就變咗我呢一餐有好多菜食，如果個菜牌有相，我就唔會重複唉同一樣嘢。不過都好彩今日嗌啲餸好好味，呢個排骨好大碟 ，炆得好冧。 嗰碟菜就係好嫩，好少食到咁嫩嘅菜㗎，嗰碟小食雖然係小食，但係佢都幾大碟，都係28蚊啫，所以今餐就食咗好平嘅送，性價比係好高嘅。我希望下一次去，試下食第啲菜 。仲有一樣就係見到有架運輸機器，喺個走廊度行嚟行去，原來佢係負責將啲煮好嘅餸從廚房運出嚟， 咁樣就減低咗人手又衛生 ，我覺得呢個係一個都幾好嘅方法。

平常很少去北京樓吃飯突然很想吃北京填鴨🦆 所以就walk in了結論是食物都很普通 沒有特別之處片皮鴨跟其它中式酒樓賣的質素差不多一份拔絲蘋果 （$72）只有6小顆🤔重點是賣相也很普啊 🥲本來還以為北京樓的水準會比較穩定

友人係太古坊返工, LUNCH HOUR 12:00, 我可以早少少去攞位, 就去北京樓試下午市行政套餐. 雖然朝早10點幾先BOOK位, 都安排到四人位俾我地兩個人, 真係抵讚, 啱哂我地OL 傾計.  套餐有前菜, 有羹, 有小菜, 有糖水, 味道唔錯, 份量剛剛好, 唔會浪費. 上菜好快, 除左糖水要催, 因為接近1:00 , 已經差不多座無虛席. 埋單加茶芥加一, 兩人唔使$400, 仲可以YUU儲分. 

家人生日飯，諗住搵間穩陣餐廳就包無失拖，點知都係一個“伏”字。去到，見到用HSBC credit card 有優惠4人餐$988咁抵當然一試。點完餐等食，見到好多枱都叫嗰個套餐就覺得可能“大事不妙”。果然，上菜“立立亂”，第一度竟然係上熱葷，然後先至上冷盤，又立時上埋個素翅，於是成枱都係餸。咁咪食食食食快D囉。但跟住就無餸上啦，枱枱等緊侍應“片”片皮鴨(見張枱放咗起碼六、七隻鴨等片皮)，咁咪等下囉，但見其他幾枱遲過自己坐低叫餐都食緊鴨喎，但叫極無人埋，終於叫咗個待應姐姐問，佢好粗魯咁話“咪講咗要等十幾廿分鐘囉” (吓，無人話過我知喎，我都等咗唔止十幾廿分鐘啦)。又等，上個小籠包，但個侍應姐姐又唔俾醋同薑絲，咁點食小籠包呀？！當時氣上心頭，行去揾到個部長先有人跟進隻片皮鴨同埋俾醋同薑絲，但個時個小籠包已經攤凍哂。然後，片皮鴨終於到啦，片得唔錯，但隻鴨畧為乾，水準一般。往後D菜就係一log 咁係厨房出，然後等D侍應“隨機派發”，當然早點餐唔等於早D上菜俾你。總括，是次用餐經驗非常一般，應該無下次。

支持本地農作物全新🌿「尋鮮、吃鮮」🐠系列#美心中菜 嚴選本地農場與漁場時令、新鮮食材🥦搭配大廚的心思與極致手藝，我當然要試試啦！鐘意食辣嘅我 見到二人套餐🍴呢個菜單就俾佢吸引咗！🍆{涼拌本地茄子}」 色香味俱佳 少少辣好開胃🥣{玉帶雞茸本地蕃薯苗羹} 清淡蕃薯苗好鮮甜 帶子爽口 🐟{剁椒楊氏烏頭} 選用本地烏頭好鮮美 香濃鮮辣🐔{翡翠蟲草花嘉美雞} 嘉美雞雞味十足 好滑溜 🐷{鹹魚本地家豬釀地道涼瓜} 媽咪最愛 苦瓜鹹魚本地豬配合恰到好處2人套餐仲分量好足啊！食到飽飽！！ #尋鮮吃鮮 #香港農業 #本地烏頭 #支持農業 #低碳飲食 #本地直送 #時令食材

預訂外賣自取，6月18日同爸爸慶祝父親節。經網上/電話提早一日落單，接線姐姐話6月18日及19日都冇外賣自取85折。幸好通過Openrice預早安排，仍有自取85折優惠。食物質素唔錯，感覺食物分量，比堂食的少。外賣包裝唔係好穩陣，蓋都蓋唔實，醬料流到周圍都係。

平時黎北京樓都係食片皮鴨多，但因為黎lunch飲茶，所以只係叫點心同麵啦。佢呢度有兩款點心拼盤，我覺得2個都唔錯，一個蒸一個炸，叫哂咩都有啲啱啱好！蒸既有菠菜餃，燒賣，粉果，蝦餃；炸既就得3款，分別係cha燒酥，蘿蔔絲酥同春卷。我最鐘意食佢個菠菜餃，燒賣同春卷佢個炸甜心拼盤有少少high tea feel之後再叫炸銀絲卷(依㗎都少地方有得叫），同埋六必居炸醬麵（呢個就差過以前啦，有啲hea).4個人食夠哂。

星期日晚訂左枱去食都算多人 好彩有預早打電話訂位好耐冇食北京填鴨見到有個二人餐價錢唔貴一於試下可惜講真份量同質素係有少少失望可能係因為套餐關係將貨就價每樣都麻麻地 —口水雞—口水汁係幾惹味但雞嘅部位骨多過肉—燕窩羹—有食到燕窩不過不失—翠玉瓜炒蝦球帶子—海鮮都算彈牙爽口但蝦球帶子只有四粒每人各一款 份量有啲少—茶樹菇豆苗—正正常常但菜嘅份量都係比較少—北京填鴨（半隻）—配菜有青瓜、京蔥、海鮮醬包皮唔夠熱所以有啲硬鴨嘅份量都算啱啱好可以過足片皮鴨口癮—酒釀小丸子—第一次食呢款甜品冇得比較但覺得算係成餐最回味嘅一樣菜式小丸子夠煙靭糖水都算好食唔係得死甜總結：加埋茶介加一人均消費約$250如果純粹想過吓口癮都可以一試但如果想講求食物質素就可以唔使試

疫情放寬食市人數後，便相约友人共聚；一嘗酒楼美食滋味！母親節前兩日，仍可留枱吃晚餐，不過時只限1800 至 1930.其實已慣了90分鐘晚宴！今晚因有YUU 7 折四人套餐，上菜快，因多枱都是此餐。最給引是北京填鴨一隻，又可取回鴨壳，真是回味到返屋企！先上醉雞及海蜇-味道超正；,小籠包-皮薄咸靚，多汁；最邪惡的咸蛋蝦仁-D 蝦仁又厚又爽；仿翅； 蒸小魚方；豆苗！甜品是酒釀丸子！四人套餐極之美味，可惜每人得小份量。伙記忙得不亦樂乎；連收錢都變得公式化！

今次五人年初一嚟到太古北京樓食飯，點咗個五人餐。 前菜分別有醬燻蹄，雞絲粉皮，小籠包 。 主菜有宮保蝦球， 雞絲素翅， 茶樹菇蒸魚方， 同埋重頭戲片皮鴨。 甜品係桂花酒釀丸子。 年初一上菜速度好慢⋯⋯基本上食完一道菜 要等5至10分鐘先至有另一道菜食。 一開始仲漏左我地既單服務員個服務態度都好一般。 不過食物質素確實唔錯。 當中不得不提嘅就係宮保蝦球，茶樹菇蒸魚方同埋片皮鴨。 宮保蝦球甜甜酸酸，帶微辣蝦球有層炸醬包裹住 ，應該用咗鹹蛋黃， 食落味道好有層次感 。 茶樹菇蒸魚方好特別，一開始讓人以為係豆腐，不過入口發現係緊實既魚肉。好快比我地食曬😂相都冇影。茶樹菇配肉碎嘅味道非常好食😋又唔會蓋過魚塊嘅味道。 片皮鴨肥肉略嫌多咗啲， 但係整體皮脆肉嫩 ， 配埋青瓜醬汁， 用餅皮包埋一齊一口吞落去， 好正好滿足 。埋單一千三百蚊， 值得一試。

多年前食過北京樓，好高質素。好久無食，現在再食感覺比以前差咗，可能係自己嘴刁咗。全隻烤北京填鴨水準下降了，仍然美味唔差，只是沒有之前驚為天人的感覺。四人係食唔晒嘅，因為都幾油膩，食三、四片都要停。甜豆炒蝦球，蝦球好大隻，好爽口。糖醋黃魚係我好鍾意的一道菜，煎炸過的黃魚，配上酸酸甜甜的糖醋汁，好下飯。蟹粉小籠包，我無試到，因為比兩個女食晒，小籠包爆汁，兩個女都話好食。其他餸菜普普通通，雖然水準稍為下降了，但仍不失為京菜的一個好選擇。現時仍經常有一些信用卡優惠， 十分抵食。