影片
以上资料只供参考，请与餐厅确认详情
京葱羊肉饺 (5只) $29是晚谂住唔食咁heavy 就拣左间饺子专门店试下饺子选择有好多 分煎饺定水饺 个人喜羊肉 本来谂住叫返煎 店员话厨房忙紧建议我地叫水饺 唯有转軚对呢份饺子我都叫做ok既 咬落似食紧葱爆羊肉 几入味 唔钟意羊骚既都无有怕 反正我只系食到葱爆而无点骚 饺子皮唔会好似小笼包皮咁薄 呢份既皮都过关 望落去啲馅既色都透埋出黎 间接睇得出叫足馅虽然话水饺 其实就几干身无乜汁 唔知系咪葱爆口味先系咁 另一样就系温度唔够 我相信如果叫煎饺系即叫即煎实够热 如果唔急大家叫煎饺可能高质啲酸辣汤面 $39鸡丝粉皮 $41饺子店贵极有限 落单无咩望价 碟鸡丝粉皮一上枱 见到份量咁多我就望返单 果然同碗面差唔多价除左鸡丝粉皮同青瓜既份量都比较多之外 有啲位同市面食开既略有不同 譬如鸡丝几粗大下 我就钟意切幼身啲既 花生酱偏流质 近乎汤汁状 唔似见开果啲"结结"地咁 另外有好少辣既元素加左口味上要注意一点 成份粉皮食落系酸酸地 我觉得可能同青瓜落得多有关系 花生酱又似汤咁 令青瓜味酸融入粉皮当中 咁好多人食鸡丝粉皮都系连青瓜食既 但系唔钟意酸味既朋友建议唔好叫综合价钱同口味 我觉得叫份煎饺再叫份水饺好似抵玩啲 反正饺子有得拣五只十只甚至一打 弹性好多四川担担面 $44饺子店都唔系净系卖饺子既 都有唔少款水饺面 我就叫返平日食京川沪菜必叫既担担面碗担担面好好食! 碗面既汤底整得唔错 花生味相当出 望落去已经觉花生肉酱都够足料 面质就正路 反正我系完全俾浓厚既汤底吸引左注意 啜面果阵有几分齿颊留香既感觉仲有一点 餐牌画左两只辣椒 实情应该可以自选辣度 因为落单有问我系咪正常辣 呢份辣辣地配落担担面岩岩好 始终浓汤可能有人会觉得腻 加啲辣系会开胃啲 而且都唔使担心太辣 汤既主调都系花生味除左质素抵赞 价钱都唔贵 性价比一流 如果唔系黎一味食饺 都可以作为选择之一
继续阅读
呢间饺子真系几好食啊，叫左个白菜猪肉饺，炸猪扒面，豆沙饼，开头看餐牌觉得有点贵，但黎到食又超好味，好多肉，大大旧，都几正，个皮都煎到超脆，岩晒我钟意食炸野！另外，豆沙短都好好味，廿零蚊又几抵食。炸猪扒面唔记得影相，面身唔林，岩晒我食。同埋果日超忙，老板娘一路收order一路系一边包饺子，真系非常之新鲜啊！店面大致上都多座位，但去到临收工都可以坐满晒人，你就知佢唔简单眼见距离收工时间仲有15分钟佢都继续接单，好野
继续阅读
等妈咪收工后，走咗落街揾野食，一家人食咩好。近近地食附近啦，佢哋话食饺子，因为妈咪话想食呙🤪。4个人食左6样野 share ，2个前菜，1个酸辣汤，1个素鹅，1个手丝鸡饭，1个担担面。个手丝鸡饭个汁好正好食，下次屋企人唔煮饭又可以落街食喇😝，不过就收得比较早，收9点。
继续阅读
放假日（星期日），揸车到北角，很多地方都泊满车，见到呢间门口有位，就拣左呢间试下食，食物质素、味道都唔错呙，而且每样都热辣辣的，最岩冻嘅天气食。佢哋个香煎素鹅真系好味👍🏿👍🏿。
继续阅读
We had a few different dumplings. Husband is allergic and they made sure he did not eat the wrong foods, I am vegetarian and had food that suited me, too. Red bean pancakes were super yummy. Very helpful staff given our lack of Cantonese and picky eating issues! Thanks 😊
继续阅读